Blue Cross and Blue Shield of Minnesota muaj ntau cov txheej txheem pab cuam daim ntawv sau cov tshuaj. Qhov tsim nyog tau txais kev pab yog nyob ntawm seb koj phiaj xwm kho mob puas tsim nyog tau txais kev pab them nqi kho.
Kauj ruam kho mob yog ib qho txheej txheem uas yuav tsum sim lwm yam tshuaj kho mob uas tej zaum yuav nyab xeeb dua, kho muaj txiaj ntsig dua thiab, hauv tib co xwm txheej, pheej yig dua, ua ntej yam tshuaj kim dua uas tau pom zoo.
Cov kev txwv qhov ntau pab tswj cov nqi thiab ua kom paub tseeb tias koj cov tshuaj tau txais kev sau yuav los ntawm kws kho mob hauv cov nyiaj uas tsim nyog.
Kev tso cai ua ntej yog ib qho txheej txheem ua kom paub tseeb tias sau cov ntawv yuav tshuaj tsim nyog thiab siv ua ntej yam tshuaj yuav raug duav roos. Kev duav roos tej zaum yuav tau txais kev pom zoo tom qab ua tau raws li cov qauv xaiv tseem ceeb.
Qee cov mob yuav tsum tau txais kev kho los ntawm cov tshuaj tshwj xeeb. Cov no yog cov mob xws li cov hlab ntsha ntau txoj txhaws, tus mob hemophilia, tus kab ob siab thiab tus mob pob qij txha o rheumatoid. Peb twb tau xaiv cov tsev muag cov tsuaj tshwj xeeb uas ntseeg siab tau los pab koj kom tau txais kev pab, kom xa mus rau tom tsev tau yooj yim thiab txuag tau nyiaj.
Yog tias koj muaj daim ntawv xaj yuav tshuaj txuas ntxiv, koj tuaj yeem txuag nyiaj tau los ntawm kev tau txais 90-hnub khoom siv ib zaug. Koj tuaj yeem kom muab koj cov tshuaj xa tuaj hauv koj tsev los sis mus ntsib lub tsev muag tshuaj koom tes nrog hauv 90-hnub khoom siv.
Tau txais koj cov tshuaj xa hauv chaw xa ntawv tuaj rau hauv koj tsev los ntawm qhov kev pab cuam xa mus rau tom tsev. Nws ua tau yooj yim thiab yooj yim.
Ua ke nrog qhov lub khoos kas pab cuam koob tshuaj txhaj tiv thaiv kab mob tom lub tsev muag tshuaj me, koj yuav tau txais kev pab duav roos thaum koj mus rau lub tsev muag tshuaj rau ntau cov koob tshuaj txhaj tiv thaiv kab mob qee cov tshuaj tiv thaiv kab mob uas siv thoob plaws. Nws tau suav nrog hauv yuav luag txhua txoj phiaj xwm ntawm tus tswv hauj lwm.
Tau kev raug pov thaiv rau qee daim ntawv sau cov tshuaj yam tsis tas yuav ua kom tau raws li koj txoj phiaj xwm kho mob uas muaj nyiaj lov tawm ua ntej. Qhov txheej txheem pab cuam tshuaj rau kev tiv thaiv tau muab rau ua ke nrog qee cov phiaj xwm ntawm tus tswv hauj lwm.
Koj kev pov hwm txog kev noj qab haus huv feem ntau yuav npog kev saib xyuas tiv thaiv kab mob. Kawm thaum twg thiaj li npaj sij hawm rau kev kuaj xyuas kom pab tiv thaiv los sis pom tau tej teeb meem txog kev noj qab haus huv.
Rau npe nkag mus rau hauv lab npauv los nrhiav cov tshuaj hauv koj daim ntawv npe tshuaj uaas tau kev pab them nqi duav roos thiab cov tsev muag tshuaj hauv koj pab pawg koom tes.
Nco tseg: Cov ntaub ntawv no tsis siv rau Medicare los sis Kev Pab Kho Mob (Medicaid) lub hom phiaj.
Cov txheej txheem pab cuam daim ntawv sau cov tshuaj suav muaj ua ke nrog koj txoj phiaj xwm kho mob nce rau seb yog hom phiaj xwm twg. Txhawm rau mus saib seb muaj cov txheej txheem twg rau koj, kuaj xyuas koj txoj phiaj xwm cov ntaub ntawv los sis hu rau tus nab npawb nyob rau tom qab ntawm koj daim npav ID tswv cuab.