Muaj ntau txoj kev saib xyuas kho mob ntau dua yav tas los lawm. Koj tus kws kho mob xub thawj yog txoj kev xaiv zoo tshaj plaws rau kev tswj hwm koj li kev saib xyuas kho mob uas koj xav tau. Tab sis thaum koj tus kws kho mob tsis khoom lawm, cov kws saib mob hauv xov tooj, cov tsev kho mob uas cia li nkag mus yam tsis tas yuav teem caij thiab cov khws kho mob hauv online, yuav muab txoj kev xaiv uas yooj yim thiab txuag nyiaj heev rau koj. Nyob ntawm koj tus mob xwb, koj yuav xaiv dab tsi?
Paub lawm Hais Tias Yuav Mus Qhov Twg Thiaj Muaj Kev Saib Xyuas Kho Mob Zoo. Cov Kws Saib Xyuas Mob Tus Xov Tooj. Txhua yam kev txhawj xeeb txog kev kho mob. Muaj 247.Kev Saib Xyuas Hauv Online. Tej yam mob me me thiab ib txwm muaj. Muaj Qhov Kev Kho Mob Uas Cia Li Nkag Mus Yam Tsis Tas Teem Caij 7 hnub hauv ib lim tiam,7 teev sawv ntxov txog 11 teev tsaus ntuj . Tej yam mob me me thiab ib txwm muaj. Qib rau hnub ua hauj lwm, ntxiv rau cov teev tom qab thiab qee hnub so.
Lub sij hawm twg kuv thiaj hu tau rau tus kws saib xyuas mob tus xov tooj?
Tus kws saib xyuas mob tus xov tooj tuaj yeem pab tau koj mus tham koj li kev txhawj xeeb txog kev kho mob (feem ntau24/7) nrog tus kws tu mob uas muaj ntaub ntawv. Nws yuav pab koj xaiv txoj hauv kev uas zoo tshaj plaws, xws li lub sij hawm twg thiaj zoo kho mob hauv tsev los sis lub sij hawm twg thiaj li zoo mus kho tom tus kws kho mob lub chav ua hauj lwm. Xa mus rau koj tus tswv cuab cov ntaub ntawv phiaj xwm kho mob txhawm rau kom pom tau tias seb koj puas tuaj yeem nkag tau mus rau tus kws saib xyuas mob tus xov tooj.
Hu rau tus kws saib xyuas mob tus xov tooj
Hais txog kev saib xyuas ntawm tus kws kho mob saum online ho zoo li cas?
Kev saib xyuas kho mob tsis tim ntsej tim muag tuaj yeem pab rau koj nkag mus ntsib tus kws kho mob tshaj lij los ntawm kev hu sib tham ua vis dis aus, hu xov tooj, los sis xa ntawv hauv online Kev sib ntsib li no hu tias kev ntsib kws kho mob hauv xov tooj (feem ntau tus nqi yuav tsawg dua tus nqi tau teev tseg) los sis kev kuaj mob hu xov tooj (feem ntau zoo ib yam li tus nqi mus ntsib tim ntsej tim muag) thiab muaj kev raug duav roos sib txawv raws li txoj phiaj xwm.
Thaum uas ntau qhov chaw kho mob muaj lawv tus kheej qhov kev hais daws hauv online, Blue Cross thiab Blue Shield ntawm Minnesota kuj tseem muaj Doctor On Demand® los ntawm Included Health, qhov kev xaiv saib xyuas yooj yim thiab raug siab los pab kho kom koj zoo. Nkag mus hauv kev saib xyuas kho mob los ntawm tus kws kho mob uas muaj ntawv pov thawj yooj yim heev los sis tus kws kho mob uas muaj ntawv tso cia los ntawm txhua qhov, zoo rau cov muaj mob me xws li ua xua, ua pob, mob khaub thuas/ua npaws, mob qhov muag/pob ntseg/zais zis, thiab mob hlwb. Lwm zaus yog koj xav mus ntsib kws kho mob, xav txog kev mus ntsib kws kho mob saum online.
Lub sij hawm twg kuv thiaj tuaj yeem mus kho mob hauv tsev kho mob uas cia li nkag mus yam tsis tas yuav teem caij?
Tsev kho mob uas cia li nkag mus yam tsis tas yuav teem caij(qee zaum hu ua chaw kuaj mob sawv cev) muab kev kho mob ceev heev, kev saib xyuas kho mob uas yooj yim thiab tsim nyog heev li, muaj nyob rau hauv kiab khw, hauv khw muag khoom los sis khw muag tshuaj, los sis tom chaw hauj lwm. Feem ntau lawm qib kev pab caum rau thaum lub sij hawm khw muag khoom, qee zaum kuj qib ob peb xuab moos tom qab thiab qhib rau hnub so. Siv lub tsev kho mob uas cia li nkag mus yam tsis tas yuav teem caij thuam koj muaj mob me ntsis, xws li mob khaub thuas, mob caj pas los sis mob hlab ntsws.
Yuav ua li cas yog tias kuv muaj cov tsos mob nyhav?
- Rau thaum mob hnyav los sis muaj kev phom sij txog lub neej txoj sia, hu rau 911 los sis mus rau ER.
- Rau cov xwm txheej xav tau kev saib xyuas tam sim, mus rau lub chaw saib xyuas maj ceev.
- Rau tus mob ntev tsis zoo tu qab, hu rau koj tus kws kho mob xub thawj.
Kawm paub ntxiv txog kev npaj ua ntej kom tau txais kev saib xyuas zoo thaum muaj xwm txheej tshwm sim.
Hom kev saib xyuas kho mob
| Hom kev saib xyuas kho mob | Cov xwm txheej uas tau txais kev kho mob | Kev Yooj Yim | Nqi Tshuaj |
|---|---|---|---|
| ER | Mob nyav los sis muaj kev phom sij txog lub neej txoj sia | Muaj 24/7 | $$$$ |
| Kev saib xyuas kho mob maj ceev | Cov xwm txheej xav tau kev saib xyuas tam sim | Qhib rau hnub ua hauj lwm, ntxiv rau cov teev tom qab, hnub so ntawm lub lim tiam thiab hnub so zej tsoom | $$$ |
| Chaw kuaj mob xub pib (tej zaum yuav muaj hauv kev deb) |
Kev xav tau kev kho mob tshaj plaws | Qhib rau hnub ua hauj lwm, cov teev ua hauj lwm thiab qee cov teev tom qab ntxiv | $$ |
| Tsev kho mob uas cia li nkag mus yam tsis tas yuav teem caij | Tej yam mob me thiab ib txwm muaj. | Qib rau hnub ua hauj lwm, ntxiv rau cov teev tom qab thiab qee hnub so. Nyob hauv khw muag khoom | $ |
| Doctor On Demand (nyob kev deb) |
Cov muaj mob me thiab ib txwm mob (teem caij ntsib rau kev saib xyuas kho mob hlwb) | 7 hnub toj ib lim tiam, 7 teev sawv ntxov - 11 teev tsaus ntuj; teem caij sib ntsib | $ los sis tsis muaj $ |
| Cov kev ntsib hauv es lev thos niv (nyob kev deb) |
Tej yam mob me thiab ib txwm muaj. | Qhib rau hnub ua hauj lwm thiab qee hnub so | $ los sis tsis muaj $ |
| Tus xov tooj ntawm tus kws tu neeg mob | Txhua yam kev txhawj xeeb txog kev kho mob | Muaj 24/7 | Tsis muaj $ |
Xav paub ntau ntxiv txog kev xaiv kev saib xyuas kho mob
Cov tswv yim rau xaiv kev saib xyuas
7 txoj hauv kev txuag nyiaj kev pov hwm txog kev noj qab haus huv
Nco tseg:Kev duav roos rau cov kev xaiv no sib txawv raws li txoj phiaj xwm kho mob. Tsis yog yuav muaj tag nrho cov kev pab cuam nrog koj txoj phiaj xwm kho mob.