Kawm paub txog qhov laj thawj uas ua rau mob hawb pob, qhov kev xyaum ua pa rau mob hawb pob, cov lus qhia tiv thaiv mob hawb pob, thiab ntau ntxiv los ntawm Blue Cross thiab Blue Shield ntawm Minnesota.
Mob hawb pob yog kab mob ntsws uas ua rau nws ua pa nyuaj. Koj tuaj yeem tiv thaiv kev mob hawb pob los ntawm kev ua tib zoo hloov koj ib puag ncig thiab zam qhov uas cuam tshuam. Koj tus kws kho mob kuj yuav sau daim ntawv yuav tshuaj uas yuav pab tau.
Kev mob hawb pob yog ib hom kab mob raws caij ceg, yog li yog tias ib tus los sis tag nrho koj niam thiab txiv ob leeg puav leej muaj mob hawb pob, ces koj yuav muaj feem mob hawb pob ib yam nkaus. Ntxiv rau kev mob raws caj ces lawm, kev siv tsis haum tshuaj, mob, haus luam yeeb, tsiaj txhu, huab cua txias, kev ntxhov siab los sis kev tawm dag zog tuaj yeem ua rau mob hawb pob.
Cov tsos mob muaj xws li ua tsis taus pa, hawb pob, hnoos los sis hnov zoo li nruj hauv siab.
Lub ntsws muaj ob txoj hauv kev sib txawv:
Nws yog ib qho tseem ceeb kom nkag siab txog yam uas tau pom zoo los ntawm kev kho mob thiab seb koj qhov phiaj xwm tshwj xeeb duav roos. Siv cov chaw qhia ntaub ntawv no los tshawb nrhiav. Nrhiav cov ntsiab lus ntxiv hauv koj phau ntawv cov txiaj ntsig.
Kev mob hawb pob tuaj yeem txawv rau txhua tus. Kawm paub tias yuav zam nws li cas thiaj tuaj yeem tiv thaiv kev mob hawb pob.
Nov yog qee yam uas koj tuaj yeem ua kom zam tau cov yam ua rau muaj moob uas keev pom tshaj plaws ntawm tus mob hawb pob
Kev kho mob thiab cov tshuaj kho mob nce raws li qhov koj tus mob hawb pob hnyav npaum cas thiab nquag ua tsis taus pa npaum cas.
Tham nrog koj tus kws kho mob yog tias koj noj koj cov tshuaj raws li qhia thiab zam yam kom tsis txhob ua rau mob hawb pob tab sis tseem muaj mob hawb pob.
Tshwj xeeb tshaj yog nrog kev ntxhov siab vim mob hawb pob los sis mob hawb pob thaum muaj kev ntxhov siab, kev tawm dag zog ua pa yuav pab tau. Lawv muab ib lub cuab yeej rau koj kom txo kev ntxov siab thaum tsom ntsoov rau koj kev ua pa. Sim ua pa nkag thiab tso pa tawm uas maj mam suav mus kom txog kaum.
Qhov kev kuaj nquag siv ntau tshaj rau kev kuaj mob hawb pob yog kuaj kev ua hauj lwm ntawm lub ntsws. Kuaj kev ua xua tuaj yeem txheeb xyuas qhov ua rau mob hawb pob ib yam. Hu rau tus naj npawb pab cuam rau cov neeg qhua ntawm koj daim npav ID tswv cuab kom paub seb cov kev kuaj no puas raug duav roos.
Blue Cross kuj muaj cov thawj tswj hwm qhov teeb meem thiab cov kev xa ntawv muab ntaub ntawv kev kawm rau tag nrho cov neeg laus thiab cov me nyuam yaus los tswj tus mob hawb pob. Txoj kev tswj hwm kev saib xyuas yog pub dawb rau cov tswv cuab tsim nyog, yeem thiab tsis pub leej twg paub. Yog xav paub ntxiv txog qhov kev pab cuam, hu rau tus xov tooj pab cuam cov neeg yuav khoom ntawm koj daim npav ID tswv cuab.
Tshawb nrhiav cov kws kho mob hauv network thiab cov kws kho mob hauv koj cheeb tsam. Nkag mus rau qhov kev pab them nqi raug pov thaiv.