Pab kom kev hloov pauv ntawm tsev kho mob mus rau tom tsev yooj yim tuaj
Tswj koj txoj kev zoo rov qab los nrog plaub lub tswv yim qhia no
Cov lus qhia txog kev txhim kho kom rov ua tau
Teem caij rau kev soj qab xyuas mob
Teem sij hawm koj qhov kev teem caij kho mob uas tau pom zoo kom sai li sai tau - qhov zoo tshaj plaws hauv 1-2 hnub tom qab tawm tsev kho mob mus. Mus ntsib koj tus kws kho mob xub thawj (PCP) thiab cov kws kho mob tshwj xeeb sai tom qab koj pw nyob hauv tsev kho mob yog ib qho tseem ceeb los xyuas kom meej tias koj rov zoo li qub thiab ua cov kauj ruam tom ntej kom muaj kev noj qab haus huv zoo dua. Siv txhua yam txheej txheem ua hauj lwm kom zoo rau koj los qhia koj txog koj qhov kev teem sij hawm thiab npaj rau koj mus ntsib los ntawm kev sau cov lus nug los sis cov tsos mob uas koj xav tham.
Paub txog koj cov tshuaj
Tom qab pw nyob hauv tsev kho mob, koj tuaj yeem muaj lus nug txog koj cov tshuaj txawm tias koj cov lus qhia tawm. Kuv yuav noj tshuaj dab tsi? Cov kev mob tshwm sim yog dab tsi? Kuv yuav siv ntau npaum li cas thiab ntev npaum li cas? Puas yog muaj ib yam tshuaj kho mob twg muaj kev sib tiv? Sau cov lus nug uas koj muaj thiab tham nrog koj tus PCP los sis cov kws tshuaj uas ntseeg siab. Khaws ib daim ntawv teev npe kom raug ntawm koj cov tshuaj uas suav nrog lub npe, koob tshuaj, sij hawm teem sij hawm, hnub pib/hlub tso tseg thiab lub npe ntawm tus kws kho mob sau ntawv yuav tshuaj.
Khaws Qhov Ntaub Ntawv Teev Tseg Txog Kev Noj Qab Haus Huv Ntiag Tug Cia
Cov kws kho mob feem ntau muaj lus nug txog koj keeb kwm kho mob. Khaws Daim Ntawv Teev Kev Noj Qab Haus Huv Tus Kheej uas qhia meej txog koj thawj lub lim tiam tom qab tawm hauv tsev kho mob. Koj tseem yuav tsum tau khaws cov ntaub ntawv ntawm kev noj qab haus huv, keeb kwm kev phais, kev ua xua, tshuaj, thiab lub npe thiab xov tooj ntawm koj tus kws kho mob. Muaj ntau daim ntawv thov koj tuaj yeem rub tawm hauv koj lub xov tooj los pab npaj cov ntaub ntawv no, los sis koj tuaj yeem sau rau hauv ntawv.
Paub cov cim ceeb toom thiab yam yuav tau ua
Koj puas tuaj yeem txheeb xyuas 3-5 cov tsos mob uas yuav ceeb toom koj tias koj tus mob hnyav dua? Koj puas paub yuav ua li cas thaum cov tsos mob tshwm sim? Tham nrog koj tus kws kho mob txog dab tsi yuav nrhiav thiab yuav ua li cas txog nws kom koj thiaj li tsim tau ib qho kev npaj ua ke. Qee qhov xwm txheej, koj cov tsos mob yuav xav tau mus ntsib koj tus PCP los sis koj lub club chaw saib xyuas sai uas nyob ze. Hauv lwm qhov xwm txheej, koj cov tsos mob yuav xav tau kev kho hauv chav saib xyuas xwm txheej ceev. Nws yuav pab tau zoo heev yog paub txog qhov ntaub ntawv qhia paub no ua ntej koj yuav xav tau qov ntaub ntawv.
Puas yog xav tau kev pab txhawb ntxiv tom qab koj tawm hauv tsev kho mob?
Peb cov kws saib xyuas neeg mob nyob ntawm no los pab. Hu rau lub chaw pab cuam neeg qhua tus naj npawb nyob sab nraub qaum ntawm koj daim npav ID tswv cuab txhawm rau txuas lus nrog tus thawj saib xyuas xwm txheej.