Mob khees xaws ncauj tsev me nyuam yog dab tsi?
Mob khees xaws ncauj tsev me nyuam yog mob khees xaws ntawm lub ncauj tsev me nyuam, uas yog ib feem qhov cev xeeb tub ntawm cov poj niam. Nws nyiam pib nrog kev tsim cov hlwb ntawm cov qog noj ntshav ua ntej muaj hnub nyoog tsim nyog. Kev tshwm sim cov hlwb ua ntej tsis txhais tau tias koj yuav tau mob khees xaws ncauj tsev me nyuam. Muaj kev kho mob rau cov hlwb no ua ntej lawv hloov mus ua mob mob khees xaws.
Mob khees xaws ncauj tsev me nyuam feem ntau yeej tsis muaj ib qho tsos mob thaum hnyuav qhuav pib li. Nyob rau ntu tom qab, tus poj niam yuav pom qhov txawv txav ntawm qhov chaw mos los ntshav, los cov dej txawv-txawv los sis mob thaum muaj kev sib deev. Txawm li cas los xij, nrog kev kho mob tiv thaiv tsis tu ncua, cov kws kho mob tuaj yeem ntes thiab kho nws thaum ntxov.
Koj tuaj yeem ntsuam xyuas qhov kev kuaj mob no los kuaj xyuas koj qhov kev paub txog cov feem pheej hmoo mob khees xaws.
Qhov ua rau mob qkhees xaws ncauj tsev me nyuam yog dab tsi?
Cov kws kho mob ntseeg hais tias tus kab mob human papillomavirus (HPV) yog feem tseem ceeb rau kev tsim tus mob khees xaws ncauj tsev me nyuam, tshwj xeeb yog qee yam muaj pheej hmoo siab ntawm cov kab mob.
Muaj qee cov feem pheej hmoo ntawm tus mob khees xaws ncauj tsev me nyuam, suav nrog kev kis mob HPV, haus luam yeeb thiab keeb kwm tsev neeg muaj mob khees xaws ncaj tsev me nyuam. Tham nrog koj tus kws kho mob yog tias koj txhawj xeeb txog koj qhov kev phom sij rau mob khees xaws ncauj tsev me nyuam.
Kuv tuaj yeem ua dab tsi los tiv thaiv kab mob khees xaws ncauj tsev me nyuam?
Qhov kev kuaj ntsuas ob zaug tuaj yeem pab tiv thaiv kab mob khees xaws ncauj tsev me nyuam los sis nrhiav tau tus mob thaum ntxov:
- Kev kuaj Pap (los sis Pap smear) yuav ntsuas saib rau cov hlwb qog noj ntshav ntawm lub ncauj tsev me nyuam uas yuav tuaj dhau mus ua mob khees xaws ncauj tsev me nyuam yog tias tsis kho tus mob kom raug.
- Kev kuaj nrhiav tus kab mob HPV uas tuaj yeem ua rau lub cev hloov pauv rau qhov tsis zoo
Cov tshuaj txhaj tiv thaiv kab mob HPV puas tuaj yeem pab tiv thaiv kab mob qog khees xaws ncauj tsev me nyuam tau?
Qhov tshuaj txhaj tiv thaiv kab mob HPV tiv thaiv tus kab mob HPV qee hom kev phom sij siab uas tuaj yeem ua rau mob khees xaws ncauj tsev me nyuam tau. Cov tshuaj tiv thaiv no tau hais kom siv rau cov neeg ua ntej lub hnub nyoog 13, uas muaj kev tiv thaiv ua ntej kis tus kab mob HPV thiab thaum lub cev muaj zog tsim kev tiv thaiv kab mob zog tuaj. Thaum cov tshuaj tiv thaiv ua hauj lwm zoo dua thaum uas txhaj ua ntej lub hnub nyoog 13 xyoo los, tam sim no nws tau txais kev pom zoo rau cov poj niam txog thaum muaj hnub nyoog 45xyoos.
HPV tseem tuaj yeem kis tau los ntawm kev sib deev, yog li ntawv yuav tsum sab laj nrog koj tus kws kho mob txog cov lus qhia kev sib deev yam muaj kev nyab xeeb.
Kuv puas tseem xav tau kev tshuaj xyuas lub ncauj tsev me nyuam yog tias kuv tseem tsis tau txhaj tshuaj tiv thaiv HPV?
Yog lawm, cov poj niam uas tau txhaj tshuaj tiv thaiv kab mob HPV tseem yuav tsum tau txais kev kuaj xyuas lub ncauj tsev me nyuam yam tsis tu ncua. Cov tshuaj tiv thaiv kab mob feem ntau, tab sis tsis yog tag nrho txhua hom kab mob HPV uas ua rau mob khees xaws ncauj tsev me nyuam.
Kuv yuav tsum tau kuaj Pap smear thaum twg thiab ntau zaus npaum li cas?
Yog tias koj muaj hnub nyoog 21 txog 29 xyoo
Cov poj niam yuav tsum pib txais kev kuaj xyuas Pap thaum muaj hnub nyoog 21 xyoo thiab yuav tsum tau txais kev kuaj txhua peb xyoos.
Yog tias koj muaj hnub nyoog 30 txog 65 xyoo
Tham nrog koj tus kws kho mob txog qhov kev sim tshuaj twg yog qhov zoo rau koj:
- Tsuas yog kuaj Pap smear. Yog tias koj cov txiaj ntsig zoo li qub, koj tuaj yeem tos peb xyoos kom txog rau thaum koj qhov kuaj tom ntej.
- Kev kuaj xyuas HPV nkaus xwb. Yog tias koj qhov kev kuaj kab mob no zoo li qub, koj tuaj yeem tos tsib xyoos kom txog thaum koj qhov kev kuaj xyuas tom ntej.
- Kev kuaj HPV thiab Pap. Yog tias koj cov kev kuaj kab mob ob zaug no zoo li qub, koj tus kws kho mob yuav qhia koj kom mus kuaj xyuas dua tsib xyoos tom ntej.
Yog tias koj muaj hnub nyoog tshaj 65 xyoo
Koj tus kws kho mob yuav qhia rau koj tias koj tsis tas yuav tau txais kev kuaj xyuas mus ntxiv yog tias koj:
- Muaj cov kuaj tau los zoo li qub uas kuaj ntau xyoo dhau lo, los sis
- Tau tshem koj lub tsev me nyuam tawm uas yog ib feem ntawm kev txiav lub tsev me nyuam tag nrho
Nyob ntawm koj tsev neeg li keeb kwm thiab lwm feem kev pheej hmoo, koj tus kws kho mob yuav txiav txim siab tias koj xav tau kev kuaj xyuas ntau dua li qhov tau hais los saum no.
Puas yog kuv txoj phiaj xwm them nqi kho mob puas them rau kev kuaj xyuas Pap smear los sis txhaj tshuaj tiv thaiv kab mob HPV?
Lub chaw tuav pov hw kev kho mob feem ntau pab them cov nqi kuaj mob tiv thaiv, kev kuaj ntsuas mob thiab txhaj tshuaj tiv thaiv kab mob los pab tiv thaiv los sis tiv cov mob uas txhawj xeeb yuav tshwn sim tau. Kev kuaj Pap smear yog ib feem ntawm mus kuaj kev tiv thaiv kab mob rau cov poj niam. Cov tshuaj txhaj tiv thaiv kab mob HPV raug them los ntawm lub chaw pov hwm kev noj qab haus huv. Nco ntsoov tshuaj xyuas koj txoj phiaj xwm rau cov ntsiab lus kev pab them.
Xav paub ntau ntxiv txog kev kho mob tiv thaiv
kev saib xyuas tiv thaiv yog dab tsi?
Kev kuaj lub cev thiab kev mus ntsib ua kev kawm tiv thaiv
Kev kho mob tiv thaiv rau cov poj niam
Kev kho mob tiv thaiv thaum uas koj muaj hnub nyoog siab zus
Txhaj tshuaj tiv thaiv kab mob rau cov tub ntxhais hluas