Tib neeg muaj kev ntxhov siab ntau yam sib txawv. Paub txog yam uas ua rau koj ntxhov siab thiab yam uas pab txo koj cov tsos mob tuaj yeem pab koj kom tsis txhob muaj teeb meem rau kev muaj mob hnyav. Kev mus tawm dag zog ua si tas li tuaj yeem pab tau koj txo koj txoj kev ntxhov siab ua ntej nws yuav pib.
Tus tsos mob ntawm kev ntxhov siab yog dab tsi?
Kev ntxhov siab yog koj lub cev cov tshuaj tiv thaiv uas ib txwm muaj rau kev cuam tshuam hauv koj cov hauj lwm txhua hnub. Kev ntxhov siab me ntsis tuaj yeem pab ua rau koj txhawj los yog txhawb kom koj ua tiav lub luag hauj lwm, tab sis yog muab ntxhov siab ntau dhau yuav tsim kev puas tsuaj rau koj li kev noj qab haus huv. Nws yog ib qho tseem ceeb heev uas koj yuav tsum tau nco cov tsos mob ntxhov siab no thaum pib koj thiaj tuaj yeem tswj tau nws mus rau qhov zoo:
- Mob plab
- Mob hauv siab
- Mob taub hau
- Mob leeg
- Nkees los sis pw tsis tsaug zog
- Cim xeeb tsis zoo
- Kev chim siab
Cov muaj mob hnyav yuav ua rau muaj qee yam tsos mob no. Nws yog ib qho tseem ceeb kom tham nrog koj tus kws kho mob txog koj cov tsos mob. Yog tias koj muaj cov tsos mob hnyav, xws li mob hauv siab, kav tsij maj ceev mus nrhiav kev kho mob tam sim ntawv.
Qee hom kev ntxhov siab yog dab tsi?
- Kev ntxhov siab heev yuav muaj kev txhawj xeeb thiab hnub nyoog luv. Nws tuaj yeem ua rau txhawj thiab zoo siab heev, thiab tseem txhawb peb lub zog kom hla dhau cov xwm txheej nyuaj xws li cov kev xeem ntawv los sis teeb meem ntawm chaw hauj lwm.
- Kev ntxhov siab heev ua ntu zus tshwm sim los ntawm qee qhov xwm txheej. Nws tuaj yeem ua rau muaj teeb meem txog kev xav thiab lub nrog cev. Cov tib neeg uas muaj kev ntxhov siab heev ua ntu zus yuav zoo li nyob hauv kev maj rawm tas li, ua hauj lwm ntau dhau thiab muaj teeb meem nrog lub koom haum.
- Kev ntxhov siab ntev tas li thiab tshwm sim los ntawm kev tsis quav ntsej los sis tsis kho cov kev ntxhov siab txhua hnub. Kev ntxhov siab ntev tuaj yeem ua rau tib neeg mob plawv, mob stroke los sis muaj kev xav tua tus kheej yog tias tsis tswj koj tus kheej kom zoo.
- Kev Ntxhov Siab Post-Traumatic (PTSD) tshwm sim los ntawm kev raug mob yav dhau los. Tej zaum qee leej neeg yuav ntsib flashbacks, npau suav phem los yog npau taws.
Yog tias koj tsis quav ntsej cov tsos mob ntawm kev ntxhov siab thiab cia mob hnyav zuj zus tsis tu ncua, nws yuav dhau mus ua kev nyuaj siab. Tus neeg muaj kev nyuaj siab yuav hnov tau tias yus muaj kev txhawj xeeb heev los sis ntshai tej hauj lwm txhua hnub hauv lub neej heev li. Kev Nyuaj Siab yog ib hom kev ntxhov siab uas tshwm sim thiab muaj txuas mus ntxiv tom qab qhov kev ntxhov siab ploj mus.
Kev tswj kev ntxov siab
Txoj hauv kev uas zoo tshaj rau koj tswj kev ntxhov siab yog yuav tsum paub tias yam dab tsi ua rau koj ntxhov siab hauv koj lub neej. Yog hnov tau tias muaj kev ntxhov siab ntau dhau rau koj lawm, qhia koj cov tsos mob rau kws kho mob. Muaj qee txoj hauv kev yooj yim rau koj tswj kev ntxhov siab xws li:
- 30kev qoj ib ce ob peb feeb tsis tu ncua xws li taug kev ua si, yoga los sis tai chi
- Teeb tsa cov hom phiaj thiab xaiv qhov tseem ceeb ua ntej txhawm rau xaiv seb qhov twg maj ceev thiab qhov twg tuaj yeem tos tau
- Kev ua ub no so ua si xws li kev qi muag zaum xav thiab ua pa tob tob
Peb tuaj yeem pab tau koj tswj hwm kev ntxhov siab
Kev tshem tawm tag nrho cov kev ntxhov siab hauv koj lub neej tsis yog ib qho yooj yim, tab sis muaj ntau txoj hauv kev los tswj nws. Blue Cross muaj ntau qhov kev pab kho mob sib txawv uas tuaj yeem pab tau koj nkag siab txog yam uas ua rau koj ntxhov siab thiab tswj koj qhov kev ntxhov siab los ntawm kev xaiv txoj hauv kev zoo rau kev noj qab haus huv.
Qee tus txwv cuab tuaj yeem koom nrog qhov kev pab kawm kev paub txog kev nyab xeeb ntawm tus cwj pwm hauv online xws li Learn to Live.*Qhov kev pab no yuav pab koj txheeb xyuas teeb meem, nkag siab tias koj lub siab ua hauj lwm li cas, thiab tom qab ntawv kawm xyaum txoj hauv kev los daws kev nyuaj siab los sis kev ntxhov siab. Ntaus npe nkag rau hauv koj lub vev xaib tswv cuab kom pom tias nws muaj nyob hauv koj txoj phiaj xwm los sis hu rau lub chaw pab cuam neeg siv khoom ntawm tus npawb xov tooj nyob sab tom qab ntawm koj daim npav ID Blue Cross.
Yog tias koj xav tau kev pab nrhiav kws kho mob los tswj koj txoj kev ntxhov siab, hu rau qhov chaw kev pab cuam rau cov qhua los sis nrhiav ib tug kws kho mob online.