Thaum yog ib tug tswv cuab ntawm Blue Cross thiab Blue Shield ntawm Minnesota thiab Blue Plus, koj tuaj yeem tau txais khoom plig rau kev ua tiav qee yam kev tiv thaiv nrog rau lub khoos kas Healthy Rewards.
Thaum koj koom nrog lub khoos kas Healthy Rewards, koj thiab koj tsev neeg tuaj yeem tau txais khoom plig rau kev ua tiav qee yam kev noj qab haus huv.
Lub khoos kas muab paj tshab ua hauj lwm li cas:
Thaum koj ua tiav koj thawj qhov hauj lwm, koj daim npav khoom plig yuav raug muab xa hauv chaw xa ntawv tuaj hauv koj tsev. Txhua zaus koj ua tiav ib qho hauj lwm, tau muab cov nyiaj daus las ntxiv rau koj daim npav khoom rub plig rov qab tau.
Cov tswv cuab muaj hnub nyoog 18 xyoo thiab laus dua tuaj yeem tsim lawv tus kheej tus as khauj Khoom Plig Kev Noj Qab Nyob Zoo thiab tau txais lawv tus kheej daim npav. Rau cov tswv cuab uas muaj hnub nyoog hluas dua 18 xyoo, cov khoom plig raug muab ntxiv rau daim npav siv rau txhua tus hauv tsev neeg.
Txhawm rau pab pov thaiv koj tus kheej ntiag tug, qee cov hauj lwm yuav tsum muaj daim ntawv luam qhia muab sau thiab xa hauv chaw xa ntawv mus.
Mus saib hauv my.bravowell.com/bluecrossmn los sis hu rau 1-833-786-8722, TTY 711.
Koj yuav xav tau koj tus npawb ID nyob rau tom hauv ntej ntawm koj daim npav ID tswv cuab, qhov chaw nyob email thiab qhov chaw nyob xa ntawv kom pib tau.
Tau txais cov khoom plig thaum koj los sis koj tsev neeg mus ntsib kws kho mob thiab ua tiav ib qho hauj lwm kev noj qab haus huv uas koj tab tom tsim nyog rau hauv lub khoos kas. Koj tus kws kho mob yuav qhia rau peb paub tias thaum twg koj yuav tsum ua tiav qhov hauj lwm.
Thaum koj tus kws kho mob qhia rau peb paub tias koj tau ua tiav koj qhov kev mus ntsib thawj zaug, koj daim npav rho nyiaj rov qab yuav raug xa tuaj rau koj. Cov nyiaj daus las yuav raug ntxiv rau koj daim npav txhua zaus koj ua tiav qhov hauj lwm kev noj qab haus huv.
Koj daim npav khoom plig tuaj yeem siv tau hauv yuav luag txhua thaj chaw muag khoom. Nws tsis tuaj yeem siv rau yuav dej cawv, luam yeeb, riam phom los sis twv txiaj.
Cov tshuaj tiv thaiv kab mob yog ib qho tseem ceeb ntawm txhua lub hnub nyoog. Qhov khoom plig $25 yuav muab ntxiv rau hauv koj daim npav thaum koj tus me nyuam txhaj tiav ob koob tshuaj tiv thaiv kab mob khaub thuas thaum lawv lub hnub yug thib ob.
Cov me nyuam hluas yuav tsum tau txhaj cov tshuaj tiv thaiv kab mob HPV kom tiav. Qhov khoom plig $25 yuav muab ntxiv rau hauv koj daim npav thaum koj tus me nyuam txhaj tiav cov tshuaj tiv thaiv HPV thaum lawv hnub nyoog txog 13 xyoo.
Kev coj tus me nyuam yaus tsis muaj mob mus ntsig ua rau koj tus kws kho mob tuaj yeem saib xyuas koj tus me nyuam txoj kev loj hlob. Koj tus me nyuam yuav tsum mus ntsib txog rau zaus thaum hnub nyoog 15 hlis.
Qhov khoom plig $10 yuav muab ntxiv rau hauv koj daim npav txhua zaus koj tus me nyuam ua tiav me nyuam yaus tsis muaj mob mus ntsib txog li rau zaus ($60 los sis mus ntsib ntau kawg nkaus rau zaus).
Me nyuam yaus tsis muaj mob mus ntsib pab rau koj tus kws kho mob saib xyuas kev noj qab haus huv thiab kev loj hlob ntawm koj tus me nyuam yaus. Koj tus me nyuam yaus me yuav tsum tau mus ntsib ob zaug ua ntej hnub nyoog 30 hli.
Qhov khoom plig $10 yuav muab ntxiv rau koj daim npav rau kev mus ntsib thawj zaug thiab qhov khoom plig $15 yuav muab ntxiv rau koj daim npav rau qhov kev mus ntsib zaum thib ob.
Me nyuam yaus tsis muaj mob mus ntsib txhua xyoo yog qhov tseem ceeb los pab kom cov me nyuam yaus thiab cov hluas muaj kev noj qab haus huv. Cov kev mus ntsib no suav nrog ntau cov ncauj lus tseem ceeb raws lub hnub nyoog xws li khoom noj haus zoo, kev hnov lus thiab kev txhaj tshuaj tiv thaiv kab mob.
Qhov khoom plig $25 yuav muab ntxiv rau hauv koj daim npav thaum koj tus me nyuam los sis tus hluas ua tiav ib qho kev mus ntsib tsis muaj mob thaum hnub nyoog peb xyoos thiab 17 xyoo.
Qhov kev kuaj mob no yog ib qho tseem ceeb los tshuaj xyuas koj theem piam thaj hauv cov ntshav thiab ntsuas seb koj tswj cov ntshav qab zib tau zoo npaum cas. Lub hom phiaj rau cov neeg laus hnub nyoog 18 xyoos txog 64 feem ntau yog muaj mob ntshav qab zib yog theem A 1C tsawg dua 7%.
Qhov khoom plig $25 yuav muab ntxiv rau hauv koj daim npav thaum koj ua tiav koj qhov kev kuaj ntshav A1C hauv ib lub xyoos.
Nws yog ib qho tseem ceeb kom pib tau txais kev saib xyuas leej niam sai li sai tau thaum koj kuaj pom tias muaj cev xeeb tub. Qhov kev mus ntsib no pab koj npaj qhov kev saib xyuas uas koj xav tau thaum cev xeeb tub.
Tau txais qhov khoom plig $75 rau kev ua tiav ib qho kev mus ntsib ua ntej yug me nyuam los ntawm tus kheej los sis hauv xov tooj.
Luam tawm daim ntawv luv nqi* xa tuaj rau peb:
Kev mus ntsib saib xyuas ua ntej yug me nyuam - Lus Askiv
Kev mus ntsib saib xyuas ua ntej yug me nyuam - Lus Spanish
Kev mus ntsib saib xyuas ua ntej yug me nyuam - Lus Hmoob
Kev mus ntsib saib xyuas ua ntej yug me nyuam - Lus Somali
Kev mus ntsib saib xyuas ua ntej yug me nyuam - Lus Kaus Lim
Kev mus ntsib saib xyuas ua ntej yug me nyuam - Lus Nyab Laj
Thov txheeb xyuas nrog koj tus kws kho mob txog kev xaiv mus ntsib kws kho mob hauv xov tooj.
Ua kom koj tus kheej noj qab nyob zoo tom qab yug me nyuam yog li koj thiaj ua rau koj tus me nyuam noj qab nyob zoo.
Tau txais qhov khoom plig $75 rau kev ua tiav koj qhov kev mus ntsib tom qab yug me nyuam rau ib mus txog 12 lim tiam tom qab koj yug me nyuam.
Luam tawm daim ntawv luv nqi* xa tuaj rau peb:
Kev mus ntsib tom qab yug me nyuam - Lus Askiv
Kev mus ntsib tom qab yug me nyuam - Lus Spanish
Kev mus ntsib tom qab yug me nyuam - Lus Hmoob
Kev mus ntsib tom qab yug me nyuam - Lus Somali
Cov kev tshuaj xyuas txhua xyoo pab cov neeg laus kom nyob noj qab nyob zoo los ntawm kev mus ntsib kws kho mob tas li. Cov kev mus ntsib kws kho mob no kuaj xyuas txog kev noj qab haus huv ntawm lub cev thiab kev puas siab puas ntsws, kev hnov lus, thiab cov kev txhaj tshuaj tiv thaiv kab mob.
Koj yuav tau txais paj tshab $25 rau kev ua kom tiav kev kuaj xyuas mob txhua xyoo ib zaug.
Kev mus kuaj xyuas kaus hniav tsis tu ncua yog ib qho tseem ceeb rau kev noj qab haus huv cov hniav thiab cov hauv paus hniav.
Qhov khoom plig $25 yuav muab ntxiv rau koj daim npav rau kev ua tiav kev kuaj hniav hauv ib xyoos.
Qhov kev kuaj mis hauv ib xyoos tuaj yeem kuaj pom mob khees xaws mis thaum ntxov, thaum kho tau yooj yim dua.
Qhov khoom plig $50 yuav muab ntxiv rau koj daim npav thaum koj ua tiav qhov kev kuaj mis.
Qhov kev kuaj txoj hnyuv loj tuaj yeem pab tiv thaiv mob khees xaws txoj hnyuv loj thaum ntxov, thaum nws tseem kho tau yooj yim.
Qhov khoom plig $50 yuav muab ntxiv rau koj daim npav rau kev ua tiav qhov kev kuaj txoj hnyuv loj. Qhov khoom plig tej zaum tsuas yog thov tau txhua 10 xyoo.
Thaum yog ib tus neeg hluas loj, kev kuaj koj cov kab mob los ntawm kev sib deev yog ib qho tseem ceeb ntawm kev saib xyuas.
Tau txais qhov khoom plig $25 rau kev ua tiav ib qho kev kuaj mob kas cees cuav hauv ib lub xyoos.
Luam tawm daim ntawv luv nqi* xa tuaj rau peb:
Kev kuaj mob kas cees cuav - Lus Askiv
Kev kuaj mob kas cees cuav - Lus Spanish
Kev kuaj mob kas cees cuav - Lus Hmoob
Kev kuaj mob kas cees cuav - Lus Somali
Kev kuaj ntsuas mob khees xaws ncauj tsev me nyuam txhua xyoo tuaj yeem kuaj pom kab mob khees xaws ncauj tsev me nyuam kom ntxov, thaum nws kho tau yooj yim dua.
Qhov paj tshab $25 yuav muab ntxiv rau koj daim npav thaum koj ua tiav kev ntsuas xyuas kab mob khees xaws ncauj tsev me nyuam hauv txhua xyoo.
*Txhawm rau pab pov thaiv koj tus kheej ntiag tug, qee cov hauj lwm yuav tsum muaj daim ntawv luam qhia muab sau thiab xa hauv chaw xa ntawv mus.
Kev sau tsis tiav daim ntawv qhia yuav raug tsis kam lees.
Lub khoos kas no tej zaum yuav hloov pauv los sis xaus tau txhua lub sij hawm yam tsis muaj kev ceeb toom. Txwv rau ib daim npav khoom plig rau ib tus tswv cuab ntawm daim ntawv pov thawj hauv txhua xyoo. Thov muab sij hawm txog yim lub lim tiam rau koj daim npav paj tshab tuaj txog hauv chaw xa ntawv. Qhov khoom plig yuav cuam tshuam hauv lub koom txoos kev them se. Sab laj nrog koj tus kws pab tswv yim kev them se. Cov khoom plig tsis tuaj yeem siv rau yuav dej cawv, luam yeeb, riam phom los sis twv txiaj.
DHS_011525_O01 DHS Tau Tso Cai 01/17/2025