Kev sib koom tuav pov hwm yog dab tsi?
Kawm paub txog nyiaj isalas sib koom them ua ke thiab txoj hau kev yuav xam koj tus nqi.
Nyiaj isalas sib koom them ua ke yog tus nqi koj them rau kev kho mob uas tau kev duav roos tom qab koj ua tau raws li koj tus nqi yus them ua ntej lawm.
Qhov nyiaj no yog ib feem pua ntawm tag nrho cov nqi kho mob - piv txwv li, 20% - thiab koj txoj phiaj xwm Blue Cross duav roos qhov tseem tshuav tsis tau them.
Qhov sib txawv ntawm kev sib koom tuav pov hwm thiab tus nqi sib koom them yog dab tsi?
Nyiaj isalas sib koom them ua ke thiab tus nqi uas sib koom them (kev them tus nqi sib koom them) yog ob txoj kev uas koj sib koom tus nqi kev kho mob nrog koj txoj phiaj xwm tuav pov hwm. Koj txoj phiaj xwm tau teev cov nyiaj.
- Nyiaj isalas sib koom them ua ke yog ib feem pua ntawm tag nrho cov nqi rau kev kho mob.
- Tus nqi uas sib koom them yog ib qho nqi me-me, tus nqi ua ib teg them uas koj them thaum tau kev pab cuam. Tsis yog tag nrho cov phiaj xwm muaj tus nqi sib koom them, tab sis ntau cov phiaj xwm muaj nyiaj pov hwm sib koom them ua ke.
Kawm paub ntxiv txog cov nqi sib koom them
Kuv yuav them nyiaj pov hwm sib koom them thaum twg?
Koj pib them nyiaj pov hwm sib koom them tom qab koj ncav cuag koj qhov nyiaj txiav tawm. Koj txoj phiaj xwm taug qab qhov uas koj them rau koj qhov nyiaj txiav tawm tias ntau npaum li cas. Cov ntaub ntawv no yog nyob rau ntawm Daim Ntawv Piav Qhia txog Cov Txiaj Ntsig (EOB) uas koj phiaj xwm kho mob xa tuaj tom qab koj tau txais saib xyuas kho mob.
EOB qhia tias nyiaj pov hwm sib nrog them ua ke ntau npaum li cas, yog tias muaj, koj yuav tsum them. Koj them cov nyiaj no ncaj qha mus rau tus kws kho mob lub chaw ua hauj lwm, tsev kho mob los sis tsev muag tshuaj.
Kawm paub ntxiv txog Daim Ntawv Piav Qhia txog Cov Txiaj Ntsig
Kawm paub ntxiv
Nrhiav kom paub seb nyiaj isalas sib koom them ua ke ua hauj lwm li cas nrog lwm cov nqi kev kho mob thiab kawm paub txoj hau kev thiab leej twg yuav them rau kev kho mob.
Xam cov nqi
Kuv yuav xam kuv cov nqi nyiaj pov hwm sib koom them ua ke li cas?
Koj yuav tsum them raws li "tus nqi pub" uas tus kws kho mob tuaj yeem sau nqi rau ib qho kev pab cuam kho mob npaum li cas.
Cov nyiaj no yog tus nqi uas txo nqi uas cov kws kho mob hauv koj pab pawg koom tes txoj phiaj xwm pom zoo sau nqi.
Piv txwv ntawm qhov uas cov nqi nyiaj isalas sib koom them ua ke ua hauj lwm li cas:
John txoj phiaj xwm kho mob muaj 80/20 nyiaj pov hwm sib koom them ua ke. Qhov no txhais tau tias tom qab John tau txiav tawm thawj feem ntawm nws cov nuj nqis, nws txoj phiaj xwm them 80% ntawm cov nqi pov thaiv, thiab John them 20%.
| Tus nqi tso cai rau mus ntsib kws kho mob: | $100 |
| Txoj phiaj xwm saib xyuas kho mob them 80% nyiaj pov hwm sib koom them ua ke: | $80 |
| John them 20% nyiaj pov hwm sib koom them ua ke: | $20 |
Ua ntej nws mus ntsib, John tau kuaj xyuas kom paub tseeb tias nws tus kws kho mob nyob hauv txoj phiaj xwm pab pawg koom tes* yog li nws tuaj yeem tau txais kev duav roos zoo tshaj plaws thiab them nyiaj tsawg dua ntawm nws lub hnab nyiaj. Yog tias John mus ntsib tus muab kev pab cuam sab nraum nws pab pawg koom tes, nws yuav them nyiaj ntau dua.
Qhov no yog cov ntaub ntawv qhia dav txhua feem txog qhov uas txoj phiaj xwm cov txiaj ntsig ua hauj lwm li cas. Tshuaj xyuas txog Daim Ntawv Suav Sau Ntsiab Lus ntawm Cov Txiaj Ntsig thiab Kev Duav Roos thiab koj phau ntawv qhia txog txiaj ntsig ntawm txoj phiaj xwm kho mob tshwj xeeb rau qhov ntaub ntawv hais txog koj txoj phiaj xwm seb ua hauj lwm li cas.
*Nws nyob ntawm koj los kuaj xyuas tas li yog tias koj tus kws muab kev pab cuam nyob hauv koj txoj phiaj xwm kho mob pab pawg koom nrog ua ntej koj tau txais cov kev pab cuam. Tsis yog txhua cov kws muab kev pab cuam nyob hauv txhua pab pawg koom lag luam. Koj tuaj yeem them ntau dua los sis them tag nrho koj cov nqi kho mob yog tias koj tus kws muab kev pab cuam kho mob tsis yog nyib hauv koj pab pawg koom lag luam los sis tsis muaj daim ntawv cog lus nrog Blue Cross (qhov no yog hu ua tus kws muab kev pab cuam kho mob uas tsis koom nrog). Koj tuaj yeem txheeb xyuas seb koj tus kws pab cuam puas nyob hauv koj pab pawg koom lag luam los ntawm kev hu xov tooj rau feem pab cuam rau cov qhua ntawm tus naj npawb nyob rau tom qab ntawm koj daim npav ID tswv cuab.