Kev nkaug koob kho mob: Yam twg lub chaw tuav pov hwm kev noj qab haus huv pab them?

Ntau cov phiaj xwm kev pov hwm txog kev noj qab haus huv tau pab them rau kev hno koob los kho mob ncua ntev thiab lwm yam tsos mob. Tshawb nrhiav seb thaum twg nws tau txais kev pab them.

Phau Ntawv Qhia Txog Kev Nkaug Koob Cua

Kev nkaug koob kho mob muaj los ntev heev txij li thaum nws tau pib thawj zaug nyob rau hauv Teb Chaws Mes Kas. Niaj hnub no, nws yog lwm txoj kev saib xyuas kho mob uas feem ntau siv ua ke nrog kev kho mob ib txwm muaj.

Cov kws kho mob tuaj yeem xaj kev nkaug koob kho mob los kho ntau yam tsos mob. Nws muaj suab npe nyiam siv los ntawm cov neeg uas muaj mob nraub qaum, caj dab los sis mob hauv caug. Kev nkaug koob kho mob tseem tuaj yeem pab tiv thaiv kev xeev siab cuam tshuam nrog kev kho mob thiab phais.

Kev nkaug koob kho mob yog dab tsi?

Kev nkaug koob kho mob yog ib txoj kev noj qab haus huv uas muaj nyob hauv Suav Teb. Muaj ntau hom kev nkaug koob kho mob sib txawv. Lawv txhua tus suav nrog kev siv cov koob tso rau hauv qab ntawm daim tawv nqaij los txhawb cov chaw hauv lub cev thiab txo cov tsos mob.

Kev nkaug koob kho mob tau hloov pauv ntau xyoo dhau los Niaj hnub no nws txawv ntau tshaj yav puag thaum ub thiab tseem muaj kev nyab xeeb dua qub. Piv txwv li, tsis muab cov koob nyiaj thiab cov koob kub coj los siv dua, cov kws kho mob siv cov koob uas siv tas pov tseg muaj kev nyab xeeb dua. Cov kws kho mob niaj hnub no tseem tuaj yeem siv cov cua sov thiab hluav taws xob uas tsis tshua muaj zog rau cov koob txhawm rau txhim kho cov txiaj ntsig.

 

Kev nkaug koob kho mob puas haum rau koj?

Kev nkaug koob kho mob tej zaum yuav tsis haum rau koj tus tsos mob. Nov yog yam tias yuav ua li cas thiaj paub seb koj puas tuaj yeem tau txais txiaj ntsig los ntawm kev kho mob:

  1. Tham nrog koj tus kws kho mob. Kev nkaug koob kho mob yuav tsum tsuas yog siv los txhawb koj tus kws kho mob txoj kev kho mob nkaus xwb, tsis yog hloov nws. Koj tus kws kho mob tuaj yeem pab koj txiav txim siab seb kev nkaug koob kho mob puas haum rau koj. 
  2. Nrhiav tus kws kho mob kom raug. Siv kev saib xyuas kom ntau npaum li koj ua tau hauv kev xaiv tus kws tshaj lij rau kev saib xyuas kho mob uas ib txwm muaj. Nyeem cov ntawv tshuaj xyuas, tshawb xyuas cov npe chaw saib xyuas kev noj qab haus huv, los sis nug koj tus kws kho mob kom xa mus.

Cov kev pheej hmoo

Qhov txaus ntshai ntawm kev nkaug koob kho mob yog dab tsi?

Kev nkaug koob kho mob muaj kev pheej hmoo tsawg dua thaum koj ntsib ib tus kws kho mob uas muaj ntawv tso cai. Tab sis kev kho mob tuaj yeem ua rau muaj qhov tsis zoo loj heev yog tias tsis ua kom raug. Qhov uas yuav ua rau muaj mob tshwm sim tuaj yeem suav nrog kev kis kab mob, los ntshav, lub cev raug koob nkaug thiab raug mob rau hauv nruab nrab ntawm lub paj hlwb.

Koj yuav tsum tau zam kev nkaug koob kho mob yog tias koj:

Muaj lub cuab yeej pab txhawb lub plawv

Hluav taws xob yuav cuam tshuam rau nws txoj kev ua hauj lwm tau 

Cev xeeb tub

Qee tus neeg mob, kev nkaug koob cua tuaj yeem pib ua rau yug me nyuam thiab ua rau yug me nyuam ua ntej txog caij

Muaj cov mob los ntshav los sis noj cov tshuaj ua kom ntshav tu

Cov no tuaj yeem ua rau koj cov hwv tsam yuav los ntshav los sis doog ntsjav rau ntawm qhov chaw koob nkaug ntau tuaj

Kev Kho mob

Yam uas yuav tau txais thaum kho mob

Koj tsis tas yuav ua dab tsi tshwj xeeb los npaj rau koj qhov kev kho mob. Thaum koj thawj qhov kev kho mob, tus kws kho mob yuav nug cov lus nug txog koj cov tsos mob thiab tuaj yeem kuaj xyuas ib ncig ntawm koj lub cev qhov uas koj hnov ​​mob.

Kev kho mob yuav ua rau tsis xis nyob me ntsis. Nov yog qhov nws ua hauj lwm li cas:

  1. Koj yuav pw ntawm ib lub rooj thaum kho mob thiab hnav koj tus kheej cov khaub ncaws los sis ib lub tsho loj los sis daim ntaub pua pw.
  2. Tus kws kho mob yuav piav qhia tias yuav muab tsab koob tso rau qhov twg thaum kho mob.
  3. Thaum koj xis nyob, tus kws kho mob yuav muab cov koob nyias 5-20 nkaug rau hauv qab koj daim tawv nqaij. Tej zaum koj yuav hnov rhiab los sis mob me ntsis.
  4. Thaum koj so, tus kws kho mob yuav txav cov koob los sis siv cov cua sov los sis daim hluav taws xob lo me ntsis.
  5. Tom qab 10-20 feeb, tus kws kho mob yuav tshem cov koob tawm.

Tej zaum koj yuav xav tau ntau tshaj ib txoj kev kho mob los tswj koj cov tsos mob. Nws tuaj yeem siv ntau txog li rau txog yim qhov kev kho mob. Qhov uas koj yuav tsum tau kho mob ntau npaum li cas ntawd nyob rau ntawm koj tus mob thiab cov tsos mob.

Tom qab kho mob

Qee cov neeg hais tias lawv hnov xis nyob tom qab kho mob. Lwm tus hais tias lawv muaj zog dua tuaj. Tej zaum nws yuav siv li ob peb hnub ua ntej koj pom qhov hloov ntawm koj cov tsos mob. Tab sis yog tias lawv hnov tias tsis zoo tauj hauv ob peb lub lim tiam, koj yuav tau sim lwm yam kev kho mob.

Kev Duav Roos

Blue Cross pab them kev nkaug koob kho mob li cas

Qee cov phiaj xwm kev noj qab haus huv ntawm Blue Cross pab them kev nkaug koob kho mob thaum nws tsim nyog rau kev kho mob thiab tau muab los ntawm koj tus kws kho mob. Koj tus kws kho mob yuav sau ntawv xaj kev nkaug koob kho mob los kho mob:

  • Kev mob ncua ntev uas tau noj sij hawm ntev txog li rau lub hlis thiab tsis zoo rau ntau hom kev kho mob, xws li tshuaj los sis kho lub cev.
  • Kev xeev siab vim kev phais los sis siv tshuaj khes mis kho mob

Blue Cross nyob ntawm no pab koj txoj kev noj qab haus huv

Blue Cross thiab Blue Plus ua kom yooj yim kom tau cov lus teb rau koj cov lus nug txog kev noj qab haus huv. Yog tias koj yog ib tus tswv cuab, koj muaj kev nkag mus rau cov kws kho mob online thiab ntau yam kev pab cuam kev noj qab haus huv ntawm koj lub ntsis ntiv tes. Rau npe nkag rau koj lub vev xaib tswv cuab los nrhiav ib tug kws kho mob thiab saib 'kev noj qab nyob zoo' rau koj cov chaw muab kev pab cuam.

Yog tias koj tsis muaj kev pov hwm txog kev noj qab haus huv, Blue Cross thiab Blue Plus muaj ntau cov phiaj xwm kev noj qab haus huv kom tau raws li qhov koj xav tau thiab pob nyiaj them. Tag nrho cov phiaj xwm kev noj qab haus huv suav nrog kev tiv thaiv saib xyuas kab mob raug pab them nrog rau cov cuab yeej thiab cov ntaub ntawv los pab koj kom noj qab haus huv thiab tiv thaiv kev noj qab haus huv ntawm koj tsev neeg tag nrho. Tham nrog lub chaw sawv cev los sis sib txuas nrog Blue Cross Advisor kom kawm paub ntxiv.

Qhov no yog cov ntaub ntawv qhia dav txhua feem txog qhov uas txoj phiaj xwm cov txiaj ntsig ua hauj lwm li cas. Tshuaj xyuas txog Daim Ntawv Suav Sau Ntsiab Lus ntawm Cov Txiaj Ntsig thiab Kev Duav Roos thiab koj phau ntawv qhia txog txiaj ntsig ntawm txoj phiaj xwm kho mob tshwj xeeb rau qhov ntaub ntawv hais txog koj txoj phiaj xwm seb ua hauj lwm li cas.

Nws nyob ntawm koj los kuaj xyuas tas li yog tias koj tus kws muab kev pab cuam nyob hauv koj txoj phiaj xwm kho mob pab pawg koom nrog ua ntej koj tau txais cov kev pab cuam. Tsis yog txhua cov kws muab kev pab cuam nyob hauv txhua pab pawg koom lag luam. Koj tuaj yeem them ntau dua los sis them tag nrho koj cov nqi kho mob yog tias koj tus kws muab kev pab cuam kho mob tsis yog nyib hauv koj pab pawg koom lag luam los sis tsis muaj daim ntawv cog lus nrog Blue Cross (qhov no yog hu ua tus kws muab kev pab cuam kho mob uas tsis koom nrog). Koj tuaj yeem txheeb xyuas seb koj tus kws pab cuam puas nyob hauv koj pab pawg koom lag luam los ntawm kev hu xov tooj rau feem pab cuam rau cov qhua ntawm tus naj npawb nyob rau tom qab ntawm koj daim npav ID tswv cuab.