Kev kuaj Pap smear tsis tu ncua thiab txhaj tshuaj tiv thaiv kab mob HPV tuaj yeem pab tiv thaiv kab mob khees xaws ncauj tsev me nyuam tau. Kawm paub ntau ntxiv txog mob qog noj ntshav ncauj tsev me nyuam los ntawm Blue Cross thiab Blue Shield ntawm Minnesota.
Mob khees xaws ncauj tsev me nyuam yog mob khees xaws ntawm lub ncauj tsev me nyuam, uas yog ib feem qhov cev xeeb tub ntawm cov poj niam. Nws nyiam pib nrog kev tsim cov hlwb ntawm cov qog noj ntshav ua ntej muaj hnub nyoog tsim nyog. Kev tshwm sim cov hlwb ua ntej tsis txhais tau tias koj yuav tau mob khees xaws ncauj tsev me nyuam. Muaj kev kho mob rau cov hlwb no ua ntej lawv hloov mus ua mob mob khees xaws.
Mob khees xaws ncauj tsev me nyuam feem ntau yeej tsis muaj ib qho tsos mob thaum hnyuav qhuav pib li. Nyob rau ntu tom qab, tus poj niam yuav pom qhov txawv txav ntawm qhov chaw mos los ntshav, los cov dej txawv-txawv los sis mob thaum muaj kev sib deev. Txawm li cas los xij, nrog kev kho mob tiv thaiv tsis tu ncua, cov kws kho mob tuaj yeem ntes thiab kho nws thaum ntxov.
Cov kws kho mob ntseeg hais tias tus kab mob human papillomavirus (HPV) yog feem tseem ceeb rau kev tsim tus mob khees xaws ncauj tsev me nyuam, tshwj xeeb yog qee yam muaj pheej hmoo siab ntawm cov kab mob.
Muaj qee cov feem pheej hmoo ntawm tus mob khees xaws ncauj tsev me nyuam, suav nrog kev kis mob HPV, haus luam yeeb thiab keeb kwm tsev neeg muaj mob khees xaws ncaj tsev me nyuam. Tham nrog koj tus kws kho mob yog tias koj txhawj xeeb txog koj qhov kev phom sij rau mob khees xaws ncauj tsev me nyuam.
Nws yog ib qho tseem ceeb kom nkag siab txog yam uas tau pom zoo los ntawm kev kho mob thiab seb koj qhov phiaj xwm tshwj xeeb duav roos. Siv cov chaw qhia ntaub ntawv no los tshawb nrhiav. Nrhiav cov ntsiab lus ntxiv hauv koj phau ntawv cov txiaj ntsig.
Qhov kev kuaj ntsuas ob zaug tuaj yeem pab tiv thaiv kab mob khees xaws ncauj tsev me nyuam los sis nrhiav tau tus mob thaum ntxov:
Koob tshuaj txhaj tiv thaiv kab mob HPV pov thaiv tau qee hom kev kis kab mob HPV uas muaj kev pheej hmoo siab uas tuaj yeem ua rau muaj kab mob khees xaws ncauj tsev me nyuam. Cov tshuaj tiv thaiv no tau hais kom siv rau cov neeg ua ntej lub hnub nyoog 13, uas muaj kev tiv thaiv ua ntej kis tus kab mob HPV thiab thaum lub cev muaj zog tsim kev tiv thaiv kab mob zog tuaj. Thaum cov tshuaj tiv thaiv ua hauj lwm zoo dua thaum uas txhaj ua ntej lub hnub nyoog 13 xyoo los, tam sim no nws tau txais kev pom zoo rau cov poj niam txog thaum muaj hnub nyoog 45xyoos.
HPV tseem tuaj yeem kis tau los ntawm kev sib deev, yog li ntawv yuav tsum sab laj nrog koj tus kws kho mob txog cov lus qhia kev sib deev yam muaj kev nyab xeeb.
Yog lawm, cov poj niam uas tau txhaj tshuaj tiv thaiv kab mob HPV tseem yuav tsum tau txais kev kuaj xyuas lub ncauj tsev me nyuam yam tsis tu ncua. Cov tshuaj tiv thaiv kab mob feem ntau, tab sis tsis yog tag nrho txhua hom kab mob HPV uas ua rau mob khees xaws ncauj tsev me nyuam.
Saib raws li koj tsev neeg li keeb kwm thiab lwm cov txuam thawj tseeb txog kev pheej hmoo, koj tus kws kho mob yuav txiav txim siab tias koj xav tau kev kuaj mob tas li ntau dua qhov uas tau qhia dhau los.
Cov poj niam yuav tsum pib txais kev kuaj xyuas Pap thaum muaj hnub nyoog 21 xyoo thiab yuav tsum tau txais kev kuaj txhua peb xyoos.
Tham nrog koj tus kws kho mob txog qhov kev sim tshuaj twg yog qhov zoo rau koj:
Koj tus kws kho mob yuav qhia rau koj tias koj tsis tas yuav tau txais kev kuaj xyuas mus ntxiv yog tias koj:
Lub chaw tuav pov hw kev kho mob feem ntau pab them cov nqi kuaj mob tiv thaiv, kev kuaj ntsuas mob thiab txhaj tshuaj tiv thaiv kab mob los pab tiv thaiv los sis tiv cov mob uas txhawj xeeb yuav tshwn sim tau. Kev kuaj Pap smear yog ib feem ntawm mus kuaj kev tiv thaiv kab mob rau cov poj niam. Cov tshuaj txhaj tiv thaiv kab mob HPV raug them los ntawm lub chaw pov hwm kev noj qab haus huv. Nco ntsoov kuaj xyuas koj txoj phiaj xwm txog cov ntsiab lus ntxaws txog kev duav roos
Tshawb nrhiav cov kws kho mob hauv network thiab cov kws kho mob hauv koj cheeb tsam. Nkag mus rau qhov kev pab them nqi raug pov thaiv.