Ntxiv sij hawm rau koj Kev Pab Cuam Kho Mob thiab MinnesotaCare kev duav roos noj qab haus huv
Npaj rau koj li kev rov tsim hauv txhua xyoo.
Cov Ntsiab Lus
Lub Thawj Fab Saib Xyuas Hauj Lwm Cov Kev Pab Cuam Tib Neeg (DHS) xav tau tus txheej txheem kev tshuaj xyuas hauv txhua xyoo rau tag nrho cov tswv cuab uas tuaj koom nrog hauv Minnesota Cov Khoos Kas Kev Pab Cuam Txog Kev Noj Qab Haus Huv Ntawm Pej Xeem. Koj yuav tsum tau muab koj li kev muaj cai rov tsim dua hauv txhua xyoo ua ntej hnub yuav txog hnub tim ntawm koj hnub tso npe xub thawj ntawd.
Qhov Blue Cross thiab Blue Shield of Minnesota thiab Blue Plus cov phiaj xwm hauv qab no xav tau kev rov tsim hauv txhua xyoo los ntawm xeev Minnesota:
- Blue Advantage Rau Cov Tsev Neeg thiab Cov Me Nyuam Yaus
- MinnesotaCare
- Minnesota Senior Care Plus (MSC+)
- SecureBlueSM - Minnesota Senior Health Options (MSHO)
DHS yuav siv cov ntaub ntawv uas tam sim no lawv muaj los xaiv seb koj los yog koj tus(cov) neeg hauv yim neeg puas tseem muaj cai tau txais kev duav roos. Yog tias DHS xav tau cov ntaub ntawv ntau ntxiv los ntawm koj txhawm rau ua ib qho kev txiav txim siab duav roos, lawv yuav xa ib tsab ntawv ntxiv sij hawm rau hauv chaw xa ntawv tuaj rau koj.
Paub txog tias thaum twg yuav tshuaj xyuas koj li kev tsim nyog ntxiv sij hawm
Qhov cuab yeej nrhiav hnub tim ntxiv sij hawm ntawm DHS
Nrhiav kom paub seb thaum twg DHS yuav xa koj cov ntaub ntawv kev rov tsim dua tuaj rau koj los ntawm kev ntaus ob qho ntawm ceov kev xaiv hauv qab no rau hauv qhov cuab yeej kev tshawb nrhiav Hnub Tim Kev Rov Tsim Dua: Tus Tswv Cuab Daim Npav ID, tus naj npawb Qhov Teeb Meem los sis tus naj npawb Xaus Saus.
Yam koj tuaj yeem ua tau tam sim no txhawm rau npaj rau kev ntxiv sij hawm
Hloov kho koj cov ntaub ntawv tiv tauj
Kom paub tseeb tias koj lub nroog los sis pab pawg neeg lub chaw hauj lwm muaj koj qhov chaw xa ntawv tam sim no, tus npawb xov tooj los sis lwm yam ntaub ntawv tiv tauj thiab xyuas kom paub tseeb tias nws tau txais kev hloov kho tshiab txhua zaus uas koj tsiv chaw. Qhov no yuav ua kom paub tseeb tias DHS tuaj yeem tiv tauj koj thaum nws txog sij hawm ntxiv sij hawm koj li kev duav roos.
Yog tias koj tsis paub tseeb tias yuav hu rau leej twg, thov mus saib rau Minnesota phau ntawv teev txog hauv neeg tsawg thiab cheeb tsam nroog los sis tus xov tooj Muab Kev Txhawb Nqa Tus Neeg Siv Khoom Txog Kev Saib Xyuas Kho Mob los nrhiav cov ntaub ntawv tiv tauj uas tuaj yeem pab tau koj kom nqa tau koj cov ntaub ntawv tiv tauj uas hloov kho tshiab los sis cov lus nug hais txog koj li kev muaj tsim nyog tau kev pab los sis kev rov tsim ntaub ntawv dua tshiab.
Thov saib kom paub tseeb tias muab qhov chaw nyob email thiab tus naj npawb xov tooj ntawm tes tso ua ke lawm yog tias koj muaj ib tug kom peb thiaj li tiv tauj tau koj yog thaum txhawm rau thaum uas koj tsis tau hloov kho koj qhov chaw nyob xa ntawv kom tshiab sai-sai yog tias koj hloov pauv qhov chaw nyob lawm.
Tshuaj xyuas koj lub chaw xa ntawv
DHS yuav xa ib tsab ntawv tuaj qhia rau koj paub txog thaum yuav txog sij hawm rau koj tus txheej txheem rov tsim tej ntaub ntawv dua tshiab hauv txhua xyoo.
Qhov no yuav qhia rau koj paub tias seb koj puas yuav tsum ua kom tiav daim foos ntxiv sij hawm kom pom seb koj puas tseem muaj cai tau txais Kev Pab Kho Mob los sis yog tias koj yuav cia li tau txais kev rov tsim ntaub ntawv dua tshiab lawm xwb.
Tshuaj xyuas koj daim foos ntxiv sij hawm
Tshuaj xyuas koj daim foos rau kev ua kom raug thaum koj tau txais nws. Yog tias yuav tsum muaj, sau kom tiav daim foos thiab muab xa rov qab mus rau DHS kiag tam sim txhawm rau pab zam kev tu ncua koj li kev duav roos.
DHS tsab ntawv lub hnab ntawv piv txwv
Nrog Blue Cross thiab Blue Shield ntawm Minnesota, koj tau txais lub npe uas koj ntseeg siab, kev duav roos uas koj tuaj yeem suav tau, thiab kev kaj siab lug los paub txog koj txoj phiaj xwm kev kho mob nyob ntawm no los pab koj ua txhua kauj ruam ntawm txoj hauv kev. Blue Cross thiab Blue Shield ntawm Minnesota thiab Blue Plus muab ntau cov kev xaiv phiaj xwm kev noj qab haus huv, yog li koj tuaj yeem xaiv ib txoj uas haum raws li qhov koj xav tau.
Kev ntiav ua hauj lwm tam sim no
Yog tias koj tsis tsim nyog tau txais Kev Pab Cuam Kho Mob los sis MinnesotaCare lawm, tej zaum koj yuav tsim nyog tau txais kev pov hwm kev noj qab haus huv hla tus tswv ntiav hauj lwm yog tias koj los sis koj tus txij nkawm raug ntiav ua hauj lwm. Tiv tauj rau koj tus tswv hauj lwm (tshwj xeeb mas yog Feem Hauj Lwm Saib Xyuas Neeg Ua Hauj Lwm uas saib xyuas qhov no) thiab nug seb koj yuav tuaj yeem tso npe nkag li cas.
Yog tias koj muaj cai tsim nyog tso npe tau los ntawm koj tus tswv hauj lwm, lawv yuav muaj peev xwm tso npe tau rau koj hauv ncua sij hawm kev tso npe tshwj xeeb rau qhov kev thov no.
Hnub nyoog qis dua 65 xyoo
Yog tias koj plam koj li Kev Pab Cuam Kho Mob los sis MinnesotaCare thiab yog tus neeg muaj hnub nyoog qis dua 65 xyoo, koj muaj cai tau txais Blue Cross thiab Blue Shield Tus Kheej thiab Tsev Neeg Cov Phiaj Xwm. Peb cov kws pab tswv yim tuaj yeem pab koj xaiv ib txoj ntawm cov phiaj xwm uas haum raws li qhov koj xav tau.
Hu rau: 1-866-426-2302
Hnub nyoog tsiab dua 65 xyoo
Yog tias koj tab tom poob koj Qhov Kev Pab Kho Mob los sis MinnesotaCare thiab muaj hnub nyoog siab dua 65 xyoo, koj yuav tsim nyog tso npe tau rau hauv Blue Cross thiab Blue Shield Medicare txoj phiaj xwm. Tiv tauj nrog ib tus kws pab tswv yim txhawm rau kawm paub ntau ntxiv txog koj cov kev xaiv txoj phiaj xwm thiab tso npe hauv ib txoj phiaj xwm.
Hu rau: 1-844-632-6162
Cov chaw pab qhov txheej txheem ntxiv sij hawm
Lub Chaw Hauj Lwm Saib Xyuas Kev Pab Cuam Tib Neeg cov chaw pab
Minnesota Lub Thawj Fab Saib Xyuas Hauj Lwm Kev Pab Cuam Tib Neeg muaj ntau cov chaw pab cuam txhawm rau pab ua qhov txheej txheem ntxiv sij hawm suav nrog Cov Twj Nrhiav Kev uas tuaj yeem pab koj tau nrog kev xa cov ntaub ntawv ntxiv sij hawm.
Siv cov lus qhia no kom paub txog thiab muaj kev nyab xeeb
- Ceev faj txog ib tus neeg uas nug txog koj cov ntaub ntawv ntiag tug, ntaub ntawv kho mob, thiab kev niaj txiag. Tsoom fwv cov chaw hauj lwm, cov chaw tuav pov hwm kev noj qab haus huv, thiab cov kws kho mob yuav tsis hais rau tib neeg kom muab nyiaj rau lawv los sis tsis nug txog ntaub ntawv ntiag tug. Lawv ib txwm tsis hais koj kom lees txais koj tus Npawb Xaus Saus, tus as khauj txhab nyiaj txiag, los sis daim npav credit, thiab lawv tsis hais koj kom muab nyiaj los sis them nyiaj rau daim npav khoom plig.
- Cov neeg uas pab koj ua cov txheej txheem ntxiv sij hawm yuav tsis hais kom koj them nyiaj los sis ntxias koj kom kos npe rau ib txoj phiaj xwm.