Paub tias yuav mus qhov twg kom tau kev saib xyuas zoo
Muaj ntau txoj kev saib xyuas kho mob ntau dua yav tas los lawm. Koj tus kws kho mob xub thawj yog txoj kev xaiv zoo tshaj plaws rau kev tswj hwm koj li kev saib xyuas kho mob uas koj xav tau. Tab sis thaum koj tus kws kho mob tsis khoom lawm, cov kws saib mob hauv xov tooj, cov tsev kho mob uas cia li nkag mus yam tsis tas yuav teem caij thiab cov khws kho mob hauv online, yuav muab txoj kev xaiv uas yooj yim thiab txuag nyiaj heev rau koj. Nyob ntawm koj tus mob xwb, koj yuav xaiv dab tsi?
Lub sij hawm twg kuv thiaj hu tau rau tus kws saib xyuas mob tus xov tooj?
Tus xov tooj kws saib xyuas neeg mob cia koj tham txog koj tej kev txhawj xeeb txog kev noj qab haus huv hauv xov tooj (feem ntau 24/7) nrog ib tug tus kws tu mob uas muaj ntaub ntawv uas yuav pab txiav txim kev xaiv kho mob zoo tshaj plaws, xws li thaum twg yuav kho tom tsev los yog mus rau tus kws kho mob lub chaw ua hauj lwm. Rau npe nkag los sis mus saib koj cov ntaub ntawv txog tswv cuab txoj phiaj xwm kho mob los saib seb koj puas muaj kev nkag cuag tau rau tus xov tooj kws saib xyuas neeg mob.
Hais txog kev saib xyuas kho mob hauv online ne?
Kev saib xyuas kho mob tsis tim ntsej tim muag tuaj yeem pab rau koj nkag mus ntsib tus kws kho mob tshaj lij los ntawm kev hu sib tham ua vis dis aus, hu xov tooj, los sis xa ntawv hauv online Cov kev mus ntsib kws kho mob no tej zaum kuj hu ua kev mus ntsib kws kho mob hauv es lev thos niv (feem ntau luv zog nrog tus nqi teeb tseg) los sis kev kuaj mob hu xov tooj (feem ntau tus nqi zoo ib yam li kev mus ntsib kws kho mob tim ntsej tim muag) thiab kev duav roos yuav sib txawv raws li txoj phiaj xwm. Lwm zaus yog koj xav mus ntsib kws kho mob, xav txog kev mus ntsib kws kho mob saum online.
Lub sij hawm twg kuv thiaj tuaj yeem mus kho mob hauv tsev kho mob uas cia li nkag mus yam tsis tas yuav teem caij?
Cov chaw kuaj mob uas tsis tas teem caij (qee zaum hu ua cov chaw kuaj mob me) muab tau kev saib xyuas kho mob sai, yooj yim thiab tsis kim heev ntawm lub khw muag khoom, hauv khw muag zaub los sis khw muag tshuaj los sis ntawm chaw hauj lwm. Feem ntau lawm qib kev pab caum rau thaum lub sij hawm khw muag khoom, qee zaum kuj qib ob peb xuab moos tom qab thiab qhib rau hnub so. Siv lub tsev kho mob uas cia li nkag mus yam tsis tas yuav teem caij thuam koj muaj mob me ntsis, xws li mob khaub thuas, mob caj pas los sis mob hlab ntsws.
Doctor On Demand
Tab sis cov kws muab kev pab cuam coob leej muaj lawv tus kheej txoj hau kev daws teeb meem hauv online, Blue Cross and Blue Shield of Minnesota kuj muab Doctor On Demand® los ntawm Included Health, kev xaiv kev saib xyuas kho mob yooj yim thiab tsis kim los pab koj kom zoo los. Nws yog ib qho kev saib xyuas kho mob uas nkag cuag tau yooj yim los ntawm tus kws kho mob tau muaj daim ntawv lees txais los ntawm khoom haum los sis ib tug kws kho mob muaj daim ntawv tso cai los ntawm qhov twg los tau thiab kho tej mob me tau zoo heev xws li kev tsis haum, mob tawv nqaij ua pob, mob khaub thuas/mob ua npaws, kis kab mob rau qhov muag/pob ntseg/zais zis, thiab kuv mus ntsib kws kho mob txog kev noj qab haus huv fab kev puas siab puas ntsws.
Tau kev saib xyuas kho mob kom haum
Yuav ua li cas yog tias kuv muaj cov tsos mob nyhav?
Kawm paub ntxiv txog kev npaj ua ntej kom tau txais kev saib xyuas zoo thaum muaj xwm txheej tshwm sim.
SVG
Rau thaum mob hnyav los sis muaj kev phom sij txog lub neej txoj sia, hu rau 911 los sis mus rau ER.
SVG
Rau cov xwm txheej xav tau kev saib xyuas tam sim, mus rau lub chaw saib xyuas maj ceev.
SVG
Rau tus mob ntev tsis zoo tu qab, hu rau koj tus kws kho mob xub thawj.
Hom kev saib xyuas kho mob
| Hom kev saib xyuas kho mob | Cov xwm txheej uas tau txais kev kho mob | Kev Yooj Yim | Nqi Tshuaj |
|---|---|---|---|
| ER | Mob nyav los sis muaj kev phom sij txog lub neej txoj sia | Muaj 24/7 | $$$$ |
| Kev saib xyuas kho mob maj ceev | Cov xwm txheej xav tau kev saib xyuas tam sim | Qhib rau hnub ua hauj lwm, ntxiv rau cov teev tom qab, hnub so ntawm lub lim tiam thiab hnub so zej tsoom | $$$ |
| Chaw kuaj mob xub pib (tej zaum yuav muaj hauv kev deb) | Kev xav tau kev kho mob tshaj plaws | Qhib rau hnub ua hauj lwm, cov teev ua hauj lwm thiab qee cov teev tom qab ntxiv | $$ |
| Tsev kho mob uas cia li nkag mus yam tsis tas yuav teem caij | Tej yam mob me thiab ib txwm muaj. | Qib rau hnub ua hauj lwm, ntxiv rau cov teev tom qab thiab qee hnub so. Nyob hauv khw muag khoom | $ |
| Doctor On Demand (nyob kev deb) | Cov muaj mob me thiab ib txwm mob (teem caij ntsib rau kev saib xyuas kho mob hlwb) | 7 hnub toj ib lim tiam, 7 teev sawv ntxov - 11 teev tsaus ntuj; teem caij sib ntsib | $ los sis tsis muaj $ |
| Cov kev ntsib hauv es lev thos niv (nyob kev deb) | Tej yam mob me thiab ib txwm muaj. | Qhib rau hnub ua hauj lwm thiab qee hnub so | $ los sis tsis muaj $ |
| Tus xov tooj ntawm tus kws tu neeg mob | Txhua yam kev txhawj xeeb txog kev kho mob | Muaj 24/7 | Tsis muaj $ |
Sau cim tseg: Kev raug duav roos rau cov kev xaiv no sib txawv raws li txoj phiaj xwm kho mob. Tsis yog yuav muaj tag nrho cov kev pab cuam nrog koj txoj phiaj xwm kho mob.