Pab pawg koom tes nrog yog dab tsi?
Nws yog qhov tseem ceeb kom paub thiab siv koj txoj phiaj xwm pab pawg koom tes.
Pab pawg koom tes yog ib pab pawg kws kho mob, chaw kuaj mob, tsev kho mob thiab lwm cov chaw muab kev pab cuam uas koj yuav mus ntsib tau rau tus nqi qis zog.
Yog koj xaiv mus ntsib cov kws kho mob uas tsis nyob hauv koj txoj phiaj xwm pab pawg koom tes, tej zaum koj yuav tsum tau them ntau dua (los sis tej zaum them tag nrho kiag) ntawm tus nqi ntawm kev saib xyuas kho mob ntawd.
Koj pab pawg koom tes tau txais kev txiav txim los ntawm koj qhov Blue Cross thiab Blue Shield ntawm Minnesota los sis Blue Plus txoj phiaj xwm kho mob. Qee cov pab pawg koom tes yeej loj thiab qee lub kuj me zog uas muaj qhov ntau ntawm cov kws muab kev pab cuam kho mob tsawg zog.
Kev nyob twj ywm hauv koj pab pawg koom tes yog qhov tseem ceeb
Thaum tau txais kev saib xyuas, koj yuav them tus nqi qis tshaj plaws los ntawm kev siv cov kws kho mob, cov chaw muag tshuaj thiab lwm cov kws kho mob uas yog nyob hauv cov koom tes nrog. Blue Cross thiab Blue Plus tau ua hauj lwm ua ke nrog cov kws kho mob, cov tsev kho mob thiab cov chaw kuaj mob hauv koj pab pawg koom tes los tsim tus nqi uas luv nqi rau kev saib xyuas.
Kev tawm mus ntawm koj pab pawg koom tes
Koj cov nqi yuav siab dua yog tias koj siv tus kws kuaj mob sab nraud cov koom tes nrog. Qee zaus kuj muaj cov kev zam, xws li cov xwm txheej uas yog xwm txheej ceev. Txawm li cas los xij, koj yuav tsum kuaj xyuas koj txoj phiaj xwm kho mob cov ntaub ntawv los ua kom paub tseeb tias koj nkag siab txog cov ntsiab lus tshwj xeeb rau koj pab pawg koom tes.
Kuv yuav nrhiav kuv li pab pawg tau li cas?
Yog tias koj yog Blue Cross los sis Blue Plus tus tswv cuab, rau npe los sis ntaus npe nkag mus rau koj tus as qhauj tswv cuab, mus saib hauv koj cov ntaub ntawv txog txoj phiaj xwm uas luam tawm lawm los sis hu rau tus nab npawb nyob rau tom qab ntawm koj daim npav ID tswv cuab los nrhiav seb koj pab pawg koom tes hu li cas. Thaum koj rau npe nkag mus los nrhiav txog cov kws muab kev pab cuam, koj txoj phiaj xwm tam sim no pab pawg koom tes twb yuav raug xaiv lawm.
Kev raug duav roos hauv teb chaws thiab thoob ntiaj teb rau lub chaw hauj lwm cov phiaj xwm
Blue Cross yog ib feem ntawm qhov BlueCard pab pawg koom tes hauv teb chaws. Thaum yog tus tswv cuab ntawm txoj phiaj xwm siv neeg ua hauj lwm, koj tuaj yeem nrhiav tau cov kws kho mob hauv peb pab pawg koom tes thoob plaws Teb Chaws Meskas, Qhov tseeb, BlueCard pab pawg koom tes suav muaj 95% ntawm cov kws pab cuam kev saib xyuas hauv Teb Chaws Meskas.
Qhov Blue Cross Blue Shield Global Core pab pawg koom tes rau txoj phiaj xwm siv neeg ua hauj lwm muab kev nkag txog rau cov kws kho mob thiab cov tsev kho mob hauv ntau dua 200 lub teb chaws. Hais txog qhov ntaub ntawv ntxiv txog qhov koj cov txiaj ntsig pab them rau kev saib xyuas tau txais thoob ntiaj teb tau li cas, kuaj xyuas koj txoj phiaj xwm kho mob cov ntaub ntawv los sis tiv tauj rau kev pab cuam rau cov qhua ntawm tus nab npawb xov tooj nyob rau tom qab ntawm koj daim npav ID tswv cuab.
Cov pab pawg koom tes rau cov hom ntawm cov phiaj xwm kho mob sib txawv
Hom pab pawg koom tes uas koj muaj nce raws li hom phiaj xwm kho mob uas koj muaj. Piv txwv li, cov pab pawg koom tes rau cov phiaj xwm kho mob uas koj yuav ntawm koj tus kheej yuav sib txawv los ntawm cov pab pawg koom tes rau cov phiaj xwm kho mob uas koj tau txais los ntawm koj tus tswv hauj lwm.
Txhua qhov Blue Cross thiab/los sis Blue Shield txoj phiaj xwm yog tus neeg tau ntawv tso cai ywj pheej ntawm Blue Cross and Blue Shield Association.
Txhua lub ua kev pab cuam kho mob yog ib lub chaw cog lus ywj pheej thiab tsis yog peb lub chaw hauj lwm sawv cev.