Koj yuav pib li cas nrog Blue Care Advisor?

Yog tias koj tseem tsis tau muaj ib tus as khauj tswv cuab hauv online, sau npe nkag kom tau ib tus. Thaum muaj kev tshwm sim, ntaus koj cov ntaub ntawv kom ua tiav qhov txheej txheem tsim npe nkag.

Tej zaum koj kuj yuav nkag mus saib tau Blue Care Advisor ncaj qha hauv koj lub xov tooj iPone los sis Android los ntawm kev rub tawm Blue Care Advisor lub app xov tooj los ntawm app store.

Kuv tus txij nkawm thiab/los sis cov neeg nyob nrog yuav sau npe nkag rau Blue Care Advisor li cas?

Thaum koj sau npe nkag, koj tuaj yeem muab ib qho chaw nyob email rau koj tus txij nkawm thiab/los sis ib tus neeg loj nyob nrog. Yog tias lawv tsim nyog rau; lawv yuav tau txais ib tsab email cov lus qhia sau npe nkag. Txoj kev xaiv, lawv tuaj yeem sau npe nkag saumonline.

Puas yog kuv yuav tsum nyias sau nyias ib tsab email rau kuv tus txij nkawm?

Yog, txhua tus as khauj Blue Care Advisor yuav tsum muaj qhov chaw nyob email sib txawv kom ntseeg tias koj tau txais tus kheej cov ntaub ntawv. 

Vim li cas kuv cov ntaub ntawv thiaj li tsis haum nrog koj cov ntaub ntawv sau tseg?

Qhov no tuaj yeem tshwm sim rau cov neeg uas tau txais lawv cov kev duav roos los ntawm lawv tus tswv hauj lwm. Feem ntau qhov no txhais tau tias koj cov ntaub ntawv tsis muaj kev hloov tshiab hauv koj qhov kab ke lub chaw saib xyuas neeg ua hauj lwm (HR). Tiv tauj koj lub chaw hauj lwm Saib Xyuas Neeg Ua Hauj Lwm (HR) kom hloov tshiab koj cov ntaub ntawv hauv koj txoj phiaj xwm kho mob thiab cov txiaj ntsig. Yog tias koj tsis muaj kev duav roos los ntawm tus tswv hauj lwm, ces thov tiv tauj rau Blue Cross ncaj qha txhawm rau hloov tshiab koj cov ntaub ntawv.

Vim li cas kuv thiaj tsis tuaj yeem tsim kuv tus as khauj, txawm tias kuv twb tau sau npe nkag hauv kuv cov txiaj ntsig lawm?

Ua ntej tshaj, tshuaj xyuas nrog koj lub Chaw Hauj Lwm Saib Xyuas Neeg Ua Hauj Lwm los sis Blue Cross kom paub tseeb tias koj muaj ib txoj phiaj xwm uas tsim nyog rau. Yog tias koj txoj phiaj xwm tsim nyog, koj txoj phiaj xwm thiab cov txiaj ntsig tej zaum tseem tsis tau siv hauj lwm. Thaum koj txoj phiaj xwm thiab cov txiaj ntsig qhib siv, koj yuav muaj peev xwm tsim tau ib tus as khauj. Nco ntsoov tias Blue Care Advisor tsis muaj rau cov neeg nyob nrog hnub nyoog qis dua 18.

Vim li cas nws hais tias kuv tus as khauj tsis tau npaj yog tias koj xa kuv cov ntaub ntawv hais tias kuv yuav tsum pib tau?

Peb txhawb kom koj tsim koj tus as khauj sai li sai tau thaum koj tsim nyog. Tej zaum nws yuav siv li ob lub lim tiam tom qab koj cov txiaj ntsig pib rau koj tus as khauj Blue Care Advisor kom qhib siv. Koj yuav tau txais ib tsab email tuaj ntawm peb thaum koj tus as khauj npaj siv tau.

Kuv yuav nquag hnov los ntawm Blue Cross npaum cas?

Nyob ntawm cov ntsiab lus koj nkag mus saib tau, peb yuav ceeb toom koj ntawm email thaum twg peb hloov kho koj cov ntaub ntawv keeb kwm, thiab qee zaus peb yuav xa cov lus qhia txog kev noj qab haus huv rau koj thiab qhov khoom hloov tshiab. Peb kuj siv email los sib txuas lus nrog koj thaum koj hloov koj tus as khauj (kom paub meej tias hloov pauv chaw nyob email, piv txwv li). Yog koj pom tias koj tseem hnov los ntawm peb ntau dhau, koj tuaj yeem hloov yooj yim hauv koj qhov xav tau hauv email ntawm koj nplooj ntawv as khauj.

Kuv twb xa email tau rau Blue Cross. Kuv tuaj yeem tiv tauj hauv online nrog Blue Cross li cas?

Hauv 2024, peb cov tswv cuab yuav muaj peev xwm sib tham hauv oos lais nrog peb.

Kuv yuav hloov kuv tus password li cas?

Sau npe nkag thiab/los sis ntaus npe nkag rau koj tus as khauj thiab nrhiav qhov cov qhov chaw teeb rau tus neeg siv. 
 

Thaum twg kuv yuav tsum siv Blue Care Advisor?

Yam nquag siv ntawm Blue Care Advisor muaj xws li:

• Sib piv cov kws kho mob nyob ze, cov chaw kho mob thiab cov kev kho mob raws li tus nqi koj yuav them thiab kev saib xyuas muaj txiaj ntsig zoo
• Pom tus kheej tus nqi kwv yees raws li koj qhov chaw nyob, koj txoj phiaj xwm thiab seb koj puas tau txog koj qhov kev txiav tawm los sis tsis tau
• Kev tshuaj xyuas cov lus piav qhia ib kauj ruam zuj zus ntawm kev siv nyiaj kho mob yav dhau los kom koj paub tias koj tau them ntau npaum cas thiab vim li cas
• Tau txais cov lus pom zoo txog cov hauv kev txuag nyiaj thiab nrhiav kev saib xyuas muaj txiaj ntsig zoo

Yog tias Kuv twb muaj ib tus kws kho mob lawm, kuv yuav siv Blue Care Advisor li cas?

Siv Blue Care Advisor thaum koj tus kws kho mob pom zoo kom mus kuaj mob, ntsib kws tshaj lij, thiab lwm cov chaw ua kev pab cuam kho mob. Koj yuav tuaj yeem kawm paub txog koj cov kev xaiv thiab cov nqi thiab qhov kho mob tau zoo uas yam muaj feem cuam tshuam nrog. Ntau tus kws kho mob qhia kom mus ntsib cov kws kho mob tshwj xeeb, chaw kuaj mob, thiab lwm qhov chaw kho mob yam tsis paub txog tias lawv yuav sau nqi koj ntau npaum cas. Cov kws kho mob feem ntau yuav txaus siab muab kev pab rau koj nrog ntau cov kev xaiv los tshawb nrhiav ntawm Blue Care Advisor. Koj kuj tseem tuaj yeem siv Blue Care Advisor los tshawb nrhiav qhov kev pab rau lwm cov tswv cuab ntawm koj tsev neeg. Tsis tas li ntawv xwb, Blue Care Advisor kuj tseem muab ib txoj hauv kev yooj yim thiab muaj txiaj ntsig zoo los nkag siab txog koj txoj phiaj xwm kho mob thiab kev saib xyuas dhau los.

Blue Care Advisor cov ntaub ntawv muaj txiaj ntsig zoo los qhov chaw twg los?

Cov ntaub ntawv muaj txiaj ntsig zoo los ntawm ntau qhov chaw zej tsoom thiab ntiag tug suav nrog Pab Pawg Leapfrog rau Tus Neeg Mob Kev Nyab Xeeb, Teb Chaws Meskas Lub Chaw Hauj Lwm Saib Xyuas Kev Noj Qab Haus Huv thiab Pab Cuam Tib Neeg, tsoom fwv lwm lub chaw nthuav qhia thiab cov khoom siv ntsuas cov neeg siv khoom.

Cov ntaub ntawv twg uas tuaj yeem/tau muab qhia tawm txog cov neeg hauv kuv tsev neeg?

Blue Care Advisor ua raws li tag nrho tsoom fwv thiab lub xeev cov kev cai lij choj saib xyuas kev noj qab haus huv thiab cov cai suav nrog HIPAA. Los ntawm kev ua raws ntawd koj yuav pom cov ntaub ntawv kho mob yav dhau los rau koj tus kheej thiab koj cov me nyuam yaus. Koj tsuas yog yuav pom cov ntaub ntawv them nqi tsawg (raws li txoj cai lij choj) rau koj tus txij nkawm/tus khub nyob nrog thiab cov neeg laus nyob nrog. Txawm li cas los xij, koj tus txij nkawm/tus khub nyob nrog thiab cov neeg laus nyob nrog tuaj yeem xaiv hloov lawv cov kev teeb tej ntaub ntawv sau txog tus kheej kom pom tag nrho cov ntaub ntawv kho mob yav dhau los.

Koj tus txij nkawm/tus khub nyob nrog tsuas yog yuav pom lawv cov ntaub ntawv thiab cov ntaub ntawv ntawm cov me nyuam yaus xwb. Koj tuaj yeem tso rau koj tus txij nkawm/tus khub nyob nrog nkag mus saib tau koj cov ntaub ntawv kho mob yav dhau los uas yog mus hloov ntawm koj cov kev teeb ntaub ntawv. Cov neeg loj nyob nrog tsuas yog tuaj yeem pom lawv tus kheej cov ntaub ntawv sau tseg kev kho mob.

Kuv lub chaw kho mob nyob hauv pab pawg sib koom tes nrog. Vim li cas kuv thiaj tsis muaj nws nyob hauv koj lub lab npauv?

Koj tus kws kho mob tsis pom nyob rau hauv "cov koom tes nrog" vim tias nws muaj feem rau tus kws kho mob nkag los thiab tawm mus ntawm cov koom tes nrog raws li cov ntawv cog lus nrog cov phiaj xwm kho mob uas rov ua dua tshiab/thim tawm/kev sib kom nqi/thiab lwm yam/ Yog tias nws yog li ntawd, qhov uas koj tus kws kho mob hloov lub chaw koom nrog tsis tau muab hloov tshiab tam sim ntawd hauv Blue Care Advisor, yog li peb yuav tsum tau tos me ntsis rau txoj phiaj xwm kho mob kom xa tus kws kho mob qhov kev hloov tshiab lub chaw koom tes nrog rau peb. Ib feem ntawm cov txheej txheem no yog qhov muaj peev xwm rau qee yam nyob nruab nrab ntawm tus kws kho mob cov xwm txheej tshiab tshaj plaws hauv lub chaw koom tes nrog piv rau cov xwm txheej hauv lub koom tes nrog tau tshwm sim nyob rau ntawm txoj phiaj xwm kho mob lub vev xaib piv rau cov xwm txheej lub chaw koom tes nrog uas tshwm hauv peb daim ntawv thov.
 

Tus kheej cov ntaub ntawv kho mob yog dab tsi?   

Tus kheej cov ntaub ntawv kho mob (PHI) yog ib qho ntaub ntawv uas cuam tshuam txog qhov xwm txheej kev noj qab haus huv, kev muab kev saib xyuas kho mob, los sis cov kev them nyiaj rau kev saib xyuas kho mob uas tuaj yeem txuas mus rau qhov kev xaiv (tshwj xeeb) ntawm tus kheej thiab tau suav sau los ntawm ib lub chaw duav roos nqi kho mob los sis lub chaw lag luam cuam tshuam. PHI tej zaum kuj suav nrog cov ntaub ntawv uas poob rau hauv feem ntawm tus kheej cov ntaub ntawv uas tsis xav qhia rau lwm tus (SPI).  yog cov ntaub ntawv los sis lub chaw ntim ntaub ntawv los ntawm tus kheej cov ntaub ntawv uas ib txwm tsis pub qhia rau lwm tus paub kiag li thiab yog tias cov ntaub ntawv no tau ploj los sis raug nthuav tawm, tuaj yeem ua rau muaj kev phom sij los sis muaj kev txaj muag rau tus neeg. Cov kev piv txwv ntawm SPI muaj qhov sib txawv raws li lub koom haum tab sis tej zaum yuav suav nrog cov txuas ntxiv no:

• Tus npawb xaus saus
• Hnub yug
• Cov ntawv sau tseg txog caj ceg los sis kev tsim noob neej 
• Kev pom zoo nrog tog nom tswv los sis kev ntseeg   
• Haiv neeg los sis haiv neeg tsawg
• Kev nyiam deev poj niam txiv neej
• Cov npawb ntawm tus as khauj hauv txhab ceev nyiaj  

Puas yog cov neeg muaj cai rub tawm lawv tus kheej cov ntaub ntawv kev kho mob yam tsis muaj daim ntawv thov daim foos kev ruaj ntseg?

Yog. Raws li HIPAA, lub chaw duav roos nqi kho mob los sis lub chaw lag luam cuam tshuam uas tswj cov ntaub ntawv sau tseg kev kho mob (cov ntawv sau tseg txog kev xaiv lub chaw kho mob) cuam tshuam txog tus neeg, tus neeg muaj cai mus saib tau thiab xa lawv cov ntaub ntawv ntiag tug (suav nrog PHI). Txawm hais tias peb tsis tuav cov ntaub ntawv sau tseg raws li tau teev tseg los ntawm HIPAA, peb ua raws li cov lus qhia hauv HIPAA feem ntau thiab yog li tso cai rau cov neeg siv ntawm peb daim ntawv thov nkag mus thiab rub tawm mus rau tus kheej cov ntaub ntawv suav nrog PHI.   

Qhov chaw ntaub ntawv: Lub Chaw Hauj Lwm Saib Xyuas Kev Noj Qab Haus Huv thiab Pab Cuam Tib Neeg: Tus Kheej Cov Cai raws li HIPAA kom Mus Saib Tau lawv Cov Ntaub Ntawv Kho Mob 45 CFR § 164.524. 

Qee yam kev pheej hmoo cuam tshuam nrog kev tsis ruaj ntseg rub tawm cov PHI yog dab tsi?   

Qee cov kevv pheej hmoo cuam tshuam txog kev tsis ruaj ntseg rub tawm suav nrog tab sis tsis tas rau cov txuas ntxiv no:  

• Kev nyiag nkag kev siv yam tsis tau tso cai los sis kev cuam tshuam los ntawm tus neeg thib peb (qhov no yuav suav nrog qhov kev ua phem los sis lub chaw kho mob uas yog tus neeg thib peb) 
• Tub sab nyiag lub cuab yeej nrog rau rub tawm cov ntaub ntawv  
• Kev pheej hmoo ntawm kev muab pov tseg yuam kev los sis cov ntaub ntawv khaws cia ntawm lub cuab yeej siv rau kev rub tawm  
• Tsis tau rau lab hav cov ntaub ntawv (suav nrog kev tsis rau lab hav rau cov ntaub ntawv xa mus rau tus neeg thib peb)  

Dab tsi yog qee yam kev ruaj ntseg yuav tau xav txog thiab tau qhia kom muaj kev nyab xeeb ua ntej rub tawm thiab xa cov ntaub ntawv mus rau sab nraud ntawm daim ntawv thov daim foos kev ruaj ntseg?   

Peb muaj lus qhia tab sis tsis tas yuav tsum ua raws li cov kev nyab xeeb raug tso rau qhov chaw ntawm koj lub cuab yeej tau tsim ua ntej rub tawm thiab/ los sis kev xa mus   

•  Kom ntseeg tias koj lub xov tooj los sis lub desktop muaj tus lab hav nkag  
• Tus passsword pov thaiv rau lub xov tooj thiab lub cuab yeej nkag mus  
•  Kev xa ib qho ntaub ntawv rub tawm ncaj qha rau lub chaw uas muaj kev ruaj ntseg  

 Kuv tuaj yeem mus saib cov ntaub ntawv ntau ntxiv txog kev tsis qhia lwm tus thiab kev ruaj ntseg nyob qhov twg? 

Rau cov lus nug ntau yam txog peb cov kev coj ua tsis pub lwm tus paub, ntsig txog peb Kev ceeb toom tsis pub qhia lwm tus.   

Kom paub cov ntaub ntawv ntau ntxiv thiab cov chaw pab ntaub ntawv ntawm lub ncauj lus no thov mus saib hauv Lub Chaw Hauj Lwm Saib Xyuas Kev Noj Qab Haus Huv thiab Pab Cuam Tib Neeg Cov Chaw Ntaub Ntawv Lub Xev Xaib ntsig txog HIPAA Tsab Cai Ntiag Tug thiab Tsab Cai Kev Ruaj Ntseg.

Hom xov tooj dab tsi uas Blue Care Advisor yuav siv hauj lwm tau?

Blue Care Advisor lub app xov tooj siv hauj lwm tau rau txhua hom xov tooj thiab muaj rau iOS thiab Android. Rub tawm lub app dawb los ntawm Apple App Store los sis Google Play. Koj tuaj yeem nkag mus rau Blue Care Advisor los ntawm koj lub xov tooj tus vev xaij qhov browser uas yog ntaus npe nkag rau hauv koj tus as khauj. 

Lub desktop browsers twg siv hauj lwm tau rau Blue Care Advisor?

Peb tau swm nrog txhua qhov browser nyiam siv, suav nrog Chrome, Firefox, Safari, Internet Explorer 11, thiab Microsoft Edge, thiab pom zoo kom ib txwm siv hloov tshiab tshaj ntawm koj lub browser.

Thov nco ntsoov tias Internet Explorer hloov tshiab 10 los yog ua ntej yuav muaj teeb meem rub tawm lub app. Tsis tas li ntawd, siv lub qhov rais ntiag tug los sis tsis qhia npe hauv koj tus browser tsis pom zoo thiab yuav ua rau muaj kev ua yuam kev thaum qhib los sis kos npe rau hauv koj tus as khauj.

Kuv yuav tshawb nrhiav qhov kev saib xyuas li cas?

Yog tias koj tus tswv hauj lwm tau suav nrog kev tshawb nrhiav hauv koj cov txiaj ntsig Blue Care Advisor, koj tuaj yeem tshawb nrhiav kev saib xyuas hauv mobile app thiab daim ntawv thov desktop.

Ntawm Blue Care Advisor lub xov tooj

Xaiv Nrhiav Kev Saib Xyuas los ntawm lub pob navigation menu. Koj tuaj yeem tshawb nrhiav cov kws kho mob, tsev kho mob, chaw kho mob, cov xwm txheej, los sis cov txheej txheem phais mob hauv qhov chaw tshawb nrhiav saum toj kawg, los sis koj tuaj yeem rub nqes mus rau qhov chaw tshawb nrhiav nyiam siv.

Ntawm Blue Care Advisor lub desktop

Siv cov ntawv tshawb nrhiav nyob rau sab saum toj ntawm koj lub home screen los ntaus hauv koj qhov kev tshawb nrhiav los sis xaiv Nrhiav Kev Kho Mob los ntawm qhov menu nyob saum toj kawg nkaus los tshawb nrhiav kev saib xyuas uas tej pawg.

Puav leej ob qho txheej txheem yuav pom kab npe cov chaw kho mob koom tes nrog nyob ze koj tus zip code. Yog tias koj xav tshawb nrhiav hauv lwm qhov chaw, xaiv qhov chaw nyob thiab ntaus nkag mus rau lub nroog uas nyiam los sis tus zip code.

Kuv txoj phiaj xwm tuav pov hwm cov ntaub ntawv tau nquag hloov pauv npaum cas?

Nyob ntawm cov yam ntxwv uas koj tau nkag mus, peb tuaj yeem tso tawm cov ntaub ntawv hais txog koj qhov kev pab them nqi kho mob xws li ntau npaum li cas koj tau them nyiaj ntaum tus kheej lub hnab nyiaj rau koj cov nyiaj txiav tawm. Feem ntau, peb hloov tshiab koj cov nyiaj txiav tawm thiab cov kev them nyiaj ntawm tus kheej lub hnab nyiaj txhua zaus uas koj ntaug npe nkag.

Cov ntaub ntawv txog cov kev thov, tus kws kho mob thiab cov ntaub ntawv nqi kho mob tau raug muab hloov pauv zoo li cas?

Nws nce raws qhov xwm txheej uas koj tus tswv hauj lwm tau muab rau koj mus saib tau, koj tuaj yeem saib tau cov ntaub ntawv txog koj cov ntawv thov, cov npe kws kho mob thiab cov nqi kho mob. Qhov nquag hloov tshiab sib txawv raws li hom ntaub ntawv thiab qhov chaw ntaub ntawv. Cov ntaub ntawv kev thov, npe kws kho mob thiab cov nqi kho mob tau muab rub nkag hauv txhua hnub mus rau txhua lub hli. Thov nco ntsoov tias koj qhov nyiaj txiav tawm feem ntau yog nquag hloov kho dua li cov ntaub ntawv thov.

Yuav ua li cas yog tias kuv tsis pom diam ntawv thov?

Yog tias koj qhov chaw ua hauj lwm tso koj nkag mus saib koj cov ntaub ntawv thov, nco ntsoov tias feem ntau peb tau txais thiab xa cov ntawv thov sai li sai tau thaum lawv muaj los ntawm koj lub chaw tuav pov hwm kev kho mob. Cov ntaub ntawv kho mob ua tiav yuav tshwm sim nyob qhov twg los ntawm rau mus rau yim lub lim tiam tom qab kev saib xyuas thiab cov ntaub ntawv kho mob ua tiav tshwm sim hauv ob mus rau plaub lub lim tiam.

Vim li cas muaj qee zaus kuv pom cov nqi kho mob?

Koj tsuas pom tus nqi yog tias koj qhov chaw ua hauj lwm tau muab koj nkag mus rau kev tshawb nrhiav cov kws kho mob thiab cov txheej txheem phais mob. Peb tsim cov nqi kwv yees uas siv ntau dua 60 cov ntaub ntawv sib txawv, suav nrog kev thov los ntawm peb cov neeg siv. Qee zaus, txawm li cas los xij, tej zaum peb tseem muaj cov ntaub ntawv tsis txaus txhawm rau muab ib qho kev kwv yees. Qhov ntawd yog thaum uas peb tau muab hloov tus nqi ua tej ntawm qhov uas tuaj yeem hloov tau. Thaum peb pab pawg ua qhov kev tshuaj xyuas muaj txiaj ntsig tsis tu ncua kom paub tseeb tias peb qhov kev kwv yees muaj tseeb, peb xav kom koj hu rau cov kws kho mob kom paub cov ntaub ntawv tshiab tshaj plaws.

Vim li cas qee cov nqi thiaj li tsis muaj?

Qee cov nqi yuav tsis muaj hauv qee thaj chaw. Yog tias peb tsis tuaj yeem qhia pom cov nqi rau qhov cuab yeej kho mob tshwj xeeb, peb tuaj yeem qhia kab ntawv ntawm cov nqi hauv koj thaj chaw. Ntau tus nqi hauv lub app yog xam raws li daim nqi kho mob uas koj tus tswv hauj lwm them rau koj thiab koj tus neeg koom ua hauj lwm. Thaum tau them nyiaj rau ntau qhov kev thov, ces yuav muaj ntau tus nqi rau txhua tus. Peb tab tom ua hauj lwm nrog pab pawg ua lag luam, chaw kho mob, pab pawg kho mob, thiab tsoom fwv thiab lub xeev los txhim kho qhov muaj thiab ncaj ncees ntawm tus nqi kho mob.
 

Kuv yuav tau txais qhab nias li cas?

Lub chaw hauj lwm ntawm koj txoj phiaj xwm cov txiaj ntsig yuav tsim thiab muaj kev hais daws kev noj qab haus huv thiab noj qab nyob zoo rau koj, Blue Care Advisor muab ntau txoj hauv kev sib txawv rau koj kom tau txais cov qhab nias rau kev koom nrog hauv cov hauj lwm kev noj qab haus huv thiab kev noj qab nyob zoo. Cov no yuav suav nrog kev txuas nrog lub cuab yeej txheeb xyuas rau lub app thiab txheeb xyuas koj cov hauj lwm nyob hauv niaj hnub, xws li cov kauj ruam, khoom noj, thiab kev pw tsaug zog. Koj kuj tseem tuaj yeem tau txais cov chaw rau kev koom nrog hauv cov khoos kas noj qab nyob zoo. Koj yim koom ntau npaum cas, ces koj yuav tau txais qhab nias ntau npaum ntawv. Koj cov qhab nias uas muaj yuav pom tshwm nyob ntawm thaum koj ntaus npe nkag.

Kuv yuav ua li cas nrog kuv cov qhab nias?

Nyob ntawm seb koj qhov kev npaj tsim nyog tau txais txiaj ntsig thiab cov kev daws teeb meem kev noj qab haus huv thiab kev noj qab nyob zoo muaj rau koj, koj tuaj yeem siv koj cov ntsiab lus los nkag mus rau hauv sweepstakes thiab/los sis yuav khoom plig ncaj qha, xws li daim npav is lev thos niv, kev sau npe, khoom muag, kev pab txhawb nqa, thiab ntau yam ntxiv.

Puas yog kuv yuav tsum tau siv cov khoom siv uas coj tau mus keeb nrog kom tau txais cov qhab nias?

Tsis yog. Txawm tias thaum koj tsis siv lub cuab yeej taug qab coj tau mus los xij, koj kuj tseem tuaj yeem tau txais cov qhab nias raws li cov hauv kev no:

• Sync Blue Care Advisor nrog koj lub xov tooj ntawm tes qhov kev taug qab kev noj qab haus huv
• Nkag mus ua hauj lwm hauv koj tus Blue Care Advisor
• Rub tawm dawb lub app taug qab. Rau ib daim ntawv teev cov kev ua ub ua no sib xws, nias ntawm no.

Puas yog kuv tuaj yeem koom nrog yog tias Kuv muaj ib qho kev xiam oob qhab?

Yog lawm. Peb zoo siab ua hauj lwm nrog cov neeg koom nrog uas muaj kev xiam oob qhab los sis kev txwv hauv lub cev kom lawv tseem tuaj yeem koom nrog peb cov hauj lwm. Thov hu xov tooj rau peb ntawm 1-800-382-2000 kom paub cov ntaub ntawv ntau ntxiv.

Tsis tas li ntawv xwb, koj tuaj yeem ua cov hauj lwm dhau ntawm cov kauj ruam. Taug qab cov hauj lwm xws li kev ua vaj, nyom ib ce, ua luam dej, nqa qhov hnyav, lub rooj zaum muaj log, tu tog vaj tog tsev, yoga thiab lwm yam. Txhua cov hauj lwm suav thiab Blue Care Advisor yuav ua qhov kev suav los hloov cov hauj lwm ua cov kauj ruam.

Kuv yuav txuas Apple watch los sis Apple HealthKit li cas rau Blue Care Advisor?

1. Qhib Blue Care Advisor app ntawm koj lub cuab yeej iOS. Ntawm koj lub home screen xaiv qhov kev pab uas tsim nyog-Ua Rau Nquag, Tsaug Zog Zoo, los sis Noj Tau Zoo. Koj kuj tseem tuaj yeem nrhiav cov kev pab no tau ntawm koj nplooj ntawv Cov Txiaj Ntsig.
2. Xaiv Use Apple Health. Txuas ntxiv, toggle Apple HealthKit rau ntaw "on" qhov chaw (xim ntsuab).

Thov nco ntsoov: Apple HealthKit tsuas yog qhia raws li muaj tus taug qab yog tias koj siv lub cuab yeej iOS los nkag rau Blue Care Advisor.

1. Ntawm koj lub cuab yeej iOS no, mus rau Settings. Tom qab ntawd, mus rau Privacythiab swb nqes mus xaiv Motion & Fitness. Nco ntsoov tias tag nrho ob qho Fitness Tracking thiab Health qhib siv hauj lwm (xim ntsuab).
2. Qhib lub Health app ntawm koj kub cuab yeej iOS. Ntawm kab ntawv menu bar nyob hauv qab kawg, xaiv Sources. Xaiv lub Blue Care Advisor icon thiab kom paub tseeb ntawm kev Muaj Zog Ntawm Kev Caiv Khoom Noj, Tsom xam txog kev pw tsaug zog, Cov kauj ruam, thiab qoj ib ce puav leej qhib siv (xim ntsuab).

Koj tuaj yeem kuaj xyuas kom paub tseeb tias lub cuab yeej txuas tau zoo los ntawm kev taug kev ncig xyuas kom ntseeg tias lub Apple Health taug qab koj cov kauj ruam. Yog tias koj tab tom pom cov kauj ruam hauv Apple Health, tab sis tsis nyob hauv Blue Care Advisor, thov hu rau peb ntawm 1-800-382-2000 rau kev pab cuam.

Thov nco ntsoov tias, txhawm rau kom koj cov kauj ruam los ntawm Apple Health sync, koj yuav tsum qhib Blue Care Advisor app tsawg kawg txhua 30 hnub. Koj tuaj yeem nias lub pab taug qab kom qhib siv/kaw los sis ntxiv ib qho tshiab los ntawm kev nias rau + saum toj kawg sab xis.

Google Fit linking thiab syncing

Cov ntaub ntawv hauv qab no yuav qhia koj ua raws li qhov chaw teeb tsa Google Fit los sis daws kho teeb meem txog ib qho teeb meem uas koj muaj.

Thaum siv ib lub koos pis tawj los sis lub laptop, thov ua raws li cov kauj ruam hauv qab no:

1. Rub tawm lub Google Fit app ntawm koj lub xov tooj ntawm tes.
2. Nkag mus rau lub app los sis mus rau ntawm koj lub desktop mus rau https://fit.google.com thiab nco ntsoov tias koj sau npe nkag ib tus as khauj.
3. Hauv Blue luab app Kws Pab Tswv Yim Saib Xyuas los sis hauv lub browser tshiab hauv internet, ntaus npe nkag rau hauv koj  tus as khauj (Bluecrosmn.com/bca).
4. Thaum koj nkag rau hauv, xaiv qhov Get Active txuas hauv qab cov hauj lwm txhua hnub.
5. Xaiv Qhov Caub Yeej Txuas nyob rau sab xis ntawm nplooj ntawv.
6. Kaw txhua lub trackers tam sim no txuas rau koj tus as khauj los ntawm nias kom hloov lub pob xim ntsuab mus ua xim txho hauv lub screen no.
7. Nias + ntaus npe nkag saum lub ces kaum sab xis.
8. Xaiv Google Fit thiab ntaus npe nkag rau koj tus as khauj.
9. Lees txais kev thov qhia cov ntaub ntawv txhawm rau tso cai rau Blue Care Advisor nkag mus tau rau koj qhov taug qab cov ntaub ntawv.
10. Thaum koj rov qab los rau hauv Blue Care Advisor, nco ntsoov Google Fit tau qhib siv.
11. Sim nias rau lub pob Sync thiab txheeb xyuas seb puas muaj ib qho ntaub ntawv tshiab tau raug synced.
12. Hauv Google Fit app cov kev teeb tsa, nco ntsoov tias lub Activity Detection qhib siv hauj lwm thiab Blue Care Advisor pom muaj nyob hauv cov Apps Sib Txuas.

Garmin linking thiab syncing

Cov kauj ruam hauv qab no yuav tsum tso cai rau koj txuas tus Garmin tracker thawj zaug los sis rov tsim dua qhov txuas yog tias koj muaj teeb meem:

1. Los ntawm tus kheej lub koob pis tawj los sis laptop, qhib qhov internet browser
2. Tshem cov ntaub ntawv hauv lub browsing suav nrog koj li cov keeb kwm siv internet, cache, thiab cookies
3. Mus rau https://connect.garmin.com
4. Ntaus npe tawm ntawm tus as khauj Garmin uas muaj lawm
5. Hauv lub internet browser tshiab, ntaus npe nkag Jiff daim ntawv thov
6. Nias rau qhov chaw xaiv Ntau Ntxiv lub ces kaum hauv qab sab xis ntawm lub screen
7. Xaiv Profile & Settings
8. Nias rau Steps hauv qab My Linked Services
9. Nias rau lub pob cim [+] saum toj kawg, lub ces kaum sab xis thiab xaiv Garmin
10. Ntaus npe nkag nrog tus email thiab password koj siv los teeb tsa koj tus as khauj Garmin

Fitbit linking thiab syncing

Cov ntaub ntawv hauv qab no yuav qhia koj txog kev tsim qhov Fitbit los sis daws txhua yam teeb meem uas koj muaj.

Thaum siv ib lub koos pis tawj los sis lub laptop, thov ua raws li cov kauj ruam hauv qab no:

1. Mus rau fitbit.com thiab nias rau qhov ntaus npe nkag nyob lub ces kaum saum toj kawg sawb xis
2. Ntaus npe nkag uas siv tus email thiab password uas koj siv los tsim koj tus as khauj Fitbit
3. Thaum koj nkag rau hauv thiab tuaj yeem pom koj cov kauj ruam qhia ntawm fitbit.com, mus rau bluecrossmn.com/bca thiab ntaus npe nkag rau hauv koj tus as khauj
4. Nias rau ntawm qhov menu Hamburger nyob rau lub ces kaum saum toj kawg sab laug ntawm koj lub lub iav saib
5. Xaiv Cov Cuab Yeej Taug Qab & Kev Noj Qab Haus Huv Cov Cuab Yeej
6. Nias rau ntawm cuab yeej taug qab FitBit
7. Tej zaum koj yuav raug hais kom rov ntaus koj cov ntaub ntawv ntaus npe nkag rau FitBit
8. Yog tias koj raug hais kom tso cai rau Castlight taug qab koj cov hauj lwm sib txawv, xaiv Tso Cai.

Kuv qhov taug qab hauj lwm tau nres tsis ua hauj lwm thiab kuv xav tau kev hloov tshiab. Koj tsab cai kev lees tab yog dab tsi?

Txhua tus taug qab wearable yuav siv Blue Care Advisor's Fitness Tracker Incentive yog ua raws li cov lus cog tseg los ntawm cov chaw tsim khoom, tsis yog los ntawm Blue Care Advisor. Thov hu rau lub chaw tsim khoom ntawm koj lub fitness tracker.

Fitbit

Kev thov pab txhawb tuaj yeem xa rau ntawm Fitbit lub vev xaib los sis xa email los sis hu xov tooj.

Online: Tiv Tauj Fitbit Lub Chaw Pab Txhawb

Xa Email: CWsupport@fitbit.com

Hu Xov Tooj: 844.534.8248

Koj yuav tsum muab koj Tus Lab Hav Lees Txais Fitbit, nyob rau hauv email lees paub tias koj tau txais los ntawm Fitbit thaum koj ua koj qhov kev xaj yuav khoom.

Garmin

Cov kev thov pab txhawb tuaj yeem xa tau hauv online los sis hauv xov tooj. Hu xov tooj los sis xa email Garmin Product Support Txhawm rau thov tus npawb Return Merchandise Authorization (RMA).

Oos lais: garmin.com

Hu xov tooj: 800.800.1020 los sis 913.397.8200

Koj yuav tsum tau muab:

1. Tus npawb taug qab txheeb xyuas (yog tias muaj)
2. Qhov chaw nyob xa rov qab
3. Tus xov tooj hu nruab hnub

Misfit

Kev xa ntawv thov tuaj yeem xa tau hauv online los sis ncaj qha hauv email.

saum Online: misfit.com

Xa Email: help@misfit.com

Koj yuav tsum tau muab:

1. Tus as khauj Misfit qhov chaw nyob email uas koj siv txuas nrog koj ya khoom coj tau keeb nrog.
2. Nrhiav qhov no ntawm misfit.com > Me/Profile > Settings (sab xis saum toj kawg nkaus) > Account Info
3. Daim duab kaw ntawm koj lub Misfit tracker nrog tus npawb serial hauv lub npov plaub ces kaum xim dawb uas pom tseeb.
4. Misfit Order ID, nyob rau hauv tsab email lees paub tias koj tau txais los ntawm Misfit thaum koj ua qhov kev xaj yuav khoom.

Nokia (yav dhau los yog Withings)

Cov ntawv thov pab txhawb yuav tsum yog xa tuaj hauv email.

Xa Email: Corp-support@withings.com

Koj yuav tsum tau muab:

1. Cov lus piav qhia ntxaws txog qhov teeb meem koj muaj nrog koj tus tracker.
2. Koj Li Nokia Order ID, nyob rau hauv email lees paub tias koj tau txais los ntawm Nokia thaum koj ua koj qhov kev xaj yuav khoom.

Yog kev taug qab cov zaub mov muaj nyob ua ib feem ntawm txoj hauj lwm muab khoom plig, nws ua hauj lwm li cas?

Qhov kev pab taug qab kev noj zaub mov txhawb kev noj qab haus huv ntawm kev noj haus uas yog muab cov qhab nias khoom plig rau koj thiab cov khoom plig rau koj cov zaub mov uas noj txhua hnub. Lub npe qhov kev pab yuav sib txawv piv txwv li, lawv yuav raug hu tias Bites los sis Eat Smart-tab sis txhua lub npe yeej muaj cov yam ntxwv thiab ua hauj lwm mus raws tib txoj hauv kev.

Kev tau txais qhab nias

Txhawm rau kawm paub ntau ntxiv txog kev taug qab khoom noj haus, koj yuav tsum txo cov khoom noj muaj calories yam tsawg kawg 800 txhua hnub.

Tshuaj xyuas koj cov qhab nias

Txhawm rau taug qab xyuas koj qhov kev nce qib, mus rau nplooj ntawv taug qab kev noj zaub mov ntawm koj lub home screen los sis nplooj ntawv Cov Txiaj Ntsig.

Qhov no yuav coj koj mus rau ib lub screen uas koj yuav pom cov hnub koj tau txais cov qhab nias rau koj qhov taug qab kev noj zaub mov thiab tus npawb cov qhab nias uas koj tau txais txog tam sim no nyob rau lub hli ntawd.

Yog tias qhov kauj ruam taug qab muaj ua ib feem ntawm qhov khoom plig kev pab, nws yuav ua hauj lwm li cas?

Qhov kauj ruam taug qab kev pab ua rau koj tau txais qhab nias rau txhua kauj raum uas sauv cov hom phiaj hauv txhua hnub. Muaj peb lub hom phiaj uas koj tuaj yeem ua tau hauv txhua hnub, txhua tus neeg muaj lub sij hawm taug kev kom ntau thiab tau txais cov qhab nias ntau. Cov hom phiaj thiab tus nab npawb teb ntawm cov qhab nias koj tuaj yeem tau txais nce raws li qhov koj txoj kev pab.

Kauj ruam taug qab yuav ua mus uas muaj cov npe sib txawv (xws li qhov kev pab Steps, los sis qhov Get Active), tab sis txhua yam tsuas yog teeb tsa mus raws tib txoj hauv kev.

Tshuaj xyuas koj cov hom phiaj kev pab

Txhawm rau tshuaj xyaus koj cov hom phiaj kev pab, mus rau nplooj ntawv qhov kev pab cov kauj ruam taug qab ntawm koj lub home screen los sis nplooj ntawv Cov Txiaj Ntsig.

Qhov no yuav coj koj mus rau daim iav saib uas pom muaj koj cov hom phiaj, koj cov kauj ruam suav txhua hnub, thiab cov qhab nias uas koj tau txais rau qhov mus txog cov hom phiaj no.

Yog tias lub taug qab kev pw tsaug zog muaj los ua ib feem ntawm qhov kev pab muab khoom plig, nws ua hauj lwm li cas?

Kev tau txais qhab nia

Koj yuav tsum taug qab yam tsawg kawg ob teev sib law liag ntawm kev pw tsaug zog kom tau txais koj cov qhab nias rau txhua hnub.

Tshuaj xyuas koj kev nce qeb

Txhawm rau taug qab xyuas koj li kev nce qeb, mus rau nplooj ntawv qhov kev pab taug qab kev pw tsaug zog ntawm koj lub home screen los sis nplooj ntawv Cov Txiaj Ntsig.

Qhov no yuav coj koj mus rau ib daim iav saib uas koj yuav pom tus npawb hauv txhua hnub uas raug rau qhov koj pw tsaug zog thiab tus npawb ntawm cov qhab nias uas koj tau txais nyob rau lub hli ntawd.

Taug qab koj li kev pw tsaug zog

Koj tuaj yeem taug qab koj kev pw tsaug zog uas tuaj yeem nqa coj tau mus los sis lub app pab taug qab uas tso cai koj nkag mus rau koj li kev pw tsaug zog. Txog cov npe ntawm kev taug qab pw tsaug zog, nias rau ntawm no.

Kuv yuav tsum nquag sync npaum cas kom paub tseeb tias tau taug qab kuv cov hauj lwm?

Kom paub tseeb tias koj cov hauj lwm raug taug qab raws sij hawm lub app thiab koj cov qhab nias tau txais, ces sync koj cov hauj lwm nrog koj qhov kev pab taug qab txhua 30 hnub. (Piv txwv li, sync koj lub Fitbit tuaj yeem hnav rau nrog koj tus as khauj Fitbit.)

Puas yog kuv tuaj yeem ua cov kauj ruam, kev noj zaub mov thiab pw tsaug zog?

Yog, koj tuaj yeem ntxiv cov hauj lwm hla lub Blue Care Advisor app los sis lub vev xaib.

Thaum koj tau kos npe rau hauv, xaiv qhov Kag mus raws li txhua zaug txuas qhov chaw nyob ze koj cov kauj ruam, kev noj zaub mov, thiab pw tsaug zog.

Xaiv hnub koj xav ntxiv kev ua hauj lwm rau, mus txog 30 hnub ua ntej hnub tam sim no. Siv lub swb mus ntxiv cov kauj ruam, cov zaub mov, thiab pw tsaug zog.

Koj tuaj yeem hloov lwm cov hauj lwm rau cov kauj ruam los ntawm kev xaiv Ntau yam hauj lwm. Xaiv los ntawm daim ntawv teev cov hauj lwm uas nyiam ua los sis ua qho kev cai nkag mus.

Kuv yuav txhab ntxiv rau cov hauj lwm uas tsis raug suav li cas?

Koj tuaj yeem hloov lwm cov hauj lwm rau cov kauj ruam los ntawm kev xaiv Ntau yam hauj lwm los ntawm Log manually txuas qhov chaw nyob ze koj cov kauj ruam, kev pw tsaug zog, thiab cov zaub mov. Xaiv los ntawm daim ntawv teev cov hauj lwm uas nyiam ua los sis ua qho kev cai nkag mus.

Ntev npaum li cas kuv tuaj yeem sau rau cov kauj ruam, zaub mov los sis pw tsaug zog?

Koj tuaj yeem ntxiv kev ua hauj lwm mus txog 30 hnub ua ntej hnub tam sim no.
Kuv tsis tau txais cov qhab nias rau kev taug qab noj zaub mov. Kuv yuav tsum ua dab tsi?

Sim ua cov kauj ruam daws teeb meem no:

1. Kom paub tseeb tias koj qhov kev pab taug qab txuas nrog lub app tas li.
2. Xyuas kom tseeb tias koj tab tom txo qis cov calories yam tsawg kawg yog 800 toj ib hnub kom tau txais cov qhab nias.

Kuv tsis tau txais cov qhab nias rau kev taug qab kuv li kev pw tsaug zog. Kuv yuav kho qhov no li cas?

Sim ua cov kauj ruam daws teeb meem no:

1. Kom paub tseeb tias koj qhov kev pab taug qab txuas nrog lub app tas li.
2. Siv qhov sync koj qhov taug qab hauj lwm nrog koj qhov taug qab qhov kev pab txhua 30 hnub. (Piv txwv li, sync koj lub Fitbit tuaj yeem hnav rau nrog koj tus as khauj Fitbit.)
3. Kom paub tseeb tias koj ua tau yam tsawg kawg ob teev sib law ntawm kev pw tsaug zog toj ib hmos kom tau txais cov qhab nias.

Nco tseg: Garmin vívokí thiab Forerunner 35 yuav TSIS sync cov ntaub ntawv kev pw tsaug zog nrog lub app.

Qhov Fitness Tracker Incentive yog dab tsi?

Fitness Tracker Incentive yog Amazon daim ntawv txo nqi yuav khoom uas tuaj yeem muab tso rau kev xaj yuav khoom ntawm ib qho kev taug qab hauj lwm uas tsim nyog ntawm Amazon.com.

Yog tias nws suav nrog hauv koj txoj phiaj xwm, koj tuaj yeem mus saib tau qhov Fitness Tracker Incentive hauv More menu.

Kuv yuav nrhiav pom kuv tus lab hav Fitness Tracker Incentive voucher nyob rau qhov twg?

Yog tias nws suav nrog hauv koj txoj phiaj xwm, koj tuaj yeem mus saib tau Fitness Tracker Incentive. Yog tias koj tsim nyog, koj yuav pom Tracker Incentive hauv qhov More menu.

1. Qhib lub Blue Care Advisor ntawm koj lub desktop los sis lub app xov tooj.
2. Mus rau More menu.
3. Swb nqis mus rau hauv qab thiab xaiv Tracker Incentive

Kuv yuav txhiv kuv qhov Fitness Tracker Incentive li cas?

Yog tias koj tsim nyog, koj tuaj yeem nkag mus rau Fitness Tracker Incentive hauv Ntau ntawv qhia zaub mov thiab ua raws cov kauj ruam hauv qab no kom txhiv koj daim ntawv pov thawj.

1. Kev thov koj li Fitness Tracker Incentive
2. Mus rau https://www.amazon.com/gc/pv/redeem
3. Ntaus koj tus lab hav ntawv pov thawj
4. Mus yuav khoom rau qhov kev taug qab cov hauj lwm uas tsim nyog
5. Txuas koj qhov taug qab hauj lwm hauv peb li Get Active kom tau txais cov qhab nias

Kuv yuav rov qab tau qhov kev xaj yuav khoom li cas nrog kuv qhov Fitness Tracker Incentive?

Txhua qhov kev xaj yuav khoom uas siv Fitness Tracker Incentive ntawm Amazon.com yog ua raws li Amazon.com txoj cai thim rov qab. Thov sab laj nrog Amazon.com yog tias koj xav thim rov qab kev xaj yuav khoom.

Vim li cas kuv raug sau se thaum kuv rov tsim kuv li Fitness Tracker Incentive?

Amazon Fitness Voucher tej zaum yuav raug them se raws li kev rov tsim dua raws li txoj cai lij choj ntawm lub xeev thiab hauv zej zog. Cov kev them se no yog txiav ncaj qha los ntawm koj daim tshev them nyiaj.

Kuv yuav nrhiav pom qhov Lub Chaw Muab Khoom Plig nyob qhov twg?

Yog tias koj muaj kev nkag mus rau qhov kev pab cuam khoom plig uas yog ib feem ntawm koj qhov kev pab cuam tsim los yog tag nrho cov khoom plig noj qab haus huv, koj tuaj yeem nkag mus rau Lub Chaw Muab Khoom Plig los ntawm koj lub desktop los sis lub app xov tooj.

1. Qhib lub Blue Care Advisor ntawm koj lub desktop los sis lub app xov tooj.
2. Ntawm koj li home screen, xaiv Cov Qhab Nias Tau Txais. Qhov no yuav coj koj mus rau Cov Hauv Kev kom Tau Txais.
3. Xaiv Rov Ntxiv Qhab Nias kom mus rau Lub Chaw Muab Khoom Plig.

Ntawm desktop, Lub Chaw Muab Khoom Plig kuj tuaj yeem nkag mus los ntawm More menu qhov chaw saum toj kawg.

Kuv yuav siv Lub Chaw Muab Khoom Plig li cas?

Lub Chaw Muab Khoom Plig yog qhov chaw koj tuaj yeem pom muaj pes tsawg qhab nias koj yuav tsum siv rau kev txhawb siab thiab khoom plig suav nrog daim npav khoom plig hauv is lev thos niv.

Kom rov ntxiv koj cov qhab nias:

1. Xaiv Rov Txiv kom txhiv cov qhab nias rau qhov khoom plig los sis Ntaus Nkag rau Win kom txhiv cov qhab nias rau kev xaiv txais khoom plig, yog tias muaj.
2. Qhia qhov ntau tsawg thiab xaiv Rov Ntxiv, tom qab ntawd ntawm lub screen txuas ntxiv xaiv Tso Qhov Ntxiv Rau. (Koj tuaj yeem nkag mus rau qhov cov kev ntxhuab ntawv tau txais khoom plig, yog tias muaj, ntau zaus raws li qhov koj xav tau, yog tias koj muaj cov qhab nias, txhawm rau ua kom koj muaj feem yeej.)
3. Lees txais koj qhov kev xaiv.

Thov nco tseg: Txhua theem yog qhov kawg thiab tsis muaj qhov thim nyiaj rov qab. Thaum koj rov nxiv koj cov qhab nias, peb tsis tuaj yeem thim thim rov qab tshwj tsis yog ib qho khoom tsis muaj nyob hauv lub txhab khoom.

Thaum koj rov ntxiv koj qhov khoom plig, koj yuav tau txais ib tsab email lees txais. Yog tias koj tau xaiv qhov khoom plig digital, piv txwv li, daim npav khoom plig Amazon, npaj siab tias yuav xa email thib ob nrog tus lab hav rov ntxiv.

Thov muab sij hawm li ib los sis ob lub lim tiam rau kev xa khoom tuaj. Yog tias koj tsis tau txais koj qhov khoom plig tom qab plaub lub lim tiam, thov hu rau 1-800-382-2000 txhawm rau tshuaj xyuas seb mus txog twg.

Nwv yuav siv sij hawm ntev npaum cas thiaj tau txais kuv qhov khoom plig?

Thaum koj rov ntxiv cov qhab nias rau qhov khoom plig los sis khoom txhawb zog, thov muab sij hawm li ib txog ob lub lim tiam rau xa qhov khoom. Yog tias koj tsis tau txais koj qhov khoom plig tom qab plaub lub lim tiam, thov hu rau 1-800-382-2000 txhawm rau tshuaj xyuas seb mus txog twg. 

Rau cov kev nthuav ntawv txais khoom plig thiab cov khoom plig sib tw, cov neeg koom yuav xub tau txais email ceeb toom tshaj tawm cov neeg yeej.

Tom qab ntawd koj yuav tau txais email rov qab ceeb toom rau koj thaum koj qhov khoom plig los sis cov kev nthuav ntawv txais khoom plig tau raug xa tuaj (xws li email los sis pob khoom xa tuaj, khom vam raws li qhov khoom).

Nov yog qee lub sij hawm teev tseg rau lwm cov khoom plig uas koj tuaj yeem rov ntxiv:

Cov khoom siv digital:

Cov kev xaj khoom tau sau nyob hauv 24 teev tom qab muab tso. Koj yuav tau txais ib tsab email nrog cov lus qhia txog kev rov ntxiv thaum lub sij hawm ntawd.

Kev pab dawb:

Kev pab dawb yuav raug ua sawv cev rau koj. Lub sij hawm pab dawb txawv raws li lub koom haum pab dawb uas koj tau xaiv.

Tus as khauj txuag nyiaj kev kho mob/Kev them nyiaj rov qab rau kev npaj kho mob los sis kev txo nqi cov nyiaj ntxiv rau kev kho mob:

Cov khoom plig no yog pab ntxiv raws li kev txiav txim siab ua ntej uas tau teev sij hawm tseg los ntawm koj tus tswv hauj lwm. Thov mus saib cov ntsiab lus txog cov nyiaj txhawb siab hauv Lub Chaw Muab Khoom Plig.

Txog cov lus nug, hu rau 1-800-382-2000 thiab suav nrog koj tus nab npawb xaj yuav khoom. Sau tus nab npawb no rau koj khaws cia.

Puas yog kuv cov khoom plig thiab cov khoom txhawb siab raug txiav se?

Cov khoom plig thiab khoom txhawb siab raug xam tias yog cov nyiaj khwv tau los uas raug txiav se.

Qee zaus koj tus tswv hauj lwm yuav duav roos cov se ntawm cov khoom txhawb siab los sis cov khoom plig. Yog tias tus tswv hauj lwm xaiv tsis ua li ntawd, tag nrho cov se siv tau yuav raug txiav tawm ntawm koj daim tshev nyiaj.

Yog tias qhov khoom raug txiav se, koj yuav saib qhov tsis lees paub uas piav qhia tias yam khoom raug txiav se li cas. Koj kuj tseem tuaj yeem hu rau 1-800-382-2000 kom paub cov ntaub ntawv ntau ntxiv.

Koj tsab cai kev xa rov qab thiab kev sib pauv rau qhov khoom plig yog dab tsi?

Thaum koj rov txhiv koj cov ntsiab lus rau qhov khoom plig los sis kev nkag mus cov ntawv txais khoom plig, txhua qhov kev muag khoom yog qhov kawg. Peb txhawb kom koj hu rau 1-800-382-2000 nrog rau cov lus nug los sis kev txhawj xeeb ua ntej kev rov txhiv cov qhab nias.

Qhov khoom plig uas kuv tab tom nrhiav tsis muaj nyob hauv txhab khoom. Qhov ntawv puas yog txhais tau tias tsis muaj?

Qee zaum, cov khoom txhawb siab yuav mus txog lawv qhov txwv rau kev rov ntxiv thiab ib yam khoom yuav tsis muaj ntawm txhab khoom. Thaum qhov no tshwm sim, peb yuav tiv tauj koj tus tswv hauj lwm kom txiav txim siab seb qhov khoom plig tshwj xeeb ntawd puas rov muaj nyob hauv txhab khoom.

Cov khoom plig thiab cov khoom txhawb siab tau raug xaiv los ntawm koj tus tswv hauj lwm, thiab peb tsis tuaj yeem muab los sis rov ntxiv yam khoom rau yam tsis tau txais kev tso cai los ntawm tus tswv hauj lwm.

Qee zaus cov khoom plig tsis tau txiv dua tshiab, los sis raug hloov los ntawm lwm yam khoom, thiab yog li ntawd yuav tsis muaj nyob hauv Lub Chaw Muab Khoom Plig lawm.

Cov cai rau kev txais khoom plig yog dab tsi?

Koj tuaj yeem tshuaj xyuas cov cai txais khoom plig ntawm no.