Los ntawm kev ua kom tiav Daim Ntawv Thov kev tso npe, kuv nkag siab tias kuv yuav xa daim ntawv thov tiag-tiag rau kev tso npe thiab kuv pom zoo raws li nqe hauv qab no:

• Kuv li kev kos npe rau hauv Daim Ntawv Thov no qhia tias kuv tau nyeem thiab nkag siab tag nrho cov nqe lus hauv qab no thaum thov rau kev raug pov thaiv kho hniav/kho qhov muag lawm dhau ntawm Blue Cross and Blue Shield of Minnesota (Blue Cross).
• Kuv nkag siab thiab pob zoo tias kev raug pov thaiv, yog tias tau txais kev pom zoo, yuav pib muaj raws li tau hais qhia meej hauv nplooj ntawv 4. Kuv tso cai rau Blue Cross los siv qhov ntaub ntawv los ntawm kuv cov tshwv los xa cov peev nyiaj hauv hluav taws xob ua ib zaug ntawm kuv tus as khauj los sis los khiav ntaub ntawv kev them nyiaj thaum muaj kev them nyiaj ntawm tshev. Thaum Blue Cross siv qhov ntaub ntawv hauv kuv daim tshev los xa cov peev nyiaj hauv hluav taws xob, yuav muab cov peev nyiaj rho tawm ntawm kuv tus as khauj sai li sai tau hauv tib hnub uas Blue Cross tau txais kuv daim tshev thiab kuv yauv tsis tau txais kuv daim tshev rov qab los ntawm kuv qhov xwm txheej nyiaj txiag.
• Kuv nkag siab tias yuav tau txais kev raug pov thaiv raws li daim ntawv cog lus rau ib tug neeg. Kuv nkag siab tias Blue Cross tsis muab kev duav roos rau ib leeg los ntawm tus tswv hauj lwm. Blue Cross tsis lav lees rau qhov kev ua twg uas tau ua los ntawm tus tswv hauj lwm uas ua rau qhov kev raug pov thaiv no tau txais kev xam tias yog kev raug pov thaiv ua pab pawg raws li lub xeev los sis tsoom fwv txoj kev cai lij choj. Tus tswv hauj lwm yuav lav lees ib leeg rau ib qho kev nrhia tau ntawd.
• Cov hom phiaj kom tau txais qhov ntaub ntawv ntsig txog Daim Ntawv Thov no, rov ua dau, los sis hloov pauv cov txiaj ntsig kev raug pov thaiv, daim ntawv tso cai no siv tau ntev li ntev tau uas thaum twg kuv tseem tau txais kev pab them los ntawm Blue Cross. Kuv muaj cai tau txais ib daim theem ntawm daim ntwav tso cai twg los xij uas kuv kos npe rau.
• Feem ntau Blue Cross yuav vam khom qhov ntaub ntawv uas tau muab los thiab kev nthuav tawm tag nrho ntawm qhov ntaub ntawv uas tau sau tseg hauv Daim Ntawv Thov no uas muaj kev txiav txim siab seb puas lees txais tus neeg thov thiab/los sis (cov) tus neeg nyob hauv kev saib xyuas tau sau tseg hauv Daim Ntawv Thov no rau kev raug pov thaiv. Kuv paub zoo txog qhov tseem ceeb ntawm kev muab kom tau qhov ntaub ntawv kom raug thiab kom txhij txhua. Kuv paub zoo tias kuv yuav tsum tau teb tag nrho cov nqe lus nug hauv Daim Ntawv Thov, txawm tias kuv thiab/los sis (cov) tus neeg nyob hauv kev saib xyuas uas tau sau tseg hauv Daim Ntawv Thov no twb muaj kev raug pov thaiv tam sim no los sis twb tau muaj kev raug pov thaiv nrog Blue Cross ua ntej los lawm. Kuv nkag siab tias kuv yuav tsum yog tus pej xeem uas nyob ruaj khov hauv xeev Minnesota kom muaj cai tau txais rau qhov kev raug pov thaiv no thiab ntawm no kuv lav lees tias txij li hnub uas pib siv tau ntawm kuv daim ntawv cog lus kuv yeej yog tus pej xeem uas nyob ruaj khov hauv xeev Minnesota thiab muaj cai rau qhov kev raug pov thaiv no. Kuv kuj nkag siab tias yog tias qhov kev lav lees no pom tau tias tsis yog qhov tseeb, Blue Cross yuav tshem tawm kuv daim ntawv cog lus thiab kev raug pov thaiv, thiab yuav tsis them cov kev thov nyiaj rov qab li. Kuv ua pov thawj ntxiv tias kuv tsis raug txhawb los sis qhia kom thov rau qhov kev pab duav roos no nrog rau ib qho kev muab los ntawm ib tus neeg thib peb uas tsis tsim nyog (tau piav qhia ntawm phab 1) kom them ncaj qha los sis tsis ncaj qha rau txhua yam los sis ib txhia ntawm cov nqi tuav pov hwm los sis cov nqi sib koom them.
• Kuv pom zoo ceeb toom rau Blue Cross kiag tam sim txog ib qho kev hloov pauv hauv kuv tus kheej los yog ib tus neeg nyob nrog cov ntaub ntawv tso npe nkag thaum hnub tim ntawm Daim Ntawv Thov no thiab siv tau txij hnub tim ntawm qhov kev duav roos. Kev tsis ceeb toom rau Blue Cross ntawm ib qho kev hloov pauv hauv cov ntaub ntawv muaj nyob rau hauv Daim Ntawv Thov no tuaj yeem ua rau muaj kev tsis kam lees qhov kev thov them nyiaj rov qab, tshem tawm daim ntawv cog lus, tshaj tawm daim ntawv cog lus hloov kho, los sis kev hloov kho nqi tuav pov hwm.
• Los ntawm kev muab qhov chaw nyob email, kuv pom zoo kom tau txais kev sib txuas lus thiab cov cuab yeej kev lag luam ntsig txog cov phiaj xwm kuv xaiv thiab cov khoom muaj los ntawm los sis tsim muaj los ntawm Blue Cross thiab nws cov chaw koom tes nrog. Kuv tuaj yeem tshem tawm los sis hloov kuv qhov chaw nyob email txhua lub sij hawm los ntawm kev ua raws li cov lus qhia suav nrog hauv txhua qhov kev sib txuas lus hauv email.
• Los ntawm kev muab tus npawb xov tooj, kuv pom zoo kom lees txais thiab tau txais kev sib txuas lus thiab cov cuab yeej kev lag luam ntsig txog txoj phiaj xwm uas kuv xaiv thiab cov khoom muaj los ntawm Blue Cross thiab nws cov chaw koom tes nrog, los ntawm cov ntawv xa tuaj los sis hu xov tooj rau kuv lub xov tooj thiab rau tus npawb xov tooj me/cov naj npawb tooj ntawm tes uas tau muab rau.
  • NCO TSEG: Kev xa ntawv hauv Email thiab xa kab ntawv tsis tuaj yeem raug lees tab rau kev ruaj ntseg los sis tsis muaj cov ntaub ntawv ua yuam kev uas tuaj yeem tab kaum, cuam tshuam, ploj, puas, tuaj txog lig los sis tsis tiav, los sis muaj cov kab mob. Thaum yog ib tus neeg tau txais email los sis xa kab ntawv los ntawm email los sis khoom siv tsis muaj kev ruaj ntseg, Blue Plus tsis lees txais kev lees tab rau ib qho kev ua yuam kev los sis kev tso tseg hauv cov ntsiab lus ntawm email los sis xa kab ntawv, uas tshwm sim los ntawm email los sis xa kab ntawv mus.
• Tom qab thov lawm, kuv pom zoo los hloov kho qhov ntaub ntawv ntxiv uas yuav tsum tau muab cuam tshuam txog kev muaj cai tau txais ntawm (cov) tus neeg nyob hauv kev saib xyuas twg uas tso npe rau kev raug pov thaiv. Kuv twb tau nyeem cov lus qhia, cov nqe lus thiab cov lus teb ua ntej no lawm thiab qhia tau tias yog qhov tseeb thiab txhij txhua rau kuv li kev paub thiab kev ntseeg uas zoo tshaj plaws. Kuv nkag siab tias kuv tus kheej los sis kuv cov neeg nyob nrog tsim nyog ua kev tso npe nkag thiab kev duav roos ntawm cov txiaj ntsig raws li qhov kev duav roos kho hniav los sis kho qhov muag no yuav tau nyob tos lub sij hawm los sis ncua sij hawm kaw kev rau npe. Kev duav roos kho hniav tej zaum kuj yog nyob rau ncua sij hawm nyob tos. Kuv nkag siab thiab pom zoo Blue Cross yuav ua raws li cov ntaub ntawv kuv tau muab hauv Daim Ntawv Thov no, uas cuam tshuam rau kev tsim nyog rau kev tso npe thiab tej zaum yuav ua rau muaj kev tsis kam lees cov kev thov them nyiaj rov qab, tshem tawm daim ntawv cog lus, muab daim ntawv cog lus hloov kho, los sis kev hloov kho nqi tuav pov hwm.
• Kuv nkag siab thiab pom zoo tias kev them nyiaj rau kev thov nyiaj rov qab tsis tiv thaiv txoj cai ntawm Blue Cross kom tsis kam lees txais cov kev thov nyiaj rov qab yav tom ntej los sis ua kev txiav txim twg uas nws xav tias tsim nyog lawm, suav nrog kev tshem tawm daim ntawv cog lus thiab nrhiav kev rov them nyiaj rau cov ntawv thov nyiaj rov qab uas twb tau them tag lawm.
• Kuv nkag siab tias Qhov Kev Pom Zoo no kho dua tshiab hauv txhua lub xyoo ib puag ncig. Kev lees paub tias yog tias tsis tau them kuv thawj qhov kev them nyiaj ua ke nrog Daim Ntawv Thov no, thawj qhov kev them tus nqi tuav pov hwm yuav txog sij hawm rau ntawm hnub txog sij hawm them uas tau sau cia hauv kuv thawj daim ntawv sau nqi. Kuv nkag siab tias kev tsis them ua ntej hnub tag sij hawm no yuav ua rau kuv Daim Ntawv Thov raug tshem tawm. Kuv nkag siab tias cov kev them nyiaj ua ntej ntawm qhov nyiaj yuav yog qhov ntseeg siab rau kuv cov kev them nyiaj lawm yav tom ntej. Kuv nkag siab tias yuav tsum tau txais thiab khiav tej ntaub ntawv them nyiaj kom tiav tso ua ntej yuav pib them tau cov kev thov nyiaj rov qab rau cov kev pab cuam uas tsim nyog twg uas tau txais. Kuv lees paub tias yog tias tsis tau txais kuv cov kev them nqi tuav pov hwm yam tsis tu ncua hauv ncua sij hawm kev them nyiaj ntawm txoj phiaj xwm, kuv txoj phiaj xwm yuav tau txais kev txiav tawm.

• Kev duav roos nqi kho hniav, koj tuaj yeem them rau koj cov nqi tuav pov hwm txoj phiaj xwm kho hniav txhua lub hlis ua ntej rau Blue Cross. Yog tias nws yooj yim, koj tuaj yeem them ntau dua li koj cov nyiaj txhua hlis. Peb yuav siv cov nyiaj tshaj hauv txhua lub hli hauv lub xyoo ntawd kiag. Cov nyiaj no yuav nce raws li kev nce tus nqi tuav pov hwm hauv hnub uas qhov kev nce ntxiv ntawm pib siv tau lawm.
• Rau kev duav roos nqi kho qhov muag, koj yuav tsum them koj txoj phiaj xwm kho qhov muag cov nqi tuv pov hwm txhua xyoo.
• Peb yuav tsum tau txais thiab khiav koj cov ntaub ntawv them tus nqi tuav pov hwm tag nrho ua ntej peb tuaj yeem them rau kev thov nyiaj rov qab rau cov kev pab cuam uas muaj cai tau txais twg uas koj tau txais. Yog tias tsis tau txais koj li kev them tus nqi tuav pov hwm hauv ncua sij hawm them tus nqi rau txoj phiaj xwm, koj txoj phiaj xwm yuav tau muab xaus. Hnub xaus kev pov hwm yauv nyob rau lub hli kawg nkaus uas peb tau txais koj li kev them nqi uas yuav tsum tau them. Yuav tsis ua cov kev thov nyiaj rov qab rau cov kev pab cuam uas tsim nyog tshwj tsis yog twb tau them koj cov nqi pov hwm tam sim no tag nrho lawm xwb.

Yog tias tau ua Daim Ntawv Thov no hauv daim ntawv hluav taws xob los sis hauv online, ob tog pom zoo rau kev ua qhov kev them nyiaj no hauv hluav taws xob tau.