Kawm paub txog cov nqi tuav pov hwm ntawm kev pov hwm txog kev noj qab haus huv thiab txoj hau kev them cov nqi ntawd.
Qhov nyiaj nqi pov hwm muaj feem cuam tshuam nrog koj cov txiaj ntsig ntawm txoj phiaj xwm kev noj qab haus huv. Feem ntau, tus nqi yus them yus siab npaum li cas, koj tus nqi tuav pov hwm yuav qis npaum li ntawd, thiab sib pauv mus los li ntawd.
Nws yog ib qho tseem ceeb uas yuav tau xav txog tus nqi pov hwm thiab qhov nyiaj txiav tawm ua ke thaum koj xaiv ib txoj phiaj xwm.
Kev piv txwv txog txoj phiaj xwm tus nqi yus them ua ntej qis thiab siab:
Janet noj qab nyob zoo thiab tsis tshua mus ntsib kws kho mob. Nws xaiv ib txoj phiaj xwm nrog qhov nyiaj txiav tawm uas siab yuav ua hauj lwm tau zoo tshaj rau nws.
Nws tab tom xaiv them nqi tuav pov hwm txhua hli qis dua, tiam sis tseem yuav muaj kev tiv thaiv yog hais tias nws yuav tsum tau txais kev pab kho mob rau tej yam loj.
David muaj tus mob tsis tu ncua uas xav kom nws yuav tsum mus ntsib nws tus kws kho mob tas li. Nws xaiv ib txoj phiaj xwm tus nqi yus them ua ntej qis
Nws paub tias nws yuav tsum them nqi tuav pov hwm txhua hlis ntau dua, tab sis nws phiaj xwm kho mob yuav pib them rau nws cov nqi kho mob sai dua yog tias nws yuav tsum ua kom tau raws li tus nqi yus them ua ntej siab.
Koj them koj cov nqi pov hwm raws li koj tau txais koj txoj phiaj xwm. Yog tias koj muaj kev pov hwm txog kev noj qab haus huv los ntawm kev ua hauj lwm, koj tus tswv ntiav hauj lwm yuav them cov nqi pov hwm los ntawm koj daim tshev yam tsis siv neeg. Yog tias koj muaj koj tus kheej txoj phiaj xwm kev noj qab haus huv, koj yuav them ncaj qha rau lub tuam txhab pov hwm.
Koj txoj phiaj xwm tsuas yog siv tau thaum koj them tus nqi pov hwm, yog li nws tseem ceeb kom them raws sij hawm. Yog tias koj them ncaj qha, Blue Cross and Blue Shield of Minnesota thiab Blue Plus muaj ntau txoj kev xaiv them nyiaj los them hauv online los sis los teeb tsam kev rho nyiaj av tab naus mav tau.
Xyuas kom paub seb tus nqi tuav pov hwm puas haum nrog lwm cov nqi kev kho mob li cas thiab kawm paub seb txoj hau kev thiab leej twg yuav them rau kev kho mob.
Qhov no yog cov ntaub ntawv qhia dav txhua feem txog qhov uas txoj phiaj xwm cov txiaj ntsig ua hauj lwm li cas. Tshuaj xyuas txog Daim Ntawv Suav Sau Ntsiab Lus ntawm Cov Txiaj Ntsig thiab Kev Duav Roos thiab koj phau ntawv qhia txog txiaj ntsig ntawm txoj phiaj xwm kho mob tshwj xeeb rau qhov ntaub ntawv hais txog koj txoj phiaj xwm seb ua hauj lwm li cas.
Nws nyob ntawm koj los kuaj xyuas tas li yog tias koj tus kws muab kev pab cuam nyob hauv koj txoj phiaj xwm kho mob pab pawg koom nrog ua ntej koj tau txais cov kev pab cuam. Tsis yog txhua cov kws muab kev pab cuam nyob hauv txhua pab pawg koom lag luam. Koj tuaj yeem them ntau dua los sis them tag nrho koj cov nqi kho mob yog tias koj tus kws muab kev pab cuam kho mob tsis yog nyib hauv koj pab pawg koom lag luam los sis tsis muaj daim ntawv cog lus nrog Blue Cross (qhov no yog hu ua tus kws muab kev pab cuam kho mob uas tsis koom nrog). Koj tuaj yeem txheeb xyuas seb koj tus kws pab cuam puas nyob hauv koj pab pawg koom lag luam los ntawm kev hu xov tooj rau feem pab cuam rau cov qhua ntawm tus naj npawb nyob rau tom qab ntawm koj daim npav ID tswv cuab.