Txoj Hauj Lwm Pab Autism tau mob siab rau kom koj thiab koj tsev neeg tau txais txoj kev txhawb nqa thiab kev kho mob uas koj xav tau.
Tam sim no tsis muaj kev kho rau tus kab mob hlwb uas tsis nyiam nyob nrog neeg coob (autism spectrum disorder, ASD) tab sis kev tshawb fawb qhia tau tias kev pab cuam kho mob thaum ntxov tuaj yeem txhim kho tus me nyuam txoj kev loj hlob. Kev kuaj mob ntxov thiab kev cuam tshuam kuj tuaj yeem txo tus nqi ntawm kev saib xyuas tas mus li los ntawm ob feem ntawm peb.
Phau ntawv qhia no yuav pab koj nkag siab thiab txheeb xyuas cov txiaj ntsig thiab cov ntaub ntawv muaj rau koj thiab koj tus me nyuam.
Kev pab ntawm Blue Cross
Tus Kws Tshuaj Ntsuam Tus Cwj Pwm Uas Muaj Ntawv Tso Cai Los Ntawm Pawg Thawj Coj (Board-Certified Behavioral Analyst, (BCBA)) ntawm Blue Cross thiab Blue Shield ntawm Minnesota (Blue Cross) tus tswj hwm xwm txheej yuav pab koj nrhiav ib tus neeg muab kev pab cuam hauv pab pawg kws kho mob uas ua tau raws li koj tus me nyuam qhov kev xav tau. Yog tias hauv pab pawg kws kho mob tsis muaj nyob hauv koj cheeb tsam, tus tswj hwm xwm txheej yuav pab nrhiav lwm txoj hauv kev kom tau txais koj tus me nyuam qhov kev pab uas tsim nyog.
Koj tus tswj hwm xwm txheej ntawm Blue Cross muaj nyob los pab koj thoob plaws hauv koj tus me nyuam txoj kev kho mob. Qhov no yuav suav nrog kev tiv tauj nrog koj thiab koj tus kws kho mob kom hloov kho thiab txheeb xyuas cov kev xav tau tshiab.
Yuav ua li cas cov tswj hwm xwm txheej thiaj yuav pab tau:
- Muab kev taw qhia kev kho mob thiab kev txhawb nqa tus neeg saib xyuas
- Xyuas kom paub meej tias tuaj yeem nkag cuag tau rau cov kev pab cuam kev ntsuam xyuas tus cwj pwm uas muab los siv (ABA) raws li qhov pov thawj thiab kev siv tau zoo
- Pab nrhiav cov chaw muab kev pab cuam hauv pab pawg koom tes uas khoom.
- Koom tes nrog cov muab kev pab cuam thiab cov kev saib xyuas
- Tshuaj xyuas cov phiaj xwm kho mob
- Txhais cov cai kho mob thiab cov nqe lus kho mob uas yuav tsum muaj
- Ntsuam xyuas thiab ntsuas tsev neeg qhov kev xav tau kev pab ntxiv
- Ua hauj lwm raws li cov ntaub ntawv tsis tu ncua thaum koj tus me nyuam loj hlob
Qhov tseem ceeb: Ua ntej pib kho, xyuas kom paub tseeb tias koj txoj phiaj xwm pab them txog tus kws saib xyuas kho mob. Qhov no yuav pab txo koj cov nyiaj them ntawm tus kheej hnab nyiaj kom qis.
Hu rau peb txhawm rau pib
Hu rau tus naj npawb nyob rau sab tom qab ntawm koj daim npav ID tswv cuab thiab thov tham nrog tus tswj xwm txheej qhov kev pab kho mob tus cwj pwm.
Cov ntaub ntawv ntawm Autism
Cov vev xaib hauv qab no muaj ntau yam kev pab cuam txog kev puas hlwb, nrog rau cov khoom, kev tshawb fawb thiab lwm yam ntaub ntawv pub dawb.
Kev kho mob Autism
Kev kho mob autism tuaj yeem suav nrog ABA qhov kev kho mob, uas suav nrog kev cob qhia tshwj xeeb uas muab khoom plig rau tus cwj pwm zoo. Los ntawm kev siv kev txhawb zog zoo, cov me nyuam tuaj yeem qhia kev sib txuas lus, kev pab tus kheej thiab kev sib raug zoo thiab yuav pab lawv tus kheej li cas thaum lawv loj hlob tuaj.
Kev kho mob tshwj xeeb kuj tseem suav nrog cov kev pab cuam xws li kev hais lus, kev ua hauj lwm thiab kev kho lub cev. Cov kev kho no yog cov khoom tseem ceeb ntawm kev tswj hwm ASD thiab tuaj yeem suav nrog hauv tus me nyuam txoj kev kho mob. Qhov kev kho mob uas koj tus me nyuam yuav xav tau yog nyob ntawm lawv cov tsos mob tshwj xeeb thiab tuaj yeem hloov pauv raws sij hawm.
Kev duav roos rau cov kev kho mob no poob rau hauv ob pawg: kev pab cuam kev puas hlwb thiab kev pab cuam kho mob. Cov kev pab cuam uas tau piav qhia ntawm no yog ib txwm muaj rau kev puas hlwb tab sis yuav txawv ntawm ib tus me nyuam mus rau lwm tus me nyuam.
Kev pab cuam kho mob
Nco ntsoov hu rau Blue Cross ua ntej pib qhov kev pab cuam tshiab los sis ua hauj lwm nrog tus muab kev pab cuam tshiab txhawm rau txheeb xyuas cov txiaj ntsig kho mob thiab kev duav roos.
- Kev kho kom hais tau lus txhim kho kev txawj hais lus thiab cov kev paub nyob nrog lwm tus kom muaj kev sib txuas lus tau zoo dua qub.
- Kev ua hauj lwm kho mob thiab kev kho lub cev tsom mus rau kev ua hauj lwm hauv lub cev thiab cov txuj ci ua hauj lwm ntawm lub cev. Kev kho kom lub cev ua hauj lwm tuaj yeem pab koj tus me nyuam txhim kho cov kev paub ntawm kev hnov thiab pom cov ntaub ntawv (pom duab, hnov suab, kov tau thiab hnov tsw) rau qhov uas zoo dua qub.
Kev pab cuam puas hlwb
Hu rau Blue Cross ua ntej pib qhov kev pab cuam tshiab los sis ua hauj lwm nrog tus kws kho mob tshiab txhawm rau txheeb xyuas cov txiaj ntsig kev noj qab haus huv thiab kev duav roos ib yam nkaus.
- Tau suv cov kev nsuam xyuas ntawm tus cwj pwm(ABA), Cuam tshuam txog tus cwj pwm kom tob mes ntsis (EIBI)-txoj phiaj xwm kev ua lag luam, thiab Early Intensive Developmental and Behavior Intervention (EIDBI)-Minnesota Health Care Programs yog cov ntsiab lus feem ntau siv sib pauv tswv yim. Cov npe ntawm cov kev pab cuam hauv qab ABA, EIBI, thiab EIDBI tag nrho poob rau hauv tib yam txiaj ntsig.
ABA, thaum ua rau thaum hnub nyoog tseem yau, tuaj yeem pab cov me nyuam yaus txhim kho qhov tseem ceeb ntawm kev kawm, xws li kev txawj ntse xws li saib, mloog thiab xyaum. ABA txoj kev kho mob yog siv los ntawm ib tus kws kho mob ib leeg los qhia rau ib leeg, qhia thiab hloov tus cwj pwm tsim nyog siv qhov kev txhawb zog zoo, thaum hloov kho ib puag ncig kom txo tau tus cwj pwm uas nyuaj. ABA siv kev cob qhia tsev neeg/tus neeg saib xyuas kom nthuav dav cov txuj ci los pab cov me nyuam txhim kho kev txawj ntse xws li kev nyeem ntawv thiab tuav kev sib tham, nrog rau kev txheeb xyuas cov kev xav tau yooj yim.
EIBI siv ntau txoj hauv kev thiab txoj hauv kev los kho cov me nyuam yaus, feem ntau ntawm cov hnub nyoog 2 xyoo thiab 6 xyoo.
- Pab pawg kho mob ua hauj lwm hais kev tsim kev sib raug zoo nrog cov phooj ywg. Cov kev sib tham feem ntau muaj ib zaug ib lub lim tiam rau ib mus rau ob teev.
- Kev kho tus kheej muab kev kho ib leeg nrog ib tus kws kho mob uas tau txais kev cob qhia. Cov kev sib tham no muab qhov chaw ib puag ncig uas muaj kev nyab xeeb, kev saib xyuas thiab tsis pub lwm tus paub qhov chaw uas me nyuam yaus tuaj yeem tshawb txog kev xav, kev ntseeg los sis kev coj cwj pwm, ua hauj lwm los ntawm kev nyuaj los sis kev nco muaj txiaj ntsig thiab txheeb xyuas lawv lub neej uas lawv xav hloov los sis ua kom zoo dua.
- Kev kho tsev neeg pab cov neeg hauv tsev neeg txhim kho kev sib txuas lus thiab daws teeb meem.
- Kev ntsuam xyuas kev puas siab puas ntsws ntsuam xyuas kev txawj ntse thiab kev xav uas siv kev ntsuas kev sau ntawv, kev saib thiab hais lus.
Qhov ABA thiab EIBI/EIDBI ua hauj lwm li cas
1. Xav tau kev ntsuam xyuas
Qhov no tshwm sim ntawm koj qhov kev teem caij thawj zaug nrog tus thawj tswj hwm, uas yog tus kws tshaj lij (MD los sis Ph.D.) los sis tus kws tshuaj ntsuam xyuas tus cwj pwm tau lees paub. Lawv yuav ua qhov kev ntsuam xyuas zoo txhawm rau txheeb xyuas cov tsos mob tshwj xeeb rau koj tus me nyuam thiab txiav txim siab txog kev kho mob uas tsim nyog thiab ua tau zoo.
2. Txoj phiaj xwm kho mob
Raws li kev soj ntsuam, tus thawj tswj hwm yuav ua hauj lwm nrog koj los tsim cov phiaj xwm kev kho mob kom ntxaws. Qhov no suav nrog txoj hauv kev los daws cov tsos mob tshwj xeeb nrog rau yuav kho pes tsawg zaus thiab nyob rau hom chaw kho mob twg.
3. Ntu kev kho mob
Tus kws pab kho mob, tseem hu ua tus kws tshaj lij txog tus cwj pwm, tau kawm hauv ABA txoj kev kho tab sis yuav tsis tau ntawv tso cai los sis ntawv pov thawj. Cov neeg pab no ua cov hauj lwm uas tau piav qhia hauv txoj kev kho mob thiab lawv sau cov txiaj ntsig tau los. Lawv sab laj nrog tus thawj tswj hwm txoj hauj lwm tsis tu ncua los tham txog kev nce qib ntawm tus me nyuam txoj phiaj xwm kho mob.
4. Cov ntawv qhia txog kev nce qib
Koj tus thawj tswj hwm txoj hauj lwm yuav ntsuas kev nce qib thiab, raws li koj tus me nyuam cov lus teb rau kev kho mob, pom zoo cov kev pab cuam sib txawv yog tias tsim nyog.
Cov lus nug uas nquag nug
Kuv tus me nyuam puas tuaj yeem mus ntsib tus kws kho mob uas kuv pom nyob rau ntawm Pawg Thawj Tshuaj Ntsuam Txog Kev Cuam Tshuam Rau Kev Coj Tus Cwj Pwm Uas Muaj Ntawv Tso Cai lub vev xaib (bacb.com)?
Txhawm rau zam kom tsis txhob them tus nqi yus them yus ntau dua ntawm lub hnab tshos, nws yog ib qho tseem ceeb kom paub tseeb tias txoj phiaj xwm puas pab them txog tus kws kho mob thiab yuav tau txais txiaj ntsig zoo li cas ua ntej koj mus ntsib thawj zaug. Yog tias lawv tsis nyob hauv koj pab pawg koom tes koj yuav them ntau dua ntawm tus nqi yus them yus. Tiv tauj rau koj tus tswj hwm xwm txheej ntawm Blue Cross los sis hu rau tus naj npawb nyob rau sab tom qab ntawm koj daim npav tswv cuab txheeb xyuas tus kheej.
Puas yog kev kho mob yuav tsum muaj nyob hauv tsev kho mob?
Tsis yog. Qee qhov kev kho mob yuav tshwm sim hauv chaw kho mob ib txwm muaj, tab sis kuj tuaj yeem tshwm sim hauv tsev kawm ntawv los sis hauv tsev.
Kuv tuaj yeem pab kuv tus me nyuam hauv tsev zoo li cas, ntxiv rau kev kho mob tshaj lij?
Qhov zoo tshaj plaws uas koj tuaj yeem ua tau los txhawb koj tus me nyuam yog kawm paub txog cov kev xav tau kom ntau li ntau tau txog tus me nyuam uas muaj tus mob autism yog li ntawd koj thiaj tuaj yeem txhawb nqa lawv tau zoo tuaj. Tsis tas li ntawd, xav txog cov tswv yim thiab cov caij nyoog no:
- Koom nrog kev kho mob kom koj tuaj yeem xyaum kev coj cwj pwm hauv tsev.
- Tau koom nrog hauv zej zog autism. Kev koom nrog pab pawg txhawb nqa tsis yog tuaj yeem muab kev txhawb nqa kev xav xwb tab sis yog qhov chaw zoo los kawm txog cov kev pab cuam lwm tus tau pom muaj txiaj ntsig zoo li lwm yam kev pab cuam hauv zej zog.
- Lees paub qhov kev ua tiav koj tus me nyuam ua tiav, tsis hais kev ua tiav loj thiab me. Tsom mus rau yam lawv tuaj yeem ua tiav tsis txhob muab lawv piv rau kev ua tau ntawm lwm tus me nyuam.
- Ua kom sib npaug hauv koj lub neej hauv tsev. Siv sij hawm muaj txiaj ntsig zoo nrog koj tus me nyuam thiab tus txij nkawm. Saib xyuas koj tau txais kev so kom txaus uas koj xav tau los tswj koj tus kheej kev noj qab haus huv thiab ntawm koj tsev neeg.
Kuv yuav them dab tsi rau ABA los sis EIBI/EIDBI cov kev pab cuam raws li kuv txoj phiaj xwm kho mob?
Tus nqi koj them yog nyob ntawm qhov xwm txheej pab pawg koom tes ntawm tus kws kho mob thiab koj cov txiaj ntsig ntawm txoj phiaj xwm kho mob. Hu rau tus naj npawb nyob nyob rau sab tom qab ntawm koj daim npav tswv cuab txheeb xyuas tus kheej kom paub meej tias koj cov txiaj ntsig raug duav roos.
Puas muaj kev txwv kev kho mob rau ABA los sis EIBI/ EIDBI kev kho mob?
Yog lawm. Kev txwv yog nyob raws ntawm kev kho mob tsim nyog.
Kuv tus me nyuam tam sim no tau txais kev pab cuam ABA los ntawm tus kws kho mob. Kuv tuaj yeem paub tau li cas tias seb kws pab kho mob ntawm kuv tus me nyuam puas nyob hauv pab pawg koom tes ntawm Blue Cross?
Hu rau tus nab npawb nyob sab tom qab ntawm koj daim npav ID tswv cuab los sis siv lub cuab yeej Nrhiav Ib Tus Kws Kho Mob. Koj yuav tsum sau npe thiab nkag rau hauv ua ntej tshawb nrhiav koj tus muab kev pab cuam kho mob.
Cov ntaub ntawv tseem ceeb kev duav roos
Kauj ruam 1: Txheeb xyuas tus kws kho mob uas tsim nyog hauv pab pawg kws kho mob koom nrog
Koj tus tswj hwm xwm txheej ntawm Blue Cross tuaj yeem pab koj. Los sis hu rau tus naj npawb nyob rau nyob rau sab tom qab ntawm koj daim npav tswv cuab txheeb xyuas tus kheej. Nyob ntawm koj txoj phiaj xwm kho mob, yog tias koj siv tus kws kho mob uas tsis nyob hauv pab pawg koom tes koj yuav tsis tau txais kev duav roos thiab yuav tau them nyiaj ntau dua rau koj qhov kev saib xyuas.
Kauj ruam 2: Lees txais qhov kev raug duav roos
Koj tus kws saib xyuas kho mob yuav tsum mus rau hauv online mus rau peb qhov chaw muab kev pab cuam tus kheej lub portal los sis hu rau Blue Cross Lub Chaw Pab Cuam Kws Kho Mob ntawm 1-800-262- 0820 txhawm rau txheeb xyuas cov txiaj ntsig, kev raug duav roos thiab seb puas xav tau kev tso cai ua ntej. Kev tshuaj xyuas kev tso cai ua ntej yuav siv li ntawm 10 hnub ua hauj lwm.
Kauj ruam 3: Cov txheej txheem thov nyiaj rov qab
Tom qab tau txais kev saib xyuas, koj tus muab kev pab cuam hauv pab pawg koom tes yuav xa daim ntawv thov nyiaj rov qab rau Blue Cross. Yog tias koj siv tus kws kho mob uas tsis yog nyob hauv pab pawg koom tes, koj yuav tsum xa daim ntawv thov nyiaj rov qab mus rau Blue Cross.
Kev Tswj Hwm Neeg Mob
Tau txais kev pab ua kom tau raws li koj cov hom phiaj kev noj qab haus huv los sis tswj kev noj qab haus huv. Tshawb nrhiav pom cov ntaub ntawv hauv zej zog nrog rau cov ntaub ntawv uas tuaj yeem pab koj ua kom tiav.
1-800-961-4758
Muaj rau qee cov phiaj xwm.
Doctor On Demand
24/7 kws kho mob hauv online
Sib ntsib pom ntsej muag hauv online nrog cov kws kho mob muaj ntawv tso cai, kws kho mob me nyuam yaus, los sis tus kws kho kev xav txawm koj yuav nyob qhov twg los xij nrog Doctor On Demand los ntawm Included Health.
Cov txiaj ntsig sib txawv raws li txoj phiaj xwm.
Learn to Live
Kev kho mob txog kev nyob zoo ntawm tus cwj pwm hauv online
Nyob nrog kev ntxhov siab, pw tsis tsaug zog, kev nyuaj siab, kev siv yeeb tshuaj los sis kev ntxhov siab nrog tib neeg? Learn to Live (kev kawm kom paub saib xyuas kev noj qab haus huv) yog ib qho kev kawm online uas muaj txhua lub sij hawm los pab koj ua hauj lwm.
Mus saib learntolive.com/partners thiab siv koj tus zauv.
Muaj rau qee cov phiaj xwm.