Thaum koj siv koj cov txiaj ntsig ntawm txoj phiaj xwm kho mob, koj xav kom paub tias koj cov nqi kho mob yuag tau txais kev them nqi.
Nrhiav kom paub qhov txheej xwm ntawm koj li Blue Cross and Blue Shield of Minnesota los sis Blue Plus cov ntawv thov nyiaj rov qab hauv online los sis los ntawm kev pab cuam rau cov qhua.
Xa cov ntawv thov rau Blue Cross
Yog koj mus ntsib tus kws kho mob koom tes nrog hauv, tsev kho mob lossis lwm tus muab kev pab cuam, koj tsis tas yuav xa daim ntawv thov nyiaj rov qab rau Blue Cross. Koj tus muab kev pab cuam yuav xa daim ntawv thov nyiaj rov qab rau koj.
Yog tias koj mus ntsib tus kws kuaj mob uas tsis koom nrog, koj yuav tsum xa ib daim ntawv thov nyiaj rov qab no mus rau Blue Cross (qhov chaw nyob yog nyob rau hauv daim ntawv):
Nco tseg: Qee cov phiaj xwm kev noj qab haus huv yuav siv cov ntawv foos thov nyiaj rov qab sib txawv.
Cov ntsiab lus thov nyiaj rov qab yuav raug xa tuaj rau koj
Yog tias koj tshuav tus kws kho mob li nuj nqi ntau tshaj tus nqi uas sib koom them rau kev mus ntsib kws kho mob lub chaw hauj lwm, Blue Cross yuav xa koj Daim Ntawv Qhia Txog Cov Txiaj Ntsig (EOB) tom qab qhov kev thov nyiaj rov qab. Nws qhia tias koj tau txais cov kev pab cuam twg, koj qhov phiaj xwm kho mob tau them li cas thiab tus nqi koj them rau tus kws kho mob.
Taug qab Blue Cross thov nyiaj rov qab hauv online
Nkag mus lossis tsim ib tus account tswv cuab los taug qab koj qhov xwm txheej thov nyiaj rov qab thiab nkag mus rau koj cov ntaub ntawv thiab cov peev txheej ntawm koj txoj phiaj xwm.
Thaum rau npe nkag koj tuaj yeem:
- Kuaj xyuas txheej xwm ntawm daim ntawv thov nyiaj rov qab
- Saib cov ntawv thov yav dhau los
- Saib seb txoj phiaj xwm them nyiaj dab tsi thiab qhov koj yuav tsum tau them ntawm hnab nyiaj
- Ntsuam xyuas koj li nyiaj seem hauv Tus As Khauj Txuag Nyiaj Rau Kev Noj Qab Haus Huv (HSA) yog tias koj muaj ib tug as khauj
- Txheeb xyuas kev nce qib mus rau kev ua kom tau koj tus nqi yus them ua ntej thiab/los sis qhov nyiaj rho ntau tshaj plaws ntawm lub hnab
Txoj hauv kev ua ntawv tsis txaus siab
Yog tias koj xav ua ib daim ntawv tsis txaus siab los sis ua ntawv thov rov txiav txim dua txog qhov kev thov nyiaj rov qab uas raug tsis kam lees, hu rau qhov kev pab cuam rau cov qhua ntawm tus nab npawb nyob tom qab ntawm koj daim npav ID tswv cuab. Yog tias koj daws tsis tau koj qhov kev tsis txaus siab, koj tuaj yeem ua ntawv thov kom rov txiav txim dua.
Kawm paub txog cov lus tsis txaus siab thiab kev thov kom rov qab txiav txim dua
Cov chaw pab txhawb nqa
Puas muaj lus nug? Peb tuaj yeem pab.
Yog tias koj xav tham lus nrog ib tus neeg txog qhov kev thov, thov hu rau lub chaw pab cuam tswv cuab ntawm tus npawb nyob tom qab ntawm koj daim npav ID tswv cuab.