Mob khees xaws ntawm daim tawv nqaij yog hom mob khees xaws ntau tshaj plaws, thiab nws tab tom muaj ntau nce zuj zus.1 Txhua tus kuj tuaj yeem mob khees xaws tau. Qhov tseeb, 120 cov neeg tuag los ntawm kab mob khees xaws daim tawv nqaij txhua xyoo hauv Minnesota.2 Nco ntsoov kuaj xyuas koj cov tawv nqaij tas li thiab mus ntsib koj tus kws kho mob yog tias koj pom tias muaj mob khees xaws.
Hom mob khees xaws tawv nqaij
Ob hom mob khees xaws ntawm daim tawv nqaij uas nquag pom muaj xws li kab mob qog noj ntshav basal cell thiab squamous cell. Lawv feem ntau tshwm sim hauv qhov chaw ntawm koj lub cev uas raug duab tshav ntuj txhua hnub, xws li koj lub taub hau, caj dab thiab caj npab. Cov mob khees xaws daim tawv nqaij no feem ntau tuaj yeem kho tau los sis tshem tawm thiab tsis tshua kis mus rau lwm qhov chaw ntawm lub cev.
Kab mob Melanoma yog ib hom mob khees xaws tawv nqaij hnyav dua. Nws tuaj yeem mob rau txhua qhov chaw ntawm koj daim tawv nqaij. Feem ntau nws tshwm sim thawj zaug rau ntawm hauv siab, nraub qaum, ceg, caj dab los sis lub ntsej muag. Yog tias kuaj tsis pom thaum ntxov, kab mob khees xaws tawv nqaij tuaj yeem kis mus rau lwm qhov ntawm lub cev thiab tuaj yeem ua rau mob hnyav los sis tuag taus.
Cov yam ntxwv thiab cov tsos mob khees xaws ntawm daim tawv nqaij
Nws yog ib qho tseem ceeb kom tshawb nrhiav tau kab mob khees xaws ntawm daim tawv nqaij rau thaum ntxov kom nws thiaj li kho tau. Tshawb xyuas koj cov tawv nqaij tas li thiab thov kom tus txij nkawm los sis cov tswv cuab hauv tsev neeg los pab saib rau cov chaw uas pom nyuaj li koj nraub qaum los sis tawv taub hau.
Mus ntsib koj tus kws kho mob tam sim yog tias koj pom tias:
- Ua pob liab los yog ua pob dej
- Doog tej thaj chaw dav uas muaj ua tee doog dub
- Lub tias uas hloov xim los sis muaj ciam tsis sib xws
- Lub tias uas loj dua ib lub lwv xaum sau ntawv
- Tawg pleb los yog kab xwv ua thaj rau ntawm daim tawv nqaij
- Qhov mob uas yuav kho tsis zoo
Saib seb mob qog noj ntshav daim tawv nqaij zoo li cas
Dab tsi ua rau mob qog noj ntshav rau daim tawv nqaij?
Kev raug rau duab tshav ntuj UV feem ntau ua rau mob kab mob khees xaws rau daim tawv nqaij. Qee qhov txheej txheem ntawm cov duab tshav ntuj UV tsim tau qee yam, xws li lub txaj pw tiv tshav ntuj thiab lub teeb hluav taws xob siv duab tshav ntuj kuj cuam tshuam txog mob kees xaws tawv nqaij ib yam nkaus. Rau qhov txhua tus neeg tuaj yeem mob khees xaws tawv nqaij tau, koj yuav muaj pheej hmoo ntau dua yog tias koj:
- Siv sij hawm nyob tiv tshav ntuj ntev heev
- Muaj feem ntau uas yuav raug duab tshav ntuj hlawv
- Tawv nqaij, plaub hau thiab ob lub qhov muag muaj tsos dawb
- Tsev neeg li keeb kwm muaj tus mob khees xaws rau daim tawv nqaij
- Muaj hnub nyoog ntau dua 50
Kev kho tus mob khees xaws rau daim tawv nqaij
Cov kev xaiv kho mob yog kho raws hom mob khees xaws tawv nqaij thiab nyob rau qhov twg ntawm koj lub cev. Nws tseem ceeb heev kom nkag siab txog cov mob tshwm sim ntawm kev kho mob yog li koj tuaj yeem txiav txim siab uas tsim nyog rau koj.
Qee yam uas yuav tsum xav txog suav nrog koj lub hnub nyoog thiab kev noj qab haus huv, lub sij hawm mob khees xaws thiab koj xav li cas txog cov tsos mob tshwm sim ntawm kev kho mob. Tham nrog koj tus kws kho mob los sis pab neeg saib xyuas kom tau txais cov ntaub ntawv koj xav tau los xaiv txoj kev kho mob uas yuav haum rau koj.
Cov kev kho mob yuav muaj xws li:
- Kev phais mob
- Kev siv hluav taws xob
- Tshuaj khes mis kho mob
- Hom tshuaj xav tau
- Kev tiv thaiv kab mob huav lub cev
Yuav tiv thaiv kab mob khees xaws tawv nqaij li cas
Feem ntau cov mob khees xaws rau daim tawv nqaij tuaj yeem tiv thaiv tau los ntawm kev ua cov kauj ruam los tiv thaiv koj cov tawv nqaij ntawm duab tshav ntuj. Txawm tias tau tiv tshav ntuj sij hawm luv xwb los tuaj yeem tsim teeb meem rau koj cov tawv nqaij vim kev puas tsuaj ua rau tshwm sim mob tau thaum lub sij hawm dhau mus. Koj tuaj yeem tiv tshav tawm koj tus kheej ntau dua li qhov koj xav. Duab tshav ntuj UV tuaj yeem tshab tau rau daim iav, yog li txawm tsav tsheb los sis zaum ntawm lub qhov rais rau hnub muaj duab tshav ntuj ci tuaj yeem ua rau koj cov tawv nqaij tau txais cov duab tshav ntuj uas phom sij tau.
Qhov no yog txoj hauv kev tias yuav ua li cas thiaj li tiv thaiv koj tus kheej los ntawm lub hnub thiab txo koj txoj kev phom sij ntawm mob kees xaws tawv nqaij:
- Txwv koj qhov nqaij uas raug duab tshav ntuj. Tsis txhob pub raug duab tshav ntuj li ntawm 10 teev sawv ntxov mus rau 3 teev tav su dua. thaum duab tshav ntuj kub tshaj plaws.
- Siv tshuaj pleev thaiv duab tshav ntuj thawm niaj thawm xyoo. Xaiv cov tshuaj pleev thaiv duab tshav ntuj uas muaj feem tiv thaiv duab tshav ntuj (SPF) ntawm 30 los sis siab dua.
- Siv tshuaj pleev thaiv duab tshav ntuj ci tas li. Siv txhua ob teev thaum tawm sab nraum zoov thiab ntau zaus yog tias koj tawm hws ntau dhau los sis thaum nyob hauv dej.
- Pleev tshuaj rau daim di ncauj nrog tshuaj pleev thaiv duab tshav ntuj. Ib lub balm nrog SPF 30 los sis siab dua muab kev tiv thaiv zoo tshaj plaws.
- Npog. Ntoo lub kaus mom thiab rau lub tsom iav tiv thaiv duab tshav ntuj, hnav lub tsho npab ntev thiab lub ris ntev los sis daim tiab ntev.
- Zam kev pw tiv tshav ntuj thiab lub txaj pw tiv tshav ntuj. Cov duab tshav ntuj UV tuaj yeem tsim teeb meem rau koj cov tawv nqaij raws li qhov tseeb.
- Kuaj xyuas koj cov tawv nqaij tas li. Mus ntsib koj tus kws kho mob yog koj pom lub tias muaj kev hloov pauv los sis pom kev loj hlob tshiab los sis cov tawv nqaij txhav.
- Tau txais kev saib xyuas tiv thaiv kab mob zoo li qub. Koj tus kws kho mob tuaj yeem kuaj xyuas koj cov tawv nqaij kom pom cov tsos mob khees xaws thaum koj mus ntsib kev tiv thaiv saib xyuas kab mob txhua xyoo.
Blue Cross nyob ntawm no pab koj txoj kev noj qab haus huv
Blue Cross ua kom nws yooj yim tau txais cov lus teb ntawm cov lus nug txog kev noj qab haus huv. Yog tias koj yog Blue Cross los sis Blue Plus tus tswv cuab, koj yuav tuaj yeem nkag mus rau cov kws kho mob thiab 24-teev kws saib xyuas neeg mob tus xov tooj. Koj tseem yuav muaj ntau yam kev pab kho mob ntawm koj lub ntsis ntiv tes.
Yog tias koj tsis muaj ivsasa noj qab haus huv, Blue Cross muaj ntau hom phiaj xwm kev noj qab haus huv ua haum raws qhov koj xav tau thiab peev nyiaj. Blue Cross thiab Blue Plus txhua txoj phiaj xwm kev noj qab haus huv suav nrog kev tiv thaiv saib xyuas kab mob raug duav roos nrog rau cov cuab yeej thiab cov chaw pab los pab koj noj qab haus huv.
Blue Cross thiab Blue Shield ntawm Minnesota thiab Blue Plus cov phiaj xwm kev noj qab haus huv yog ib txoj hauv kev zoo los tiv thaiv kev noj qab haus huv ntawm koj tsev neeg tag nrho. Tham nrog tus agent kom kawm paub ntau ntxiv.