Vim li cas kuv thiaj li tau txais ib daim ntawv sau nqi rau qhov mus ntsib kev kho mob tiv thaiv?

Kawm paub qhov sib txawv ntawm kev mus kuaj saib xyuas tiv thaiv kab mob thiab mus ntsib chaw hauj lwm, suav nrog thaum koj yuav tau them nyiaj rau kev mus ntsib.

Kev mus ntsib kev tiv thaiv saib xyuas kab mob nrog koj tus kws kho mob tsom rau koj txoj kev noj qab haus huv tag nrho thiab yuav ua li cas thiaj li noj qab nyob zoo. Tab sis qhov kev saib xyuas tiv thaiv kab mob yuav tig mus rau qhov kev mus ntsib hauv chaw hauj lwm uas sau nyiaj ntawm koj. Kawm paub vim li cas.

Ua kev tshuaj ntsuam saib kev mus kuaj saib xyuas tiv thaiv kab mob

Thaum twg qhov kev mus kuaj saib xyuas tiv thaiv kab mob hloov ua kev mus ntsib hauv lub chaw hauj lwm?

Kev saib xyuas tiv thaiv kab mob yog txawv ntawm kev mus ntsib lub chaw hauj lwm:

Lub hom phiaj ntawm kev mus kuaj kev saib xyuas tiv thaiv kab mob yog los tshuaj xyuas koj cov kev noj qab haus huv tag nrho, txheeb xyuas cov kev pheej hmoo thiab nrhiav kev noj qab haus huv. Koj txoj phiaj xwm them rau 100% ntawm kev mus kuaj saib xyuas tiv thaiv kab mob thaum koj mus ntsib kws kho mob uas koom tes nrog.*
Lub hom phiaj ntawm lub chaw mus ntsib kws kho mob yog los tham los sis tau txais kev kho mob tshwj xeeb rau qhov kev txhawj xeeb los sis mob. Tej zaum koj yuav tau them nqi kev mus ntsib uas yog ib feem ntawm koj qhov nyiaj txiav tawm, tus nqi uas sib koom them thiab/los sis nyiaj ivsaslas sib koom them ua ke.

Yog tias koj teem caij mus ntsib kev saib xyuas tiv thaiv kab mob thiab nug koj tus kws kho mob txog ib qho kev txhawj xeeb txog kev noj qab haus huv los sis kev mob, koj lub tsev kho mob tuaj yeem sau npe thiab xa daim nqi mus ntsib hauv chaw hauj lwm.

Yog tias koj xav paub txog cov nqi, thov nug koj tus kws kho mob kom kwv yees tus nqi ua ntej koj mus ntsib. Koj tseem tuaj yeem hu rau tus npawb nyob sab nraub qaum ntawm koj daim npav ID tswv cuab. Cov lus hauv qab no qhia tias cov kev pab cuam twg raug them thaum mus kuaj saib xyuas tiv thaiv kab mob.

Kuv tuaj yeem tham txog dab tsi ntawm mus kuaj saib xyuas tiv thaiv kab mob yam tsis tau them nqi?

Thaum koj qhov kev saib xyuas tiv thaiv kab mob, koj tus kws kho mob yuav saib xyuas koj li kev noj qab haus huv thiab nrog koj tham txog:

Koj txoj kev noj qab haus huv tam sim no
Koj tsev neeg cov keeb kwm kev noj qab haus huv
Cov mob yav dhau los thiab kev phais
Kev pheej hmoo koj yuav muaj rau cov xwm txheej tshwj xeeb
Yuav ua li cas tuav tswj kev noj qab nyob zoo

Dab tsi yog qhov txawv ntawm kev saib xyuas tiv thaiv kab mob thiab kev mus ntsib hauv chaw hauj lwm?

Qhov kev mus ntsib saib xyuas tiv thaiv kab mob Koj txoj phiaj xwm them rau 100% ntawm cov kev pab cuam no	Ib lub chaw mus ntsib kws kho mob Koj yuav tsum tau them rau cov kev pab cuam no
Tshuaj xyuas koj qhov hnyav, qhov siab, qhov kub, ntshav siab thiab mem tes Mloog koj lub plawv dhia thiab lub ntsws Tshuaj xyuas koj pob ntseg, qhov muag, caj pas, tawv nqaij thiab plab Kev txhaj tshuaj tiv thaiv kab mob ntau yam Kev kuaj xyuas ntau yam kev kuaj mob khees xaws, xws li rau khees xaws lub qog mis, khees xaws txoj hnyuv, khees xaws ncauj tsev me nyuam thiab khees xaws lub taub noob qes Qee qhov kev kuaj ntshav los kuaj cov khoom xws li cov roj hauv hlab ntshav los sis cov piam thaj hauv cov ntshav	Sib tham los sis tau txais kev kho mob tshwj xeeb rau kev txhawj xeeb, mob los sis raug mob Kev ua hauj lwm hauv chaw kuaj mob, xoos hluav taws xob los sis kuaj ntxiv ntsig txog kev txhawj xeeb txog kev noj qab haus huv, mob los sis raug mob

Kev saib xyuas tiv thaiv kab mob kom raug yog qhov tseem ceeb los pab koj ua neej nyob ntev, noj qab nyob zoo. Qhov kev saib xyuas tiv thaiv kab mob tuaj yeem pab tiv thaiv kab mob ua ntej nws pib thiab kuaj pom cov teeb meem ntxov, ua ntej lawv ua rau mob hnyav.

Ntau npaum li cas thiab hom kev tiv thaiv saib xyuas kab mob uas koj xav tau yog nyob ntawm koj lub hnub nyoog, poj niam txiv neej, kev noj qab haus huv thiab keeb kwm kev noj qab haus huv hauv tsev neeg. Saib cov lus qhia rau txiv neej, poj niam thiab peb cov me nyuam yaus hauv cov lus pom zoo saib xyuas kev kho nob tiv thaiv (PDF).

Kev saib xyuas tiv thaiv kab mob uas Blue Cross thiab Blue Plus cov phiaj xwm duav roos raws li txoj phiaj xwm. Hu rau tus npawb tom qab ntawm koj daim npav ID tswv cuab nkag mus kom paub seb koj txoj phiaj xwm them nqi dab tsi.

Nrhiav ib tug kws kho mob thiab teem caij koj mus ntsib qhov kev saib xyuas tiv thaiv kab mob hnub no.

Xav paub ntau ntxiv txog kev saib xyuas tiv thaiv kab mob thiab kev raug duav roos

Kev kuaj lub cev ib xyoos ib zaug thiab kev kho mob tiv thaiv
Kev saib xyuas tiv thaiv rau cov txiv neej
Kev kho mob tiv thaiv rau cov poj niam
Kev kho mob tiv thaiv thaum uas koj muaj hnub nyoog siab zus
Lwm yam tshuaj hloov: Yam twg nyab xeeb thiab yam twg raug pab them
Kev nkaug koob kho mob: Yam twg lub chaw tuav pov hwm kev noj qab haus huv pab them?
Puas yog iv xas las pab them nqi kev saib xyuas tus txha nraub qaum?
Phau ntawv qhia yuav ua li cas rau kev noj qab haus huv tuaj yeem pab tau

Qhov no yog cov ntaub ntawv qhia dav txhua feem txog qhov uas txoj phiaj xwm cov txiaj ua hauj lwm li cas. Tshuaj xyuas txog Daim Ntawv Ntsiab Lus ntawm Cov Txiaj Ntsig thiab Kev Raug Pab Them thiab koj phau ntawv qhia txog txiaj ntsig ntawm txoj phiaj xwm kho mob tshwj xeeb rau qhov ntaub ntawv txog qhov seb koj txoj phiaj xwm ua hauj lwm li cas.

Nws nyob ntawm koj los kuaj xyuas tas li yog tias koj tus kws muab kev pab cuam nyob hauv koj txoj phiaj xwm kho mob pab pawg koom nrog ua ntej koj tau txais cov kev pab cuam. Tsis yog txhua cov kws muab kev pab cuam nyob hauv txhua pab pawg koom nrog. Koj tuaj yeem them ntau dua los sis them tag nrho koj cov nqi kho mob yog tias koj tus kws kho mob tsis yog cov chaw koom tes nrog los sis tsis muaj daim ntawv cog lus nrog Blue Cross (qhov no yog hu ua tus kws kho mob uas tsis koom nrog). Koj tuaj yeem txheeb xyuas seb koj tus kws pab cuam puas nyob hauv koj pab pawg koom tes los ntawm kev hu xov tooj rau kev pab cuam rau cov qhua ntawm tus nab npawb nyob rau tom qab ntawm koj daim npav ID tswv cuab.