Sustainable Sourcing Program
Yuav ua kev tswj tus neeg muab khoom hauv Zycus Pab Pawg Koom Tes Ntawm Neeg Muab Khoom
Cov Ntsiab Lus
Blue Cross and Blue Shield of Minnesota (Blue Cross) tseem tab tom ua hauj lwm los muab kev ua hauj lwm av tab naus mav, ua yam muaj tswv yim tshiab thiab txhim kho kev ua hauj lwm kom tau zoo mus rau peb tus txheej txheem kev nrhiav yuav khoom lag luam thiab kev pab cuam, tab sis ho ntxiv peb cov kev sib raug zoo nrog cov neeg xa khoom.
Pab Pawg Neeg Muab Khoom Zycus
Peb tau koom tes nrog Zycus, yog ib lub lag luam loj tshaj plaws uas muj tsab peev xwm rau Source to Pay (S2P) thiab Procure to Pay (P2P), los pab ua kom peb ua tiav peb cov hom phiaj. Cov tuam txhab uas xav ua hauj lwm nrog Blue Cross tuaj yeem siv ZSN los sau npe ua tus neeg muab khoom rau kev siv yav tom ntej. Cov neeg muab khoom tam sim no tuaj yeem siv ZSN los hloov kho lawv lub tuam txhab cov ntaub ntawv thiab tej zaum yuav rau hais kom koom nrog hauv cov txheej xwm chaw pab khoom, kev sib tham sib cog lus thiab/los sis kev tswj xyuas kev ua hauj lwm tau zoo.
Tsab cai txog kev coj ua
Blue Cross tau cog lus los ua kom peb koom tes nrog cov neeg muag khoom uas txhawb nqa thiab ua raws li peb cov muaj nqis tseem ceeb thiab kev ntseeg. Peb lub chaw muab khoom Tsab Cai txog Kev Coj Ua siv los teev tseg txog peb cov kev cia siab tseg los xyuas kom paub tseeb tias muaj kev ua raws txoj cai yam xwm yeem los ntawm cov neeg xa khoom thib peb txhua leej.
Txoj Cai Kev Them Nyiaj Rov Qab Rau Kev Ntoj Ncig
Blue Cross yuav them rov qab rau cov neeg cog lus ua hauj lwm ua ke, cov kws sab laj pab tswv yim thiab cov neeg muag khoom rau cov nqi kev ntoj ncig uas tsim nyog thaum ua lag luam Blue Cross. Kuaj xyuas peb txoj cai los kawm paub seb cov nuj nqis twg tau txais kev duav roos thiab txoj hau kev thov kev them nyiaj rov qab.
Nyeem Txoj Cai Kev Them Nyiaj Rov Qab Rau Tej Nuj Nqis Ntawm Tus Neeg Muab Kev Pab Cuam
Lub vev xaib neeg muab khoom
Zycus Supplier Network pab kom koj:
- Sau npe los ua tus neeg muab khoom
- Hloov kho koj lub tuam txhab cov ntaub ntawv
- Koom nrog hauv cov txheej xwm chaw muab kev pab khoom
Txoj hauj lwm yuav tsum tau ua
Sustainable Sourcing
Sustainable Sourcing ntawm Blue Cross yog ib qho tswv yim lag luam uas nrhiav los txheeb qhia cov neeg muab khoom tsim nyog los muab cov kev pab cuam uas ua hauj lwm tau zoo thiab muaj feem cuam tshuam, cov khoom lag luam thiab cov khoos kas uas txhim kho cov txiaj ntsig tshwm sim txog kev noj qab haus huv thaum pab cuam rau cov neeg nyob hauv zej zog uas lawv nyob.
Peb txoj hauj lwm yuav tau ua yog los tsim chaw ib puag ncig ntawm lub hwv tsam rau cov neeg xa khoom uas tsim nyog los ntawm kev muab kev sib raug zoo uas muab tau txiaj ntsig zoo rau chaw lag luam thaum ho tau txais tus nqi pheej yig ntxiv rau qhov zoo tsim nyog siab heev thiab kev pab cuam lees txais tau.
Cov txiaj ntsig ntawm Sustainable Sourcing suav nrog tab sis tsis tas rau ntawm:
- Ntxiv qhov ua tau zoo tsim nyog thiab kev txuag tau tus nqi
- Kev hloov pauv tau yooj yim thiab kev thev taus nyob hauv peb cov kiab khw
- Tswv yim tshiab thiab kev tsim tej yam tshiab
- Kev txo qis kev pheej hmoo; txo qis kev pheej hmoo txog kev nres ntawm cov khoom lag luam/kev pab cuam
- Kev loj hlob fab kev khwv noj khwv haus
Blue Cross koom tes nrog cov pab pawg kev txhim kho thiab kev txhawb nqa fab kev khwv noj khwv haus huav zej zog thiab hauv teb chaws los txhim kho peb cov hom phiaj qauv ntaus tswv yim los txhawb nqa kev hloov pauv fab sim neej thiab kev khwv noj khwv haus uas muaj txiaj ntsig zoo.
Kev txhawb nqa thiab cov peev txheej
Cov lus nug uas nquag nug
Phau ntawv qhia rau tus neeg tshiab sau npe nkag los sis hloov tshiab cov npe chaw muag khoom
Puas yog txhua tus ntawm cov neeg muab khoom tam sim no tuaj yeem sau npe thiab nkag mus rau hauv Zycus Supplier Network (ZSN) los sis tsuas yog cov tib neeg uas tau txais tsab email rau npe thiaj nkag tau xwb?
Tsis yog, tsuas yog qhov txuas rau kev sau npe uas tau muab tuaj thiaj siv tau los tsim kev sau npe ua tus neeg muab khoom tam sim no xwb. Kev tsim cov kev sau npe ua neeg muab khoom yam tsis muaj qhov txuas mus rau kev rau npe hauv email uas tau muab tuaj ntawm Zycus yuav ua rau muaj kev tsim cov ntaub ntawv sib tshooj rau lub tuam txhab. Txhua qhov kev sau npe tus neeg muab khoom yuav tsum ua tiav los ntawm kev siv Zycus tsab email kev sau npe xwb.
Kuv puas tuaj yeem xa Zycus tsab email uas muaj qhov txuas mus rau kev sau npe ua tus neeg muab khoom mus rau lwm tus neeg hauv kuv lub tuam txhab kom ua tiav cov txheej txheem sau npe?
Tau kawg, koj tuaj yeem xa tsab email kev sau npe ua tus neeg muab khoom no mus rau lwm tus ntawm koj lub tuam txhab. Thaum lawv tso npe, Lo Lus Zais Nkag (OTP) yuav raug xa mus rau tus email qub; yuav tsum xa qhov no mus rau tus neeg sawv cev kom ua tiav cov txheej txheem sau npe ua tus neeg muab khoom.
Peb tuaj yeem sau npe cov neeg sib tiv tauj ntau ntxiv ntawm peb lub tuam txhab rau hauv ZSN tau li cas?
Ib tus neeg siv Zycus uas tau sau npe lawm hauv koj lub tuam txhab tuaj yeem ntxiv cov neeg sib tiv tauj tshiab ncaj qha rau hauv lawv tus as khauj Zycus Supplier Network. Tom qab cov neeg sib tiv tauj tshiab tau txais kev pom zoo lawm, Zycus yuav xa ib tsab email nrog qhov txuas mus rau npe tuaj rau cov neeg siv tshiab no kom ua tiav cov txheej txheem sau npe.
Tus neeg muab khoom yuav tsum sau npe tus neeg twg rau hauv ZSN?
Txhua tus neeg sib tiv tauj ntawm tus neeg muab khoom uas cuam tshuam nrog Blue Cross yuav tsum sau npe hauv ZSN. Lub hom phiaj yog kom tus neeg muab khoom muab tag nrho cov neeg sib tiv tauj rau npe thiab kho cov ntaub ntawv kom yog cov hloov tshiab tshaj plaws. Qhov no yuav pab ua rau Blue Cross siv tau txiaj ntsig ntawm cov cuab yeej hauv Zycus nrog rau txhua tus neeg muab khoom.
Leej twg tuaj yeem ntxiv cov neeg siv tshiab rau tus neeg muab khoom?
Txhua tus neeg siv uas tau sau npe ntawm lub tuam txhab muab khoom tuaj yeem tshuaj xyuas, ntxiv thiab tshem tawm lub tuam txhab cov neeg sib tiv tauj hauv Zycus.
Kuv lub tuam txhab xav kom raug suav tias yog tus neeg muab khoom. Kuv yuav tsum tau ua cov txheej txheem dab tsi los sau npe nrog Zycus?
Ua ib tug neeg muab khoom uas yuav muaj yav tom ntej, thov mus rau hauv Zycus Supplier Network lub vev xaib rau Blue Cross thiab sau npe koj lub tuam txhab thiab koj tus kheej ua tus neeg siv tshiab. Tsuas yog siv qhov txheej txheem kev sau npe tshiab tib zaug xwb kom tsis txhob tsim cov ntaub ntawv sib tshooj.
Kuv yuav nkag mus siv kev pab tau li cas thaum nyob hauv Zycus qhov cuab yeej?
Muaj ib qho chaw muab kev pab uas tuaj yeem xaiv tau nyob rau ces kaum sab xis ntawm lub nab cos khoos. Nws muaj cov yeeb yaj kiab qhia txog cov lus nug uas nquag nug txog lub cuab yeej Zycus.
Puas muaj txoj hauv kev ua rau kom kuv nkag siab txog cov ntaub ntawv dab tsi uas xav tau nyob rau hauv cov cheeb tsam uas kho tau hauv kuv tus as khauj Zycus?
Yog lawm, cov cheeb tsam no muaj cov ntawv piav qhia txog cov ntaub ntawv xav tau rau cov cheeb tsam kho tau no.
Kuv yuav kho cov ntaub ntawv tsis raug hauv Zycus tau li cas?
Zycus muaj ib qho chaw muab kev pab uas nkag mus siv tau nyob rau ces kaum sab xis saum kawg nkaus ntawm lub nab cos khoos uas muab kev nkag mus rau cov yeeb yaj kiab taw qhia. Hauv seem Pab Cov Yeeb Yaj Kiab Pab Qhia (Help Videos), swb nqes mus rau ntu General Overview Profile thiab xaiv qhov yeeb yaj kiab Supplier Profile Edits rau cov lus qhia ib kauj ruam zuj zus txog kev hloov kho.
Kuv yuav ntxiv cov neeg siv ntxiv rau lub cuab yeej Zycus tau li cas?
Thov xyuas qhov lus qhia ib kauj ruam zuj zus txog kev ntxiv cov neeg siv ntxiv rau hauv qhov cuab yeej Zycus.
Kuv muaj teeb meem txog kev paub siv lub Zycus. Kuv tuaj yeem tau txais kev pab nyob qhov twg?
Thov tiv tauj rau Zycus tech-support@zycus.com.
Vim li cas peb thiaj raug hais kom sau npe nrog Zycus Supplier Network (ZSN)?
Tam sim no Blue Cross tab tom siv Zycus Supplier Network. Cov txheej txheem sau npe tus neeg muab khoom pab ua kom ntseeg tau tias peb muaj cov ntaub ntawv neeg muab khoom raug tshaj plaws. Zycus yog ib qhov chaw muab cov ntaub ntawv neeg muab khoom tshiab thiab yuav raug siv rau cov txheej xwm chaw muab kev pab (RFPs los sis lwm yam txheej xwm), kev tshuaj xyuas tus neeg muab khoom, thiab hauv 2022 rau kev ua ntawv sau nqi thiab kev them nyiaj.
Peb puas yuav siv VNDLY rau cov kev teev sij hawm thiab kev them nyiaj rau kev teev sij hawm mus ntxiv?
Yog, thov siv VNDLY rau kev teev sij hawm txuas ntxiv mus.
Kuv puas yuav tau sau npe nrog ZSN yog tias kuv koom nrog hauv Blue Cross qhov kev pab cuam neeg ua hauj lwm? Piv txwv li Beeline
Yog lawm, tam sim no Blue Cross thiab Blue Shield ntawm Minnesota tab tom siv Zycus Supplier Network. Cov txheej txheem sau npe tus neeg muab khoom pab ua kom ntseeg tau tias peb muaj cov ntaub ntawv neeg muab khoom raug tshaj plaws.
Kuv twb tau sau npe nrog ZSN rau lwm tus neeg siv khoom lawm. Kuv puas yuav tsum teb rau Zycus tsab email caw sau npe?
Yog tias koj tus email twb tau sau npe nrog ZSN rau lwm tus neeg siv khoom lawm, thov siv qhov kev caw sau npe koj tau txais los ntawm Zycus thiab siv koj cov ntaub ntawv sau npe nkag uas twb muaj lawm los txuas rau Blue Cross.
Peb twb tsis ua lag luam nrog Blue Cross los tau ntau xyoo lawm. Peb puas tseem yuav tsum tau sau npe?
Yog lawm, thov sau npe txhawm rau tswj lub tuam txhab cov ntaub ntawv, kev sib tiv tauj kho tshiab tam sim no thiab kom rau suav ua rau cov txheej xwm chaw nrhiav kev pab khoom yav tom ntej. Peb tab tom siv ZSN los tuav tswj tag nrho cov ntaub ntawv cov neeg muab khoom.
Peb lub koom haum tsis tso cai rau cov cuab yeej sab nraud xws li Zycus siv rau kev sau nqi. Kuv puas tseem yuav tsum tau sau npe ua tus neeg siv?
Yog lawm, thov sau npe ua tus neeg siv vim peb tab tom siv ZSN los tuav tswj tag nrho cov ntaub ntawv neeg muab khoom.
Cov neeg muab khoom puas yuav tau them tus nqi dab tsi rau kev siv qhov ZSN?
Tsis tau, koj yuav tsis tau them nqi dab tsi li rau kev koom nrog ZSN.
Pab rau cov neeg muab khoom
Yog tias koj muaj lus nug txog kev sau npe tus neeg muab khoom los sis txheej txheem RFP, thov xa email rau peb ntawm vendorinfo@bluecrossmn.com.