Blue Care Advisor

Koj yuav pib li cas nrog Blue Care Advisor?

Yog koj tseem tsis muaj ib tug as khauj tswv cuab, tsim ib tug. Thaum muaj kev tshwm sim, ntaus koj cov ntaub ntawv kom ua tiav qhov txheej txheem tsim npe nkag.

Koj kuj tuaj yeem nkag mus rau Blue Care Advisor ntawm koj lub xov tooj iPhone los sis Android los ntawm kev ruub tawm lub app Blue Care Advisor.

Kuv tus txij nkawm los sis tus neeg nyob nrog uas yog neeg laus rau npe rau Blue Care Advisor tau li cas?

Thaum koj tsim koj tus as khauj, koj tuaj yeem muab chaw nyob email rau koj tus txij nkawm los sis cov neeg nrog nyob uas yog tus laus. Yog tias lawv muaj cai, lawv yuav tau txais ib tsab email txog cov lus qhia txog kev tsim tus as khauj. Lawv kuj yuav pib tus txheej txheem tsim as khauj rau lawv tus kheej tau.

Puas yog kuv yuav tsum nyias sau nyias ib tsab email rau kuv tus txij nkawm?

Yog, txhua tus as khauj Blue Care Advisor yuav tsum muaj qhov chaw nyob email sib txawv kom ntseeg tias koj tau txais tus kheej cov ntaub ntawv.

Vim li cas kuv cov ntaub ntawv thiaj li tsis haum nrog koj cov ntaub ntawv sau tseg?

Qhov no tuaj yeem tshwm sim rau cov neeg uas tau txais lawv cov kev duav roos los ntawm lawv tus tswv hauj lwm. Feem ntau qhov no txhais tau tias koj cov ntaub ntawv qhia paub tsis tshiab nyob hauv koj cov tswv hauj lwm lub lab npauv peev txheej tib neeg. Tiv tauj koj lub chaw hauj lwm Saib Xyuas Neeg Ua Hauj Lwm (HR) kom hloov tshiab koj cov ntaub ntawv hauv koj txoj phiaj xwm kho mob thiab cov txiaj ntsig.

Yog koj tsis muaj kev duav roos ntawm tus tswv hauj lwm, ces tiv tauj Blue Cross ncaj qha los hloov kho tshiab koj cov ntaub ntawv qhia paub.

Vim li cas kuv thiaj li teeb tsim tsis tau kuv tus as khauj Blue Care Advisor, txawm tias kuv tso npe nkag rau hauv kuv cov txiaj ntsig lawm?

Ua ntej tshaj, tshuaj xyuas nrog koj lub Chaw Hauj Lwm Saib Xyuas Neeg Ua Hauj Lwm los sis Blue Cross kom paub tseeb tias koj muaj ib txoj phiaj xwm uas tsim nyog rau. Yog tias koj txoj phiaj xwm tsim nyog, koj txoj phiaj xwm thiab cov txiaj ntsig tej zaum tseem tsis tau siv hauj lwm. Thaum koj txoj phiaj xwm thiab cov txiaj ntsig qhib siv, koj yuav muaj peev xwm tsim tau ib tus as khauj. Nco ntsoov tias Blue Care Advisor tsis muaj rau cov neeg nyob nrog hnub nyoog qis dua 18.

Vim li cas nws hais tias kuv tus as khauj tseem tsis tau npaj txhij yog tias kuv tau txais qhov ntaub ntawv qhia paub uas hais tias kuv tsim nyog yuav pib tau?

Peb xav kom koj los tsim ib tus as khauj sai li sai tau thaum koj pib muaj cai tsim nyog. Tej zaum nws yuav siv li ob lub lim tiam tom qab koj cov txiaj ntsig pib rau koj tus as khauj Blue Care Advisor kom qhib siv. Koj yuav tau txais ib tsab email tuaj ntawm peb thaum koj tus as khauj npaj siv tau.

Kuv yuav nquag hnov los ntawm Blue Cross npaum cas?

Nyob ntawm cov ntsiab lus koj nkag mus saib tau, peb yuav ceeb toom koj ntawm email thaum twg peb hloov kho koj cov ntaub ntawv keeb kwm, thiab qee zaus peb yuav xa cov lus qhia txog kev noj qab haus huv rau koj thiab qhov khoom hloov tshiab.

Peb kuj siv email los sib txuas lus nrog koj thaum koj hloov koj tus as khauj (kom paub meej tias hloov pauv chaw nyob email, piv txwv li).

Yog koj pom tias koj tseem hnov los ntawm peb ntau dhau, koj tuaj yeem hloov yooj yim hauv koj qhov xav tau hauv email ntawm koj nplooj ntawv as khauj.

Kuv txuas nrog Blue Cross hauv online tau li cas?

Rau npe nkag los sis tsim tus as khauj thiab siv qhov sau ntawv sib tham.

Kuv yuav hloov kuv tus password li cas?

Rau npe nkag los sis tsim tus as khauj thiab hloov kho tshiab koj cov kev teeb tsim tus neeg siv.

Hom xov tooj dab tsi uas Blue Care Advisor yuav siv hauj lwm tau?

Blue Care Advisor lub app ua tau hauj lwm rau cov cuab yeej feem ntau thiab muaj rau iOS thiab Android tib si. Rub lub app ntawm Apple App Store los sis Google Play. Koj tseem tuaj yeem nkag mus rau Blue Care Advisor los ntawm koj lub xov tooj lub nplaus xawj tshawb vev xaib los ntawm kev rau npe nkag rau koj tus as khauj tswv cuab.

Lub desktop browsers twg siv hauj lwm tau rau Blue Care Advisor?

Blue Care Advisor yeej siv tau nrog tag nrho cov nplaus xawj loj xws li Chrome, Firefox, Safari, Internet Explorer 11 thiab Microsoft Edge. Xav kom siv koj lub nplaus xawj uas yog lub tshiab tshaj plaws tas li xwb. Internet Explorer 10 los sis lub ua ntej no yuav ntsib teeb meem txog kev rub phab vev xaib los.

Tsis xav kom siv phab vev xaib ntiag tug los sis incognito nyob hauv koj lub nplaus xawj thiab yuav ua rau muaj qhov yuam kev thaum qhib siv los sis rau npe nkag rau hauv koj tus as khauj.

Kuv yuav tshawb nrhiav qhov kev saib xyuas li cas?

Yog tias tus tswv hauj lwm tau ntxiv kev nrhiav tus muab kev pab cuam rau hauv koj cov txiaj ntsig Blue Care Advisor, koj tuaj yeem nrhiav kev saib xyuas kho mob hauv lub app xov tooj ntawm tes thiab hauv koj nplaus xawj khoos phis tawj.

• Xov Tooj Ntawm Tes: Xaiv "Nrhiav Kev Saib Xyuas" los ntawm qhov mes nus nrhiav hauv qab kawg
• Khoos Phis Tawj: Siv qhov ntaus ntawv tshawb nrhiav nyob saum toj kawg ntawm koj lub nab cos xub thawj los ntaus koj lo lus yuav nrhiav los sis xaiv "Nrhiav Kev Saib Xyuas" los ntawm qhov mes nus saum toj kawg los nrhiav kev saib xyuas kho mob raws pab pawg

Puav leej ob qho txheej txheem yuav pom kab npe cov chaw kho mob koom tes nrog nyob ze koj tus zip code. Yog tias koj xav tshawb nrhiav hauv lwm qhov chaw, xaiv qhov chaw nyob thiab ntaus nkag mus rau lub nroog uas nyiam los sis tus zip code.

Kuv txoj phiaj xwm tuav pov hwm cov ntaub ntawv tau nquag hloov pauv npaum cas?

Nyob ntawm cov yam ntxwv uas koj tau nkag mus, peb tuaj yeem tso tawm cov ntaub ntawv hais txog koj qhov kev pab them nqi kho mob xws li ntau npaum li cas koj tau them nyiaj ntaum tus kheej lub hnab nyiaj rau koj cov nyiaj txiav tawm. Feem ntau, koj tus nqi yus them ua ntej thiab qhov txheej xwm tus nqi yus them yus tau txais kev hloov kho tshiab txhua zaus uas koj rau npe nkag.

Nyiam muab cov ntaub ntawv ntawm daim ntawv thov nyiaj rov qab, tus muab kev pab cuam thiab kev teeb nqi hloov kho tshiab npaum li cas?

Nws nce raws qhov xwm txheej uas koj tus tswv hauj lwm tau muab rau koj mus saib tau, koj tuaj yeem saib tau cov ntaub ntawv txog koj cov ntawv thov, cov npe kws kho mob thiab cov nqi kho mob. Qhov nquag hloov tshiab sib txawv raws li hom ntaub ntawv thiab qhov chaw ntaub ntawv. Cov ntaub ntawv qhia paub no tau hloov tshiab txhua hnub mus txog txhua lub hlis. Koj qhov txheej xwm nqi yus them ua ntej feem ntau raug muab hloov kho tshiab tas li dua cov ntaub ntawv qhia paub txog daim ntawv thov nyiaj rov qab.

Yuav ua li cas yog tias kuv tsis pom diam ntawv thov?

Yog tias tus tswv hauj lwm tau muab txoj kev nkag mus saib koj cov ntawv thov nyiaj rov qab rau koj, feem ntau cov ntaub ntawv yuav pom tau sai li sai tau thaum ua kom siv tau los ntawm koj lub chaw muab kev tuav pov hwm. Cov ntaub ntawv kho mob ua tiav yuav tshwm sim nyob qhov twg los ntawm rau mus rau yim lub lim tiam tom qab kev saib xyuas thiab cov ntaub ntawv kho mob ua tiav tshwm sim hauv ob mus rau plaub lub lim tiam.

Vim li cas muaj qee zaus kuv pom cov nqi kho mob?

Koj tsuas pom tus nqi yog tias koj qhov chaw ua hauj lwm tau muab koj nkag mus rau kev tshawb nrhiav cov kws kho mob thiab cov txheej txheem phais mob. Kev kwv yees tus nqi raug tsim los ntawm kev siv ntau tshaj 60 qhov chaw sib txawv ntawm ntaub ntawv, suav nrog cov ntawv thov nyiaj rov qab los ntawm peb cov neeg siv. Qee zaum peb yuav tsis muaj ntaub ntawv txaus los muab ib qho kwv yees. Qhov ntawd yog thaum yuav tau txais kev qhia tus nqi ua ncua lawm xwb. Xav kom koj hu rau koj tus muab kev pab cuam txog ntaub ntawv qhia paub tshiab tshaj plaws.

Vim li cas qee cov nqi thiaj li tsis muaj?

Tej zaum cov nqi yuav tsis muaj nyob hauv qee cov chaw. Yog tias tus nqi rau qee yam kev pab cuam kho mob tsis pom tshwm, tej zaum yuav pom tus nqi ua ib ncua. Muaj ntau tus nqi raws li cov ntawv sau nqi kev kho mob uas koj tus tswv hauj lwm them rau koj thiab koj cov neeg ua hauj lwm ua ke. Thaum tau them nyiaj rau ntau qhov kev thov, ces yuav muaj ntau tus nqi rau txhua tus. Txoj hauj lwm yuav txhim kho kev muaj siv tau thiab kev ncaj ncees txog kev teeb nqi hauv kev kho mob.

Kuv yuav txuas Apple watch los sis Apple HealthKit li cas rau Blue Care Advisor?

1. Qhib Blue Care Advisor app ntawm koj lub cuab yeej iOS. Ntawm koj lub home screen xaiv qhov kev pab uas tsim nyog-Ua Rau Nquag, Tsaug Zog Zoo, los sis Noj Tau Zoo. Koj kuj tseem tuaj yeem nrhiav cov kev pab no tau ntawm koj nplooj ntawv Cov Txiaj Ntsig.
2. Xaiv Use Apple Health. Txuas ntxiv, toggle Apple HealthKit rau ntaw "on" qhov chaw (xim ntsuab).

Sau Cim Tseg: Apple HealthKit tsuas yuav qhia tau tias yog lub soj qab xyuas uas muaj yog tias koj siv lub cuab yeej iOS los nkag rau Blue Care Adviser.

1. Ntawm koj lub cuab yeej iOS no, mus rau Settings. Tom qab ntawd, mus rau Privacythiab swb nqes mus xaiv Motion & Fitness. Nco ntsoov tias tag nrho ob qho Fitness Tracking thiab Health qhib siv hauj lwm (xim ntsuab).
2. Qhib lub Health app ntawm koj kub cuab yeej iOS. Ntawm kab ntawv menu bar nyob hauv qab kawg, xaiv Sources. Xaiv lub cim Blue Care Advisor thiab ua kom paub tseeb tias Dietary Energy, Sleep Analysis, Steps thiab Workouts yog tag nrho raug xaiv rau (xim ntsuab).

Koj tuaj yeem kuaj xyuas kom paub tseeb tias lub cuab yeej txuas tau zoo los ntawm kev taug kev ncig xyuas kom ntseeg tias lub Apple Health taug qab koj cov kauj ruam. Yog koj pom cov kauj ruam hauv Apple Health, tab sis tsis pom hauv Blue Care Advisor, hu rau 1-800-382-2000 kom tau kev pab.

Nco ntsoov, txhawm rau kom koj cov kauj ruam los ntawm Apple Health yuav sib txuas ua ke, koj yuav tsum qhiab Blue Care Advisor lub app tsawg kawg txhua 30 hnub. Koj tuaj yeem nias lub pab taug qab kom qhib siv/kaw los sis ntxiv ib qho tshiab los ntawm kev nias rau + saum toj kawg sab xis.

Cov ntaub ntawv hauv qab no yuav qhia koj ua raws li qhov chaw teeb tsa Google Fit los sis daws kho teeb meem txog ib qho teeb meem uas koj muaj.

Thaum siv lub khoos phis tawj los sis khoos phis tawj laptop, ua raws li cov kauj ruam nram no:

1. Rub tawm lub Google Fit app ntawm koj lub xov tooj ntawm tes.
2. Mus rau lub app los sis koj lub khoos phis tawj txawb mus rau fit.google.com thiab xyuas kom paub tseeb tias koj rau npe rau hauv tus as khauj.
3. Nyob rau hauv Blue Care Advisor lub app los sis nyob rau hauv phab nplaus xawj is taws nem tshiab, rau npe nkag rau hauv koj tus as khauj>
4. Thaum koj rau npe nkag lawm, xaiv txoj kab txuas Get Active hauv cov dej num txhua hnub
5. Xaiv Lub Soj Qab Xyuas Txoj Kab Txuas nyob rau sab xis ntawm phab vev xaib
6. Tua lub soj qab xyuas uas tam sim no txuas rau koj tus as khauj los ntawm kev xaiv lawv ntawm xim ntsuab mus rau xim tshau nyob hauv lub nab cos no
7. Nias rau lub cim + hauv ces kaum sab xis saum toj
8. Xaiv Google Fit thiab nkag mus rau hauv koj tus as khauj
9. Lees txais kev thov kev faib tawm ntaub ntawv los tso rau cai Blue Care Adviser kom nkag tau rau koj cov ntaub ntawv kev soj qab xyuas
10. Thaum koj rov qab mus rau Blue Care Advisor, xyuas kom paub tseeb tias Google Fit raug xaiv qhib
11. Xiav lub pob Sib Txuas thiab kuaj xyuas seb cov ntaub ntawv tshiab puas tau sib txuas
12. Hauv kev teeb tsa lub app Google Fit, xyuas kom paub tseeb tias Kev Kuaj Pom Kev Ua Hauj Lwm raug xaiv qhib thiab Blue Care Adviseor raug teev tseg rau hauv Cov App Sib Txuas

Cov kauj ruam hauv qab no yuav tsum tso cai rau koj txuas tus Garmin tracker thawj zaug los sis rov tsim dua qhov txuas yog tias koj muaj teeb meem:

1. Los ntawm tus kheej lub koob pis tawj los sis laptop, qhib qhov internet browser
2. Tshem cov ntaub ntawv hauv lub browsing suav nrog koj li cov keeb kwm siv internet, cache, thiab cookies
3. Mus rau connect.garmin.com
4. Ntaus npe tawm ntawm tus as khauj Garmin uas muaj lawm
5. Hauv lub nplaus xawj tshiab, rau npe nkag mus rau hauv Jiff daim ntawv thov
6. Xaiv qhov kev xaiv Ntau Ntxiv nyob hauv ces kaum sab xis hauv qab ntawm lub nab cos
7. Xaiv Profile & Settings
8. Xaiv Cov Kauj Ruam hauv Kuv Cov Kev Pab Cuam Sib Txuas Mus
9. Xaiv lub pob ntxiv [+] hauv ces kaum sab xis saum toj thiab xaiv Garmin
10. Ntaus npe nkag nrog tus email thiab password koj siv los teeb tsa koj tus as khauj Garmin

Cov ntaub ntawv hauv qab no yuav qhia koj txog kev tsim qhov Fitbit los sis daws txhua yam teeb meem uas koj muaj.

Thaum siv lub khoos phis tawj los sis khoos phis tawj laptop, ua raws li cov kauj ruam nram no:

1. Mus rau fitbit.com thiab nias rau qhov ntaus npe nkag nyob lub ces kaum saum toj kawg sawb xis
2. Ntaus npe nkag uas siv tus email thiab password uas koj siv los tsim koj tus as khauj Fitbit
3. Thaum koj tau rau npe nkag thiab tuaj yeem pom koj cov kauj ruam pom tshwm hauv fitbit.com, mus rau bluecrossmn.com/bca thiab rau npe nkag mus rau hauv koj tus as khauj.
4. Nias rau qhov mes nus nyob hauv ces kaum sab laug saum toj ntawm koj lub nab cos
5. Xaiv Cov Cuab Yeej Taug Qab & Kev Noj Qab Haus Huv Cov Cuab Yeej
6. Xaiv FitBit tracker
7. Tej zaum koj yuav raug hais kom rov ntaus koj cov ntaub ntawv ntaus npe nkag rau FitBit
8. Yog tias nws thov kom koj tso cai rau Castlight los soj qab xyuas koj cov kev ua hauj lwm ntau yam, xaiv Tso Cai>

Cov khoom plig muab khoom plig sib txawv los ntawm tus tswv haujlwm. Rau npe nkag los saib koj cov kev xaiv.

Kuv yuav tau txais qhab nias li cas?

Blue Care Advisor muab ntau txoj hau kev rau koj los khwv kom tau cov qhab nia rau kev koom nrog hauv cov dej num kev noj qab haus huv thiab kev noj qab nyob zoo, saib raws li cov hau kev daws teeb meem uas muaj rau koj.

Koom nrog hauv cov khoos kas kev noj qab haus huv thiab soj qab xyuas cov hauj lwm ua txhua hnub xws li cov kauj ruam, khoom noj thiab kev pw tsaug zog los ntawm kev txuas lub app mus rau lub cuab yeej soj qab xyuas uas looj rau yus.

Koj cov qhab nias uas muaj yuav pom tshwm nyob ntawm thaum koj ntaus npe nkag.

Kuv yuav ua li cas nrog kuv cov qhab nias?

Tej zaum koj yuav muaj peev xwm siv tau koj cov qhab nias los nkag rau kev rho npe los sis yuav cov phaj tshab ncaj qha xws li cov npav es lev thos niv, cov kev rau npe ua tswv cuab, cov khoom lag luam, cov laj thawj fab kev pab nyiaj rau neeg txom nyem thiab ntau yam ntxiv.

Puas yog kuv yuav tsum tau siv cov khoom siv uas coj tau mus keeb nrog kom tau txais cov qhab nias?

Tsis yog. Txawm tias thaum koj tsis siv lub cuab yeej taug qab coj tau mus los xij, koj kuj tseem tuaj yeem tau txais cov qhab nias raws li cov hauv kev no:

• Sync Blue Care Advisor nrog koj lub xov tooj ntawm tes qhov kev taug qab kev noj qab haus huv
• Manually log activity in Blue Care Advisor
• Nrhiav cov khoom siv lub soj qab xyuas uas haum

Kuv puas tuaj koom tau yog tias kuv muaj kev xiam oob qhab?

Tau! Soj qab cov dej num xws li kev ua vaj zaub, kev ncab ib ce, kev ua luam dej, kev tsaws khoom hnyav, kev siv lub rooj zaum muaj log, kev txiav nroj, kev tawm dag zog yoga thiab ntau yam ntxiv. Txhua cov hauj lwm suav thiab Blue Care Advisor yuav ua qhov kev suav los hloov cov hauj lwm ua cov kauj ruam. Hu rau peb ntawm 1-800-382-2000 kom paub ntxiv.

Kuv yuav tsum nquag sync npaum cas kom paub tseeb tias tau taug qab kuv cov hauj lwm?

Siv qhov sync koj qhov taug qab hauj lwm nrog koj qhov taug qab qhov kev pab txhua 30 hnub.

Puas yog kuv tuaj yeem ua cov kauj ruam, kev noj zaub mov thiab pw tsaug zog?

Koj tuaj yeem ntxiv kev ua ntawm tus kheej tau los ntawm Blue Care Advisor lub app los sis lub vev xaib. Rau npe nkag mus thiab xaiv "Rau npe ntawm tus kheej."

Koj tseem tuaj yeem hloov lwm yam kev ua mus rau cov kauj ruam los ntawm kev xaiv "Cov dej num ntau ntxiv." Xaiv los ntawm daim ntawv teev cov hauj lwm uas nyiam ua los sis ua qho kev cai nkag mus.

Kev taug qab xyuas khoom noj ua hauj lwm li cas (yog tias muaj)?

Lub khoos kas kev taug qab xyuas khoom noj txhawb kom muaj cov cwj pwm kev noj haus zoo rau lub cev los ntawm kev muab cov qhab nia thiab khoom plig rau kev teev tseg txog koj li kev noj khoom noj txhua hnub. Cov khoos kas yuav muaj ntau lub npe sib txawv (xws li Bites thiab Eat Smart), tab sis txhua yam muaj cov yam ntxwv zoo ib yam thiab ua hauj lwm zoo tib yam kiag.

Txhawm rau kawm paub ntau ntxiv txog kev taug qab khoom noj haus, koj yuav tsum txo cov khoom noj muaj calories yam tsawg kawg 800 txhua hnub.

Txhawm rau soj ntsuam koj li kev nce qib, rau npe nkag rau koj tus as khauj.

Kuv tsis tau txais cov qhab nia rau kev taug qab xyuas khoom noj:

• Txheeb xyuas qhov tseeb tias koj li kev pab cuam kev taug qab raug muab txuas zoo rau lub app
• Txheeb xyuas qhov tseeb tias koj tab tom teev tseg yam tsawg 800 calories toj ib hnub los khw tau cov qhab nia

Kev soj qab xyuas kauj ruam mus kev ua hauj lwm li cas (yog tias muaj)?

Qhov kauj ruam taug qab kev pab ua rau koj tau txais qhab nias rau txhua kauj raum uas sauv cov hom phiaj hauv txhua hnub. Muaj peb lub hom phiaj uas koj tuaj yeem ua tau hauv txhua hnub, txhua tus neeg muaj lub sij hawm taug kev kom ntau thiab tau txais cov qhab nias ntau. Cov hom phiaj thiab tus nab npawb teb ntawm cov qhab nias koj tuaj yeem tau txais nce raws li qhov koj txoj kev pab.

Kev soj qab xyuas kauj ruam mus kev yuav muaj ntau lub npe sib txawv (xws li Steps thiab Get Active) tab sis txhua yam muaj txheej txheem zoo tib yam.

Txhawm rau soj ntsuam koj li kev nce qib, rau npe nkag rau koj tus as khauj.

Kev soj qab xyuas kev pw tsaug zog ua hauj lwm li cas (yog tias muaj)?

Koj yuav tsum taug qab yam tsawg kawg ob teev sib law liag ntawm kev pw tsaug zog kom tau txais koj cov qhab nias rau txhua hnub.

Yog yuav soj ntsuam xyuas koj li kev nce qib, rau npe nkag rau koj tus as khauj.

Koj tuaj yeem taug qab koj kev pw tsaug zog uas tuaj yeem nqa coj tau mus los sis lub app pab taug qab uas tso cai koj nkag mus rau koj li kev pw tsaug zog. Nrhiav cov twj soj qab xyuas dej num uas sib haum.

Kuv yuav tsis tau txais cov qhab nia rau kev soj qab xyuas kuv li kev pw tsaug zog:

• Ua kom paub tseeb tias koj li kev pab cuam kev soj qab xyuas raug muab txuas rau lub app zoo
• Siv qhov sync koj qhov taug qab hauj lwm nrog koj qhov taug qab qhov kev pab txhua 30 hnub. (Piv txwv li, sync koj lub Fitbit tuaj yeem hnav rau nrog koj tus as khauj Fitbit.)
• Kom paub tseeb tias koj ua tau yam tsawg kawg ob teev sib law ntawm kev pw tsaug zog toj ib hmos kom tau txais cov qhab nias.

Garmin vívokí thiab Forerunner 35 yuav tsis txuas qhov ntaub ntawv kev pw tsaug zog nrog lub app.

Cov khoom plig muab khoom plig sib txawv los ntawm tus tswv haujlwm. Nkag mus saib koj cov kev xaiv.

Kuv yuav nrhiav pom qhov Lub Chaw Muab Khoom Plig nyob qhov twg?

Yog tias koj muaj kev nkag mus rau qhov kev pab cuam khoom plig uas yog ib feem ntawm koj qhov kev pab cuam tsim los yog tag nrho cov khoom plig noj qab haus huv, koj tuaj yeem nkag mus rau Lub Chaw Muab Khoom Plig los ntawm koj lub desktop los sis lub app xov tooj.

1. Qhib lub Blue Care Advisor ntawm koj lub desktop los sis lub app xov tooj.
2. Ntawm koj li home screen, xaiv Cov Qhab Nias Tau Txais. Qhov no yuav coj koj mus rau Cov Hauv Kev kom Tau Txais.
3. Xaiv Redeem Points kom mus tau rau Lub Chaw Muab Phaj Tshab.

Ntawm desktop, Lub Chaw Muab Khoom Plig kuj tuaj yeem nkag mus los ntawm More menu qhov chaw saum toj kawg.

Kuv yuav siv Lub Chaw Muab Khoom Plig li cas?

Lub Chaw Muab Khoom Plig yog qhov chaw koj tuaj yeem pom muaj pes tsawg qhab nias koj yuav tsum siv rau kev txhawb siab thiab khoom plig suav nrog daim npav khoom plig hauv is lev thos niv.

Kom rov ntxiv koj cov qhab nias:

1. Xaiv Rov Txiv kom txhiv cov qhab nias rau qhov khoom plig los sis Ntaus Nkag rau Win kom txhiv cov qhab nias rau kev xaiv txais khoom plig, yog tias muaj.
2. Qhia qhov ntau tsawg thiab xaiv Rov Ntxiv, tom qab ntawd ntawm lub screen txuas ntxiv xaiv Tso Qhov Ntxiv Rau. (Koj tuaj yeem nkag mus rau qhov cov kev ntxhuab ntawv tau txais khoom plig, yog tias muaj, ntau zaus raws li qhov koj xav tau, yog tias koj muaj cov qhab nias, txhawm rau ua kom koj muaj feem yeej.)
3. Lees txais koj qhov kev xaiv.

Thov nco tseg: Txhua theem yog qhov kawg thiab tsis muaj qhov thim nyiaj rov qab. Thaum koj rov nxiv koj cov qhab nias, peb tsis tuaj yeem thim thim rov qab tshwj tsis yog ib qho khoom tsis muaj nyob hauv lub txhab khoom.

Thaum koj rov ntxiv koj qhov khoom plig, koj yuav tau txais ib tsab email lees txais. Yog tias koj tau xaiv qhov khoom plig digital, piv txwv li, daim npav khoom plig Amazon, npaj siab tias yuav xa email thib ob nrog tus lab hav rov ntxiv.

Thov muab sij hawm li ib los sis ob lub lim tiam rau kev xa khoom tuaj. Yog tias koj tsis tau txais koj qhov khoom plig tom qab plaub lub lim tiam, thov hu rau 1-800-382-2000 txhawm rau tshuaj xyuas seb mus txog twg.

Nwv yuav siv sij hawm ntev npaum cas thiaj tau txais kuv qhov khoom plig?

Thaum koj rov ntxiv cov qhab nias rau qhov khoom plig los sis khoom txhawb zog, thov muab sij hawm li ib txog ob lub lim tiam rau xa qhov khoom. Yog tias koj tsis tau txais koj qhov khoom plig tom qab plaub lub lim tiam, thov hu rau 1-800-382-2000 txhawm rau tshuaj xyuas seb mus txog twg.

Rau cov kev nthuav ntawv txais khoom plig thiab cov khoom plig sib tw, cov neeg koom yuav xub tau txais email ceeb toom tshaj tawm cov neeg yeej.

Tom qab ntawd koj yuav tau txais email rov qab ceeb toom rau koj thaum koj qhov khoom plig los sis cov kev nthuav ntawv txais khoom plig tau raug xa tuaj (xws li email los sis pob khoom xa tuaj, khom vam raws li qhov khoom).

Nov yog qee lub sij hawm teev tseg rau lwm cov khoom plig uas koj tuaj yeem rov ntxiv:

Cov khoom siv digital:
Cov kev xaj khoom tau sau nyob hauv 24 teev tom qab muab tso. Koj yuav tau txais ib tsab email nrog cov lus qhia txog kev rov ntxiv thaum lub sij hawm ntawd.

Nyiaj pub dawb*:
Kev pab dawb yuav raug ua sawv cev rau koj. Lub sij hawm pab dawb txawv raws li lub koom haum pab dawb uas koj tau xaiv.

Tus As Khauj Txuag Nyiaj Rau Kev Noj Qab Haus Huv / nyiaj them rov qab rau kev noj qab haus huv los yog luv nqi kho mob *:
Cov khoom plig no yog pab ntxiv raws li kev txiav txim siab ua ntej uas tau teev sij hawm tseg los ntawm koj tus tswv hauj lwm. Thov mus saib cov ntsiab lus txog cov nyiaj txhawb siab hauv Lub Chaw Muab Khoom Plig.

Txog cov lus nug, hu rau 1-800-382-2000 thiab suav nrog koj tus nab npawb xaj yuav khoom. Sau tus nab npawb no rau koj khaws cia.

*Kev xaiv khoom plig nyob ntawm seb koj qhov kev npaj tau txais txiaj ntsig tsim

Puas yog kuv cov khoom plig thiab cov khoom txhawb siab raug txiav se?

Cov khoom plig thiab khoom txhawb siab raug xam tias yog cov nyiaj khwv tau los uas raug txiav se.

Qee zaus koj tus tswv hauj lwm yuav duav roos cov se ntawm cov khoom txhawb siab los sis cov khoom plig. Yog tias tus tswv hauj lwm xaiv tsis ua li ntawd, tag nrho cov se siv tau yuav raug txiav tawm ntawm koj daim tshev nyiaj.

Yog tias qhov khoom raug txiav se, koj yuav saib qhov tsis lees paub uas piav qhia tias yam khoom raug txiav se li cas. Koj kuj tseem tuaj yeem hu rau 1-800-382-2000 kom paub cov ntaub ntawv ntau ntxiv.

Koj tsab cai kev xa rov qab thiab kev sib pauv rau qhov khoom plig yog dab tsi?

Thaum koj rov txhiv koj cov ntsiab lus rau qhov khoom plig los sis kev nkag mus cov ntawv txais khoom plig, txhua qhov kev muag khoom yog qhov kawg. Peb txhawb kom koj hu rau 1-800-382-2000 nrog rau cov lus nug los sis kev txhawj xeeb ua ntej kev rov txhiv cov qhab nias.

Qhov khoom plig uas kuv tab tom nrhiav tsis muaj nyob hauv txhab khoom. Qhov ntawv puas yog txhais tau tias tsis muaj?

Qee zaum, cov khoom txhawb siab yuav mus txog lawv qhov txwv rau kev rov ntxiv thiab ib yam khoom yuav tsis muaj ntawm txhab khoom. Thaum qhov no tshwm sim, peb yuav tiv tauj koj tus tswv hauj lwm kom txiav txim siab seb qhov khoom plig tshwj xeeb ntawd puas rov muaj nyob hauv txhab khoom.

Cov khoom plig thiab cov khoom txhawb siab tau raug xaiv los ntawm koj tus tswv hauj lwm, thiab peb tsis tuaj yeem muab los sis rov ntxiv yam khoom rau yam tsis tau txais kev tso cai los ntawm tus tswv hauj lwm.

Qee zaus cov khoom plig tsis tau txiv dua tshiab, los sis raug hloov los ntawm lwm yam khoom, thiab yog li ntawd yuav tsis muaj nyob hauv Lub Chaw Muab Khoom Plig lawm.

Cov cai rau kev txais khoom plig yog dab tsi?

Koj tuaj yeem saib tau cov cai kev rho npe tau ntawm no.

Tus kheej cov ntaub ntawv kho mob yog dab tsi?

Tus kheej cov ntaub ntawv kho mob (PHI) yog ib qho ntaub ntawv uas cuam tshuam txog qhov xwm txheej kev noj qab haus huv, kev muab kev saib xyuas kho mob, los sis cov kev them nyiaj rau kev saib xyuas kho mob uas tuaj yeem txuas mus rau qhov kev xaiv (tshwj xeeb) ntawm tus kheej thiab tau suav sau los ntawm ib lub chaw duav roos nqi kho mob los sis lub chaw lag luam cuam tshuam.

PHI kuj muaj cov ntaub ntawv uas nyob rau hauv pab pawg ntawm cov ntaub ntawv ntiag tug tseem ceeb (SPI). Cov ntaub ntawv qhia paub no los sis cov ntaub ntawv uas tau txais los ntawm cov ntaub ntawv qhia paub txog tus kheej uas yog qhov tseem ceeb heev thiab yog tias ua ploj los sis muab nthuav tawm yam tsis tau txhob txwm, yuav ua rau muaj kev phom sij loj los sis kev txaj muag rau ib tug neeg. Cov kev piv txwv ntawm SPI muaj qhov sib txawv raws li lub koom haum tab sis tej zaum yuav suav nrog cov txuas ntxiv no:

• Tus npawb xaus saus
• Hnub yug
• Cov ntawv sau tseg txog caj ceg los sis kev tsim noob neej
• Kev pom zoo nrog tog nom tswv los sis kev ntseeg  
• Haiv neeg los sis haiv neeg tsawg
• Kev nyiam deev poj niam txiv neej
• Cov npawb ntawm tus as khauj hauv txhab ceev nyiaj

Puas yog cov neeg muaj cai rub tawm lawv tus kheej cov ntaub ntawv kev kho mob yam tsis muaj daim ntawv thov daim foos kev ruaj ntseg?

Yog. Raws li HIPAA, lub chaw duav roos nqi kho mob los sis lub chaw lag luam cuam tshuam uas tswj cov ntaub ntawv sau tseg kev kho mob (cov ntawv sau tseg txog kev xaiv lub chaw kho mob) cuam tshuam txog tus neeg, tus neeg muaj cai mus saib tau thiab xa lawv cov ntaub ntawv ntiag tug (suav nrog PHI). Txawm hais tias peb tsis tuav cov ntaub ntawv sau tseg raws li tau teev tseg los ntawm HIPAA, peb ua raws li cov lus qhia hauv HIPAA feem ntau thiab yog li tso cai rau cov neeg siv ntawm peb daim ntawv thov nkag mus thiab rub tawm mus rau tus kheej cov ntaub ntawv suav nrog PHI.  

Chaw Muab Ntaub Ntawv: Lub Thawj Fab Hauj Lwm Saib Xyuas Kev Noj Qab Haus Huv thiab Kev Pab Cuam Tib Neeg: Txoj Cai Ntawm Tus Neeg hauv HIPAA kom Nkag Tau Rau lawv Cov Ntaub Ntawv Qhia Paub Txog Kev Noj Qab Haus Huv 45 CFR § 164.524. 

Qee yam kev pheej hmoo cuam tshuam nrog kev tsis ruaj ntseg rub tawm cov PHI yog dab tsi?

Qee cov kevv pheej hmoo cuam tshuam txog kev tsis ruaj ntseg rub tawm suav nrog tab sis tsis tas rau cov txuas ntxiv no:

• Kev nyiag nkag kev siv yam tsis tau tso cai los sis kev cuam tshuam los ntawm tus neeg thib peb (qhov no yuav suav nrog qhov kev ua phem los sis lub chaw kho mob uas yog tus neeg thib peb)
• Tub sab nyiag lub cuab yeej nrog rau rub tawm cov ntaub ntawv  
• Kev pheej hmoo ntawm kev muab pov tseg yuam kev los sis cov ntaub ntawv khaws cia ntawm lub cuab yeej siv rau kev rub tawm
• Tsis tau rau lab hav cov ntaub ntawv (suav nrog kev tsis rau lab hav rau cov ntaub ntawv xa mus rau tus neeg thib peb)

Dab tsi yog qee yam kev ruaj ntseg yuav tau xav txog thiab tau qhia kom muaj kev nyab xeeb ua ntej rub tawm thiab xa cov ntaub ntawv mus rau sab nraud ntawm daim ntawv thov daim foos kev ruaj ntseg?

Peb muaj lus qhia tab sis tsis tas yuav tsum ua raws li cov kev nyab xeeb raug tso rau qhov chaw ntawm koj lub cuab yeej tau tsim ua ntej rub tawm thiab/ los sis kev xa mus

• Kom ntseeg tias koj lub xov tooj los sis lub desktop muaj tus lab hav nkag  
• Tus passsword pov thaiv rau lub xov tooj thiab lub cuab yeej nkag mus 
• Kev xa ib qho ntaub ntawv rub tawm ncaj qha rau lub chaw uas muaj kev ruaj ntseg 

Kuv tuaj yeem mus saib cov ntaub ntawv ntau ntxiv txog kev tsis qhia lwm tus thiab kev ruaj ntseg nyob qhov twg?

Hais txog cov lus nug feem dav hais txog peb cov kev coj ua ntiag tug, thov mus saib rau peb tsab ntawv ceeb toom txog Kev Ceev Ntiag Tug.

Kom paub cov ntaub ntawv ntau ntxiv thiab cov chaw pab ntaub ntawv ntawm lub ncauj lus no thov mus saib hauv Lub Chaw Hauj Lwm Saib Xyuas Kev Noj Qab Haus Huv thiab Pab Cuam Tib Neeg Cov Chaw Ntaub Ntawv Lub Xev Xaib ntsig txog HIPAA Tsab Cai Ntiag Tug thiab Tsab Cai Kev Ruaj Ntseg.

Qhov Fitness Tracker Incentive yog dab tsi?

Fitness Tracker Incentive yog Amazon daim ntawv txo nqi yuav khoom uas tuaj yeem muab tso rau kev xaj yuav khoom ntawm ib qho kev taug qab hauj lwm uas tsim nyog ntawm Amazon.com.

Yog tias nws suav nrog hauv koj txoj phiaj xwm, koj tuaj yeem mus saib tau qhov Fitness Tracker Incentive hauv More menu.

Kuv yuav nrhiav pom kuv tus lab hav Fitness Tracker Incentive voucher nyob rau qhov twg?

Yog tias nws suav nrog hauv koj txoj phiaj xwm, koj tuaj yeem mus saib tau Fitness Tracker Incentive. Yog tias koj tsim nyog, koj yuav pom Tracker Incentive hauv qhov More menu.

1. Qhib lub Blue Care Advisor ntawm koj lub desktop los sis lub app xov tooj.
2. Mus rau More menu.
3. Swb nqis mus rau hauv qab thiab xaiv Tracker Incentive

Kuv yuav txhiv kuv qhov Fitness Tracker Incentive li cas?

Yog tias koj tsim nyog, koj tuaj yeem nkag mus rau Fitness Tracker Incentive hauv Ntau ntawv qhia zaub mov thiab ua raws cov kauj ruam hauv qab no kom txhiv koj daim ntawv pov thawj.

1. Kev thov koj li Fitness Tracker Incentive
2. Mus rau https://www.amazon.com/gc/pv/redeem
3. Ntaus koj tus lab hav ntawv pov thawj
4. Mus yuav khoom rau qhov kev taug qab cov hauj lwm uas tsim nyog
5. Txuas koj qhov taug qab hauj lwm hauv peb li Get Active kom tau txais cov qhab nias

Kuv yuav rov qab tau qhov kev xaj yuav khoom li cas nrog kuv qhov Fitness Tracker Incentive?

Txhua qhov kev xaj yuav khoom uas siv Fitness Tracker Incentive ntawm Amazon.com yog ua raws li Amazon.com txoj cai thim rov qab. Thov sab laj nrog Amazon.com yog tias koj xav thim rov qab kev xaj yuav khoom.

Vim li cas kuv raug sau se thaum kuv rov tsim kuv li Fitness Tracker Incentive?

Amazon Fitness Voucher tej zaum yuav raug them se raws li kev rov tsim dua raws li txoj cai lij choj ntawm lub xeev thiab hauv zej zog. Cov kev them se no yog txiav ncaj qha los ntawm koj daim tshev them nyiaj.

Kuv qhov taug qab hauj lwm tau nres tsis ua hauj lwm thiab kuv xav tau kev hloov tshiab. Koj tsab cai kev lees tab yog dab tsi?

Txhua tus taug qab wearable yuav siv Blue Care Advisor's Fitness Tracker Incentive yog ua raws li cov lus cog tseg los ntawm cov chaw tsim khoom, tsis yog los ntawm Blue Care Advisor. Thov hu rau lub chaw tsim khoom ntawm koj lub fitness tracker.

Fitbit

Kev thov pab txhawb tuaj yeem xa rau ntawm Fitbit lub vev xaib los sis xa email los sis hu xov tooj.

Online: Tiv Tauj Fitbit Lub Chaw Pab Txhawb

Xa Email: CWsupport@fitbit.com

Hu Xov Tooj: 844.534.8248

Koj yuav tsum muab koj Tus Lab Hav Lees Txais Fitbit, nyob rau hauv email lees paub tias koj tau txais los ntawm Fitbit thaum koj ua koj qhov kev xaj yuav khoom.

Garmin

Cov kev thov pab txhawb tuaj yeem xa tau hauv online los sis hauv xov tooj. Hu xov tooj los sis xa email Garmin Product Support Txhawm rau thov tus npawb Return Merchandise Authorization (RMA).

Oos lais: garmin.com

Hu xov tooj: 800.800.1020 los sis 913.397.8200

Koj yuav tsum tau muab:

1. Tus npawb taug qab txheeb xyuas (yog tias muaj)
2. Qhov chaw nyob xa rov qab
3. Tus xov tooj hu nruab hnub

Misfit

Kev xa ntawv thov tuaj yeem xa tau hauv online los sis ncaj qha hauv email.

saum Online: misfit.com

Xa Email: help@misfit.com

Koj yuav tsum tau muab:

1. Tus as khauj Misfit qhov chaw nyob email uas koj siv txuas nrog koj ya khoom coj tau keeb nrog.
2. Nrhiav qhov no ntawm misfit.com > Me/Profile > Settings (sab xis saum toj kawg nkaus) > Account Info
3. Daim duab kaw ntawm koj lub Misfit tracker nrog tus npawb serial hauv lub npov plaub ces kaum xim dawb uas pom tseeb.
4. Misfit Order ID, nyob rau hauv tsab email lees paub tias koj tau txais los ntawm Misfit thaum koj ua qhov kev xaj yuav khoom.

Nokia (yav dhau los yog Withings)

Cov ntawv thov pab txhawb yuav tsum yog xa tuaj hauv email.

Xa Email: Corp-support@withings.com

Koj yuav tsum tau muab:

1. Cov lus piav qhia ntxaws txog qhov teeb meem koj muaj nrog koj tus tracker.
2. Koj Li Nokia Order ID, nyob rau hauv email lees paub tias koj tau txais los ntawm Nokia thaum koj ua koj qhov kev xaj yuav khoom.