Ib tug kws kho mob luag ntxhi rau ib tug neeg laus thaum tuav ib daim ntawv teev npe.

Kev saib xyuas tiv thaiv rau cov txiv neej

Kawm paub txoj hauv kev yuav tiv thaiv khees xaws lub noob qes li cas thiab txog lwm yam kev tiv thaiv rau cov txiv neej, tshwj xeeb tshaj yog tom qab hnub nyoog 50.

Cov Ntsiab Lus

Blue Cross tham txog txiv neej txoj kev noj qab haus huv, suav nrog kev tshuaj ntsuam xyuas kom txo tau kev pheej hmoo mob khees xaws rau lub taub noob qes thiab lwm yam kab mob. Yog tias koj yog ib tug txiv neej muaj kev txhawj xeeb txog kev noj qab haus huv los sis hnub nyoog 50 los sis laus dua, teem sij hawm nrog kws kho mob hnub no.

Tus txiv neej yuav tsum nquag mus ntsib kws kho mob txhawm rau kuaj tiv thaiv kab mob?

Qhov kev txiav txim siab mus ntsib kws kho mob yog nyob ntawm hnub nyoog thiab kev noj qab haus huv:

  • Cov txiv neej noj qab haus huv: mus ntsib kws kho mob txhua peb mus rau tsib xyoos
  • Cov txiv neej hluas uas muaj keeb kwm ntawm tsev neeg, kev mob nkeeg los sis kev ua neej muaj kev pheej hmoo siab: mus ntsib kws kho mob txhua xyoo
  • Cov txiv neej hnub nyoog 50 thiab laus dua: Mus ntsib kws kho mob txhua ib mus rau ob xyoos, los sis ntau zaus yog tias koj tswj hwm tus mob hnyav

Yuav tshwm sim dab tsi ntawm ib tug txiv neej txoj kev kuaj xyuas tiv thaiv mob?

Koj yuav raug kuaj xyuas qhov siab, qhov hnyav thiab ntshav siab thiab raug nug cov lus nug no:

  • Koj puas haus luam yeeb?
  • Koj li kev tawm dag zog thiab kev noj haus zoo li cas?
  • Koj qib kev ntxhov siab zoo li cas?
  • Koj puas xyaum kev sib deev nyab xeeb?
  • Koj puas haus cawv ntau dhau?
  • Koj puas muaj tsev neeg keeb kwm mob plawv, mob khees xaws txoj hnyuv, mob khees xaws lub taub noob qes los sis lwm yam kab mob?

Tiv thaiv kev tshuaj ntsuam rau txiv neej

Raws li cov txiv neej muaj hnub nyoog, nws tseem ceeb heev kom mus ntsib kws kho mob tsis tu ncua rau cov kev ntsuam xyuas hauv qab no:

Cov Chaw Muab Kev Pab Cuam Txog Kev Saib Xyuas Tiv Thaiv Kab Mob

Nws yog ib qho tseem ceeb kom nkag siab txog yam uas tau pom zoo los ntawm kev kho mob thiab seb koj qhov phiaj xwm tshwj xeeb duav roos. Siv cov chaw qhia ntaub ntawv no los tshawb nrhiav. Nrhiav cov ntsiab lus ntxiv hauv koj phau ntawv cov txiaj ntsig.

Cov lus taw qhia txog kev kho mob tiv thaiv
Cov ntaub ntawv qhia txog cov kev pab cuam rau kev tiv thaiv saib xyuas kab mob
Cov lus qhia txog kev saib xyuas tiv thaiv kab mob rau poj niam

Mob khees xaws lub noob qes

Lub taub noob qes yog dab tsi thiab leej twg muaj feem yuav mob khees xaws lub noob qes?

Lub taub noob qes yog ib lub qog uas qhwv txiv neej txoj hlab zis, nyob rau ntawm lub ntsis zais zis. Kab mob khees xaws rau lub taubnoob qes yog ib qho kab mob qog nqaij hlav uas ntsib ntau tshaj plaws hauv cov txiv neej thiab feem ntau kho tau zoo. Koj tus kws kho mob yuav xub ntsuas koj cov kev pheej hmoo tus kab mob khees xaws lub tub noob qes ua ntej xaiv seb puas yuav tau kuaj ntshav.

Cov laj thawj uas ua rau koj muaj kev phom sij ntau dua ntawm kev mob khees xaws rau lub taub noob qes muaj xws li:

  • Hnub nyoog/Poj Niam Txiv Neej: Koj yog txiv neej hnub nyoog 50 xyoos los yog laus dua
  • Tsev neeg keeb kwm: Koj txiv los sis tus kwv tij tau mob khees xaws rau lub taub noob qes
  • Haiv neeg/Haiv Neeg Tsawg: Koj yog Neeg Asmeskas Khab

Yog tias koj muaj kev pheej hmoo, koj tus kws kho mob yuav xaj kom kuaj ntshav txhawm rau kuaj lub taub noob qes tshwj xeeb antigen (PSA) hauv koj cov ntshav. Koj qib PSA nyob ntawm koj lub hnub nyoog; qib PSA ib txwm muaj rau tus txiv neej muaj hnub nyoog 70 yuav siab dua qib PSA hauv cov txiv neej hluas.

Yuav kho mob khees xaws rau lub taub noob qes li cas? 

Koj tus kws kho mob yuav pom zoo ua raws li koj cov txiaj ntsig PSA. Qee hom mob khees xaws rau lub taub noob qes loj hlob qeeb, yog li koj tus kws kho mob yuav xav saib xyuas koj. Lwm hom mob khees xaws rau lub taub noob qes tuaj yeem ua rau mob hnyav dua. Koj tus kws kho mob tuaj yeem tham txog kev kho mob, xws li kev phais, hluav taws xob, tshuaj kho mob los sis lwm yam kev xaiv.

Dab tsi yog qee txoj hauv kev los tiv thaiv mob khees xaws rau lub taub noob qes thiab lwm yam kab mob?

Yuav kom noj qab nyob zoo, nws yog ib qho zoo rau cov txiv neej kom tsis txhob haus luam yeeb, tswj lub cev hnyav thiab ua hauj lwm tsis tu ncua. Nws tseem yog ib qho tseem ceeb rau kev xyaum kev sib deev muaj kev nyab xeeb thiab teem caij kuaj xyuas kev tiv thaiv tsis tu ncua thaum koj muaj hnub nyoog.