Kev kho mob tiv thaiv thaum uas koj muaj hnub nyoog siab zus
Kawm paub txog ntau yam kev pab cuam kho mob tiv thaiv uas pab kom koj tau txais yam kev pab kho mob uas koj xav tau.
Cov Ntsiab Lus
Thaum koj muaj hnub nyoog ntau zog, tej zaum koj tau muaj kev hloov pauv hauv koj lub siab thiab lub cev.
Koj txoj phiaj xwm Medicare suav nrog ntau yam pab cuam kev tiv thaiv saib xyuas kab mob uas muab cov cib fim rau koj los nug cov lus nug thiab txuas nrog koj cov kws kho mob txog koj cov hom phiaj kho mob thiab koj tab tom hnov zoo li cas.
Cov kev tiv thaiv saib xyuas kab mob yog kev mus ntsib kws kho mob los sis lwm tus kws saib xyuas kho mob thaum koj muaj lub dag zog zoo. Cov kev mus ntsib no kuj tseem yog ib txoj hauv kev tseem ceeb los pab txheeb xyuas cov feem pheej hmoo los sis cov teeb meem thaum ntxov, yog li ntawd koj thiaj tau txais kev pab thiab kev saib xyuas raws li qhov koj xav tau.
Tsis muaj ib tus twg uas yuav haum rau txhua qhov kev tiv thaiv, tab sis nov yog cov kev mus ntsib uas peb qhia kom koj mus ntsib thoob plaws koj txoj kev saib xyuas noj qab haus huv.
Cov ntaub ntawv saib xyuas tiv thaiv kab mob
Cov kev pab cuam kev saib xyuas tiv thaiv kab mob
Zoo siab txais tos rau Medicare Kev Mus Ntsib
Rau Medicare cov tswv cuab tshiab
Kev saib xyuas kho mob zoo pib nrog qhov Kev Txais Tos rau Medicare kev mus ntsib. Qhov kev mus ntsib no yog pab them rau thawj 12 lub hlis koj muaj Medicare Part B. Nws pab tsim cov kab mob hauv qab los sib piv cov kev hloov pauv kev noj qab haus huv rau lub sij hawm.
Ntawm qhov Kev Txais Tos rau Medicare kev mus ntsib kws kho mob yuav muaj xws li:
- Nkag mus rau koj qhov kev kho mob thiab tsev neeg li keeb kwm
- Tshawb xyuas txhua yam kev mob uas koj muaj thiab cov tshuaj los sis cov tshuaj noj ntxiv uas koj noj
- Txheeb xyuas koj cov ntshav siab, kev ntsia pom, qhov hnyav thiab qhov siab
- Xyuas kom tseeb tias koj tau txais cov ntaub ntawv hloov tshiab nrog kev tshuaj ntsuam tiv thaiv thiab tshuaj tiv thaiv kab mob
- Xaj ib qho kev ntsuas uas koj xav tau raws li koj qhov keeb kwm kev noj qab haus huv
Tiv tauj nrog koj tus kws kho mob (dov tawm) kom teem sij hawm qhov Txais Tos rau Medicare kev mus ntsib.
Nrhiav Ib Tug Kws Kho Mob
Siv peb cov cuab yeej nrhiav ib tug kws kho mob yog tias koj xav tau kev pab nrhiav tus kws kho mob xub thawj rau kev kuaj mob txhua xyoo thiab kev kho mob tiv thaiv.
Kev Mus Saib Xyuas Kev Noj Qab Haus Huv Hauv Tsev Medicare
Rau Medicare Advantage thiab SecureBlue cov tswv cuab
Yog tias koj yog ib tus tswv cuab ntawm Blue Cross Medicare Advantage los sis SecureBlueSM txoj phiaj xwm kho mob, ces koj tsim nyog kom muaj ib tus kws qhia paub txog kev noj kuaj mob los ntawm Signify Health txhawm rau muab kev Kuaj Thaum Tsis Muaj Mob Hauv-Tsev txhua xyoo yam tsis tau tawm ntawm koj lub tsev.
Blue Cross ua hauj lwm nrog Signify Health los muab qhov kev mus ntsib tseem ceeb no txhawm rau pab koj tuav tswj zoo dua rau koj li kev noj qab haus huv thiab noj qab nyob zoo ntawm tsev - yam tsis sau nqi rau koj los sis koj cov nqi zais.
Thaum koj mus ntsib, tus kws kho mob tau txais kev cob qhia zoo yuav:
- Txheeb xyuas koj cov ntshav siab, lub plawv dhia, thiab kev xav
- Saib xyuas koj cov tshuaj kho mob
- Txheeb xyuas cov kev pheej hmoo txog kev nyab xeeb
- Tham txog koj li keeb kwm kev kho mob
- Teb cov lus nug txog kev noj qab haus huv uas koj muaj
Muaj txiaj ntsig zoo
Tau txais cov ntaub ntawv kho mob tseem ceeb uas pab koj thiab koj tus kws kho mob ua kev txiav txim siab.
Yooj yim
Ib tus kws kho mob tshwj xeeb yuav tuaj ntsib koj. Tsis siv sij hawm tuag kev, Tsis muaj chav nyob tos.
Ntiag tug
Txaus siab rau ib teev ntawm ib-rau-ib zaug nrog ib tus kws kho mob muaj ntawv tso cai hauv koj lub tsev.
Qhov kev xaiv Ntsib Tshuaj Xyuas Kev Noj Qab Nyob Zoo Saum Huab Cua
Peb kuj tseem muaj qhov kev pab no saum huab cua. Koj tuaj yeem teem sij hawm ntsib saum huab cua thiab tham nrog ib tus kws kho mob hla kev hu vis dis aus siv lub khoos pis tawj, lub tablet, los sis lub xov tooj loj. Qhia rau Signify tus neeg dhia hauj lwm txog kev teem sij hawm ntsib paub yog tias koj xav Ntsib Kev Deb Txog Kev Noj Qab Nyob Zoo.
Thaum koj qhov Kev Mus Ntsib Noj Qab Nyob Zoo ua tiav:
Koj yuav tau txais ib tsab ntawv sau cov ntsiab lus, thiab ib daim ntawv theej yuav muab xa rau koj tus kws kho mob xub thawj.
Peb thov ua tsaug rau koj los ntawm kev xa ib daim npav khoom plig tus nqi $25 tom qab ua tiav koj qhov kev mus ntsib uas tuaj yeem pauv tau cov khoom noj ntawm txhua lub tsev noj mov los sis lub khw muag khoom uas lees txais npav Mastercard. Cov tswv cuab tsim nyog tau txais ib daim npav khoom plig rau kev mus ntsib Noj Qab Nyob Zoo Hauv Tsev los sis Saum Huab Cua nrog Signify ib tus kws kho mob tau ua tiav nyob hauv lub xyoo.
Los sis hu rau tus xov tooj hu dawb ntawm 1-844-226-8218 (TTY 711).
Hnub Monday - Friday 7 sawv ntxov - 7 tsaus ntuj thiab Hnub Saturday 8 a.m. - 4:30 p.m., Sij Hawm Nruab Nrab.
Kev Mus Ntsib Noj Qab Nyob Zoo Hauv Ib Xyoos
Rau Medicare txhua tus tswv cuab tshiab
Puas yog tsis yog tuaj tshiab hauv Medicare? Koj tseem muaj kev duav roos rau ib qho Kev Mus Ntsib Noj Qab Nyob Zoo txhua lub xyoo.
Koj yuav tsum tso cai rau tag nrho 12 lub hlis txij li lub sij hawm uas koj Txais Tos rau Medicare qhov kev mus ntsib ua ntej koj tuaj yeem muaj koj qhov Kev Mus Ntsib Noj Qab Nyob Zoo txuas ntxiv. Ntawm qhov kev mus ntsib no koj tus kws kho mob tuaj yeem pab koj los txhim kho los sis hloov tshiab koj tus kheej txoj phiaj xwm kev tiv thaiv.
Kev Mus Ntsib Noj Qab Nyob Zoo Hauv Ib Xyoos tuaj yeem suav nrog:
- Mus rau koj thiab tsev neeg qhov keeb kwm kev kho mob
- Kev ua los sis hloov kho cov npe ntawm cov kws kho mob uas koj pom thiab cov tshuaj koj noj
- Kev ntsuas qhov tseem ceeb xws li qhov siab, qhov hnyav thiab ntshav siab
- Tshawb xyuas cov cim qhia ntawm lwm yam xws li tsos puas hlwb los sis kev nyuaj siab
- Ua ib daim ntawv teev cov feem pheej hmoo thiab kev kho mob rau koj
- Tham txog qhov kev teem sij hawm rau cov kev pab tiv thaiv xws li kev kuaj mob thiab txhaj tshuaj tiv thaiv.
- Tham txog txoj phiaj xwm saib xyuas ua ntej
Tiv tauj koj tus kws kho mob (dov tawm) kom teem sij hawm Kev Mus Ntsib Noj Qab Nyob Zoo Hauv Ib Xyoos.
Kev Kuaj Mob Lub Cev Hauv Ib Xyoos
Rau Medicare txhua tus tswv cuab tshiab
Qhov Kev Kuaj Mob Lub Cev Hauv Ib Xyoos yog lwm txoj hauv kev zoo los txheeb xyuas nrog koj tus kws kho mob txog koj li kev noj qab haus huv. Qhov kev pab no raug duav roos txhua txoj phiaj xwm xyoo.
Thaum qhov Kev Mus Ntsib Noj Qab Nyob Zoo Hauv Ib Xyoos yog ntau dua ntawm kev sib tham txog koj li keeb kwm kev noj qab haus huv thiab cov kev txhawj xeeb, qhov Kev Kuaj Lub Cev Hauv Ib Xyoos yog qhov nquag siv ntau dua. Tus kws kho mob yuav saib, chwv thiab mloog koj lub cev los txiav txim seb puas yuav tsim nyog ua kev ntsuas lwm yam kev kuaj.
Kev Kuaj Lub Cev Hauv Ib Xyoos tuaj yeem suv nrog:
- Tshawb xyuas koj thiab tsev neeg cov keeb kwm kho mob
- Kev ntsuas qhov tseem ceeb xws li qhov siab, qhov hnyav thiab ntshav siab
- Tshawb xyuas koj lub plawv dhia, kev ua pa, thiab qhov kub
- Mloog koj lub plawv thiab lub ntsws dhia
- Ntsuas koj lub qhov muag, pob ntseg, caj pas, tawv nqaij thiab lub plab
- Ua ib daim ntawv teev cov feem pheej hmoo thiab kev kho mob rau koj
- Tham txog qhov kev teem sij hawm rau cov kev pab tiv thaiv xws li kev kuaj mob thiab txhaj tshuaj tiv thaiv.
Tiv tauj koj tus kws kho mob (dov tawm) txhawm rau teem sij hawm Qhov Kev Kuaj Lub Cev Hauv Ib Xyoos.
Cov Kev Kuaj Mob Tiv Thaiv
Rau Medicare txhua tus tswv cuab tshiab
Kev tuav pov hwm kho mob feem ntau duav roos ntau cov kev kuaj mob hauv ib xyoos thiab kev kuaj ntsuas mob uas pab koj tiv thaiv los siv rhuav tshem cov kev txhawj xeeb yam tsim nyog, tab sis qee cov kev kuaj yuav tsis raug duav roos. Nco ntsoov tshuaj xyuas koj txoj phiaj xwm rau cov ntsiab lus kev pab them. Hu rau tus npawb xov tooj nyob sab tom qab ntawm koj daim npav ID tswv cuab yog tias koj muaj lus nug txog koj li kev duav roos.
Tshuaj xyuas kev kho mob tiv thaiv cov lus taw qhia
Thaum twg koj yuav tau teem sij hawm kuaj ntsuas mob:
Txog ntau hom kab mob thiab cov mob, koj yim paub sai npaum li cas, ces koj tuaj yeem muaj caij kho ntau npaum ntawd. Vim li ntawd nws thiaj yog qhov zoo tshaj plaws rau koj tus kws kho mob kom tau txais cov ntsiab lus qhia txog kev kho nob tiv thaiv rau koj.
Koj tus kws kho mob yuav txiav txim siab koj li kev noj qab haus huv tsis sib xws thiab keeb kwm tsev neeg hauv qhov kev qhia teem sij hawm ntsib uas haum rau koj, tab sis koj tuaj yeem siv cov lus qhia hauv qab los ua qhov chaw pib.
| Kev kuaj ntsuas mob | Kuaj xyuas dab tsi | Ntau npaum li cas |
| Cov ntshav qab zib thiab kev kuaj A1C | Mob ntshav qab zib | Txhua peb xyoos los sis nquag kuaj dua yog tias muaj feem pheej hmoo |
| Kev ntsuam xyuas qhov pob txha tuab | Kab mob pob txha po | Txhua xyoo |
| Kev kuaj xyuas cov npluag roj hauv cov ntshav (cholesterol) | Cov npluag roj hauv cov ntshav (cholesterol) siab, uas tuaj yeem ua rau muaj kab mob | Txhua tsib xyoos los sis nquag kuaj dua yog tias muaj feem pheej hmoo |
| Siv koob xoos saib txoj hnyuv loj | Mob qog noj ntshav txoj hnyuv loj | Txhua 10 xyoo los sis kev txiav txim siab ntawm koj tus kws kho mob |
| Kev ntsuas kev nyuaj siab | Kev nyuaj siab | Txhua xyoo |
| Kuaj qhov muag | Cov teeb meem tsis pom kev | Txhua peb xyoos los sis nquag kuaj dua yog tias muaj feem pheej hmoo |
| Kev kuaj kev hnov lus | Kev tsis hnov lus | Ua ntu zus |
| Mammogram | Mob qog noj ntshav mis | Txhua ob xyoos los sis kev txiav txim siab ntawm koj tus kws kho mob |
| Kev kuaj ntsuas Pap | khees xaws ncauj tsev me nyuam | Txhua peb xyoos los yog kev txiav txim siab ntawm koj tus kws kho mob |
| Kev kuaj ntsuas lub noob qes | Mob khees xaws lub noob qes | Kws kho mob yuav qhia |
Cov cuab yeej thiab cov chaw pab
vam meej. ntawv xov xwm
Cov lus qhia kev noj qab haus huv rau cov laus thiab cov neeg saib xyuas
Tau txais kev pab cuam tim ntsej tim muag
Sib txuas lus nrog ib Tus Kws Pab Tswv Yim
Kawm paub txog Medicare cov phiaj xwm