Koj qhov hnoos yuav tsis tu. Koj lub caj pas yuav hnov tias ntxhib thiab mob. Koj paub tias koj yuav tsum nrhiav kev saib xyuas. Tsis tas li ntawd, nrog rau lub sij hawm teem rau tej hauj lwm yuav tsum ua thiab muaj qhov tseem ceeb tsis paub kawg, nws yuav nyuaj rau kev teem caij nrog koj tus kws kho mob xub thawj los sis mus ntsib kev kho mob ceev.
Blue Cross thiab Blue Shield ntawm Minnesota muab qhov Doctor On Demand®, ib qho kev xaiv kev saib xyuas uas yooj yim thiab pheej yig los pab koj kom zoo. Lwm zaus yog koj xav mus ntsib kws kho mob, xav txog kev mus ntsib kws kho mob saum online.
Cov kev pab cuam kws kho mob saum online ua hauj lwm li cas
Doctor On Demand muab kev nkag tau mus rau cov kws kho mob raug pom zoo los ntawm pawg thawj coj, cov kws kho mob hlwb los yog kws kho mob hlwb muaj ntawv tso cai hauv kev sib tham pom ntsej muag rau tus nqi me me los yog tsis tau them nqi dab tsi li rau qee cov phiaj xwm.* Koj tuaj yeem txuas nrog hauv video los ntawm txhua qhov chaw - ntawm koj lub tsev, tom hauj lwm los sis txawm tias mus so lawm los yeej tau.
Siv lub app Doctor On Demand los sis lub vev xaib tham nrog kws kho mob thaum nws yooj yim rau koj. Koj tseem tuaj yeem teem sij hawm rau sib hu vis dis aus ntsib kws kho mob. Muaj kev mus ntsib rau kev kho mob thaum 24/7 thiab cov kev mus ntsib kev saib xyuas kho mob puas hlwb muaj rau siv tau los ntawm kev teem caij thaum 7 teev sawv ntxov txog 11 teev tsaus ntuj lub sij hawm hauv zos, xya hnub hauv ib lub lim tiam.
Thaum koj npaj tau los ntsib, txuas nrog tus kws kho mob sib tham nyob rau ntawm koj lub xov tooj ntawm tes, xov tooj loj los sis lub khoos pij tawj uas muaj lub koob yees duab ntawm hauv ntej. Nws yooj yim xwb.
Ib tug kws kho mob saum online tuaj yeem kho tau mob dab tsi?
Ib tug kws kho mob saum online muaj peev xwm muab kev ntsuam xyuas, kuaj mob thiab kev kho mob - thiab tuaj yeem sau tshuaj thiab xaj cov kev kuaj sim ntshav thaum tsim nyog - thaum sib hu video ntsib kws kho mob. Qee cov mob uas Doctor On Demand tuaj yeem kho muaj xws li:
- khaub thuas/ua npaws
- mob caj pas
- kev kis mob rau txoj hlab tso zis
- cov teeb meem mob ntawm daim tawv nqaij/pob khaus
- raws plab
- ntuav
- teeb meem qhov muag
- cov kev raug mob los ntawm ua kis las
- cov mob nkees los ntawm kev mus ntoj ncig
- cov kev fab zaub mov
Koj kuj tseem tuaj yeem mus ntsib nrog tus kws kho mob hlwb uas tau muaj daim ntawv tso cai los yog tus kws kho mob hlwb raug pom zoo los ntawm pawg thawj coj los ntawm kev teem caij rau kev pab nrog kev nyuaj siab, kev sib raug zoo kev ntxhov siab, kev quav yeeb quav tshuaj, cov teeb meem kev sib raug zoo, kev raug mob thiab poob, los yog kev ntxhov siab tom chaw ua hauj lwm.
Qhov Doctor On Demand raug nqi npaum li cas?
Kev siv Doctor On Demand raug tus nqi tsawg dua mus rau lub chaw pab cuam saib xyuas kuaj mob ceev los sis chav saib xyuas xwm txheej kub ntxhov ceev.
Tus nqi tseeb nce raws li koj qhov phiaj xwm cov ntsiab lus thiab hauv qee kis (Lub hlwb), qhov ntev ntawm koj mus ntsib. Nkag mus rau hauv lub app los sis lub vev xaib kom pom tias nws yuav raug nqi dab tsi rau koj ua ntej koj hu xov tooj mus. Tej zaum qee cov los sis tag nrho cov nqi yuav raug pab them, nyob ntawm koj qhov phiaj xwm kho mob raug pov thaiv.*
Sau npe mus saib ib tug kws kho mob saum online
Doctor On Demand yog muaj nyob rau kev kho mob 24 teev ib hnub, xya hnub hauv ib lub lim tiam.
Kev teem caij kho mob puas hlwb muaj rau siv tau txij li 7 teev sawv ntxov txog 11 teev tsaus ntuj lub sij hawm hauv zos, xya hnub hauv ib lub lim tiam.
Sau npe hnub no. Nws tsuas siv ob peb feeb xwb.
Los yog rub lub app los tsim koj tus as khauj Doctor On Demand:
Cov peev txheej ntxiv
Taug kev mus hauv chaw kuaj mob los yog kws kho mob hauv online?
Thaum koj xav tau tus kws kho mob tshwj xeeb
Yuav ua li cas thaum muaj xwm txheej kub ntxhov tshwm sim
Cov tswv yim rau xaiv kev saib xyuas
7 txoj hauv kev txuag nyiaj kev pov hwm txog kev noj qab haus huv