Yuav ua li cas thiaj tsim tau tsev neeg li keeb kwm kev noj qab haus huv

Tej zaum koj yuav tau txais txiaj ntsig ntau dua li koj niam lub qhov muag thiab koj txiv lub puab tsaig. Qee qhov kev pheej hmoo kev noj qab haus huv tau dhau los ntawm niam txiv mus rau me nyuam yaus thiab cuam tshuam rau ntau tus neeg hauv tsev neeg.

Ntshav siab, ntshav qab zib thiab khees xaws yog cov kab mob uas nyiam tshwm sim hauv tsev neeg. Koj tsis tuaj yeem hloov koj caj ceg, tab sis keeb kwm kev noj qab haus huv hauv tsev neeg tuaj yeem pab taw qhia txoj hauv kev rau kev noj qab haus huv yav tom ntej rau koj thiab koj cov me nyuam.

Pib nrog cov cuab yeej no los saib xyuas koj txoj kev noj qab haus huv.

Tsev neeg li keeb kwm kev noj qab haus huv yog dab tsi thiab vim li cas nws thiaj tseem ceeb?

Tsev neeg li keeb kwm kev noj qab haus huv yog ib daim ntawv teev cov teeb meem kev noj qab haus huv uas tshwm sim hauv koj tsev neeg. Nws suav nrog cov ntsiab lus hais txog xwm txheej kev noj qab haus huv, ua rau tuag, muaj teeb meem rau kev kawm thiab kev loj hlob, thiab tus cwj pwm xws li kev siv yeeb tshuaj, dej cawv thiab haus luam yeeb.

Nws yog ib qho tseem ceeb kom paub txog cov teeb meem kev noj qab haus huv hauv tsev neeg yog li koj tuaj yeem ua txhua yam uas koj ua tau los tiv thaiv lawv. Qhov ntawd nws txhais tau tias yog koj niam koj txiv muaj teeb meem txog kev noj qab haus huv koj thiab koj cov me nyuam yuav kis tau ib yam? Tsis tsim nyog.

Ntau yam cuam tshuam rau koj txoj kev pheej hmoo, suav nrog kev noj zaub mov, kev tawm dag zog thiab koj ib puag ncig Tab sis muaj teeb meem txog kev noj qab haus huv hauv tsev neeg nws txhais tau tias koj muaj kev pheej hmoo siab dua ib tus neeg uas nws tsev neeg li keeb kwm tsis muaj tus kab mob.

Tsev neeg li keeb kwm kev kho mob yog ib txoj hauv kev zoo kom taug qab cov kab mob uas tshwm sim hauv koj tsev neeg thiab tuaj yeem pab koj:

• Ntsuam xyuas koj qhov kev pheej hmoo rau tus kab mob
• Hloov pauv kev ua lub neej kom txo koj txoj kev pheej hmoo
• Tshawb xyuas cov cim qhia thiab cov tsos mob kom koj tuaj yeem tau txais kev kho mob thaum ntxov  

Tsim koj tsev neeg li keeb kwm kev noj qab haus huv

Kev sau keeb kwm kev noj qab haus huv hauv tsev neeg tuaj yeem pab koj pom cov kev pheej hmoo tshwj xeeb uas tuaj yeem cuam tshuam rau koj txoj kev noj qab haus huv thiab koj cov me nyuam li kev noj qab haus huv. Nrog cov ntaub ntawv no, koj tuaj yeem ua cov kauj ruam kom tau txais kev noj qab haus huv zoo dua tam sim no. Qhov no yog yam uas yuav pib.

1. Tham nrog cov neeg hauv tsev neeg

Yuav kom ua tiav tsev neeg li keeb kwm kho mob, koj yuav tsum tau sau cov ntaub ntawv kho mob txog:

• Cov niam txiv
• Cov pog yawg
• Cov phauj thiab txiv ntxawm
• Cov kwv tij nus muag
• Cov muam thiab tij laug thiab kwv
• Cov me nyuam

Kev sib sau hauv tsev neeg los sis kev sib sau ua ke tuaj yeem yog lub sij hawm zoo los sau cov ntaub ntawv. Tab sis nws yog ib qho tseem ceeb yuav tsum xav txog. Kev tham txog teeb meem kev noj qab haus huv tuaj yeem ua rau qee tus neeg hauv tsev neeg tsis kaj siab. Nrhiav qhov chaw ntiag tug los tham. Piav seb vim li cas koj thiaj xav paub txog lawv txoj kev noj qab haus huv thiab nws yuav pab tau koj thiab lwm tus hauv koj tsev neeg li cas.

Nov yog qee cov lus nug:

• Koj yug thaum twg thiab hnub no koj hnub nyoog li cas?
• Koj puas muaj tus tsos mob kho tsis zoo tu qab?
• Koj puas tau muaj lwm yam mob hnyav?
• Koj muaj hnub nyoog pes tsawg xyoo thaum koj pib muaj tsos mob los sis mob?
• Puas muaj leej twg hauv tsev neeg muaj qhov puas hauv lub cev?
• Kev kawm paub thiab kev loj hlob ne zoo li cas, xws li muaj kev txawv txav ntawm cov roj ntsha?
• Puas muaj leej twg hauv tsev neeg muaj teeb meem txog kev puas hlwb?
• Cov neeg laus hauv tsev neeg muaj mob dab tsi?
• Lawv muaj pes tsawg xyoo thaum lawv tag lub neej txoj sia?
• Dab tsi ua rau lawv tag txoj sia?

Tsis ua li cas yog tias cov neeg hauv tsev neeg tsis paub los sis nco tsis tau qee cov ntaub ntawv. Tej zaum koj yuav tuaj yeem sau cov ntsiab lus uas tseem tshuav no nrog kev tshawb nrhiav me ntsis.

2. Sau cov ntaub ntawv rau hauv qhov tsis tau sau

Koj sau cov ntaub ntawv uas tsis tau paub ntau npaum cas, koj yim tau cov ntaub ntxawv hais txog koj cov kev pheej hmoo noj qab haus huv ntau npaum ntawd. Yog tias koj tsis tuaj yeem tau txais cov ntaub ntawv kho mob tag nrho rau txhua tus neeg hauv tsev neeg, sim tshawb xyuas cov ntaub ntawv pej xeem los sis ntawv xov xwm.

Cov ntaub ntawv hauv xeev thiab lub nroog tuaj yeem suav nrog daim ntawv pov thawj kev ploj tuag uas hais txog qhov ua rau tuag. Cov tsev qiv ntawv hauv zej zog kuj tseem muaj cov ntawv xov xwm qub uas koj tuaj yeem nrhiav tau daim ntawv ceeb toom txog kev ploj tuag. Koj tseem tuaj yeem nrhiav ib qho hauv online. Yog hais tias ib tus neeg hauv tsev neeg yog me nyuam coj los tu, tshawb xyuas nrog rau lub koom haum kev coj me nyuam los tu los sis ib lub chaw saib xyuas kev noj qab haus huv hauv zej zog los sis lub chaw pab cuam tib neeg hauv zej zog.

3. Hloov kho koj li keeb kwm tas li

Sau qhov koj paub thiab ntxiv cov ntaub ntawv kho mob tshiab thaum koj kawm txog nws. Koj tuaj yeem khaws koj tsev neeg li keeb kwm kev noj qab haus huv rau hauv ib daim ntawv los sis hauv koj lub koos pis tawj, qhov chaw uas koj tuaj yeem qhia tau yooj yim thiab hloov kho cov ntaub ntawv tau yooj yim.

4. Qhia rau koj tus kws kho mob

Thaum koj tau tsim tsev neeg li keeb kwm kev noj qab haus huv, qhia rau koj tus kws kho mob thaum koj mus ntsib tom ntej. Koj tus kws kho mob tuaj yeem pab koj ntsuas koj qhov kev pheej hmoo kev noj qab haus huv thiab kom ntseeg tias koj tau txais cov kev ntsuas yog thiab tshuaj xyuas kom paub cov teeb meem thaum ntxov. Koj tus kws kho mob tseem tuaj yeem hais qhia txog kev hloov pauv kev ua neej uas tuaj yeem txo koj txoj kev pheej hmoo rau qee yam mob.