Kev Kuaj Me Nyuam Yaus thiab Cov Hluas

Kev Kuaj Me Nyuam Yaus thiab Cov Hlulas yog ib feem ntawm lub khoos kas Kev Tshuaj Xyuas, Kuaj Mob, thiab Kho Mob Thaum Ntxov Ua Ntu Zus (Early Periodic Screening, Diagnosis, and Treatment (EPSDT)) hauv Minnesota. Nov yog tsoomfwv txoj haujlwm rau cov menyuam yaus thiab cov hluas txij thaum yug los txog rau hnub nyoog 20, thiab leej twg tsim nyog tau txais Medical Assistance (Minnesota's Medicaid program). Nws pab kom ntseeg tias lawv kev loj hlob lub cev thiab lub hlwb tau raws li cov qauv ntsuas nrog rau kev kuaj mob tsis tu ncua thiab txhaj tshuaj tiv thaiv kab mob (txhaj tshuaj).

Kuv ua dab tsi thaum lub sij hawm Kuaj Me Nyuam Yaus thiab tus Hluas?

Cov kev mus ntsib no yog ib lub caij nyoog zoo rau koj nug cov lus nug thiab tau txais cov lus twb txog koj tus me nyuam los sis koj tus kheej li kev noj qab haus huv (cov hluas). Thaum kev mus ntsib kws kho mob txog Kev Kuaj Xyuas Me Nyuam Yaus thiab Cov Hluas (C$TC), kws kho mob yuav ua tej yam xws li:

• Tshuaj xyuas qhov lub cev siab, hnyav, kev txhim kho thiab kev loj hlob
• Kom paub tseeb tias kev txhaj tshuaj tiv thaiv kab mob raug raws sij hawm
• Muab kev pab kuaj hniav, kuaj qhov hnov lus thiab kuaj qhov pom kev
• Kua cov kuab txhuas hauv cov ntshav
• Sib sab laj txog kev noj haus zoo rau lub cev, cov tswv yim qhia txog kev nyab xeeb thiab kev kho mob feem dav
• Tham txog yuav ua li cas tuav tswj kev ntxhov siab, nrog rau cov teeb meem kev nyob nrog lwm tus thiab kev kawm paub
• Tham txog cov kev pheej hmoo ntawm kev qaug dej cawv, kev haus cawv, thiab hauv luam yeeb (cov hluas)
• Thiab ntau yam ntxiv, nyob rau ntawm seb koj tus me nyuam los sis koj tus kheej cov kev xav tau (cov hluas)

Minnesota Lub Thawj Fab Hauj Lwm Saib Xyuas Kev Noj Qab Haus Huv muaj ntaub ntawv qhia paub ntxiv txog Kev Kuaj Xyuas Tus Me Nyuam thiab Tus Hluas thiab vim li cas lawv thiaj li tseem ceeb.

Kawm paub ntau ntxiv txog Kev Kuaj Me Nyuam Yaus thiab Cov Hluas