Ua kom zoo tshaj plaws rau koj txoj phiaj xwm Medicare Advantage
Kawm paub txog koj cov txiaj ntsig txoj phiaj xwm Medicare Advantage ntawm koj qhov chaw, thaum twg thiab qhov chaw twg yooj yim rau koj.
Cov Ntsiab Lus
Los paub txog cov txiaj ntsig ntawm koj Blue Cross thiab Blue Shield ntawm Minnesota Medicare Advantage txoj phiaj xwm hauv cov vis dis aus luv no.
Txhua daim vis dis aus tsom rau ib lub ncauj lus tshwj xeeb thiab tsuas yog ntev li ob mus rau peb feeb. Nias rau ntawm daim vis dis aus uas koj nyiam thiab mloog tus kws tshaj lij txog txoj phiaj xwm kho mob piav qhia ntau yam ntawm koj txoj phiaj xwm Medicare Advantage.
Yog tias koj muaj lus nug ntxiv, thov hu rau peb Pab Pawg Pab Cuam Cov Neeg Siv Khoom ntawm tus npawb nyob tom qab ntawm koj daim npav ID tswv cuab Blue Cross.
Kev rau npe nkag ntawm tswv cuab
Tso npe nkag mus los sis tsim koj tus as khauj tswv cuab txhawm rau los saib koj cov ntaub ntawv teev txog txoj phiaj xwm thiab ntau yam ntxiv.
Medicare Advantage cov vis dis aus txoj phiaj xwm
Kev pab koj nkag siab txog cov hauv paus ntawm koj txoj phiaj xwm Blue Cross Medicare Advantage yog peb qhov tseem ceeb ua ntej. Qhov vis dis aus no muab cov ntsiab lus luv ntawm cov hauv paus ntawm koj txoj phiaj xwm.
Daim vis dis aus no piav qhia seb koj tuaj yeem siv Blue Cross tus as khauj tswv cuab thiab Blue Cross lub app xov tooj li cas. Nws kuj tseem piav qhia cov ntaub ntawv tseem ceeb txog koj daim npav ID tswv cuab Blue Cross.
Nyob rau hauv daim vis dis aus no, peb yuav tham txog cov tshuaj txhaj tiv thaiv uas muaj nyob rau hauv Part B thiab Part D thiab cov kev ntsuam xyuas uas tuaj yeem yuav pab kom koj noj qab nyob zoo.
Tau txais koj cov tshuaj kho mob los ntawm lub chaw muag tshuaj koom nrog hauv yuav pab koj txuag nyiaj. Qhov vis dis aus no yuav piav qhia seb yuav ua li cas koj thiaj nrhiav tau lub chaw muag tshuaj koom nrog hauv. Peb kuj tseem yuav nthuav qhia daim ntawv xaj rau cov chaw muag tshuaj thiab 90-hnub cov khoom siv kho mob muaj ntawv xaj.
Hauv qhov vis dis aus no, peb yuav piav qhia tej yam zoo xws li kev tso cai ua ntej, cov kauj ruam kho mob, thiab cov tshuaj muaj ntawv xaj qhov txwv tsis pub siv tshaj, thiab tej yam no tuaj yeem yuav pab ua kom tus nqi kho mob qis tau li cas.
Kev noj qab haus huv fab kev kho hniav yog ib feem tseem ceeb ntawm koj txoj kev noj qab haus huv. Hauv qhov vis dis aus no peb yuav piav qhia yam kev pab saib xyuas hniav twg tau txais kev duav roos los ntawm koj txoj phiaj xwm Medicare Advantage.
Txhawm rau los pab tswj koj txoj kev hnov lus, koj txoj phiaj xwm Medicare Advantage thiaj li yuav los nrog ntau cov txiaj ntsig fab kev hnov lus. Kawm ntxiv txog cov txiaj ntsig no hauv daim vis dis aus no.
Tau txais kev saib xyuas los ntawm cov kws kho mob nyob hauv koj txoj phiaj xwm pab pawg sib koom lag luam yuav pab koj txuag tau nyiaj. Qhov vis dis aus no piav qhia txog yam uas cov chaw muab kev kho mob muaj hauv koj cov koom nrog thiab yuav siv peb qhov cuab yeej "Nrhiav Ib Tus Kws Kho Mob" li cas.
Daim vis dis aus no piav txog qhov txawv ntawm ntau yam kev saib xyuas txhawm rau tiv thaiv kab mob, xws li Mus Cuag Annual Wellness los sis kuaj xyuas mob txhua xyoos, thiab yuav ua li cas cov mus ntsib no tuaj yeem pab koj kom nyob muaj kev noj qab nyob zoo.
Nyob rau hauv no yees duab, peb yuav piav qhia txog cov theem sib txawv ntawm kev duav roos cov tshuaj muaj ntawv sau yuav thiab yuav ua li cas nrhiav tau cov tshuaj uas raug kev duav roos hauv koj txoj phiaj xwm.
Thaum yog Medicare Advantage ib tus tswv cuab koj tsim nyog tau txais cov nyiaj pab peb lub hlis twg rau cov tshuaj thiab cov khoom siv uas tsis muaj ntawv yuav tshuaj. Kawm paub ntxiv txog txoj hau kev uas koj tuaj yeem nkag mus rau cov txiaj ntsig no tau.
Kev saib xyuas nyob kev deb ntsig txog kev saib xyuas uas koj tau txais los ntawm lub chaw kho mob hauv kev hu vis dis aus sib tham txawm koj yuav nyob rau qhov twg los xij. Nyob rau hauv daim vis dis aus no, peb yuav tham txog ntau txoj kev xaiv rau kev saib xyuas neeg mob.
Yam zoo tshaj plaws uas koj tuaj yeem ua los pov hwm koj lub qhov muag yog kom tau txais kev kuaj qhov muag tsis tu ncua. Saib qhov vis dis aus no txhawm rau kawm paub txog hom kev saib xyuas qhov muag twg uas raug duav roos los ntawm koj txoj phiaj xwm Medicare Advantage.
Qhov vis dis aus no piav qhia lub khoos kas Tswj Hwm Tshuaj Kho Mob uas tuaj yeem pab cov tswv cuab uas siv cov tshuaj muaj ntau daim ntawv xaj yuav tshuaj ua ke.
S5743_091024_N01_M
Y0138_091024_ N01_M