Tes tuav luam yeeb thiab ib tug luam yeeb hluav taws xob.

Kev txiav luam yeeb los sis tuaj haus nrog peb txoj hauj lwm pab txhawb luam yeeb

Kev haus luam yeeb yog kev quav tshuaj, thiab kev txiav luam yeeb tuaj yeem xav tau kev pab txhawb ntxiv.

Hais txog lub khoos kas pab cuam no

Pib nrog peb qhov kev pab txhawb nqa

Yog tias koj yog tus tswv cuab ntawm Blue Cross, peb qhov kev txiav luam yeeb thiab txoj hauj lwm pab txhawb kev txiav luam yeeb tuaj yeem pab koj ua thawj kauj ruam los ua kom tsis muaj nicotine. 

Nov yog yam uas koj yuav tau txais: 

Thawj zaug hu los tham txog koj li keeb kwm ntawm kev siv nicotine thiab koj qhov kev txiav luam yeeb

Plab tsab xov tooj hu tuaj ntxiv nrog tus kws qhia kev noj qab haus huv rau thaum uas haum raws koj lub sij hawm

Ib txoj phiaj xwm kev txiav luam yeeb ntawm tus kheej

Ib phau ntawv ua hauj lwm xa mus rau koj lub tsev nrog cov lus qhia los pab koj ua raws li txoj phiaj xwm thiab daws cov kev ntxhov siab thiab kev ntshaw

Kev hu xov tooj ob zaug ntxiv los txhawb koj tom qab koj ua tiav qhov kev pab cuam (30-thiab 90 hnub tshuaj xyuas ntxiv).

Cov cuab yeej online thiab cov chaw pab rau kev txhawb nqa thiab taug qab koj qhov kev nce qib ntawm kev hu

Lus pom zoo txog cov khoom pab kom txiav tau luam yeeb (ntaub nplaum, tshuaj zom los sis tshuaj npuav) yog koj xav paub

Peb pab li cas

Blue Cross ua dab tsi los pab tib neeg txiav luam yeeb?

Blue Cross and Blue Shield of Minnesota yog tus thawj tswj hwm sib koom ua ke ntawm Minnesotans for a Smoke-Free Generation, koom nrog ntau dua 60 lub koom haum uas sib koom lub hom phiaj ntawm kev txo cov tub ntxhais hluas haus luam yeeb thiab xaus kev puas tsuaj ntawm kev haus luam yeeb kom nyob noj qab nyob zoo. Lub koom haum thoob plaws lub xeev no tau txhawb nqa cov kauj ruam ntxaws txhawm rau tiv thaiv cov tub ntxhais hluas txoj kev quav luam yeeb, suav nrog Luam Yeeb 21, txwv tsis pub muag txhua yam khoom haus luam yeeb (xws li luam yeeb hluav taws xob), nqis peev rau kev tiv thaiv cov hluas thiab nce nqi luam yeeb.

Blue Cross tau ua tus coj txog kev siv zog ua yam tsis tu ncua los txo kev siv luam yeeb. Nov yog qee qhov kev ua tiav tseem ceeb:

Freedom to Breathe

Tau ua hauj lwm kom tsim tau Minnesota Tsab Cai Kev Ywj Pheej yuav Ua Pa hauv 2007

Kawm paub ntxiv

Cov se luam yeeb

Pab ua rau nce se ntxiv rau cov nqi luam yeeb hauv 2013

Nyiaj pab rau kev hloov txoj cai

Pib txoj kev pib peev nyiaj txiag los txhawb kev hloov pauv txoj cai hauv zos hauv cov zej zog uas haus luam yeeb ntau dua

Call it Quits

Ua ib tug tswv cuab ntawm kev sib koom tes Call it Quits, ib qho kev koom tes ntawm cov koom haum muab kev pab cuam los txiav luam yeeb hauv Minnesota

Dab tsi yog qhov loj ntawm kev haus luam yeeb hluav taws xob?

Kev haus luam yeeb hluav taws xob yog lo lus luv txog kev ua pa yaj. Tus luam yeeb hluav taws xob ua rau cov kua kub tuaj ua kom muaj pa uas raug nqus mus rau hauv lub ntsws. Ib cag ntawm nicotine, uas yog qhov muaj yees heev, cov kua luam yeeb hluav taws xob kuj tseem muaj lwm yam teeb meem xws li:

  • Cov tshuaj uas siv nroj tsuag ua uas yaj tau sai
  • Cov tshuaj khes mis uas yuav ua rau muaj mob khees xaws
  • Cov hlau hnyav xws li nyiaj, txhuas thiab kua txhuas
  • Cov hmoov uas mos zoo (Ultrafine particles)
  • Cov khoom tso rau cov khoom noj kom qab xws li diacetyl, cov tshuaj khes mis uas yuav ua rau muaj kab mob ntsws

Cov luam yeeb hluav taws xob cuam tshuam rau peb txoj kev noj qab haus huv

Txog tam sim no muaj cov neeg mob 1, 604 ntsig txog kev haus luam yeeb hluav taws xob thiab nyob rau hauv ntau qhov xwm txheej uas ua rau ploj tuag. Qhov laj thawj tshwj xeeb tseem tsis tau txiav txim siab. Txog rau qhov no, tsuas yog muaj ib txoj kev nyab xeeb kom zam tsis txhob siv txhuam yam luam yeeb. 

Nqis tes ua

Tus xov tooj kev txiav luam yeeb thiab kev pab txhawb txiav luam yeeb

Ua thawj kauj ruam los ua kom tsis txhob muaj luam yeeb thiab tsis muaj kuab luam yeeb nicotine/luam yeeb hluav taws xob. 
Kev txhawb nqa yog muaj rau cov tswv cuab hnub nyoog 13 thiab laus dua.

Rau cov tswv cuab ntawm Blue Cross feem ntau

Hu rau tus xov tooj hu dawb 1-888-662-BLUE (2583)

Sij hawm: Hnub Monday - Hnub Thursday. 8:30 teev sawv ntxov - 5:30 teev tsaus ntuj CT, Hnub Friday 8 Teev sawv ntxov - 6 teev tsaus ntuj CT

Rau Blue Advantage Families and Children, MinnesotaCare, Minnesota Senior Care Plus and SecureBlue cov tswv cuab: 

Hu rau 1-855-552-2583, TTY 711.

Yog tias koj tsis yog ib tus tswv cuab:

Koj tuaj yeem tau txais kev txhawb nqa nrog kev txiav luam yeeb ntawm tus xov tooj kev txiav luam yeeb hauv koj lub xeev, yog tias muaj.

Hu rau 1-800-TAWM TAM SIM NO (1-800-784-8669)

Lwm cov txiaj ntsig uas tej zaum koj yuav xav paub txog

Ib tug neeg laus mloog lub mloog pob ntseg uas tab tom siv lub khoos phis tawj laptop.

Tus Kws Qhia Kev Noj Qab Haus Huv

Qee cov phiaj xwm kev noj qab haus huv ntawm Blue Cross muaj kev cob qhia kev noj qab haus huv tsis tu ncua los pab koj teeb tsa cov hom phiaj kev noj qab haus huv thiab kawm paub tias yuav ua li cas thiaj mus txog lub hom phiaj ntawd. Koj tus kws qhia yuav muab kev pab thiab txhawb kom koj nyob nrog txoj kev noj qab haus huv zoo tshaj qub tuaj.

Kawm paub txog cov kws qhia kev noj qab haus huv

Kev txiav luam yeeb muaj kev pab cuam yam tsis tau them nqi rau Blue Cross thiab Blue Shield ntawm Minnesota thiab Blue Plus cov tswv cuab. Kev txiav tshuaj yog nyob rau txoj phiaj xwm kho mob uas raug duav roos.

Lub Chaw Tswj Hwm Kab Mob thiab Tiv Thaiv Kab Mob (CDC) Lub Chaw Hauj Lwm Saib Xyuas Kev Haus Luam Yeeb thiab Kev Noj Qab Haus Huv, Lub Tsev Hauj Lwm Saib Xyuas Kev Noj Qab Haus Huv Hauv Teb Chaws rau Kev Tiv Thaiv Kab Mob thiab Kev Noj Qab Haus Huv, Cov Ntaub Ntawv Ceev Txog Kev Nyab Xeeb ntawm Luam Yeeb Hluav Taws Xob rau Cov Me Nyuam, Cov Hluas thiab Cov Laus, Lub Peb Hlis Ntuj 11, 2019.

CDC, Kev Tiv Thaiv Kev Mob Nkeeg Nrog Kev Siv Luam Yeeb Luav Taws Xob, los sis Luam Yeeb Hluav Taws Xob, Cov Khoom, Lub Kaum Hli Ntuj 24, 2019.

CDC, "Cov Lus Ceeb Toom Ntawm Chaw: Kev Siv Luam Yeeb Hluav Taws Xob thiab Cov Khoom Haus Luam Yeeb Ntawm Cov Tub Ntxhais Kawm Theem Nrab thiab Tsev Kawm Ntawv Theem Siab - Teb Chaws MesKas, 2011-2018," Lub Kaum Ib Hlis Ntuj 16, { [#3]}.