Tus nqi uas sib koom them yog dab tsi?
Kawm paub txog cov nqi sib koom them thiab thaum twg yuav tsum them cov nqi.
Tus nqi uas sib koom them (los sis kev them nqi sib koom them) yog xuv nqi uas koj them rau kev mus ntsib kws kho mob los sis daim ntawv yuav tshuaj.
Feem ntau koj them nws rau ntawm koj li kev teem caij los sis thaum uas koj mus nqia daim ntawv yuav tshuaj.
Thaum twg kuv thiaj li muaj tus nqi uas sib koom them?
Tsis yog tag nrho cov phiaj xwm kho mob yuav muaj cov nqi uas sib koom them. Yog ib qho tseem ceeb los mus saib dhau cov ntaub ntawv kev tso npe hauv txoj phiaj xwm los nrhiav saib seb txoj phiaj xwm puas yuav tsum muaj cov nqi uas sib koom them.
Ntawm no yog qee cov kev pab cuam kho mob uas pom muaj ntau uas yuav tsum muaj tus nqi uas sib koom them:
- Kev mus cuag hauv chaw hauj lwm los mus ntsib tus kws kho mob los sis tus kws tshaj lij
- Kev mus cuag rau kev saib xyuas maj rawm
- Kev mus cuag hauv chav saib xyuas xwm txheej kub ntxhov ceev
- Cov ntawv yuav tshuaj
Feem ntau, cov phiaj xwm uas muaj qhov nyiaj lov tawm siab tsis tas muaj cov nqi uas sib koom them rau kev mus cuag kws kho mob hauv chaw hauj lwm los sis daim ntawv sau cov tshuaj.
Thaum twg kuv thiaj yuav them tus nqi uas sib koom them?
Koj them tus nqi uas sib koom them rau thaum mus siv kev pab cuam. Cov nqi sib koom them tsis xam mus rau koj tus nqi yus them ua ntej. Qhov no txhais tau tias thaum uas koj siv mus txog rau koj qhov nyiaj lov tawm, koj tseem yuav muaj cov nqi uas sib koom them. Koj cov nqi uas sib koom them tsuas xaus thaum uas koj tau siv mus txog rau koj qhov nyiaj rho ntau tshaj plaws ntawm lub hnab nkaus xwb.
Kawm paub ntxiv
Nrhiav kom paub seb cov nqi sib koom them ua hauj lwm nrog lwm cov nqi kev kho mob li cas thiab kawm paub txog txoj hau kev thiab leej twg yuav them rau kev kho mob.
Cov nqi sib koom them ua hauj lwm li cas
Qauv piv txwv txog cov nqi sib koom them ua hauj lwm li cas
Mary mus cuag nws tus kws kho mob xub thawj los mus sib tham txog nws cov tsos mob khaub thuas. Nws txoj phiaj xwm yuav tsum muaj tus nqi uas sib koom them li $25 rau kev mus cuag kws kho mob. Mary them rau tus nqi uas sib koom them $25 rau ntawm qhov chaw them nyiaj thaum nws tuaj txog rau nws lub sij hawm teem tseg.
Nyob rau nws lub sij hawm mus cuag kws kho mob hauv chaw hauj lwm, Mary tus kws kho mob xa nws mus rau chav kuaj mob kom nqus ntshav tawm. Vim tias tias tus nqi uas sib koom them li $25 tsis pab them rau tej hauj lwm hauv chav kuaj mob, nws yuav muaj cov nqi uas yauv tau them ntxiv:
Yog Mary tseem ua tsis tau raws li tus nqi yus them ua ntej ...
Nws tau txais ib daim nqi txog tus nqi ntawm cov kev kuaj mob hauv chav kuaj mob. Nws txoj phiaj xwm kho mob siv qhov nyiaj no mus rau qhov nyiaj lov tawm ntawm Mary.
Yog tias Mary tau ua tau raws li nws tus nqi yus them yus ...
Nws tsuas yuav them qhov feem pua ntawm tus nqi (hu ua nyiaj isalas sib koom them ua ke) txog hauj lwm kuaj mob hauv chav kuaj thiab nws txoj phiaj xwm kho mob them rau qhov seem.
Qhov no yog cov ntaub ntawv qhia dav txhua feem txog qhov uas txoj phiaj xwm cov txiaj ntsig ua hauj lwm li cas. Tshuaj xyuas txog Daim Ntawv Suav Sau Ntsiab Lus ntawm Cov Txiaj Ntsig thiab Kev Duav Roos thiab koj phau ntawv qhia txog txiaj ntsig ntawm txoj phiaj xwm kho mob tshwj xeeb rau qhov ntaub ntawv hais txog koj txoj phiaj xwm seb ua hauj lwm li cas.
*Nws nyob ntawm koj los kuaj xyuas tas li yog tias koj tus kws muab kev pab cuam nyob hauv koj txoj phiaj xwm kho mob pab pawg koom nrog ua ntej koj tau txais cov kev pab cuam. Tsis yog txhua cov kws muab kev pab cuam nyob hauv txhua pab pawg koom lag luam. Koj tuaj yeem them ntau dua los sis them tag nrho koj cov nqi kho mob yog tias koj tus kws muab kev pab cuam kho mob tsis yog nyib hauv koj pab pawg koom lag luam los sis tsis muaj daim ntawv cog lus nrog Blue Cross (qhov no yog hu ua tus kws muab kev pab cuam kho mob uas tsis koom nrog). Koj tuaj yeem txheeb xyuas seb koj tus kws pab cuam puas nyob hauv koj pab pawg koom lag luam los ntawm kev hu xov tooj rau feem pab cuam rau cov qhua ntawm tus naj npawb nyob rau tom qab ntawm koj daim npav ID tswv cuab.