Kawm paub txog qhov nyiaj rho ntau tshaj plaws ntawm lub hnab thiab txoj hau kev yuav soj qab xyuas.
Cov nyiaj rho tawm hauv lub hnab nyiaj ntau tshaj yog cov nyiaj ntau tshaj uas koj tuaj yeem them rau kev pov thaiv cov kev pab cuam kho mob thiab/los sis cov ntawv xaj yuav tshuaj txhua xyoo.
Qhov nyiaj rho ntau tshaj plaws ntawm lub hnab tsis suav nrog koj nqi tuav pov hwm txhua hli.
Feem ntau nws muaj xws li koj tus nqi yus them ua ntej, nyiaj isalas sib koom them ua ke thiab tus nqi uas sib koom them, tab sis qhov no yuav sib txawv raws txoj phiaj xwm.
Kev kho mob rau kev noj qab haus huv tsis tu ncua, kev siv tshuaj los sis kev phais uas kim txhais tau tias koj siv qhov nyiaj rho tawm ntawm lub hnab nyiaj ntau tshaj.
Thaum koj mus txog koj qhov nyiaj rho ntau tshaj plaws ntawm lub hnab hauv pab pawg koom tes lawm, koj txoj phiaj xwm kho mob yuav them rau cov kev kho mob thiab tshuaj muaj ntawv sau yuav uas tau txais kev duav roos rau tas xyoo. Koj txoj phiaj xwm yuav them cov nqi no yog tias cov kev pab cuam thiab cov ntawv xaj yuav tshuaj yog qhov tsim nyog nkaus xwb.
Xyuas seb qhov nyiaj rho ntau tshaj plaws ntawm lub hnab ua hauj lwm li cas nrog lwm cov nqi kho mob thiab kawm paub txog txoj hau kev thiab leej twg yuav them rau kev kho mob.
Jenny xav tau kev phais mob thiab xav kom nws tau txais kev pab them siab tshaj plaws.
Ua ntej kev phais mob, nws xyuas kom meej tias nws tus kws kho mob thiab tsev kho mob nyob hauv nws txoj phiaj xwm pab pawg koom tes* thiab ua raws li cov kauj ruam tsim nyog rau kev tso cai ua ntej.
Tus nqi tag nrho rau kev phais mob rau Jenny yog $10,000 tom qab txoj phiaj xwm lis ua daim ntawv thov nyiaj rov qab.
Jenny muaj $1,500 tus nqi yus them ua ntej nrog 20% nyiaj isalas sib koom them ua ke
Jenny muaj qhov nyiaj rho ntau tshaj plaws ntawm lub hnab li $3,500
Jenny them rau nws tus kws kho mob thiab tsev kho mob $3,200 ($1,500 tus nqi yus them ua ntej ntxiv $1,700 nyiaj isalas sib koom them ua ke)
Nws muaj $300 ntxiv yuav them ua ntej nws mus txog nws qhov nyiaj rho ntau tshaj plaws ntawm lub hnab.
Yog tias Jenny tau tawm ntawm pab pawg koom tes txoj phiaj xwm rau nws qhov kev phais mob, nws yuav muaj cov nyiaj them ntawm hnab nyiaj siab tshaj ntau dua thiaj them tas. Nws qhov nyiaj txiav tawm kuj tseem yuav siab dua rau hauv pab pawg saib xyuas kho mob koom tes nrog.
Vim li no nws thiaj tseem ceeb heev los nrhiav kev saib xyuas hauv koj pab pawg koom tes nrog txoj phiaj xwm, vim tias koj yuav muaj tus nqi them hauv hnab nyiaj qis dua. Jenny yuav tau them tag nrho cov nqi uas Blue Cross tsis pab them yog tias nws tau txais kev saib xyuas sab nraud ntawm pab pawg koom tes ntawm nws txoj phiaj xwm.
Cov nqi no yuav tsis suav rau nws qhov nyiaj them ntawm hnab nyiaj uas ntau tshaj plaws hauv pab pawg koom tes.
Qhov no yog cov ntaub ntawv qhia dav txhua feem txog qhov uas txoj phiaj xwm cov txiaj ntsig ua hauj lwm li cas. Tshuaj xyuas txog Daim Ntawv Suav Sau Ntsiab Lus ntawm Cov Txiaj Ntsig thiab Kev Duav Roos thiab koj phau ntawv qhia txog txiaj ntsig ntawm txoj phiaj xwm kho mob tshwj xeeb rau qhov ntaub ntawv hais txog koj txoj phiaj xwm seb ua hauj lwm li cas.
*Nws nyob ntawm koj los kuaj xyuas tas li yog tias koj tus kws muab kev pab cuam nyob hauv koj txoj phiaj xwm kho mob pab pawg koom nrog ua ntej koj tau txais cov kev pab cuam. Tsis yog txhua cov kws muab kev pab cuam nyob hauv txhua pab pawg koom lag luam. Koj tuaj yeem them ntau dua los sis them tag nrho koj cov nqi kho mob yog tias koj tus kws muab kev pab cuam kho mob tsis yog nyib hauv koj pab pawg koom lag luam los sis tsis muaj daim ntawv cog lus nrog Blue Cross (qhov no yog hu ua tus kws muab kev pab cuam kho mob uas tsis koom nrog). Koj tuaj yeem txheeb xyuas seb koj tus kws pab cuam puas nyob hauv koj pab pawg koom lag luam los ntawm kev hu xov tooj rau feem pab cuam rau cov qhua ntawm tus naj npawb nyob rau tom qab ntawm koj daim npav ID tswv cuab.