Koj daim npav ID tswv cuab Blue Cross
Vim li cas koj yuav xav tau nws, txoj hau kev yuav siv nws thiab yam yuav tau ua yog koj plam nws
Koj daim npav ID tswv cuab hauv Blue Cross muaj qhov ntaub ntawv tseem ceeb txog koj txoj phiaj xwm.
Koj yuav tau txais daim npav ID tswv cuab rau koj thiab txhua tus tau kev pab them nqi duav roos rau tswv cuab nyob hauv ob peb lim tiam tom qab koj txoj phiaj xwm pib siv tau.
Vim li cas koj thiaj yuav tsum muaj ib diam npav ID tswv cuab
Daim npav ID tswv cuab muaj cov ntsiab lus tseem ceeb hais txog koj txoj phiaj xwm thiab kev duav roos. Nws qhia cov kws muab kev pab cuam hauv pab pawg koom tes pab txog qhov yuav xa koj daim ntawv thov nyiaj rov qab mus rau, yog li koj thiaj li tsis tas yuav tau ua. Nws kuj muaj ntaub ntawv tiv tauj nyob sab tom qab yog koj ho xav tau kev pab.
Txoj hauv kev los siv koj qhov Blue Cross los sis Blue Plus Daim npav ID
Nqa koj daim npav ID Blue Cross los sis Blue Plus txhua lub sij hawm uas koj mus cuag kws kho mob los sis mus tom tsev muag tshuaj los sis lwm tus kws pab cuam kho mob. Koj daim npav ID tswv cuab muab qhov ntaub ntawv hauv qab no rau koj tus kws pab cuam kho mob:
- Koj lub npe thiab tus npawb txheeb xyuas tus kheej tswv cuab (thiab tus npawb pab pawg, yog tias siv tau)
- Lub npe ntawm koj txoj phiaj xwm
- Koj qhov nyiaj ntawm tus nqi uas sib koom them thaum koj mus cuag tus kws kho mob los sis mus rau chav saib xyuas xwm txheej ceev (yog tias muaj)
- Koj qhov nyiaj txiav tawm thiab qhov nyiaj rho ntau tshaj plaws ntawm lub hnab (yog tias siv tau)
- Qhov ntaub ntawv muab rau koj cov kws tshuaj txog cov ntawv sau yuav tshuaj
- Cov lus qhia rau cov kws pab cuam los sis cov kws tshuaj rau txoj hauv kev xa kev thov nyiaj rov qab
- Cov nab npawb xov tooj ntawm chaw muab kev pab cuam rau cov qhua rau koj thiab koj cov kws pab cuam
Yuav ua li cas yog tias koj ua koj daim npav ID poob
Yog koj daim npav ID tswv cuab xub thawj poob lawm los sis puas lawm, rau npe rau hauv ko tus as khauj kom pom koj daim npav ID dis ntsis toj, rub tawm ib daim los hloov thiab/los sis xa cov ntawv theej ntawm koj daim npav tuaj.
Puas muaj lus nug?
Yog tias koj muaj cov lus nug txog kev siv koj daim npav ID, hu rau tus nab npawb kev pab cuam rau cov qhua nyob rau sab tom qab ntawm koj daim npav ID.
Puas xav tau daim npav ntxiv?
Rau kev hloov pauv daim npav ID los sis ntxiv, rau npe nkag los sis tsim koj tus as khauj tswv cuab tom qab koj tau txais koj daim npav xub thawj.