Cov tswv cuab raug cog lus los ntawm cov kev txwv kev them nyiaj los ntawm tus neeg thib peb raws li cov ntsiab lus ntawm tsab cai/txoj phiaj xwm daim ntawv cog lus. Qhov ntaub ntawv ntxaws txog peb txoj cai kev them nyiaj ntawm tus neeg thib peb muaj nyob hauv peb Cov Cai Coj Ua Ntawm Tus Neeg Them Nyiaj Thib Peb (PDF). Txhawm rau los thov ib daim ntawv theej ntawm Cov Cai Coj Ua thov tiv tauj tus nab npawb hauv qab no.
HAIS TXOG COV FOOS: Txhawm rau qhib los sis sau cov foos hauv hom PDF, koj yuav tsum muaj Adobe Acrobat Reader. Puas muaj teeb meem qhib daim PDF? Saib cov lus qhia los ntawm Adobe.
Peb yuav lees txais kev them nyiaj los ntawm leej twg
Raws li yuav tsum tau ua raws li txoj kev cai lij choj thiab lus taw qhia ntawm txoj cai uas siv tau, Blue Cross yuav lees txais tus nqi tuav pov hwm thiab kev them nyiaj rau tus nqi sib koom them uas tau them sawv cev rau cov neeg tso npe los ntawm cov neeg/cov tuam txhab hauv qab no (raws li yog lub chaw tom kawg, lub chaw uas sau cov nqi tuav pov hwm los sis tus nqi sib koom them yam tsis tu ncua rau pab pawg ntawd):
- Lub Ryan White HIV/AIDS Qhov Txheej Txheem Pab Cuam
- Lwm cov txheej txheem pab cuam ntawm Tsoom Fwv thiab tsoom fwv hauv Xeev (los sis tus neeg txais kev pab nyiaj) uas muab kev txhawb nqa rau tus nqi tuav pov hwm thiab tus nqi sib koom them rau cov neeg tshwj xeeb
- Hais neeg Khab, cov koom haum rau haiv neeg me thiab cov koom haum Neeg Khab hauv nroog
- Cov tswv hauj lwm me uas tsim nyog ua Ib Tus Tswv Hauj Lwm Me Muaj Cai Tau Txais Cov Kev Npaj Them Nyiaj Rov Qab Kev Kho Mob (QSEHRA) raws li Tsab Cai 21st Century Cures (Minn. Stat. § 62L.12(m) )
- Cov tswv hauj lwm uas siv Daim Ntawv Npaj Them Nyiaj Rov Qab Kev Saib Xyuas Noj Qab Haus Huv (HRA) raug tso cai, txog qhov uas cov nyiaj them poob hauj lwm raug cai los ntawm HRA uas pab nyiaj rau pab pawg phiaj xwm kho mob raws li cov cai uas siv tau, uas tsis tau txais kev txiav txim los ntawm lub tsev hais plaub uas muaj kev txiav txim tau. Qhov no paub tias yog Tus Kheej Kev Raug Pov Thaiv kev Npaj Rau Kev Them Nyiaj Rov Qab Rau Kev Noj Qab Haus Huv (ICHRA).
Tsis tas li ntawd, Blue Cross yuav lees txais tus nqi tuav pov hwm thiab/los sis kev them nyiaj rau tus nqi sib koom them uas tau them sawv cev rau cov neeg tso npe los ntawm tus neeg thib peb uas tau txais Blue Cross kev pom zoo ua ntej los them cov nqi ntawd. Txhawm rau thov kev pom zoo, tus neeg them nyiaj thib peb yuav tsum ua kom tiav Daim Foos Tus Neeg Them Nyiaj Thib Peb (PDF) thiab xa mus rau Incoming.Service.Center@bluecrossmn.com los sis xa ntawv mus rau:
Blue Cross and Blue Shield of Minnesota thiab Blue Plus
PO Box 982811
El Paso, TX 79998
Peb tsis lees txais kev them nyiaj los ntawm leej twg
Tus neeg thib peb uas tsis tau sau tseg saum toj no (los sis los ntawm tus neeg uas tsis tau kom Blue Cross los lees txais kev them nyiaj ntawm tus neeg thib peb raws li txoj kev cai lij choj) tau txais kev xa mus rau tam li yog "cov tus neeg thib peb uas tsis tsim nyog." Rau cov hom phiaj ntawm kev qhia kom meej, tab sis tsis muaj kev txwv, Tam sim no Blue Cross tsis lees txais kev them nyiaj rau cov nqi tuav pov hwm los sis tus nqi sib koom them los ntawm cov tus neeg thib peb uas tsis muaj cai hauv qab no rau cov phiaj xwm uas nce raws li Blue Cross Cov Cai Coj Ua Hais Txog Tus Neeg Them Nyiaj Tus Neeg Thib Peb:
- Cov pab pawg ua kev lag luam (los sis hais txog paj ntsig) uas muaj cov paj ntsig fab nyiaj txiag ncaj qha los sis tsis ncaj qha los xij
- Cov tsev kho mob, thiab lwm cov chaw muab kev pab cuam kev saib xyuas kho mob (suav nrog, yam tsis muaj kev txwv, cov chaw pab cuaj khoom)
- Rau cov phiaj xwm uas pib siv tau hauv los sis tom qab Lub Ib Hlis 1, 2017, Peev Nyiaj Pab Kho Raum Rau Neeg Asmeskas (AKF)
- Cov tswv hauj lwm uas them cov nyiaj ntawd sawv cev rau cov tswv cuab ntawm txoj phiaj xwm rau ib tug neeg (suav nrog kev them nyiaj rau ib tug neeg uas yog ua hauj lwm-rau tus kheej rau nws li kev raug pov thaiv ntawm tus kheej)
Cov lus qhia txog kev ntseeg thiab lwm cov koom haum tsis muaj paj ntsig uas muaj cov paj ntsig fab nyiaj txiag ncaj qha los sis tsis ncaj qha kuj yuav tau txais kev xam tias yog cov tus neeg thib peb uas tsis muaj cai tau txais.
Daim ntawv teev npe no yuav muab hloov kho tshiab ua ntu zus ntawn Blue Cross li kev txiav txim siab ntawm tus kheej. Thov mus saib rau qhov Cov Cai Coj Ua Hais Txog Tus Neeg Them Nyiaj Tus Neeg Thib Peb (PDF) rau qhov lus piav qhia txog cov phiaj xwm uas nyob raws li txoj cai kev them nyiaj ntawm tus neeg thib peb no.
Yuav muaj dab tsi tshwm sim thaum muaj lwm tus neeg xav los them nyiaj
Blue Cross, hauv kev txiav txim siab ntawm nws tus kheej thiab raws li lus tawm qhia ntawm txoj kev cai lij choj thiab txoj cai uas siv tau, yuav tsis kam lees txais tus nqi tuav pov hwm thiab cov kev them nyiaj rau tus nqi sib koom them uas tau them ncaj qha los sis tsis ncaj qha** los ntawm lwm tus neeg los sis lwm qhov chaw los ntawm qhov uas tsis tau kom Blue Cross los lees txais tus nqi tuav pov hwm thiab/los sis cov kev them nyiaj rau tus nqi sib koom them los ntawm tus neeg thib peb raws li txoj cai lij choj. "Cov kev them nyiaj" suav nrog cov uas tau them los ntawm lwm cov hauv kev, piv txwv li: nyiaj ntsuab tshev, daim ntawv cog lus nyiaj, kev them nyiaj siv daim npav credit, kev xa peev nyiaj hauv hluav taws xob, lwm yam ntxiv.
Tus nqi sib koom them twg uas tau them los ntawm cov tus neeg thib peb uas tsis muaj cai tau txais yuav tsis muab suav mus rau cov neeg tso npe uas muaj nyiaj lov tawm los sis qhov nyiaj rho ntau tshaj plaws ntawm lub hnab. "Tus nqi sib koom them" suav muaj cov kev them nyiaj xws li cov nyiaj lov tawm, cov kev them nyiaj ua ke thiab nyiaj isalas sib nrog them ua ke. Blue Cross yuav ua cov kev hloov kho them suav rov qab mus rau tus as khauj rau cov kev them nyiaj twg uas tau them los ntawm cov pab pawg uas tsis muaj cai tau txais.
Qhia rau peb paub yog tias koj muaj cov kev hloov pauv twg
Koj yuav tsum ceeb toom rau Blue Cross kiag tam sim ntawd txog kev hloov pauv twg hauv qhov ntaub ntawv uas tau muab xa tuaj ntsig txog daim ntawv thov rau kev raug pov thaiv los sis lwm yam uas tau muab nrog hais txog kev them nyiaj ntawm tus neeg thib peb twg.
Vim li cas qhov no thiaj li tseem ceeb
Ib tug neeg twg los sis lub chaw twg uas ua txhaum rau cov kev txwv no thiab/los sis ua kev them nyiaj ntawm tus neeg thib peb uas tsis muaj cai tau txais twg uas tau piav qhia saum toj no yuav tau lav lees rau thiab yuav tsum tau them rov qab mus rau Blue Cross rau tag nrho cov nqi cuam tshuam nrog txoj phiaj xwm los sis txoj cai uas muaj feem xyuas cuam tshuam rau kev ua txhaum los sis kev them nyiaj uas tsis muaj cai tau txais.
Cov kev them nyiaj rau cov nqi tuav pov hwm thiab/los sis tus nqi sib koom them los ntawm cov tus neeg thib peb uas tsis muaj cai tau txais muaj qhov yuav ua kom tsim muaj cov kev tsis sib haum xeeb txog qhov paj ntsig, qhia tsis ncaj rau kev raug pov thaiv rau kev noj qab haus huv txog qhov kev pheej hmoo thiab muaj qhov kev pheej hmoo txog kev xaiv tsis zoo nce siab zuj zus. Qhov no muaj kev phom sij rau kev muaj sia rau lub sij hawm ntev txog txoj kev lag luam kev raug pov thaiv kev noj qab haus huv tag nrho thiab tuaj yeem ua rau cov nqi rau lub khw tag nrho nce siab tuaj.
Blue Cross saib xyuas txog kev txiav txim siab ntawm tus kheej hais txog nws li kev lees txais cov kev them nyiaj ntawm tus neeg thib peb. Blue Cross yuav ua cov kev hloov pauv rau nws li kev tuav tswj zoo tib yam tau txhua lub sij hawm thiab raws li qhov yuav tsum tau ua los txhawb nqa kev ua raws txoj cai lij choj thiab/los sis lus taw qhia txog txoj cai uas siv tau.
Puas muaj lus nug?
Yog tias koj muaj cov nqe lus nug txog txoj cai kev them nyiaj ntawm tus neeg thib peb no los sis seb Blue Cross puas yuav lees txais tus nqi tuav pov hwm thiab/los sis cov kev them nyiaj rau tus nqi sib koom them uas tau them los ntawm tus neeg los sis lub chaw tshwj xeeb, peb tuaj yeem pab tau.
Yog tias koj yog Blue Cross tus tswv cuab: Thov hu rau kev pab cuam rau cov qhua ntawm tus nab npawb nyob rau tom qab ntawm koj daim npav ID tswv cuab
Yog tias koj tsis yog Blue Cross tus tswv cuab: Thov hu rau 1-800-382-2000
**Cov kev them nyiaj tsis ncaj nraim muaj, xws li, tus neeg thib peb uas tsis muaj cai tau txais ua kev them nyiaj rau los sis tsis li ntawd them nyiaj rau tus neeg tso npe los tsos cai rau tus neeg tso npe los them cov nyiaj uas txoj sij hawm ntawm Blue Cross.