Kuv txoj phiaj xwm kho mob puas yuav duav roos tau kuv cov neeg nyob nrog?

Leej twg thiaj muaj cai tsim nyog tau txais kev duav roos hauv kuv txoj phiaj xwm?

Feem ntau, cov neeg hauv tsev neeg tsim nyog tau txais kev duav roos yog tias lawv ua tau raws li cov qauv xaiv tshwj xeeb thiab cov ntsiab lus hauv daim ntawv cog lus txoj phiaj xwm. Feem coob, cov tswv cuab hauv tsev neeg suav muaj:

Tus txij nkawm raug cai
Cov me nyuam yus yug kiag thiab cov me nyuam tu
Cov me nyuam coj lus tu raug kev cia thiab cov me nyuam uas muab tso rau koj los sis koj tus txij nkawm uas tau txais kev pab them rau kev coj los tu
Cov me nyuam uas koj los sis koj tus txij nkawm tau txais kev teeb tsa kom yog tus neeg saib xyuas raws cai
Cov me nyuam coj los tu uas muab tso nrog koj los sis koj tus txij nkawm uas tau txais kev pab them
Cov xeeb ntxwv uas yog tus neeg nyob hauv kev saib xyuas fab nyiaj txiag uas nyob nrog koj los sis koj tus txij nkawm uas tau txais kev pab them yam tsis tu ncua txij li thaum yug los*
Cov me yuam uas tau txais kev tso cai kom muaj kev raug pov thaiv kev noj qab haus huv los ntawm Lus Txiav Txim Txog Kev Saib Xyuas Tus Me Nyuam Fab Kev Kho Mob Uas Tsim Nyog
Cov me nyuam yaus uas yog tus neeg nyob hauv kev saib xyuas xiam oob qhab uas muaj hnub nyoog siab dua 26 xyoo uas ua tau raws li tus qauv cai tshwj xeeb
Tus khub nyob hauv tsev ntawm tus tuav ntawv cog lus uas tseem tsis tau sib yuav*
Cov me nyuam ntawm tus khub hauv tsev*

*Yog koj txoj phiaj xwm kho mob yog los ntawm ib pab pawg tus tswv hauj lwm, qhov kev duav roos no yuav txawv, thiab koj yuav tsum nrog tus tswv hauj lwm tham txog seb puas tsim nyog tau txais qhov kev duav roos ntawd.

Tus me nyuam nyob nrog tuaj yeem nyob hauv kuv txoj phiaj xwm kho mob ntev npaum li cas?

Koj muaj peev xwm suav nrog cov me nyuam uas muaj cai tsim nyog rau hauv koj txoj phiaj xwm kom txog thaum lawv muaj hnub nyoog 26. Koj txoj phiaj xwm kho mob yuav tso tseg kev raug pov thaiv hauv koj tus me nyuam lub hnub yug thib 26^th.

Koj cov me nyuam hlob uas muaj hnub nyoog 26-xyoo yuav tsum tso npe rau hauv lawv txoj phiaj xwm tus kheej hauv 60 hnub ntawm lawv lub hnub yug thib 26th. Qhov no yog qhov tseem ceeb kom nco ntsoov cia, vim tias yog tias lawv plam txog lub ncua sij hawm kev tso npe tshwj xeeb no lawv yauv tsum tau tos rau lub ncua sij hawm qhib rau kev tso npe lwm zaus. Qhov no tuaj yeem ua rau lawv tsis muaj kev tuav pov hwm ib ntus.

Puas yog kuv tuaj yeem ntxiv kuv tus me nyuam uas sib yuav lawm rau kuv txoj phiaj xwm?

Tus me nyuam muaj cai tsim nyog uas yog ib leeg los yog muaj txij nkawm yuav nyob hauv koj phiaj xwm kho mob mus txog thaum muaj hnub nyoog 26. Thaum muaj hnub nyoog 26 xyoo, lawv yuav tsum rau npe rau hauv phiaj xwm kho mob los ntawm lawv txoj hauj lwm, lawv tus txij nkawm txoj hauj lwm, los sis los ntawm txoj phiaj xwm kho mob rau ib tug neeg.

Puas yog kuv tuaj yeem ntxiv kuv niam thiab txiv los yog kuv tus txij nkawm niam thiab txiv rau kuv txoj phiaj xwm?

Tsis yog, koj tsis tuaj yeem suav nrog koj niam thiab txiv rau hauv koj txoj phiaj xwm. Lawv yuav tsum tso npe rau hauv lawv txoj phiaj xwm kho mob ntiag tug los ntawm lawv txoj hauj lwm, txoj phiaj xwm kho mob rau ib tug neeg los sis Medicare (yog tias lawv tsim nyog).

Thaum twg kuv tuaj yeem ntxiv cov neeg nyob nrog rau kuv txoj phiaj xwm kho mob?

Koj tuaj yeem ntxiv cov neeg tshiab hauv tsev neeg rau koj txoj phiaj xwm hauv cov xwm txheej tshwj xeeb:

Tus me nyuam mos yug tshiab: Ntxiv tau hauv 60 hnub thaum yug los
Tus me nyuam coj los tu: Ntxiv tau hauv 60 hnub thaum coj los
Tus txij nkawm tshiab: Ntxiv tau hauv 60 hnub thaum sib yuav los
Kev poob hauj lwm: Ntxiv tau tus txij nkawm los sis tus me nyuam (hnub nyoog siab txog 26 xyoo) hauv 60 hnub ntawm kev poob kev raug pov thaiv hauv lub chaw hauj lwm
Tus me nyuam uas yog tus neeg nyob hauv kev saib xyuas, uas muaj hnub nyoog siab dua 26 xyoo uas xiam oob qhab

*Yog tias kev poob hauj lwm tsis yog kev yeem siab los sis vim tias tsis muaj kev them nyiaj los sis dag ntxias

Txhab rau ntxiv cov neeg nyob nrog hauv, hu rau tus npawb tom qab ntawm koj daim npav ID, tham nrog tus neeg sawv cev los sis ntsib nrog Blue Cross Tus Kws Pab Tswv Yim.

Kuv yuav tshem tawm ib tus tswv cuab hauv tsev neeg tawm ntawm kuv txoj phiaj xwm li cas?

Koj tuaj yeem tshem cov tswv cuab hauv tsev neeg tawm ntawm koj txoj phiaj xwm tau txhua lub sij hawm. Feem ntau, qhov no tshwm sim thaum lawv tau txais kev raug pov thaiv los ntawm lwm qhov chaw lawm. Hu rau tus nab npawb nyob rau tom qab ntawm koj Daim npav txheeb xyuas tus kheej los tshem cov neeg nyob hauv kev saib xyuas los ntawm koj txoj phiaj xwm.

Yog koj muaj txoj phiaj xwm kho mob los ntawm koj tus tswv hauj lwm, ces tiv tauj lub chaw hauj lwm saib xyuas tib neeg li peev txheej los kawm paub txoj hau kev ntxiv los sis tshem tawm tus neeg nyob nrog.

Tus Tswv Cuab Cov Lus Nug Uas Nquag Nug (FAQs)

Nrhiav cov lus teb rau peb cov lus nug uas nquag nug.

Tau txais cov lus teb

Qhov no yog cov ntaub ntawv qhia dav txhua feem txog qhov uas txoj phiaj xwm cov txiaj ntsig ua hauj lwm li cas. Tshuaj xyuas txog Daim Ntawv Suav Sau Ntsiab Lus ntawm Cov Txiaj Ntsig thiab Kev Duav Roos thiab koj phau ntawv qhia txog txiaj ntsig ntawm txoj phiaj xwm kho mob tshwj xeeb rau qhov ntaub ntawv hais txog koj txoj phiaj xwm seb ua hauj lwm li cas.

Nws nyob ntawm koj los kuaj xyuas tas li yog tias koj tus kws muab kev pab cuam nyob hauv koj txoj phiaj xwm kho mob pab pawg koom nrog ua ntej koj tau txais cov kev pab cuam. Tsis yog txhua cov kws muab kev pab cuam nyob hauv txhua pab pawg koom lag luam. Koj tuaj yeem them ntau dua los sis them tag nrho koj cov nqi kho mob yog tias koj tus kws muab kev pab cuam kho mob tsis yog nyib hauv koj pab pawg koom lag luam los sis tsis muaj daim ntawv cog lus nrog Blue Cross (qhov no yog hu ua tus kws muab kev pab cuam kho mob uas tsis koom nrog). Koj tuaj yeem txheeb xyuas seb koj tus kws pab cuam puas nyob hauv koj pab pawg koom lag luam los ntawm kev hu xov tooj rau feem pab cuam rau cov qhua ntawm tus naj npawb nyob rau tom qab ntawm koj daim npav ID tswv cuab.