Blue Plus Minnesota Senior Care Plus (MSC+)

Txoj hauv kev los tso npe

• Hu los sis mus ntsib koj lub cheeb tsam nroog lub chaw hauj lwm pab cuam tib neeg 
• Hu rau Minnesota Health Care Programs ntawm (651) 431-2670 (hauv thaj chaw metro) los sis tus xov tooj hu dawb 1-800-657-3739, TTY 711, los sis hla Minnesota Relay qhov kev hu nkag ncaj qha ntawm 1-800-627-3529, TTY, kaw suab, ASCII, kev xa suab tawm, los sis 1-877-627-3848 (ib tug hais-rau-ib tug).
  Cov kev hu xov tooj no yog hu dawb.
• Rau npe hauv online los ntawm xeev Minnesota Lub Tsev Hauj Lwm Pab Cuam Tib Neeg  

Minnesota Senior Care Plus los ntawm Blue Plus yog muaj muab rau Minnesota txhua lub nroog.

Ntxiv txog kev tsim nyog tau txais

Tsis Muaj Tus Nqi txhua hli

Koj tsis tas them tus nqi hauv txhua hli (tus nqi tuav pov hwm) rau txoj phiaj xwm no.

MSC+ pab koj them rau:

• Kev kho mob - cov kev mus cuag kws kho mob, tshuaj noj, kev mus pw tom tsev kho mob thiab ntau yam ntxiv
• Kev kho hniav - kev kuaj mob, ntxuav tu thiab txhaws qhov hniav*
• Kev kho mob rau cov teeb meem kev kho mob hlwb thiab kev quav yeeb quav tshuaj thiab dej cawv
• Kev tiv thaiv saib xyuas kab mob - koob tshuaj tiv haiv khaub thuas, kev kuaj xyuas mob
• Kev kuaj qhov muag thiab tsom iav
• Cov kev kuaj kev hnov lus
• Kev saib xyuas mob kub ntxhov ceev

Tej zaum yuav muaj cov nqi kev sib koom them thiab lwm cov nqi txwv rai qee cov kev pab cuam. Txhawm rau mus saib rau kev raug pov thaiv cov ntsiab lus rau txoj phiaj xwm no, mus saib rau Tswv Cuab Phau Ntawv Qhia. Tswv Cuab Phau Ntawv Qhia yog daim ntawv uas piav qhia txog koj txoj phiaj xwm kho mob thiab yam uas nws pab them rau.

• Saib 2024 Tswv Cuab Phau Ntawv Qhia - Lus Askiv
• Tshuaj xyuas 2024 Tswv Cuab Phau Ntawv Qhia - Lus Spanish

Kws kho mob pab pawg koom tes

Pab pawg koom tes yog pab pawg ntawm cov kws kho mob thiab cov chaw kuaj mob uas tau txais kev pom zoo rau txoj phiaj xwm kho mob. Peb pab pawg rau Minnesota Senior Care Plus lub phiaj xwm muaj ntau txhiab tus kws kho mob, kws tshwj xeeb thiab chaw kuaj mob thoob plaws xeev Minnesota.

• Tshawb nrhiav cov kws kho mob hauv pab pawg

Xaiv tus kws kho mob xub thawj

Yog hais tias koj tau tso npe rau hauv qhov phiaj xwm no lawm, koj xaiv ib tus kws kho mob los sis chaw kuaj mob los ntawm lub phiaj xwm li pab pawg los ua koj tus kws kho mob xub thawj. Tus kws kho mob koj xaiv yuav paub koj thiab khaws koj cov ntaub ntawv nyob rau hauv ib qho chaw.

Cov kws tshaj lij

Cov kws tshaj lij yog cov kws kho mob uas kho cov mob tshwj xeeb xws li mob ua xua los sis ntshav qab zib. Koj tsis tas yuav tsum tau kev xa mus ntsib tus kws tshwj xeeb yog tias nws nyob hauv pab pawg. Koj yuav tsum tau them ntxiv yog tias koj siv tus kws kho mob uas tsis nyob hauv pab pawg koom tes.

Yuav tsum tau txais kev pom zoo rau qee cov kev kho mob los ntawm koj tus kws kho mob xub thawj thiab/los sis koj txoj phiaj xwm kho mob ua ntej koj tuaj yeem mus siv kev kho mob tau. Qhov no pab ua kom paub tseeb txog kev kho mob uas tau txais kev pab them los ntawm koj txoj phiaj xwm yog li ntawd koj thiaj li tsis tau txais cov ntawv sau nqi uas xav tsis txog.

Cov tsev kuaj mob Muab Kev Pab Cuam Kho Mob Rau Pab Pawg Neeg thiab Neeg Khab

Cov Neeg Khab tuaj yeem siv txuas mus ntxiv los sis pib siv cov chaw kuaj mob pab pawg neeg thiab Indian Health Services (IHS). Peb yuav tsis xav tau kev pom zoo ua ntej los sis ua kom muaj tej kev cai rau koj kom tau txais kev pab cuam nyob rau ntawm cov chaw kuaj mob no. Txhawm rau cov neeg rau npe uas muaj hnub nyoog 65 xyoo thiab siab dua qhov no suav nrog cov kev pab cuam Elderly Waiver (EW) uas nkag mus siv tau los ntawm pawg neeg. Yog tias tus kws kho mob los sis lwm tus neeg muab kev pab cuam kho mob hauv ib haiv neeg los sis IHS lub chaw kuaj mob xa koj mus rau tus kws kho mob hauv peb pab pawg, peb yuav tsis kom koj mus ntsib tus kws kho mob xub thawj hauv koj qhov phiaj xwm kho mob ua ntej xa mus.

Nrhia Cov kws kho hniav

Txoj phiaj xwm no duav roos cov kev pab cuam kho hniav theem pib, suav nrog kuaj xyuas hniav, ntxuav thiab ntsia hniav.

Rau kev saib xyuas kho hniav, siv phau ntawv kho hniav hauv online ntawm Delta Dental. Koj yuav tsum xaiv "Minnesota Select Dental Network" los saib cov kws kho hniav uas nyob hauv-pab pawg koom tes.

Tshawb nrhiav cov ntaub ntawv kho hniav hauv online

Los sis tus xov tooj hu dawb ntawm 1-800-774-9049, TTY 711, Hnub Monday - Hnub Friday 8 teev sawv ntxov txog 5 teev tsaus ntuj Sij Hawm Nruab Nrab

Nrhiav ib lub chaw muag tshuaj koom tes nrog hauv

Lub tsev muag tshuaj koom tes nrog yog cov npe ntawm cov khw muag tshuaj (cov khw muag tshuaj) uas koj tuaj yeem tau txais cov tshuaj ntawm tus nqi qis. Xaiv los ntawm ntau cov tsev muag tshuaj hauv peb pab pawg koom tes.

Tej zaum koj yuav tau them nyiaj ntau dua rau koj cov tshuaj yog tias koj tsis siv lub tsev muag tshuaj hauv peb cov koom tes nrog.

Tshawb nrhiav cov chaw muag tshuaj hauv cov koom tes nrog

Los sis tus xov tooj hu dawb ntawm 1-844-765-5939, TTY 711, 24 teev hauv ib hnub, xya hnub hauv ib lub lim tiam.

Daim ntawv xaj cov tshuaj

Qhov phiaj xwm kho mob no muaj cov npe tshuaj uas lub phiaj xwm pab them nqi. Nws hu ua tus qauv tshuaj. Koj tuaj yeem them nyiaj ntau dua rau cov tshuaj uas tsis tau teev npe hauv tus qauv tshuaj.

Tshawb nrhiav cov qauv tshuaj (cov npe tshuaj)

Saib 2024 qauv tshuaj (npe tshuaj)

Kev noj qab nyob zoo thiab nyab xeeb: cov koob tshuaj tiv thaiv kab mob thiab cov kev mus cuag kws kho mob rau kev nyob zoo

Tsis ntev los no, tej zaum yuav tsis hnov tias muaj kev nyab xeeb uas yuav mus cuag tus kws kho mob tshwj tsis yog tias koj los sis koj tus me nyuam yeej mob heev lawm xwb. Cov kev mus cuag kws kho mob rau kev nyob zoo pab cov kws kho mob nrhiav tau cov teeb meem thaum ntxov. Kev mus txais cov koob tshuaj tiv thaiv kab mob (txhaj tshuaj) kom ncav sij hawm yuav pab tawm tsam rau cov kev mob nkeeg uas pom feem ntau. Nrog koj los sis koj tus me nyuam tus kws kho mob tham txog txoj hauv kev uas zoo tshaj plaws kom ua tau raws sij hawm teem tseg nrog cov kev mus cuag kws kho mob txog kev nyob zoo thiab mus txhaj cov koob tshuaj tiv thaiv kab mob. Tau sau koj tus kws kho mob xub thawj (PCP) cia hauv koj daim npav ID tswv cuab thiab hauv koj qhov ntaub ntawv qhia txog koj hauv online.

Rau npe nkag mus saib los sis hloov pauv koj tus kws kho mob xub thawj tau

kev pab cuam thauj mus los ntawm BlueRide

BlueRide^SM muab cov kev duav roos kev kho mob, kho hniav thiab chaw muag tshuaj uas nyab xeeb thiab ntseeg siab tau rau koj mus ntsib nrog cov chaw kho mob hauv koj txoj phiaj xwm cov chaw kho mob koom tes nrog.

Kawm paub ntau ntxiv txog BLueRide Kev Thauj Mus Los

Kev txhais ntawv

Tau txais ib tus kws pab txhais lus rau koj qhov kev teem caij ntsib kws kho mob yog tias Lus Askiv tsis yog koj thawj hom lus.

Hu rau 1-800-711-9862, TTY 711.
Tus xov tooj yog hu dawb.

Kawm paub ntau ntxiv txog cov kev pab cuam txhais lus

Cov txheej txheem pab cuam tshwj xeeb

• Txoj Kab Txuas Mus Rau Peev Txheej Hauv Zej Zog - Thaum koj xav tau kev pab me ntsis ntxiv, nws tuaj yeem yog ib qho nyuaj kawg yuav paub tau tias yuav mus rau ib qho twg. Siv peb Txoj Kab Txuas Mus Rau Peev Txheej Hauv Zej Zog los mus nrhiav cov kev pab cuam pab dawb los sis tus nqi qis uas nyob ze koj.
• Lub Khoos Kas Thum Luam Yeeb - Hu rau 1-855-552-2583, TTY 711. Sij Hawm Ua Hauj Lwm: Hnub Monday - Hnub Thursday 8:30 teev sawv ntxov - 5:30 teev tsaus ntuj Central Time, Hnub Friday 8 teev sawv ntxov - 6 teev tsaus ntuj Central Time. Qhov no hu dawb xwb.
• Blue Plus Health Kev Ntsuas-Tus Kheej - Ua tiav qhov kev ntsuas kev noj qab haus huv hauv online yog li peb tuaj yeem txuas koj rau cov khoos kas uas tuaj yeem pab tuav tswj koj li kev saib xyuas. Koj yuav tau txais daim ntawv qhia txog tus kheej uas piav qhia txog qhov cuam tshuam ntawm txhua qhov kev pheej hmoo ntawm koj txoj kev noj qab haus huv.

Kev pab rau kev kho mob

• Kev saib xyuas hauv online - Nkag txog tau rau cov kws kho mob hauv online uas tuaj yeem teb cov lus nug, muab kev kuaj mob rau cov kev txhawj xeeb txog kev noj qab haus huv uas pom ntau thiab sau yuav cov tshuaj (thaum uas tsim nyog). Kawm paub ntxiv txog kev saib xyuas neeg mob nyob kev deb
• Tus kws saib xyuas neeg mob teb xov tooj - Tham nrog tus kws saib xyuas neeg mob 24 teev hauv ib hnub, xya hnub hauv ib lub lim tiam los pab koj kom tau txais cov lus teb rau koj cov lus nug ntsig txog kev noj qab haus huv. Hu rau tus xov tooj hu dawb 1-888-275-3974, TTY 711.
• Tus tswj hwm xwm txheej - Yog tias koj muaj kab mob tsis tu ncua, mob loj los sis raug mob, peb yuav pab ua kom koj nkag siab txog koj txoj kev kho mob thiab ua raws li koj txoj phiaj xwm kho mob. Tus tswj hwm xwm txheej yuav tiv tauj koj yog tias koj tsim nyog tau txais qhov kev pab cuam no
• Kev tswj kab mob - Cov thawj saib xyuas xwm txheej ua hauj lwm nrog koj hauv xov tooj los tsim cov hom phiaj kev noj qab haus huv, qhia kev paub rau koj txog koj li xwm txheej thiab pab koj tuav tswj ntawm koj li kev saib xyuas
• Behavioral health (kev pab cuam kho mob hlwb thiab kev kho siv tshuaj muaj yees) - Hu rau (651) 662-5545 los sis tus xov tooj hu dawb 1-800-711-9862, TTY 711, 8 teev sawv ntxov txog 5 teev tsaus ntuj Sij hawm nruab nrab, Hnub Monday txog Friday rau cov ntaub ntawv hais txog kev kho mob hlwb thiab kev sab laj txog kev quav yeeb tshuaj thiab dej cawv.
  
  Koj cov txiaj ntsig suav nrog cov kev pab cuam rau cov mob txog kev noj qab haus huv fab hlwb thiab kev coj cwj pwm xws li:
  • Cov kev pab cuam rau kev nyab xeeb ntawm tus cwj pwm rau tus neeg mob sab hauv thiab sab nraud
  • Kev pw kho hauv tsev kho mob qee feem
  • Cov kev pab cuam kho mob thiab kev kho kom rov zoo tuaj

Peb kuj tuaj yeem pab koj nrhiav tau tus kws tshaj lij tshwj xeeb txog kev noj qab haus huv fab kev coj cwj pwm thiab fab siab ntsws uas yuav saib koj thiab tus neeg uas koj hlub. Hu rau tus nab npawb saum toj no los sis koj tuaj yeem nrhiav tau ib tug los ntawm koj tus kheej nrog peb qhov cuab yeej Nrhiav Ib Tug Kws Khomob. 

Koj tsis tas muaj kev xa mus los ntawm koj tus kws kho mob xub thawj (PCP) kom mus cuag raug tus kws tshaj lij tshwj xeeb txog kev noj qab haus huv fab kev coj cwj pwm hauv koj txoj phiaj xwm. Muaj qee cov kev kho mob thiab cov kev pab cuam uas koj tus kws tshaj lij tshwj xeeb txog kev noj qab haus huv fab kev coj cwj pwm yuav tsum nug Blue Plus kom pom zoo ua ntej koj thiaj li tuaj yeem siv tau lawv. Saib koj phau ntawv qhia tswv cuab txhawm rau kawm paub ntau ntxiv txog koj cov txiaj ntsig thiab cov kev pab twg uas yuav tsum tau kev tso cai. Kawm paub ntxiv txog cov mob txog kev noj qab haus huv fab kev coj cwj pwm thiab fab mob hlwb.

• Phau Ntawv Qhia Txog Kev Noj Qab Haus Huv - Tau txais cov ntaub ntawv hais txog koj cov txiaj ntsig txoj phiaj xwm kho mob thiab kev pab cuam kev saib xyuas kho mob 24 teev hauv ib hnub, xya hnub hauv ib lub lim tiam

Rau cov lus nug txog txoj phiaj xwm no:

• Hu rau (651) 662-5545 los sis tus xov tooj hu dawb 1-800-711-9862, TTY 711, 8 teev sawv ntxov txog 5 teev tsaus ntuj Hnub Monday txog Friday. Qhov no yog hu dawb.
• Txheeb xyuas koj txoj phiaj xwm li Tswv Cuab Phau Ntawv Qhia kom paub cov ntaub ntawv ntxaws txog koj txoj phiaj xwm
• Nyeem "Cov Lus Qhia rau Koj Txoj Phiaj Xwm Kho Mob" hauv pob khoom txais tos uas tau xa tuaj rau koj tom qab koj tso npe
• Saib peb cov npe ntawm cov chaw pab cuam thoob plaws lub xeev ntawm minnesotahelp.info 
• Hu rau Senior LinkAge Line^® tus xov tooj hu dawb 1-800-333-2433, TTY 711
• Hu rau Tus Xov Tooj Muab Kev Pab Rau Kev Xiam Oob Qhab Ntawm LinkAge^TM tus xov tooj hu dawb 1-866-333-2466, TTY 711

Rau npe rau hauv lub vev xaib tswv cuab

• Txhawm rau pom koj tus kheej qhov phiaj xwm kho mob cov ntaub ntawv hauv online, sau npe rau los sis nkag rau hauv tswv cuab tus vev xaib

Nqa koj daim npav ID tswv cuab nrog nraim

Thaum uas koj mus cuag tus kws kho mob, nqa cov khoom no ua ke nrog koj:

• Koj daim npav ID tswv cuab rau qhov phiaj xwm kho mob Blue Plus
• Koj daim npav Medicare (yog tias koj muaj)
• Cov npav ID rau lwm qhov kev tuav pov hwm uas koj muaj

Kho koj tus xov tooj thiab chaw nyob kom raug raws li qhov tam sim no

Yog ib qho tseem ceeb uas koj yuav tsum tau nyeem tag nrho cov ntawv koj tau txais los ntawm koj lub nroog thiab los ntawm peb (koj txoj phiaj xwm kho mob). Tej zaum peb yuav nug koj txog cov ntaub ntawv uas xav tau los ua kom koj rau npe twj ywm nyob rau hauv koj txoj phiaj xwm kho mob. Yog tias koj tau hloov tus xov tooj los sis qhov chaw nyob lawm, thov hu rau koj lub nroog lub chaw ua hauj lwm tam sim ntawd.

Koj cov cai thiab cov luag hauj lwm

Kawm paub ntxiv txog koj txoj phiaj xwm kho mob hauv koj Daim Ntawv Ua Pov Thawj Txog Kev Pab Them Cov Nqi. Ntu 3 yog hais txog koj cov cai uas yog tus tswv cuab. Ntu 4 qhia txog koj cov luag hauj lwm.

Cov Kev Thov Kom Rov Txiav Txim Dua

Koj muaj cai los thov rau kev thov kom rov txiav txim dua yog tias koj tsis pom zoo nrog peb qhov kev txiav txim siab uas tsis kam lees, txo qis los sis tso tseg qhov kev pab cuam. Qhov kev thov kom rov txiav txim dua yog thaum uas koj thov kom peb rov saib dua ib zaug rau ntawm qhov kev saib xyaus uas peb tau tsis kam lees los ua kom paub tseeb tias peb tau ua qhov kev txiav txim siab uas raug lawm. Kawm paub ntau ntxiv txog koj cov kev muaj cai sau ntawv thov kev txiav txim dua