Tus as khauj HSA tsuas muaj cov phiaj xwm kev kho mob uas muaj nyiaj lov tawm siab nkaus xwb. Koj tuaj yeem siv tus as khauj HSA cov peev nyiaj los them rau cov nqi kev saib xyuas kho mob uas tsim nyog thiab rau tus nqi yus them yus uas koj txoj phiaj xwm kho mob tsis pab them. Txhawm rau los saib seb tus as khauj HSA puas haum rau koj, mus saib Further hauv (tus qub SelectAccount®).
1. Txuag cov nqi se
Koj tus as khauj HSA cov kev koom pab mus rau hauv koj tus as khauj ua ntej them se. Cov nyiaj uas koj txuag mus rau hauv koj tus as khauj HSA txo qis koj qhov nyiaj tau los uas yuav tsum them se - yog li ntawd koj thiaj li yuav them cov nqi se tsawg dua.
Piv txwv li:
Koj yog tus tub kawm hauv tsev kawm ntawv qib siab
Koj tus ncua nqi se: 10%
Koj tus as khauj HSA kev koom pab: $25/hli ($300/xyoo)
Koj txuag tau: $30 xyoo hauv cov nqi se (10% ntawm $300 = $30)
Koj yog tus kws tshaj lij hluas
Koj tus ncua nqi se: 15%
Koj tus as khauj HSA kev koom pab: $100/hli ($1200/xyoo)
Koj txuag tau: $180 xyoo hauv cov nqi se (15% ntawm $1200 = $180)
Koj yog tus kws tshaj lij uas yuav tsum tau so noj nyiaj laus
Koj tus ncua nqi se: 25%
Koj tus as khauj HSA kev koom pab: $300/hli ($3,600/xyoo)
Koj txuag: $900/xyoo hauv cov nqi se (25% ntawm $3,600 = $900)
2. Txuag koj cov nqi kho mob
Siv koj tus as khauj HSA cov peev nyiaj los them rau qhov nyiaj isalas sib nrog them ua ke, cov kev them nyiaj sib koom thiab koj qhov nyiaj lov tawm (tsis muaj se kiag li). Koj kuj tuaj yeem siv tus as khauj HSA cov peev nyiaj los them rau qee cov nqi uas koj txoj phiaj xwm tsis pab them, xws li kev kho hniav, kev ncab hniav thiab cov tsom iav. Saib cov nqi uas cuam tshuam nrog kev noj qab haus huv uas tsim nyog.
Yog tias koj siv tus as khauj HSA cov nyiaj rau cov nqi uas tsis tsim nyog, koj yuav them cov nqi se thiab qhov nqi nplua hauv cov nyiaj uas koj rho tawm. Yuav tsis muaj qhov nqi nplua ntxiv lawm pib rau thaum muaj hnub nyoog 65 xyoo.
3. Koj cov nyiaj ua hauj lwm hnyav dua qub hauv tus as khauj HSA
- Cov nyiaj haus tus as khauj HSA khwv tau cov phaj ntsig uas tsis muaj nqi se.
- Tus as khauj HSA cov peev nyiaj uas tsis tau muab siv twg yuav muab xa hla mus rau lwm lub xyoo tom ntej.
- Koj tuaj yeem them koj tus as khauj HSA cov nyiaj rau cov nqi kev saib xyuas kho mob uas tsim nyog, los sis txuag thiab muab lawv mus nqis peev rau yav tom ntej.
4. Koj tswj hwm tau
Koj txiav txim siab thaum twg thiab yuav siv los sis txuag cov nyiaj rau hauv koj tus as khauj HSA. Qhov nyiaj yeej yog koj li mus ib txhis. Nws tsis txawj tag sij hawm, thiab koj tuaj yeem nqa nws tau nrog koj yog tias koj hloov txoj hauj lwm los sis hloov mus rau lwm txoj phiaj xwm kho mob uas muaj nyiaj lov tawm siab.
5. Tus as khauj HSA yog kev nqis peev
Koj tuaj yeem muab ib feem ntawm koj tus as khauj HSA qhov nyiaj seem mus nqis peev hauv cov peev nyiaj sib koom, cov kev lag luam nyiaj txiag thiab cov ntawv cog lus ntawm tsoom fwv. Feem ntau, qhov kev xaiv no tsuas muaj thaum koj saib xyuas qee qhov nyiaj seem hauv tus as khauj.
6. Txuag nyiaj rau kev so noj nyiaj laus
Koj tuaj yeem siv koj tus as khauj HSA los txuag nyiaj rau kev so noj nyiaj laus. Thaum muaj hnub nyoog 65 xyoo, koj tuaj yeem siv cov peev nyiaj rau lub hom phiaj twg los tau yam tsis muaj kev nplua. Qhov nyiaj uas koj rho tawm los them rau cov nqi kev saib xyuas kho mob uas tsim nyog yeej tsis muaj nqi se txuas ntxiv mus. Koj kuj tseem tuaj yeem rho cov nyiaj tawm rau lwm cov laj thawj yam tsis muaj kev them rau kev nplua.
Kawm paub txog kev txuag nyiaj rau kev so noj nyiaj laus nrog tus as khauj HSA
Muaj cov ntawv thiab cov peev txheej ntxiv
Tus as khauj txuag nyiaj rau kev noj qab haus huv ua hauj lwm li cas
7 cov hauv kev los txuag nyiaj ntawm kev saib xyuas kho mob
Muaj ntau hom sib txawv ntawm cov as khauj siv nyiaj rau kev kho mob