Mob pob txha phom yog ib yam kab mob uas ua rau koj cov pob txha tsis muaj zog thiab ua rau muaj feem tawg ntau. Kawm paub txog cov laj thawj thiab cov lus qhia kom cov pob txha khov thiab noj qab nyob zoo.
Cov neeg ntawm txhua lub hnub nyoog tuaj yeem mob cov kab mob pob txha po (osteoporosis) tau. Raws li Cov Ntaub Ntawv ntawm Lub Koom Haum Saib Xyuas Kab Mob Pob Txha Po (Osteoporosis) Hauv Teb Chaws, 1 hauv 2 cov poj niam thiab mus txog 1 hauv 4 txiv neej hnub nyoog 50 los sis laus dua yuav ua rau pob txha tawg vim qhov mob no. Saib hauv qab no txhawm rau cov kauj ruam uas koj tuaj yeem ua kom koj cov pob txha khov thiab pob txha po qeeb zog.
Kev saib xyuas koj txoj kev noj qab haus huv thiab tau txais kev tiv thaiv saib xyuas kab mob uas koj tus kws kho mob pom zoo nws yog ib qho tseem ceeb. Saib cov lus qhia no rau qee qhov kev saib xyuas tiv thaiv kab mob.
Thaum peb muaj hnub nyoog ntau zog, peb lub cev tsis muaj peev xwm nqus tau cov calcium uas xav tau los txhawb cov pob txha kom khov tau tsawg zog. Yog li ntawd, peb cov pob txha yuav po los yog nkig thiab tawg tau yooj yim. Feem ntau qhov kev puas cov pob txha no tshwm sim ntau xyoo.
Lwm yam tseem ceeb uas muaj feem ua rau mob kab mob pob txha po (osteoporosis). Koj tuaj yeem tswj tau qee yam, tab sis tsis yog tag nrho cov xwm txheej no.
Kab mob pob txha po (Osteoporosis) yog ib yam kab mob tsis hnov mob. Koj yuav hnov tsis tau li tias koj cov pob txha tsis khov zuj zus. Feem ntau, thawj cov yam ntxwv yuav yog pob txha tawg hauv koj lub duav, txha npaj qaum los sis caj dab teg. Los yog koj yuav pom tias koj tab tom qis zuj zus los yog koj lub nraub qaum pau rau pem hauv ntej. Tham nrog koj tus kws kho mob sai li sai tau thaum koj pom tias muaj kev hloov hauv koj qhov siab los sis qhov pau ntawm koj tus txha nraub qaum.
Koj tus kws kho mob yuav pom zoo kom hloov txoj kev ua neej los yog sau cov tshuaj uas tuaj yeem tsim cov pob txha rov qab los yog qeeb ntawm cov pob txha. Tej zaum koj yuav tau mus ntsib nrog koj tus kws kho mob kom paub meej tias koj txoj phiaj xwm kho mob yuav ua rau pob txha puas qeeb.
Nws yog ib qho tseem ceeb kom nkag siab txog yam uas tau pom zoo los ntawm kev kho mob thiab seb koj qhov phiaj xwm tshwj xeeb duav roos. Siv cov chaw qhia ntaub ntawv no los tshawb nrhiav. Nrhiav cov ntsiab lus ntxiv hauv koj phau ntawv cov txiaj ntsig.
Nov yog txoj hau kev ua kom cov pob txha muaj zog zoo thiab tiv thaiv cov pob txha xiam rau yav tom ntej.
Peb xav tau thaj calcium thaum peb loj hlob tuaj, thiab vitamin D pab peb lub cev txais tau khoom noj khoom haus tau zoo dua. Cov khoom noj mis nyuj, ntses thiab zaub ntsuab doog xws li zaub caws, cov zaub qhwv thiab paj zaub broccoli muaj calcium ntau. Koj tuaj yeem tau txais vitamin D los ntawm qe, ntses rog, cereal thiab mis nyuj. Kuj sib tham nrog koj tus kws kho mob txog cov tshuaj ntxiv txiaj ntsig rau lub cev.
Kev tawm dag zog lub cev hom qhov hnyav pab tsim cov pob txha thiab ua kom lawv muaj zog. Lawv suav nrog cov hauj lwm uas ua rau koj ntawm koj txhais taw, xws li taug kev, seev cev, ntaus pob tennis los sis ua kom lub cev xwm yeem. Tshawb xyuas nrog koj tus kws kho mob ua ntej koj pib qhov kev tawm dag zog kom paub tseeb tias nws haum rau koj.
Kev haus luam yeeb ua rau koj lub cev tsim cov tshuaj estrogen tsawg dua qub, yuas yog ib yam tshuaj uas tiv thaiv koj cov pob txha. Qhov no muaj tseeb rau txiv neej thiab poj niam. Kuaj nrog koj txoj phiaj xwm kho mob los saib seb nws puas muaj lub khoos kas los pab koj txiav luam yeeb.
Kev haus dej cawv hnyav tuaj yeem ua rau koj cov pob txha puas tsuaj thiab ua rau muaj kev mob pob txha po (osteoporosis) tom qab hauv lub neej.