Kev ntxhov siab yog ib qho mob puas hlwb uas ib txwm muaj. Cov neeg muaj kev txhawj xeeb heev los sis ntshai ntawm kev ua hauj lwm yooj yim hauv lub neej. Kawm txog cov cim kev ntxhov siab, hom thiab kev kho.
Kev hnov ntshai qee zaum yog qhov ib txwm tshwm sim. Yog tias qhov kev xav tsis tu ncua thiab ua rau muaj teeb meem nrog kev ua hauj lwm, tsev kawm ntawv, los sis kev sib raug zoo, tej zaum nws yuav yog lub sij hawm los tham nrog tus kws kho mob tshaj lij kev saib xyuas kho mob txog koj qhov kev ntxhov siab. Koj tuaj yeem nrhiav tau ib tug kws kho mob tshaj lij uas paub kho mob tshwj xeeb txog kev ntxhov siab thiab uas nyob hauv koj lub Blue Cross los sis Blue Plus txoj phiaj xwm kho mob pab pawg koom tes los ntawm kev siv peb qhov cuab yeej Find a Doctor.
Cov tsos mob tej zaum yuav hnyav, me ntsis los sis tsis xwm yeem. Nrhiav ib los sis ntau qhov ntawm cov cim no:
Kev xav
Lub cev
Kev ntxhov siab los sis kev ceeb ntshai tshwm sim tam sim ntawd. Qhov kev tawm tsam tuaj yeem hnyav heev uas ntau tus neeg xav tias nws muaj qhov yuav ua rau plawv nres. Thaum muaj kev tawm tsam, cov tsos mob ntawm lub cev thiab lub siab xav tuaj yeem yuav tshwm sim:
Cov tsos mob ntxhov siab yog kho yooj yim. Kev sab laj thiab tshuaj kho mob yog ib txoj hauv kev los kho kev ntxhov siab. Koj tuaj yeem nrhiav kev kho mob los ntawm:
Tus kws kho mob xub thawj tuaj yeem tham txog koj cov tsos mob thiab sau ntawv yuav tshuaj. Kev tswj hwm kev ntxhov siab, kev xav thiab pab pawg txhawb nqa tuaj yeem pab tswj cov tsos mob ntawm kev ntxhov siab ib yam nkaus.
Nws yog ib qho tseem ceeb yuav tsum sib tham txog tag nrho cov tsos mob nrog koj tus kws kho mob vim tias muaj ntau hom kev ntxhov siab sib txawv uas xav tau ntau txoj phiaj xwm kho mob sib txawv.
Blue Cross thiab Blue Plus cov phiaj xwm kev noj qab haus huv feem ntau duav roos rau cov kev pab cuam kev puas hlwb. Kev duav roos yuav txawv rau txhua txoj phiaj xwm thiab sib txawv rau cov kev pab cuam kho mob hauv tsev kho mob los sis tus neeg mob sab nraud. Nws yog qhov zoo tshaj kom hu rau tus npawb pab cuam cov qhua nyob sab nraub qaum ntawm koj daim npav txheeb xyuas tus kheej kom tau txais cov ntsiab lus ntxaws hais txog koj cov txiaj ntsig ntawm txoj phiaj xwm.
Cov phiaj xwm kev noj qab haus huv feem ntau duav roos rau cov tshuaj uas kho kev ntxhov siab. Tshawb xyuas koj cov txiaj ntsig tshuaj muaj ntawv yuav tshuaj, suav nrog tus qauv tshuaj (cov npe tshuaj uas raug duav roos), kom paub tseeb tias koj daim ntawv yuav tshuaj raug duav roos lawm.
Qee cov phiaj xwm ntawm Blue Cross los sis Blue Plus muab cov kev pab cuam hauv online uas yog cov kev xaiv tus nqi qis dua los pab kho cov tsos mob ntawm koj txoj kev ntxov siab.
Thov tiv tauj rau tus naj npawb pab cuam rau cov neeg siv khoom nyob sab nraum ntawm koj daim npav txheeb xyuas tus kheej txhawm rau txheeb xyuas qhov kev duav roos.
*Tsis yog tag nrho cov phiaj xwm yuav muab qhov Learn to Live los sis Doctor On Demand. Qee cov tswv cuab yuav tsis muaj kev nkag txog rau qhov txheej txheem pab cuam no. Thov tiv tauj rau chaw muab kev pab cuam rau cov qhua nrog tus nab npawb xov tooj nyob rau tom qab ntawm koj qhov Blue Cross Daim npav txheeb xyuas tus kheej los txheeb xyuas koj qhov kev raug pov thaiv.