5 cov hauv kev los npaj tam sim no rau cov nqi kev saib xyuas kho mob hauv kev so noj nyiaj laus

Cov nqi saib xyuas kev noj qab haus huv hauv lub caij so noj nyiaj laus yuav ntau npaum cas? Cov lus teb yog txawv rau txhua tus. Tab sis kev tshawb fawb xyoo 2016 los ntawm Fidelity Investments qhia tau hais tias ob peb hnub so hauj lwm hnub no yuav xav tau $260,000 los duav roos cov nqi kev saib xyuas kho mob thoob plaws lub sij hawm so noj nyiaj laus.*

Npaj thaum ntxov kom them nqi kev saib xyuas kho mob thaum koj so hauj lwm

Siv cov lus qhia no los npaj thiab txuag nyiaj rau koj cov hom phiaj so hauj lwm:

• Kawm Paub Txog Medicare. Nws tsis yog pub dawb thiab tsis duav roos txhua yam. Ntxiv rau, Medicare tsis txwv rau qhov tias koj them tshaj ntawm koj lub hnab nyiaj txhua xyoo ntau npaum li cas. Koj tuaj yeem yuav ib txoj phiaj xwm los pab duav roos cov tsis txaus hauv Medicare, tab sis koj yuav tau them cov nqi pov hwm txhua hli. Xav txog qhov nruab nrab lub sij hawm siv nyiaj laus yog 18-20 xyoo, cov nqi no tuaj yeem ntau ntxiv.


• Paub tias npaum li cas uas koj yuav tau txais los ntawm nyiaj Xaus Saus. Tsuas yog 61% ntawm cov neeg ua hauj lwm so hauj lwm thiaj tau txais txog ib nrab ntawm lawv cov nyiaj tau los ntawm cov nyiaj Xaus Saus. Nws yuav tsis hloov koj cov nyiaj tau los ua ntej nyiaj laus tab sis tuaj yeem ntxiv koj cov nyiaj khaws cia.


• Txuag ntau dua hauv koj li 401(k) txhua xyoo. Koj tuaj yeem pab nyiaj ntau txog $18,000 toj xyoo rau koj li 401K. Tsis tas li ntawd, nco ntsoov tias koj tau txais tag nrho cov nyiaj pab los ntawm koj tus tswv ntiav hauj lwm. Thaum koj muaj hnub nyoog txog 60 xyoo, koj yuav tsum muaj 8X koj cov nyiaj hli txhua xyoo hauv kev txuag nyiaj laus.


• Qhib ib Tus As Khauj Txuag Nyiaj Rau Kev Noj Qab Haus Huv (HSA)/a>. Cov nyiaj koj khaws tam sim no hauv koj li HSA tuaj yeem duav roos cov nqi kev saib xyuas kho mob thiab cov nqi pov hwm thaum koj so hauj lwm. Nrog HSA, koj tsis them se ntawm cov nyiaj koj muab tso rau hauv, koj cov nyiaj tau txais cov paj nrig tsis them se thiab koj tuaj yeem siv cov nyiaj them rau cov nqi kho mob uas tsim nyog tsis them se.


• Ua lub neej muaj kev noj qab nyob zoo. Kev saib xyuas koj txoj kev noj qab haus huv niaj hnub no los ntawm kev taug kev 30 feeb hauv ib hnub, 5 zaug hauv ib lub lim tiam, los pab tiv thaiv qhov hnyav, thiab raug nqi, teeb meem tom qab xws li kab mob plawv, mob stroke thiab ntshav qab zib Hom 2}.