Qee cov mob txog kev noj qab haus huv tuaj yeem hloov pauv koj txoj kev xav thiab tus cwj pwm. Kawm paub txog cov hom cwj pwm sib txawv thiab cov mob txog kev noj qab haus huv fab hlwb, cov tsos mob thiab cov kev kho mob, thiab nrhiav saib seb cov phiaj xwm kev noj qab haus huv twg pab them rau.
Kev kuaj xyuas cov mob txog kev noj qab haus huv thiab kev coj cwj pwm thaum ntxov ua rau kho tau lawv yooj yim dua. Pib nrhiav kws kho mob nyob rau hauv koj pab pawg koom tes ntawm txoj phiaj xwm kho mob uas tsim nyog los kho cov zwj ceeb mob no.*
Tus mob txog kev noj qab haus huv fab hlwb hloov pauv txog qhov uas ib tug neeg xav, hnov thiab coj ua li cas. Qee cov zwj ceeb mob txog kev noj qab haus huv fab kev puas siab puas ntsws uas keev pom suav muaj
Kev nyab xeeb ntawm tus cwj pwm yog lo lus uas duav tag nrho kev daj siab thiab kev noj qab nyob zoo fab kev xav, suav nrog qhov uas cov neeg daws cov teeb meem ib hnub-dhau-ib hnub tau li cas. Lo lus kuj suav muaj kev kho mob txog cov kev mob nkeeg fab hlwb, xws li kev ntxhov siab los sis kev nyuaj siab, ua ke nrog tus mob los ntawm kev siv tshuaj muaj yees thiab lwm cov cwj pwm ntawm kev quav tshuaj.
Qee cov mob txog kev coj cwj pwm uas pom muaj ntau suav muaj:
Hom kev kho mob uas pom ntau yog kev pab tswv yim nrog tus kws kho mob hlwb los sis tus kws tshaj lij rau fab kho hlwb. Qhov no yuav suav nrog kev mus pw ib hmo hauv lub tsev kho mob (tus neeg mob sab hauv) los sis kev mus cuag rau cov kws kho mob lub chaw lis hauj lwm (tus neeg mob sab nraud). Koj tus kws kho mob kuj yuav thov txog cov kev kuaj mob rau fab hlwb los sis sau daim ntawv yuav cov tshuaj noj.
Blue Cross thiab Blue Plus cov phiaj xwm kho mob feem ntau pab them rau cov kev pab cuam txog kev noj qab haus huv fab hlwb thiab kev coj cwj pwm. Cov kev pab cuam uas pab them rau kev saib xyuas rau tus neeg mob sab hauv los sis sab nraud, qhov cov nqi sib koom them los sis nyiaj isalas sib nrog them ua ke cov nyiaj, thiab qhov pab pawg koom tes ntawm cov kws pab cuam yuav sib txawv rau txhua txoj phiaj xwm.
Muaj ntau cov phiaj xwm kuj pab them rau cov tshuaj noj los kho txog kev noj qab haus huv fab hlwb. Txhawm rau los nrhiav seb koj txoj phiaj xwm puas pab them rau koj daim ntawv yuav tshuaj, kuaj xyuas cov txiaj ntsig ntawm daim ntawv yuav tshuaj thiab txoj phiaj xwm tus qauv tshuaj (daim ntawv teev npe ntawm cov tshuaj uas tau txais kev pab them). Qee cov kev kuaj thiab cov tshuaj noj yuav tsum muaj kev tso cai ua ntej koj txoj phiaj xwm yuav pab them rau lawv.
Qee qhov ntawm Blue Cross los sis Blue Plus cov phiaj xwm muab cov txheej txheem pab cuam hauv online los pab kho cov tsos mob txog kev noj qab haus huv fab hlwb los sis fab kev coj cwj pwm. Cov phiaj xwm no feem ntau raug nqi tsawg dua kev mus cuag kws kho mob hauv chaw lis hauj lwm.
Txhawm rau los nrhiav saib seb koj txoj phiaj xwm puas pab them rau cov txheej txheem pab cuam hauv online no, hu rau tus nab npawb nyob rau tom qab ntawm koj daim npav txheeb xyuas tus kheej.
Qhov no yog cov ntaub ntawv qhia dav txhua feem txog qhov uas txoj phiaj xwm cov txiaj ntsig ua hauj lwm li cas. Tshuaj xyuas Daim Ntawv Ntsiab Lus Suav Sau txog Cov Txiaj Ntsig thiab Kev Duav Roos (SBC) thiab koj phau ntawv qhia txog cov txiaj ntsig ntawm txoj phiaj xwm kho mob kom paub txog seb koj txoj phiaj xwm ua hauj lwm li cas.
* Nws nyob ntawm koj los kuaj xyuas tas li yog tias koj tus kws muab kev pab cuam nyob hauv koj txoj phiaj xwm kho mob pab pawg koom nrog ua ntej koj tau txais cov kev pab cuam. Tsis yog txhua cov kws muab kev pab cuam nyob hauv txhua pab pawg koom lag luam. Koj tuaj yeem them ntau dua los sis them tag nrho koj cov nqi kho mob yog tias koj tus kws muab kev pab cuam kho mob tsis yog nyib hauv koj pab pawg koom lag luam los sis tsis muaj daim ntawv cog lus nrog Blue Cross (qhov no yog hu ua tus kws muab kev pab cuam kho mob uas tsis koom nrog). Koj tuaj yeem txheeb xyuas seb koj tus kws pab cuam puas nyob hauv koj pab pawg koom lag luam los ntawm kev hu xov tooj rau feem pab cuam rau cov qhua ntawm tus naj npawb nyob rau tom qab ntawm koj daim npav ID tswv cuab.
*Tsis yog tag nrho cov phiaj xwm yuav muab qhov Learn to Live los sis Doctor On Demand. Qee cov tswv cuab yuav tsis muaj kev nkag txog rau qhov txheej txheem pab cuam no. Tiv tauj lub chaw kev pab cuam rau cov qhua nrog tus nab npawb xov tooj nyob sab tom qab ntawm koj daim npav ID ntawm Blue Cross los txheeb qhia txog koj li kev duav roos.