Tau cov lus teb rau cov lus nug txog qhov uas cov tswv cuab hauv tsev neeg uas koj txoj phiaj xwm kho mob yuav pab them thiab pab them rau ntev npaum li cas.
Nws yog qhov tseem ceeb los pov thaiv koj tsev neeg nrog kev pov hwm txog kev noj qab haus huv. Tab sis koj txoj phiaj xwm kho mob puas tuaj yeem pab them rau tag nrho cov tswv cuab ntawm koj tsev neeg? Ntawm no yog cov lus teb rau cov lus nug uas pom ntau txog kev raug pov thaiv tsev neeg.
Lus Teb: Feem ntau, cov tswv cuab tsev neeg yeej tsim nyog tau txais kev duav roos yog tias lawv ua tau raws li cov qauv tshwj xeeb thiab cov ntsiab lus txhais hauv daim ntawv cog lus ntawm txoj phiaj xwm kho mob. Feem coob, cov tswv cuab hauv tsev neeg suav muaj:
*Thov nco ntsoov tias yog koj phiaj xwm kho mob yog tau los ntawm pab pawg tus tswv hauj lwm, qhov kev duav roos no yuav sib txawv, thiab koj yuav tsum tau sib tham nrog koj tus tswv hauj lwm txog kev tsim nyog rau qhov kev duav roos ntawd.
Lus Teb: Koj tuaj yeem ntxiv cov menyuam uas tsim nyog rau koj txoj phiaj xwm txog thaum lawv muaj hnub nyoog 26. Koj txoj phiaj xwm kho mob yuav tso tseg kev raug pov thaiv hauv koj tus me nyuam lub hnub yug thib 26th.
Koj cov me nyuam hlob uas muaj hnub nyoog 26-xyoo yuav tsum tso npe rau hauv lawv txoj phiaj xwm tus kheej hauv 60 hnub ntawm lawv lub hnub yug thib 26th. Qhov no yog qhov tseem ceeb kom nco ntsoov cia, vim tias yog tias lawv plam txog lub ncua sij hawm kev tso npe tshwj xeeb no lawv yauv tsum tau tos rau lub ncua sij hawm qhib rau kev tso npe lwm zaus. Qhov no tuaj yeem ua rau lawv tsis muaj kev tuav pov hwm ib ntus.
Lus Teb: Tus me nyuam tsim nyog uas yog ib leeg los sis muaj txij nkawm tuaj yeem nyob tau hauv koj txoj phiaj xwm kho mob mus kom txog hnub nyoog 26 xyoo tau. Thaum muaj hnub nyoog 26 xyoo, lawv yuav tsum rau npe rau hauv phiaj xwm kho mob los ntawm lawv txoj hauj lwm, lawv tus txij nkawm txoj hauj lwm, los sis los ntawm txoj phiaj xwm kho mob rau ib tug neeg.
Lus Teb: Tsis yog, koj tsis tuaj yeem muab koj niam thiab txiv tso rau hauv koj txoj phiaj xwm tau. Lawv yuav tsum tso npe rau hauv lawv txoj phiaj xwm kho mob ntiag tug los ntawm lawv txoj hauj lwm, txoj phiaj xwm kho mob rau ib tug neeg los sis Medicare (yog tias lawv tsim nyog).
Lus Teb: Koj tuaj yeem ntxiv cov tswv cuab ntawm tsev neeg tshiab rau koj txoj phiaj xwm hauv cov xwm txheej tshwj xeeb:
*Yog tias kev poob hauj lwm tsis yog kev yeem siab los sis vim tias tsis muaj kev them nyiaj los sis dag ntxias
Txhab rau ntxiv cov neeg nyob nrog hauv, hu rau tus npawb tom qab ntawm koj daim npav ID, tham nrog tus neeg sawv cev los sis ntsib nrog Blue Cross Tus Kws Pab Tswv Yim.
Lus Teb: Koj yuav tshem tawm cov tswv cuab hauv tsev neeg los ntawm koj txoj phiaj xwm thaum twg los tau. Feem ntau, qhov no tshwm sim thaum lawv tau txais kev raug pov thaiv los ntawm lwm qhov chaw lawm. Hu rau tus nab npawb nyob rau tom qab ntawm koj Daim npav txheeb xyuas tus kheej los tshem cov neeg nyob hauv kev saib xyuas los ntawm koj txoj phiaj xwm.
Yog koj muaj txoj phiaj xwm kho mob los ntawm koj tus tswv hauj lwm, ces tiv tauj lub chaw hauj lwm saib xyuas tib neeg li peev txheej los kawm paub txoj hau kev ntxiv los sis tshem tawm tus neeg nyob nrog.
Nrhiav cov lus teb rau peb cov lus nug uas nquag nug.
Qhov no yog cov ntaub ntawv qhia dav txhua feem txog qhov uas txoj phiaj xwm cov txiaj ntsig ua hauj lwm li cas. Tshuaj xyuas txog Daim Ntawv Suav Sau Ntsiab Lus ntawm Cov Txiaj Ntsig thiab Kev Duav Roos thiab koj phau ntawv qhia txog txiaj ntsig ntawm txoj phiaj xwm kho mob tshwj xeeb rau qhov ntaub ntawv hais txog koj txoj phiaj xwm seb ua hauj lwm li cas.
Nws nyob ntawm koj los kuaj xyuas tas li yog tias koj tus kws muab kev pab cuam nyob hauv koj txoj phiaj xwm kho mob pab pawg koom nrog ua ntej koj tau txais cov kev pab cuam. Tsis yog txhua cov kws muab kev pab cuam nyob hauv txhua pab pawg koom lag luam. Koj tuaj yeem them ntau dua los sis them tag nrho koj cov nqi kho mob yog tias koj tus kws muab kev pab cuam kho mob tsis yog nyib hauv koj pab pawg koom lag luam los sis tsis muaj daim ntawv cog lus nrog Blue Cross (qhov no yog hu ua tus kws muab kev pab cuam kho mob uas tsis koom nrog). Koj tuaj yeem txheeb xyuas seb koj tus kws pab cuam puas nyob hauv koj pab pawg koom lag luam los ntawm kev hu xov tooj rau feem pab cuam rau cov qhua ntawm tus naj npawb nyob rau tom qab ntawm koj daim npav ID tswv cuab.