Tshawb nrhiav seb muaj dab tsi tshwm sim hauv kev tiv thaiv saib xyuas kab mob ntawm koj cov me nyuam hnub nyoog kawm ntawv, thaum lawv yuav tsum tau txhaj tshuaj tiv thaiv kab mob, thiab koj yuav txoj hauv kev pab tau lawv li cas kom muaj kev nyab xeeb thiab noj qab nyob zoo.
Qhov kev saib xyuas tiv thaiv kab mob dab tsi rau cov me nyuam raug duav roos los ntawm kuv qhov phiaj xwm ivsaslas them nqi kho mob?
Kev pov hwm txog kev noj qab haus huv feem ntau them rau cov kev saib xyuas tiv thaiv kab mob. Qhov no suav nrog kev mus saib tus me nyuam yaus, txhaj tshuaj tiv thaiv kab mob thiab kev tshuaj ntsuam xyuas kev loj hlob. Nco ntsoov tshuaj xyuas koj txoj phiaj xwm rau cov ntsiab lus kev pab them.
Thaum mus saib tus me nyuam yaus, tus kws kho me nyuam yaus los sis tus kws kho mob hauv tsev neeg yuav tshuaj xyuas koj tus me nyuam qhov siab thiab qhov hnyav, kuaj qhov kev ntsia pom thiab hnov lus, thiab soj qab kev txhim kho kev loj hlob. Tus kws kho mob tseem yuav muab cov ntaub ntawv thiab cov lus qhia los pab koj tus me nyuam kom nyab xeeb thiab noj qab nyob zoo.
Cov kev saib xyuas tiv thaiv kab mob thiab tshuaj ntsuam xyuas rau cov me nyuam hnub nyoog kawm ntawv:
- Cov lus qhia txog kev tawm dag zog thiab kev kuaj qhov ncauj
- Ntsuas thiab sib tham txog qhov hnyav xwm yeem thiab cov ntaub ntawv qhov hnyav
- Kev txhaj tshuaj tiv thaiv kab mob (cov tshuaj txhaj tiv thaiv kab mob), suav nrog DTaP, MMR, txhaj tshuaj tiv thaiv kab mob khaub thuas thiab lwm yam tshuaj txhaj tiv thaiv kab mob (saib cov lus piav qhia hauv qab no)
- Kev txhim kho thiab kev ntsuas tus cwj pwm, suav nrog kev kawm thiab kev ua tau zoo hauv tsev kawm ntawv
- Kev ntsuam xyuas kev hnov lus thiab pom kev
- Muab lus qhia txog kev nyab xeeb, xws li kev nyab xeeb thaum nyob hauv dej los sis saum tsheb kauj vab, thiab kev tiv thaiv rau kev raug mob
- Qhia txog kev noj qab nyob zoo txog kev ua nkauj nraug thiab kev sib deev
- Muab kev sab laj txog kev zam kev chwv thiab siv luam yeeb
- Kev ntsuas cov kuab quav hlau
Tshawb nrhiav kom paub ntau ntxiv txog lub sij hawm thiab pes tsawg zaus ntawm kev tshuaj ntsuam rau cov me nyuam hnub nyoog kawm ntawv:
Cov lus qhia txog kev saib xyuas tiv thaiv kab mob (PDF)
Cov ntaub ntawv qhia txog kev saib xyuas tiv thaiv kab mob(PDF)
Lub sij hawm txhaj tshuaj tiv thaiv kab mob/txhaj tshuaj rau me nyuam yaus (hnub nyoog 6-12) yog dab tsi?
| Tshuaj tiv thaiv kab mob | Lub hom phiaj | Hnub nyoog |
|---|---|---|
| DTaP | Tiv thaiv kab Mob Caj Pas Hlav, Voos Qhov Txhab & Mob Hawb Pob | 4-6 xyoo |
| IPV | Tiv thaiv kab mob polio | 4-6 xyoo |
| MMR | Tiv thaiv kab mob Qhua Pias, Mob Qog Caj Pas & Mob Pob Liab Rau Ib Ce | 4-6 xyoo |
| Varicella | Tiv thaiv Mob Pob Qoob | 4-6 xyoo |
| Tdap | Zoo ib yam li DTap, tab sis yog tsim los rau cov tub ntxhais hluas. | 11-12 xyoo |
| HPV | Tiv thaiv kab mob vais lav papillomavirus rau tib neeg, uas yog qhov xwm txheej ua rau mob qog noj ntshav ncauj tsev me nyuam | 11-12 xyoo |
| MenACWY | Tiv thaiv qhov mob daim phlaub qhwv lub hlwb | 11-12 xyoo 16 xyoo |
| Mob khaub thuas (Influenza) | Tiv thaiv kab mob khaub thuas | Txhua xyoo nyob rau lub caij nplooj zeeg |
Puas muaj lwm yam kev saib xyuas tiv thaiv kab mob rau me nyuam yaus (hnub nyoog 6-12 xyoo)?
Koj tus me nyuam tus kws kho mob tuaj yeem xaj lwm yam tshuaj tiv thaiv, raws li koj tsev neeg li keeb kwm los sis lwm yam kev phom sij. Cov piv txwv yuav muaj xws li:
- Kev tshuaj ntsuam xyuas cov roj hauv hlab ntshav, ntshav siab, mob ntshav tsuag hauv ib hom los sis lwm yam mob, raws li tsev neeg li keeb kwm los sis haiv neeg
- Kev kuaj tawv nqaij yog tias muaj kev phom sij rau kev mob khees xaws rau daim tawv nqaij, tawv nqaij to los yog qhov txhab
- Ntxiv cov kuab hlau, yog tias muaj kev phom sij ntawm kev tsis muaj kuab hlau txaus rau lub cev
- Kev tshuaj xyuas thiab kev tawm tswv yim txog kev tsim txom hauv tsev neeg (nrog rau kev tsim txom me nyuam yaus)
- Kev tshuaj xyuas kev nyuaj siab los sis kev puas hlwb, yog tias muaj kev txhawj xeeb txog kev xav los sis kev coj cwj pwm
- Kev sab laj txog kev noj zaub mov muaj txiaj ntsig, yog tias qhov hnyav los sis kev loj hlob
Kuv yuav ua li cas thiaj pab tau kuv cov me nyuam kom noj qab nyob zoo?
Nyob rau txhua qhov kev mus ntsib, koj tus kws kho mob (los sis tus kws saib xyuas me nyuam yaus) yuav nug koj txog koj tus me nyuam txoj kev loj hlob thiab muab kev taw qhia ua kom koj tus me nyuam muaj kev nyab xeeb thiab noj qab nyob zoo.
Cov lus qhia yuav suav nrog tsis txhob tso cov me nyuam yaus nqus cov pa luam yeeb tso tawm, tiv thaiv lawv ntawm duab tshav ntuj, thiab tiv thaiv kev raug mob los ntawm kev siv lub rooj zaum hauv tsheb thiab cov kaus mom kev nyab xeeb.
Tshawb xyuas cov cuab yeej thiab cov chaw ntaub ntawv txhawm rau cov lus qhia dav txog kev noj qab haus huv thiab kev noj tej khoom muaj txiaj ntsig.
Xav paub ntau ntxiv txog kev kho mob tiv thaiv
Kev saib xyuas kho mob rau cov niam tshiab
Kev kho mob tiv thaiv rau cov me nyuam hnub nyoog 0-5
Txhaj tshuaj tiv thaiv kab mob rau cov tub ntxhais hluas
Kev kuaj lub cev thiab kev mus kuaj tsis tu ncua
Kev saib xyuas hniav rau cov me nyuam yaus
Kev nyab xeeb kev ua si rau me nyuam yaus
Txhua tus neeg muab kev pab cuam yog tus neeg cog lus ywj pheej thiab tsis yog peb tus neeg sawv cev.
Cov ntaub ntawv saib xyuas tiv thaiv kab mob
Nws yog ib qho tseem ceeb kom nkag siab txog yam uas tau pom zoo los ntawm kev kho mob thiab seb koj qhov phiaj xwm tshwj xeeb duav roos. Siv cov ntaub ntawv no los tshawb xyuas
- Cov lus qhia txog kev saib xyuas tiv thaiv kab mob (PDF)
- Cov ncauj lus qhia txog kev saib xyuas tiv thaiv kab mob (PDF)
- Cov lus qhia txog kev saib xyuas tiv thaiv kab mob rau poj niam
Nrhiav cov ntsiab lus ntxiv hauv koj phau ntawv cov txiaj ntsig.