Kev kuaj qhov muag txhua xyoo tuaj yeem kuaj pom tus mob qhov muag ntshav qab zib tau

Mob ntshav qab zib uas tswj tsis tau kom zoo tuaj yeem ua rau mob ntshav qab zib nce rau lub qhov muag thiab lwm yam teeb meem cuam tshuam rau lub qhov muag tau. Kev kuaj qhov muag txhua xyoo tuaj yeem pab tshawb xyuas cov kab mob ntshav qab zib qhov muag kom lawv tuaj yeem kho tau thaum ntxov.

Cov Ntsiab Lus

Qhov ntsiab lus qhia txog mob ntshav qab zib

Ntshav qab zib ua rau tib neeg muaj piam thaj ntau dhau hauv lawv cov ntshav. Qhov no tshwm sim thaum tib neeg lub cev tsis tsim cov tshuaj insulin (Hom 1) los sis thaum lub cev tiv thaiv insulin (Hom 2). Insulin yog ib yam tshuaj uas pab txo cov piam thaj (tseem hu ua piam thaj glucose) hauv cov ntshav. Cov piam thaj ntau dhau tuaj yeem ua rau muaj teeb meem kev noj qab haus huv, cuam tshuam rau lub plawv, ob lub raum thiab lub qhov muag.  

Mob ntshav qab zib qhov muag

Mob ntshav qab zib nce rau lub qhov muag yog ib qho teeb meem txhawj xeeb loj rau cov neeg mob ntshav qab zib thiab yog qhov xwm txheej thib ib ua rau lub qhov muag tsis pom kev. Yog hais tias ib tug neeg cov ntshav qab zib tswj tsis tau thiab nyob twj ywm siab tsis tu ncua, cov hlab ntsha hauv qhov muag tuaj yeem raug puas tsuaj thiab ua rau tsis pom kev. Qhov no tuaj yeem ua rau dig muag tau.

Lwm qhov kev txhawj xeeb yog mob ntshav qab zib nce rau lub qhov muag, uas tuaj yeem tshwm sim thaum cov ntshav qab zib siab ua rau cov kua dej nkag mus rau hauv lub ntsiab muag.

Tau txais kev kuaj qhov muag txhua xyoo

Cov kws kho mob pom zoo tias cov neeg laus uas muaj ntshav qab zib mellitus tau txais kuaj qhov muag txhua xyoo los kuaj xyuas cov teeb meem micro-vascular uas cuam tshuam rau cov neeg mob ntshav qab zib. Tus kws kho qhov muag tshuaj xyuas lub ntsiab muag (qab qhov muag) rau cov tsos mob ntawm qhov muag plooj, nrog rau macula (nruab nrab ntawm lub retina) rau lub qhov muag ntshav qab zib o dej.

Thaum kuaj qhov muag txhua xyoo, tus kws kho qhov muag yuav:

  • Nrhab koj ob lub qhov muag kom saib txheej qhov muag dub
  • Saib seb koj puas xav tau kev kho lub ntsiab muag
  • Tshawb xyuas koj lub qhov muag kom pom cov tsos mob ntawm kab mob qhov muag qaus
  • Txheeb xyuas lwm yam kev txhawj xeeb tsis cuam tshuam nrog ntshav qab zib, xws li mob qhov muag qaus thiab qhov muag qhuav

Tswj koj cov ntshav qab zib

Txhawm rau noj qab nyob zoo, nws yog ib qho tseem ceeb kom:

  • Ntsuam xyuas koj cov ntshav qab zib yam tsis tu ncua
  • Noj cov tshuaj uas koj tus kws kho mob tau sau tseg los pab tswj koj cov ntshav qab zib
  • Noj cov zaub mov noj qab nyob zoo, qoj ib ce yam tsis tu ncua thiab tswj lub cev hnyav kom zoo
  • Mus ntsib koj tus kws kho mob tsis tu ncua
  • Muaj kev kuaj qhov muag txhua xyoo
  • Tsis txhob haus luam yeeb

Kev Duav Roos

Blue Cross cov kev pab cuam txhawm rau cov neeg mob ntshav qab zib

Blue Cross muaj txoj kev tswj xwm txheej thiab kev xa ntawv xa mus los pab tswj ntshav qab zib. Txoj kev tswj xyuas kev saib xyuas no pub dawb rau cov tswv cuab tsim nyog, yeem thiab tsis pub leej twg paub. Yog xav paub ntau ntxiv, hu rau tus xov tooj muab kev pab cuam rau cov qhua ntawm koj daim npav ID tswv cuab.

Omada - Kev txhawb nqa mob ntshav qab zib hom 1 los sis hom 2

Koj yuav tau txais kev pab txhawb thiab cov cuab yeej los pab kom koj lub cev sib muaj dag zog zoo, kuaj xyuas cov ntshav qab zib thiab hnov tau tias tswj hwm tau koj txoj kev noj qab haus huv.

  • Tus kws qhia txog tus kab mob tshav qab zib uas muaj ntawv pov thawj
  • Cov khoom siv txuas nrog
  • Cov kev kawm uas muaj kev sib tham
  • Muaj rau qee cov phiaj xwm.

Kawm ntxiv txog Omada

Kawm ntxiv txog ntshav qab zib