Koj qhov kev xaiv ntawm cov hom kev pov hwm txog kev noj qab haus huv uas keev pom heev tshaj plaws yuav cuam tshuam rau cov kws kho mob los sis cov kws kho mob txawj tshwj xeeb uas nyob hauv koj pab pawg sib koom lag luam.
Cov pab pawg sib koom lag luam tus kws muab kev pab cuam sib txawv rau cov phiaj xwm HMO thiab PPO. Tag nrho HMO thiab PPO tuaj yeem yog qhov "qhib cia nkag tau". Qhov no txhais tau tias koj tuaj yeem xaiv txhawm rau kom pom tus kws muab kev pab cuam hauv pab pawg tsis sib koom lag luam uas tsis tas xa mus cuag, tab sis koj yuav tau them tsawg dua thaum koj tau txais kev pab los ntawm ib tug kws kho mob nyob hauv HMO los sis PPO pab pawg sib koom lag luam.
Nrog HMOs uas ib txwm muaj, koj yuav tsum siv ib tug kws muab kev pab cuam tshwj xeeb hauv pab pawg sib koom lag luam thiab xaiv tus kws kho mob xub thawj. Qee cov HMO kuj yuav tsum tau muab xa mus los ntawm koj tus kws kho mob xub thawj ua ntej koj tuaj yeem mus cuag tau tus kws kho mob txawj tshaj lij.
Nrog ib tug PPO, koj muaj ib pab pawg koom lag luam cov neeg muab kev pab cuam kho mob uas koj nyiam. Feem ntau lawm koj muaj peev xwm los xaiv ib tug kws kho mob los sis tus kws kho mob txawj tshaj lij yam tsis tas xa mus yog tias lawv nyob hauv pab pawg koom lag luam ntawm PPO.
Blue Cross muab cov phiaj xwm PPO qhib cia nkag tau rau cov pab pawg tus tswv hauj lwm.
Blue Plus yog HMO uas muaj daim ntawv pov thawj thiab tsis vam nyiaj paj ntsig. Nws yog lub tuam txhab hauv pab pawg koom tes ntawm Blue Cross thiab Blue Shield of Minnesota. Txoj phiaj xwm Blue Plus HMO muaj qhib rau cov neeg uas tsim nyog tau txais Minnesota Txoj Medical Assistance (Medicaid). Cov phiaj xwm no tuaj yeem pab koj them rau cov nqi kho mob yog tias koj muaj nyiaj tau los tsawg los sis muaj kev xiam oob qhab.
Cov tswv cuab Blue Plus hauv ib txoj phiaj xwm Medical Assistance yuav tsum xaiv ib tug kws kho mob los ntawm Blue Plus pab pawg sib koom lag luam, los sis ib tug uas tau lees txais lub luag hauj lwm. Blue Plus cov phiaj xwm no yog qov qhib cia nkag tau, uas txhais tau tias cov tswv cuab tuaj yeem xaiv ib tug kws kho mob me xub thawj los sis tus kws kho mob txawj tshaj lij hauv pab pawg koom lag luam thiab tsis tas yuav muab xa mus. Hauv qee qhov xwm txheej, tsis tso cai rau kev saib xyuas sab nraud pab pawg koom tes.
Qhov no yog cov ntaub ntawv qhia dav txhua feem txog qhov uas txoj phiaj xwm cov txiaj ntsig ua hauj lwm li cas. Tshuaj xyuas txog Daim Ntawv Suav Sau Ntsiab Lus ntawm Cov Txiaj Ntsig thiab Kev Duav Roos thiab koj phau ntawv qhia txog txiaj ntsig ntawm txoj phiaj xwm kho mob tshwj xeeb rau qhov ntaub ntawv hais txog koj txoj phiaj xwm seb ua hauj lwm li cas.
Nws nyob ntawm koj los kuaj xyuas tas li yog tias koj tus kws muab kev pab cuam nyob hauv koj txoj phiaj xwm kho mob pab pawg koom nrog ua ntej koj tau txais cov kev pab cuam. Tsis yog txhua cov kws muab kev pab cuam nyob hauv txhua pab pawg koom lag luam. Koj tuaj yeem them ntau dua los sis them tag nrho koj cov nqi kho mob yog tias koj tus kws muab kev pab cuam kho mob tsis yog nyib hauv koj pab pawg koom lag luam los sis tsis muaj daim ntawv cog lus nrog Blue Cross (qhov no yog hu ua tus kws muab kev pab cuam kho mob uas tsis koom nrog). Koj tuaj yeem txheeb xyuas seb koj tus kws pab cuam puas nyob hauv koj pab pawg koom lag luam los ntawm kev hu xov tooj rau feem pab cuam rau cov qhua ntawm tus naj npawb nyob rau tom qab ntawm koj daim npav ID tswv cuab.