Nws yog qhov tseem ceeb los pov thaiv koj tsev neeg nrog kev pov hwm txog kev noj qab haus huv. Tab sis koj txoj phiaj xwm kho mob puas tuaj yeem pab them rau tag nrho cov tswv cuab ntawm koj tsev neeg? Ntawm no yog cov lus teb rau cov lus nug uas pom ntau txog kev raug pov thaiv tsev neeg.
Cov Lus Nug Uas Nquag Nug (FAQs) rau Blue Cross cov tswv cuab
Lus Nug: Leej twg thiaj li muaj cai tau txais kev pab kom tau txais kev raug pov thaiv hauv kuv li kev pov hwm txog kev noj qab haus huv?
Lus Teb: Feem ntau, cov tswv cuab hauv tsev neeg tsim nyog tau txais rau kev raug pov thaiv yog tias lawv ua tau raws li tus qauv cai tshwj xeeb thiab cov ntsiab lus txhais hauv daim ntawv cog lus ntawm txoj phiaj xwm kho mob. Feem coob, cov tswv cuab hauv tsev neeg suav muaj:
- Tus txij nkawm raug cai
- Cov me nyuam yus yug kiag thiab cov me nyuam tu
- Cov me nyuam coj lus tu raug kev cia thiab cov me nyuam uas muab tso rau koj los sis koj tus txij nkawm uas tau txais kev pab them rau kev coj los tu
- Cov me nyuam uas koj los sis koj tus txij nkawm tau txais kev teeb tsa kom yog tus neeg saib xyuas raws cai
- Cov me nyuam coj los tu uas muab tso nrog koj los sis koj tus txij nkawm uas tau txais kev pab them
- Cov xeeb ntxwv uas yog tus neeg nyob hauv kev saib xyuas fab nyiaj txiag uas nyob nrog koj los sis koj tus txij nkawm uas tau txais kev pab them yam tsis tu ncua txij li thaum yug los*
- Cov me yuam uas tau txais kev tso cai kom muaj kev raug pov thaiv kev noj qab haus huv los ntawm Lus Txiav Txim Txog Kev Saib Xyuas Tus Me Nyuam Fab Kev Kho Mob Uas Tsim Nyog
- Cov me nyuam yaus uas yog tus neeg nyob hauv kev saib xyuas xiam oob qhab uas muaj hnub nyoog siab dua 26 xyoo uas ua tau raws li tus qauv cai tshwj xeeb
- Tus khub nyob hauv tsev ntawm tus tuav ntawv cog lus uas tseem tsis tau sib yuav*
- Cov me nyuam ntawm tus khub hauv tsev*
*Cov phiaj xwm ntawm chaw hauj lwm uas yog kev pov hwm yus tus kheej yuav tsis pab them rau cov neeg nyob hauv kev saib xyuas no.
Lus Nug: Tus me nyuam uas yog tus neeg nyob hauv kev saib xyuas tuaj yeem nyob hauv kuv txov kev pov hwm txog kev noj qab haus huv ntev npaum li cas?
Lus Teb: Koj tuaj yeem muab cov me nyuam uas muaj cai tau txais kev pab rau hauv koj txoj phiaj xwm kom txog thaum lawv muaj hnub nyoog 26 xyoo. Koj txoj phiaj xwm kho mob yuav tso tseg kev raug pov thaiv hauv koj tus me nyuam lub hnub yug thib 26th.
Koj cov me nyuam hlob uas muaj hnub nyoog 26-xyoo yuav tsum tso npe rau hauv lawv txoj phiaj xwm tus kheej hauv 60 hnub ntawm lawv lub hnub yug thib 26th. Qhov no yog qhov tseem ceeb kom nco ntsoov cia, vim tias yog tias lawv plam txog lub ncua sij hawm kev tso npe tshwj xeeb no lawv yauv tsum tau tos rau lub ncua sij hawm qhib rau kev tso npe lwm zaus. Qhov no tuaj yeem ua rau lawv tsis muaj kev tuav pov hwm ib ntus.
Lus Nug: Kuv puas tuaj yeem ntxiv kuv tus me nyuam uas muaj txij nkawm lawm rau hauv kuv txoj phiaj xwm tau?
Lus Teb: Tus me nyuam uas muaj cai tau txais kev pab uas yog tus neeg tsis muaj txij nkawm los sis muaj txij nkawm lawm tuaj yeem nyob tau hauv koj txoj phiaj xwm kho mob kom txog thaum muaj hnub nyoog 26 xyoo. Thaun muaj hnub nyoog 26, lawv yuav tsum tso npe rau hauv txoj phiaj xwm kho mob dhau ntawm lawv txoj hauj lwm, lawv tus txij nkawm txoj hauj lwm los sis dhau ntawm txoj phiaj xwm tuav pov hwm tus kheej.
Lus Nug: Kuv puas tuaj yeem ntxiv kuv niam kuv txiv los sis kuv tus txij nkawm niam thiab txiv rau hauv kuv txoj phiaj xwm?
Lus Teb: Tsis tau, koj tsis tuaj yeem muab koj niam koj txiv rau hauv koj txoj phiaj xwm tau. Lawv yuav tsum tso npe rau hauv lawv txoj phiaj xwm kho mob ntawm tus kheej dhau htawm lawv txoj hauj lwm, thiab txoj phiaj xwm tuav pov hwm tus kheej los sis Medicare (yog tias lawv muaj cai tau txais kev pab).
Lus Nug: Thaum twg kuv thiaj li tuaj yeem ntxiv tau cov neeg nyob hauv kev saib xyuas rau kuv txoj phiaj xwm kho mob?
Lus Teb: Koj tuaj yeem ntxiv cov tswv cuab tsev neeg tshiab rau koj txoj phiaj xwm tau hauv cov xwm txheej tshwj xeeb:
- Tus me nyuam mos yug tshiab: Ntxiv tau hauv 60 hnub thaum yug los
- Tus me nyuam coj los tu: Ntxiv tau hauv 60 hnub thaum coj los
- Tus txij nkawm tshiab: Ntxiv tau hauv 60 hnub thaum sib yuav los
- Kev poob hauj lwm: Ntxiv tau tus txij nkawm los sis tus me nyuam (hnub nyoog siab txog 26 xyoo) hauv 60 hnub ntawm kev poob kev raug pov thaiv hauv lub chaw hauj lwm
- Tus me nyuam uas yog tus neeg nyob hauv kev saib xyuas, uas muaj hnub nyoog siab dua 26 xyoo uas xiam oob qhab
*Yog tias kev poob hauj lwm tsis yog kev yeem siab los sis vim tias tsis muaj kev them nyiaj los sis dag ntxias
Txhab rau ntxiv cov neeg nyob nrog hauv, hu rau tus npawb tom qab ntawm koj daim npav ID, tham nrog tus neeg sawv cev los sis ntsib nrog Blue Cross Tus Kws Pab Tswv Yim.
Lus Nug: Kuv yuav tshem tus tswv cuab hauv tsev neeg tawm ntawm kuv txoj phiaj xwm kho mob tau li cas?
Lus Teb: Koj tuaj yeem tshem cov tswv cuab hauv tsev neeg tawm ntawm koj txoj phiaj xwm tau txhua lub sij hawm. Feem ntau, qhov no tshwm sim thaum lawv tau txais kev raug pov thaiv los ntawm lwm qhov chaw lawm. Hu rau tus nab npawb nyob rau tom qab ntawm koj Daim npav txheeb xyuas tus kheej los tshem cov neeg nyob hauv kev saib xyuas los ntawm koj txoj phiaj xwm.
Yog tias koj tau txais kev pov hwm txog kev noj qab haus huv dhau ntawm koj qhov chaw hauj lwm, tiv tauj rau chaw saib xyuas cov peev txheej rau tib neeg los kawm paub txog txoj hauv kev los ntxiv los sis tso tseg tus neeg nyob hauv kev saib xyuas.
Xav paub ntau ntxiv txog cov ntaub ntawv txoj phiaj xwm kho mob
Tus neeg saib xyuas cov chaw ntaub ntawv
Cov Lus Nug Uas Nquag Nug (FAQs) rau Blue Cross cov tswv cuab
Vim li cas kuv thiaj li tau txais daim ntawv sau nqi rau kev mus kuaj kev tiv thaiv kab mob?
7 cov hauv kev los txuag nyiaj ntawm kev kho mob