Kev Piav Qhia Ntawm Cov Txiaj Ntsig yog dab tsi?

Tom qab koj siv koj cov txiaj ntsig phiaj xwm kho mob lawm, Blue Cross yuav xa Kev Piav Qhia Txog Cov Txiaj Ntsig (EOB) rau koj.

EOB yog dag tsi?

Ib tsab ntawv EOB yog ib tsab ntawv uas qhia txog cov kev pab cuam kho mob uas koj tau txais. Nws kuj tseem yuav qhia tias seb koj txoj phiaj xwm kho mob yuav tau them nqi rau dab tsi thiab tus nqi uas koj yuav tau them ntawm koj tus kheej yog npaum li cas.

Daim ntawv EOB tsis yog daim sau nqi, tab sis nws pab koj soj qab xyuas txog qee cov ntaub ntawv qhia paub tseem ceeb:

 

Yuav nyeem qhov EOB li cas?

Ib Lub EOB los ntawm Blue Cross thiab Blue Shield ntawm Minnesota lossis Blue Plus muaj nyob rau hauv cov ntawv no:

  • Lub npe ntawm tus tib neeg uas tau txais kev pab cuam lawm (koj los sis ib tus tswv cuab hauv tsev uas koj txoj phiaj xwm duav roos)
  • Tus npawb thov nyiaj rov qab, tus npawb thiab npe pab pawg, thiab tus ID neeg mob.
  • Kws kho mob, tsev kho mob, los sis lwm tus kws kho mob tshaj lij uas muab cov kev pab.
  • Hnub qhib kev pab cuam thiab cov nqi them
  • Cov ntsiab lus luv hais txog them nqi rau kev thov nyiaj rov qab, thiab suav cov nqi uas them raws li txoj phiaj xwm thiab cov nqi uas koj tshuav tsis tau them.
  • Sau cov txheej txheem ntawm koj daim ntawv thov nyiaj rov qab

Kawm paub txog txoj hau kev nyeem EOB

 

Vim li cas kuv thiaj xav tau EOB? 

Vim tias EOB muab tau ib lub zeem muag hais txog koj yuav siv koj cov txiaj ntsig li cas thiab yuav thov nyiaj rov qab rau koj li cas.

Ib txwm sib piv EOB rau daim ntawv sau nyiaj uas koj tau txais los ntawm kws kho mob yam tsis tu ncua txhawm rau kom ntseeg tau tias nws yeej raug lawm. Yog tias tus kws kho mob daim ntawv sau nqi qhia txog tus nqi koj tshuav tsis tau them, them rau tus kws kho mob. Yog tias pob nyiaj tsis raug raws li koj qhov EOB, hu rau tus npawb nyob sab nraub qaum ntawm koj daim npav ID tswv cuab los sis tiv tauj koj lub chaw kho mob.

Koj puas muaj lus nug txog EOB?

Yog tias koj muaj lus nug txog koj li EOB, los sis yog tias koj ntseeg tau tias yeej muaj qhov yuam kev rau hauv EOB lawm tiag, hu rau tus npawb xov tooj uas nyob sab nraub qaum ntawm koj daim npav ID tswv cuab.

Qhov no yog cov ntaub ntawv qhia dav txhua feem txog qhov uas txoj phiaj xwm cov txiaj ntsig ua hauj lwm li cas. Tshuaj xyuas txog Daim Ntawv Suav Sau Ntsiab Lus ntawm Cov Txiaj Ntsig thiab Kev Duav Roos thiab koj phau ntawv qhia txog txiaj ntsig ntawm txoj phiaj xwm kho mob tshwj xeeb rau qhov ntaub ntawv hais txog koj txoj phiaj xwm seb ua hauj lwm li cas.

Nws nyob ntawm koj los kuaj xyuas tas li yog tias koj tus kws muab kev pab cuam nyob hauv koj txoj phiaj xwm kho mob pab pawg koom nrog ua ntej koj tau txais cov kev pab cuam. Tsis yog txhua cov kws muab kev pab cuam nyob hauv txhua pab pawg koom lag luam. Koj tuaj yeem them ntau dua los sis them tag nrho koj cov nqi kho mob yog tias koj tus kws muab kev pab cuam kho mob tsis yog nyib hauv koj pab pawg koom lag luam los sis tsis muaj daim ntawv cog lus nrog Blue Cross (qhov no yog hu ua tus kws muab kev pab cuam kho mob uas tsis koom nrog). Koj tuaj yeem txheeb xyuas seb koj tus kws pab cuam puas nyob hauv koj pab pawg koom lag luam los ntawm kev hu xov tooj rau feem pab cuam rau cov qhua ntawm tus naj npawb nyob rau tom qab ntawm koj daim npav ID tswv cuab.