Kawm paub ntxiv txog cov nqi uas sib koom them thiab thaum twg yuav them lawv nyob rau hauv qab no. Txhawm rau los nrhiav saib seb cov nqi uas sib koom them ua hauj lwm nrog lwm cov nqi kev saib xyuas kho mob tau li cas, mus saib hauv kev them nqi kev saib xyuas kho mob.
Kev them nqi rau kev saib xyuas kho mob
Thaum twg kuv thiaj li muaj tus nqi uas sib koom them?
Tsis yog tag nrho cov phiaj xwm kho mob yuav muaj cov nqi uas sib koom them. Yog ib qho tseem ceeb los mus saib dhau cov ntaub ntawv kev tso npe hauv txoj phiaj xwm los nrhiav saib seb txoj phiaj xwm puas yuav tsum muaj cov nqi uas sib koom them.
Ntawm no yog qee cov kev pab cuam kho mob uas pom muaj ntau uas yuav tsum muaj tus nqi uas sib koom them:
- Kev mus cuag hauv chaw hauj lwm los mus ntsib tus kws kho mob los sis tus kws tshaj lij
- Kev mus cuag rau kev saib xyuas maj rawm
- Kev mus cuag hauv chav saib xyuas xwm txheej kub ntxhov ceev
- Cov ntawv yuav tshuaj
Feem ntau, cov phiaj xwm uas muaj qhov nyiaj lov tawm siab tsis tas muaj cov nqi uas sib koom them rau kev mus cuag kws kho mob hauv chaw hauj lwm los sis daim ntawv sau cov tshuaj.
Thaum twg kuv thiaj yuav them tus nqi uas sib koom them?
Koj them tus nqi uas sib koom them rau thaum mus siv kev pab cuam. Cov nqi uas sib koom them tsis muab suav mus rau koj qhov nyiaj lov tawm. Qhov no txhais tau tias thaum uas koj siv mus txog rau koj qhov nyiaj lov tawm, koj tseem yuav muaj cov nqi uas sib koom them. Koj cov nqi uas sib koom them tsuas xaus thaum uas koj tau siv mus txog rau koj qhov nyiaj rho ntau tshaj plaws ntawm lub hnab nkaus xwb.
Qhov qauv piv txwv ntawm tus nqi uas sib koom them
Ntawm no yog tus qauv piv txwv ntawm cov nqi uas sib koom them ua hauj lwm li cas:
Mary mus cuag nws tus kws kho mob xub thawj los mus sib tham txog nws cov tsos mob khaub thuas. Nws txoj phiaj xwm yuav tsum muaj tus nqi uas sib koom them li $25 rau kev mus cuag kws kho mob. Mary them rau tus nqi uas sib koom them $25 rau ntawm qhov chaw them nyiaj thaum nws tuaj txog rau nws lub sij hawm teem tseg.
Nyob rau nws lub sij hawm mus cuag kws kho mob hauv chaw hauj lwm, Mary tus kws kho mob xa nws mus rau chav kuaj mob kom nqus ntshav tawm. Vim tias tias tus nqi uas sib koom them li $25 tsis pab them rau tej hauj lwm hauv chav kuaj mob, nws yuav muaj cov nqi uas yauv tau them ntxiv:
- Yog tias Mary tseem tsis tau mus txog rau nws qhov nyiaj lov tawm, nws tau txais daim ntawv sau nqi rau tus nqi cov kev pab cuam hauv chav kuaj mob. Nws txoj phiaj xwm kho mob siv qhov nyiaj no mus rau qhov nyiaj lov tawm ntawm Mary.
- Yog tias nws tau mus txog rau nws qhov nyiaj lov tawm, Mary tsuas them rau qhov feem puas ntawm tus nqi (uas paub tias yog nyiaj isalas sib nrog them ua ke) rau tej hauj lwm hauv chav kuaj mob thiab nws txoj phiaj xwm kho mob them rau qhov seem.
Xav paub ntau ntxiv txog cov nqi kev saib xyuas kho mob
Kuv yuav soj qab thiab pom kuv cov kev thov nyiaj rov qab tau li cas?
Yuav nyeem Qhov Kev piav qhia txog Cov Txiaj Ntsig (EOB) li cas
7 cov hauv kev los txuag nyiaj ntawm kev saib xyuas kho mob
Kev tso cai ua ntej yog dab tsi?
Thaum twg kev mus kuaj kev tiv thaiv kab mob thiaj li yuav hloov mus ua kev mus ntsib kws kho mob hauv chaw lis hauj lwm?