Gianna Lassiter, Blue Cross thiab Blue Shield ntawm Minnesota tus kws qhia kev noj qab haus huv, faib qee cov lus qhia kom ua rau lub cev nquag plias, txawm tias koj muaj txoj hauj lwm zaum ntawm rooj xwb.
Lus Nug: Vim li cas kev txav mus los ib puag ncig ho zoo rau koj?
Lus Teb: Thaum peb txav mus los ib ncig, peb lub hlwb tso tawm cov tshuaj khes mis txhawb rau kev xav. Nws pab tshem tawm qhov "paj hlwb plooj" uas peb tuaj yeem hnov txog los ntawm kev zaum sij hawm ntev. Kev txav mus los ib ncig kuj yog qhov zoo rau peb txoj kev noj qab haus huv rau lub cev thiab. Ua kom nquag plias pab ua rau kev txav mus los nce siab thiab ua kom cov pob txha thiab cov leeg nqaij muaj zog tuaj.
Lus Nug: Dab tsi yog cov kev pheej hmoo txog kev noj qab haus huv uas cuam tshuam nrog txoj hauj lwm zaum saum lub rooj?
Lus Teb: Thaum koj zaum rau ntau teev hauv ib hnub, koj lub cev nruab nrab yuav tsis ua hauj lwm zoo, koj lub caj dab yuav nruj thiab koj cov leeg nqaij yuav xoob. Muaj ntau yam mob hnyav uas cuam tshuam nrog kev zaum ntev dhau. Qee cov no muaj xws li:
Lus Nug: Kuv yuav tsum txav mus los heev npaum li cas hauv ib hnub?
Lus Teb: Nws yeej yog qhov zoo dua kom sawv ntsug ntau dua zaum, tab sis qhov tseem ntsiab yog ua kom koj lub cev txav mus los hauv ib hnub. Txhua teev koj yuav tsum zaum, sawv thiab mus kev kom muaj kev txav mus los xwm yeem. Ua kom nco tau yooj yim los ntawm kev muab nws sib koom mus rau koj txoj hauj lwm hauv niaj hnub.
Piv txwv li, yog tias koj xav tau dej, siv chav dej thiab mus rau lub tshuab luam ntawv, koj yuav tsum mus ib qho zuj zus hloov qhov uas mus txhua qhov ib zaug. Taug kev mus rau chav dej ces tom qab ntawd mus rau koj lub rooj thiab sawv li ob peb feeb. Ces, taug kev nqa ib khob dej haus thiab rov qab mus rau koj lub rooj mus zaum li ob peb feeb, thiab ua li ntawd mus tas li. Muab cov hauj lwm no sib cais thoob plaws ib hnub yuav pab koj nyob kom nquag plias yam tsis muaj kev cuam tshuam nrog los sis txhawb koj los ntawm koj txoj hauj lwm.
Lus Nug: Qee cov kev tawm dag zog hauv lub rooj hhauj lwm muaj dab tsi uas kuv tuaj yeem ua tau?
Lus Teb: Ntawm no yog ob peb cov hauj lwm niaj hnub uas ua tau yooj yim ntawm koj lub rooj thiab pab ua kom koj txav tau mus los thoob plaws koj hnub ua hauj lwm:
- Txhob tuav dab tsi - Thaum sawv ntawm lub tog zaum, txhob siv tus tes tuav ntawm lub tog thawb yus kom sawv. Hloov rau, maj mam sawv los ntawm kev tso cev rau koj ob lub pob taws. Rov ua li ntawd hauv txhua 10 feeb thoob plaws ib hnub.
- Hot seat - Sawv ntsug, tab sis thaum koj rov zaum, txhob zaum kiag mus rau ntawm lub tog. Mus kom ze li ze tau, ces sawv ntxiv dua ib zaug. Rov ua dua rau zaus toj ib teev thoob plaws ib hnub.
- Sawv ntseg 8-feeb - Cia koj cov ntshav ntws thiab sawv nyob rau ntawm koj lub rooj li ntawm yim feeb. Sawv nrog koj ob txhais taw nrhab ob sab ceg tawm, cia koj lub puab tsaig tiaj, ncab caj dab kom ntev, xub pwg sib txig, ob lub ntsag tig mus tom ntej me ntsis thiab nyom koj ob lub hauv caug me ntsis lawv thiaj li tsis daig.
- Qhov 20-8-2 cai - Zaum kom tsis txhob ntev dua 20 feeb hauv ib zaug, sawv rau ib seem kom tsis txhob ntev dua 8 feeb thiab siv lub sij hawm so 2-feeb yam tsawg kawg ob zaug hauv ib teev los mus ncab los sis taug kev mus ib puag ncig.
Lus Nug: Blue Cross puas muaj cov txheej txheem pab cuam twg los pab kuv kom nyob nquag plias?
A: Blue Cross cov tswv cuab muaj ntau cov kev pab cuam kev noj qab haus huv los pab koj kom noj qab nyob zoo, suav nrog kev txo nqi qoj ib ce* thiab kev lag luam txo nqi kom noj qab nyob zoo*.
Blue Cross kuj muaj qhov txheej txheem pab cuam cob qhia kev noj qab haus huv thiab*. Tus kws qhia kev noj qab haus huv tuaj yeem muab cov lus qhia rau koj, pab koj teeb cov hom phiaj, thiab muab cov ntaub ntawv kev kawm txog qhov tseem ceeb txog tej hauj lwm rau lub cev.
Muaj ntau cov lus qhia txog kev noj qab haus huv thiab kev noj qab nyob zoo thiab cov kev pab cuam
Cov tsos mob ntawm kev nyuaj siab, kev kho mob thiab cov txiaj ntsig phiaj xwm kho mob
Cov kev pab cuam noj qab haus huv thiab cov kev txo nqi
5 cov lus qhia kom lub cev tsis txhob qhuav dej
Tej yam yooj yim los daws kev ntxhov siab
Yuav tsum muaj cov lus qhia rau kev noj khom muaj txiaj ntsig zoo
Los paub txog tus kws qhia kev noj qab haus huv ntawm Blue Cross