Zoo siab txais tos rau koj qhov Blue Cross txoj phiaj xwm Dental tshiab. Peb lub hom phiaj yog los pab koj qhib siv koj txoj phiaj xwm yog li ntawd koj thiaj li tuaj yeem tau txais koj li txiaj ntsig ntau tshaj plaws. Txhawm rau los pab koj pib tau, cia peb coj koj kev mus ua tsib cov kauj ruam no.
1. Tsim tus as khauj tswv cuab hauv online
Txhawm rau saib koj qhov ntaub ntawv qhia txog txoj phiaj xwm kho hniav, suav nrog koj li kev raug pov thaiv thiab cov kev thov nyiaj rov qab, siv sij hawm me ntsis los rau npe rau hauv tus as khauj. Nyob ntawd koj yuav pom qhov ntaub ntawv qhia txog koj txoj phiaj xwm kho hniav. Lub vev xaib muaj kev ruaj ntseg, ua ntiag tug thiab siv tau yooj yim.
Tau txais cov ntaub ntawv tshiab tshaj plaws uas ntsig txog thiab niaj hnub hais txog koj qhov phiaj xwm:
- Saib cov kev thov nyiaj rov qab tsis ntev no
- Kuaj saib seb leej twg tau txais kev pab them, ua ke nrog cov nyiaj lov tawm, nyiaj isalas sib nrog them ua ke, txoj phiaj xwm cov nqi siab tshaj plaws thiab cov ncua sij hawm tos, yog tias muaj
- Nrhiav cov kws kho hniav hauv koj pab pawg koom tes (Sau cim tseg: Yog tias koj siv cov kws pab cuam nyob sab nraud ntawm pab pawg koom tes, koj yuav tsum tau them ntxiv)
- Nqa ib daim ntawv theej ntawm koj daim npav ID tswv cuab rau kev kho hniav
- Kawm paub txog cov lus qhia uas muaj txiaj ntsig zoo txog kev kuaj qhov ncauj
2. Khaws koj qhov Blue Cross txoj phiaj xwm Dental daim npav txheeb xyuas tus kheej ua ke nrog koj
Koj yuav tau txais koj txoj phiaj xwm kho hniav daim npav ID tswv cuab hauv kev xa ntawv pais xab nis kiag tom qab tau qhia meej txog koj li kev tso npe. Nco ntsoov nqa nws tuaj tham koj tuaj mus cuag koj cov kws kho hniav. Nws suav muaj qhov ntaub ntawv tseem ceeb txog koj cov txiaj ntsig:
- Koj lub npe thiab tus nab npab txheeb qhia txog tus kheej
- Hom ntawm txoj phiaj xwm kho hniav
- Cov lus qhia los pab rau cov kws kho hniav xa tau cov kev thov nyiaj rov qab
- Kev pab cuam rau cov qhua cov nab npawb rau koj thiab rau cov kws kho hniav
3. Tshuaj xyuas txog yam uas tau txais kev pab them hauv koj qhov Blue Cross txoj phiaj xwm Dental
Koj qhov kev raug pov thaiv sib txawv nce raws li txij phiaj xwm uas koj tau xaiv. Rau npe nkag mus rau tus as khauj ntawm tswv cuab hauv online mus saib txog cov ntsiab lus kev raug pov thaiv thiab kawm paub txog:
- Cov nyiaj lov tawm thiab nyiaj isalas sib nrog them ua ke hauv koj txoj phiaj xwm kho hniav
- Txoj phiaj xwm cov nqi siab tshaj plaws hauv koj txoj phiaj xwm kho hniav
- Cov nqi sib txawv hauv qhov uas koj yuav them uas yus them yus yog tias koj siv tus kws kho hniav sab hauv piv rau sab nraud pab pawg koom tes (koj yuav tsum tau them ntau dua yog tias koj mus siv nyob sab nraud pab pawg koom tes)
- Cov qauv piv txwv ntawm cov kev pab cuam kho hniav uas tsis tau txais kev pab them, xws li cov txheej txheem tshuaj pleev ntsej muag
4. Nrhiav cov kws kho hniav
Tam li yog Blue Cross tus tswv cuab ntawm txoj phiaj xwm Dental, koj tuaj yeem nkag tau rau United Concordia Advantage Plus 2.0 hauv teb chaws pab pawg koom tes, ib qho ntawm cov pab pawg koom tes rau kev kho hniav loj tshaj plaws hauv teb chaws. Koj tuaj yeem mus cuag tau tus kws kho hniav twg los tau, tab sis koj yuav txuag tau nyiaj dua yog tias koj xaiv cov kws kho hniav hauv pab pawg koom tes.
Nrhiav cov kws kho hniav hauv pab pawg koom tes.
Tsis pom koj cov kws kho hniav teev cia hauv daim ntawv npe lov? Koj tuaj yeem hais npe cov kws kho hniav kom koom nrog hauv pab pawg koom tes.
5. Tiv tauj peb rau qhov ntaub ntawv ntxiv
Yog tias koj muaj lus nug, tiv tauj rau chaw muab kev pab cuam rau cov qhua tau ntawm tus nab npawb nyob rau tom qab ntawm koj daim npav ID tswv cuab.
Paub ntxiv txog kev kho hniav
Kawm paub ntxiv txog kev saib xyuas hniav yam tsis tu ncua
8 cov lus qhia rau kev saib xyuas hniav thaum lub cev xeeb tub
Kev saib xyuas hniav rau cov me nyuam yaus
Saib xyuas koj tus mob ntshav qab zib thiab kev kuaj qhov ncauj mus ua ke