Siv kws kho mob saum online thaum twg thiab qhov twg koj xav tau. Mus ntsib kws kho mob rau kev saib xyuas kho mob los sis kev puas siab puas ntsws li qhov yooj yim rau koj.
Lwm zaus yog koj xav mus ntsib kws kho mob, xav txog kev mus ntsib kws kho mob saum online.
Doctor On Demand muab kev nkag tau mus rau cov kws kho mob raug pom zoo los ntawm pawg thawj coj, cov kws kho mob hlwb los yog kws kho mob hlwb muaj ntawv tso cai hauv kev sib tham pom ntsej muag rau tus nqi me me los yog tsis tau them nqi dab tsi li rau qee cov phiaj xwm.* Koj tuaj yeem txuas nrog hauv video los ntawm txhua qhov chaw - ntawm koj lub tsev, tom hauj lwm los sis txawm tias mus so lawm los yeej tau.
Siv lub app Doctor On Demand los sis lub vev xaib tham nrog kws kho mob thaum nws yooj yim rau koj. Koj tseem tuaj yeem teem sij hawm rau sib hu vis dis aus ntsib kws kho mob. Muaj kev mus ntsib rau kev kho mob thaum 24/7 thiab cov kev mus ntsib kev saib xyuas kho mob puas hlwb muaj rau siv tau los ntawm kev teem caij thaum 7 teev sawv ntxov txog 11 teev tsaus ntuj lub sij hawm hauv zos, xya hnub hauv ib lub lim tiam.
Thaum koj npaj tau los ntsib, txuas nrog tus kws kho mob sib tham nyob rau ntawm koj lub xov tooj ntawm tes, xov tooj loj los sis lub khoos pij tawj uas muaj lub koob yees duab ntawm hauv ntej. Nws yooj yim xwb.
Ib tug kws kho mob saum online muaj peev xwm muab kev ntsuam xyuas, kuaj mob thiab kev kho mob - thiab tuaj yeem sau tshuaj thiab xaj cov kev kuaj sim ntshav thaum tsim nyog - thaum sib hu video ntsib kws kho mob. Qee cov mob uas Doctor On Demand tuaj yeem kho muaj xws li:
| khaub thuas/ua npaws | ntuav |
| mob caj pas | teeb meem qhov muag |
| kev kis mob rau txoj hlab tso zis | cov kev raug mob los ntawm ua kis las |
| cov teeb meem mob ntawm daim tawv nqaij/pob khaus | cov mob nkees los ntawm kev mus ntoj ncig |
| raws plab | cov kev fab zaub mov |
Koj kuj mus ntsib tau ib tug kws kho mob hlwb uas tau muaj daim ntawv tso cai los sis kws kho mob hlwb uas lees paub los ntawm pawg thawj coj los ntawm kev teem caij ntsib rau kev pab nrog kev ntxhov siab, kev nyuaj siab fab sim neej, kev quav tshuaj, teeb meem kev sib raug zoo, los sis kev raug mob rau siab ntsws thiab plam ib tug neeg.
Kev siv Doctor On Demand raug tus nqi tsawg dua mus rau lub chaw pab cuam saib xyuas kuaj mob ceev los sis chav saib xyuas xwm txheej kub ntxhov ceev.
Tus nqi tseeb nce raws li koj qhov phiaj xwm cov ntsiab lus thiab hauv qee kis (Lub hlwb), qhov ntev ntawm koj mus ntsib. Nkag mus rau hauv lub app los sis lub vev xaib kom pom tias nws yuav raug nqi dab tsi rau koj ua ntej koj hu xov tooj mus. Tej zaum qee cov los sis tag nrho cov nqi yuav raug pab them, nyob ntawm koj qhov phiaj xwm kho mob raug pov thaiv.*
Doctor On Demand yog muaj nyob rau kev kho mob 24 teev ib hnub, xya hnub hauv ib lub lim tiam. Kev teem caij kho mob puas hlwb muaj rau siv tau txij li 7 teev sawv ntxov txog 11 teev tsaus ntuj lub sij hawm hauv zos, xya hnub hauv ib lub lim tiam.
Sau npe hnub no los sis rub lub app los tsim koj tus as khauj hauv Doctor On Demand:
*Nco tseg: Nyob ntawm koj qhov phiaj xwm kho mob, tej zaum qee qhov los sis tag nrho cov nqi yuav raug pab them. Tshawb xyuas nrog Blue Cross kom tau txais cov ntaub ntawv tshwj xeeb txog koj qhov phiaj xwm. Tej zaum cov nqi yuav hloov.
Doctor On Demand® yog ib lub tuam txhab ywj pheej muab cov kev pab cuam saib xyuas kev noj qab haus huv hauv xov tooj.
Doctor On Demand® ua hauj lwm raws li txoj cai ntawm lub xeev. Lub Yim Hli Ntuj 2017, Doctor On Demand muaj kev saib xyuas kho mob tus cwj pwm hauv txhua lub xeev uas muaj kev pab cuam Mental Health rau Doctor On Demand cov neeg mob coob, thiab kev kho mob nyob rau hauv tag nrho 50 cov xeev thiab District of Columbia. Doctor On Demand tsis yog los hloov qhov kev mus ntsibn qhov chaw kho mob txhua xyoos, ntawm tus kheej nrog tus kws kho mob xub thawj.** Doctor On Demand cov kws kho mob tsis sau ntawv tshuaj Controlled Substances, thiab tej zaum yuav xaiv tsis kho los sis sau lwm yam tshuaj raws li qhov tsim nyog kho mob.